Aˇ dahˬ 24:26 - Akha

²⁶ Kʼoeˇ naˇ, zaˬ kʼaˆ kʼoeˇ gʼaˬ pawˬ tsuiꞈ pawˬ dmˬ dmˬ-awˇ, Sahˬpaˬ Miˬyehˇ-ahˇ uˬ duˬ tahˬ-euˬ meh.

Aˇ dahˬ 24:26 ပူးပေါင်းရင်းမြစ်များ

Aˇ dahˬ 22:5

Kʼoeˇ ngeh, aˬ yawꞈ-euˬ zaˬ kʼaˆ kʼoeˇ nyiˬ gʼaˬ-ahˇ Aˬbyaˬhaˬ ehˇ nehˬ-eu, “Naw nyaꞈ mahˬ tahˬ laˆ nehˬ-ehˇ heu gaˇ jawˇ tawˬ yaꞈ-awˬ. Ngaˬ li nga nyaꞈ kʼoeˇ gaˇ le-awˇ, Miˬyehˇ-ahˇ uˬ duˬ tahˬ leˇ la. Uˬ duˬ tahˬ gʼaˬ naˇ, naw nyaꞈ jawˇ gaˇ paˇ gʼoꞈ ka le ma.”

Aˇ dahˬ 24:25

Ngaˬ pehˬ zaˬ-euˬ nymˇ-ahˇ, jeˬ zaˬ gʼaˇ duˬ gʼo yoeˬ hawˇ-eu dzaˇ tiˬ byah ni jaˆ-awˇ, naw maꞈ gʼaˇ duˬ kʼawꞈ yaꞈ kʼaˇ za meh” lehˇ, Leˬbehˇkaꞈ ehˇ kʼoꞈ nehˬ-euˬ meh.

Aˇ dahˬ 24:48

Kʼoeˇ naˇ, ngaˇ pawˬ tsuiꞈ pawˬ dmˬ dmˬ-awˇ, Sahˬpaˬ Miˬyehˇ-ahˇ uˬ duˬ tahˬ-euˬ ma. Ngaˬ-ahˇ ngaˬ-euˬ baw leˬ-euˬ aˬ yuiꞈ aˬ nyiˇ deuˬ jawˇ gaˇ dawˇ coe ni sheuˬ keuˆ nehˬ laꞈ-awˇ, ngaˬ-euˬ baw leˬ-euˬ aˬ li gʼaˇ duˬ aˬ yawꞈ-euˬ aˬ buˇ-ahˇ ya mawˇ-euˬ miˇ neh, ngaˬ-euˬ baw leˬ Aˬbyaˬhaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ ja ceuˬ dui dui-eu ma.

Aˇ dahˬ 24:52

Aˬbyaˬhaˬ-euˬ zaˬ kʼaˆ kʼoeˇ gʼaˬ dawˬ kʼoeˇ dawˬ-ahˇ ya gaˬ ngeh, pawˬ tsuiꞈ pawˬ dmˬ dmˬ-awˇ awˆ byaˆ-eu laꞈ kʼoeˇ, Sahˬpaˬ Miˬyehˇ-ahˇ uˬ duˬ tahˬ-euˬ meh.

1 Laˬsaˬbaˬ 29:20

Kʼoeˇ naˇ, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ” lehˇ, tsawˇ haˬ aˇ maꞈ-ahˇ Daˬbiˇ ehˇ nehˬ-euˬ meh. Tsawˇ haˬ aˇ maꞈ dawˬ tawˆ luꞈ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-euˬ meh. Kʼoeˇ naˇ, aˬ yawꞈ maꞈ awˆ byaˆ-awˇ, Sahˬpaˬ Miˬyehˇ hawˇ-eu aˬ yawꞈ-euˬ sahˬ paˬ-ahˇ yaw zeu baw nehˬ-euˬ meh.

2 Laˬsaˬbaˬ 20:18

Kʼoeˇ naˇ, sahˬ paˬ Yeˬhawˇshaˬpaˇ baˬ ba miˇ tsa tuˆ ni awˆ byaˆ-awˇ, tsawˇ haˬ dawˬ tawˆ luꞈ aˬ yawꞈ nehˬ-ehˇ awˆ byaˆ-awˇ, Sahˬpaˬ Miˬyehˇ-ahˇ uˬ duˬ tahˬ-euˬ meh.

2 Laˬsaˬbaˬ 29:30

Kʼoeˇ naˇ, sahˬ paˬ hawˇ-eu miˇ kʼahˬ-ahˇ aˬ yuiꞈ aˬ tsu geuꞈ-eu deuˬ, Leˬbiˇ tsawˇ haˬ deuˬ-ahˇ, “Daˬbiˇ hawˇ-eu Miˬyehˇ gʼaˇ duˬ ngehˬ dah-eu Aˬsaˆ neh boꞈ-euˬ, Sahˬpaˬ Miˬyehˇ-ahˇ ja ceuˬ-eu caˇ dawˬ caˇ-awˬ” lehˇ ehˇ nehˬ-euˬ meh. Kʼoeˇ ngeh, tsawˇ haˬ yawˬ gʼaˬ na luꞈ laˬ kʼaˬ cehˇ taˆ ni caˇ dawˬ caˇ-eu laꞈ kʼoeˇ, pawˬ tsuiꞈ pawˬ dmˬ dmˬ-awˇ Miˬyehˇ-ahˇ uˬ duˬ tahˬ-euˬ meh.

Neˬhaˬmiˇ 8:6

“Huiˬ dui mahˇ dui dui-eu Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ” lehˇ Eˇzaˬlaˬ ehˇ ngeh, tsawˇ haˬ dawˬ tawˆ luꞈ aˬ laꞈ baꞈ diˇ-awˇ, “Aˬ miˬ, aˬ miˬ” lehˇ ehˇ-eu meh. Aˬ yawꞈ maꞈ baˬ ba miˇ tsa tuˆ ni pawˬ tsuiꞈ pawˬ dmˬ dmˬ-awˇ uˬ duˬ tahˬ-euˬ meh.

Jaceuq 22:29

Nui ma kʼaˇhuiˬ-eu tsawˇhaˬdeuˬ, aˬyawꞈ-ahˇya tahˬshaˇlaˇ-awˇ, shaˬjehˆneh tehˆ-euˬmiˇtsaˬzaˬ, aˬyawꞈmehˬshi ya awˆbyaˆmeh.

Jaceuq 66:4

Miˇ tsaˬ zaˬ yawˬ gʼaˬ na luꞈ nawˬ-ahˇ ja ceuˬ-eu meh. Nawˬ-ahˇ aˬ yawꞈ maꞈ caˇ-awˇ ja ceuˬ-eu meh. Nawˬ-euˬ tsawˇ myahˇ-ahˇ aˬ yawꞈ maꞈ caˇ-awˇ ja ceuˬ-eu meh lehˇ ehˇ nehˬ-awˬ.

Jaceuq 72:9

Kʼaˇ shuiꞈ deh-ahˇ jawˇ-eu tsawˇ jeuˬ deuˬ aˬ yawꞈ mehˬ shi awˆ byaˆ-awˇ, aˬ yawꞈ-ahˇ muiˇ-eu deuˬ kʼaˬ lehˇ lehˇ-iˇ luꞈ-uˇ.

Jaceuq 95:6

Laˇ-awˬ. Aˬ dui dawˬ tawˆ luꞈ awˆ byaˆ-awˇ, aˬ yawꞈ-ahˇ uˬ duˬ tahˬ kaˇ-euˇ. Aˬ dui-ahˇ beh-euˬ yaw sahˇ Sahˬpaˬ Miˬyehˇ mehˬ shi, pawˬ tsuiꞈ pawˬ dmˬ dmˬ kaˇ-euˇ.

Doˆ-iˇ 12:27

naw maꞈ heu loꞈ-ehˇ ya ehˇ mehˬ nehˬ tehꞈ-a. ‘Bawˬ-iˬ heu hmˬ-euˬ dawˬ tsuiꞈ-aˬ, Sahˬpaˬ Miˬyehˇ-ahˇ taˬ huiˬ taˬ mahˇ-eu laꞈ kʼoeˇ mˇ-eu buˬ-iˇ law-iˇ-eu lawˇ-eu shehˇ-eu jeˬ pyeuꞈ-eu meh. Aˬ jeˬ miˇ neh ehˇ naˇ, Iˇjiˇtuˆ miˇ kʼahˬ laꞈ kʼoeˇ, Iˇsaˬleˬlaˆ tsawˇ haˬ deuˬ-euˬ nymˇ deuˬ-ahˇ Sahˬpaˬ Miˬyehˇ bi buˬ bi law-iˇ-euˬ meh. Iˇjiˇtuˆ tsawˇ haˬ deuˬ-ahˇ aˬ yawꞈ sehꞈ-awˇ, aˬ dui maꞈ-ahˇ bi law-iˇ nehꞈ laꞈ-euˬ meh’ lehˇ ya ehˇ mehˬ nehˬ tehꞈ-a.” Kʼoeˇ ngeh, Iˇsaˬleˬlaˆ tsawˇ haˬ deuˬ pawˬ tsuiꞈ pawˬ dmˬ dmˬ-awˇ, uˬ duˬ tahˬ-euˬ meh.

Doˆ-iˇ 34:8

Moˇseˬ miˇ tsaˬ-ahˇ yaw kawˇ-ehˇ awˆ byaˆ-awˇ uˬ duˬ tahˬ-euˬ meh.

Doˆ-iˇ 4:31

Kʼoeˇ ngeh, tsawˇ haˬ kʼoeˇ deuˬ jah laˇ-awˇ, Iˇsaˬleˬlaˆ tsawˇ haˬ deuˬ jawˇ gaˇ Sahˬpaˬ Miˬyehˇ oe-awˇ, aˬ yawꞈ maꞈ ya daˬ luꞈ-eu jeˬ-ahˇ mawˇ gʼaˬ-euˬ gaˇ kawˆ ya gaˬ ngeh, aˬ yawꞈ maꞈ miˇ tsaˬ-ahˇ awˆ byaˆ-awˇ, Sahˬpaˬ Miˬyehˇ-ahˇ uˬ duˬ tahˬ-euˬ meh.

Miˇkaˬ 6:6

Mˬ taˆ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ uˬ duˬ tahˬ laˇ ngeh, aˬ yawꞈ gʼaˇ duˬ aˬ jeˬ ya hehˇ laꞈ nmˇ. Muiˬ dui dui-eu mawˇ neˇ mawˇ zaˬ tsahˇ laꞈ-awˇ, miˬ dzaˬ-ahˇ dzah puiˆ-awˇ ya lawˇ nehˬ nmˇ loˇ.

Piˇliˇpiˆ 2:10

Mˬ miˇ hawˇ-eu miˇ oˆ keuˆ ni, pawˬ tsuiꞈ dawˬ tawˆ pawˬ dmˬ dmˬ-awˇ, Yeˬsuˇ tsawˇ myahˇ ciˬ huiˬ tehꞈ-a.

Yaˇ kʼaˬ daˇ 7:15

Tsawˇ haˬ kʼoeˇ gʼaˬ-euˬ yuꞈ maˆ hawˇ-eu yuꞈ maˆ dawˬ tsuiꞈ kʼoeˇ-ahˇ Giˇdoˬ ya gaˬ ngeh, pawˬ tsuiꞈ paw dmˬ dmˬ-awˇ, Miˬyehˇ-ahˇ uˬ duˬ tahˬ-euˬ meh. Kʼoeˇ naˇ, Iˇsaˬleˬlaˆ taˆ-ahˇ aˬ yawꞈ paˇ gʼoꞈ le-awˇ, “Tuˇ-awˬ. Miˇdiˬyaˬ tsawˇ haˬ-euˬ taˆ-ahˇ gʼaˬ leˇ-eu jeˬ, naw maꞈ-ahˇ Sahˬpaˬ Miˬyehˇ biꞈ laꞈ gʼaˬ-euˬ meh” lehˇ ehˇ nehˬ-euˬ meh.

1 Saˬmeuˬlaˆ 1:28

Kʼoeˇ miˇ neh, Sahˬpaˬ Miˬyehˇ-ahˇ aˬ li heu li a nehˬ-eu ma. Aˬ yawꞈ kʼaˇ dehꞈ-eu tiˬ ziˇ Sahˬpaˬ Miˬyehˇ-ahˇ biꞈ tsehˆ nehˬ yaꞈ-eu ma.” Kʼoeˇ naˇ, aˬ yawꞈ maꞈ kʼoeˇ gaˇ Sahˬpaˬ Miˬyehˇ-ahˇ uˬ duˬ tahˬ-euˬ meh.