Aˇ dahˬ 24:22 - Akha

²² Leˬbehˇkaꞈ law taw-ahˇ iˇ cuꞈ bi dawˇ gʼaˬ ngeh, zaˬ kʼaˆ kʼoeˇ gʼaˬ zaˬ miˬ zaˬ-euˬ naˇ mehˇ-ahˇ geuꞈ-eu aˇ poeˬ kʼaˆ-eu shuiˇ laꞈ behˬ yuˇ doˆ-awˇ, Leˬbehˇkaꞈ-euˬ naˇ mehˇ-ahˇ bi geuꞈ-euˬ meh. Shuiˇ laꞈ duꞈ nyiˬ duꞈ paˇ yuˇ doˆ-awˇ, Leˬbehˇkaꞈ-euˬ laꞈ du-ahˇ nyehꞈ duꞈ nehˬ-euˬ meh.

Aˇ dahˬ 24:22 ပူးပေါင်းရင်းမြစ်များ

Aˇ dahˬ 24:10

Aˬbyaˬhaˬ-euˬ pyuˇ shuiˇ myawˬ gahˬ dawˬ tawˆ luꞈ-ahˇ haw-eu pyaˆ-eu zaˬ kʼaˆ kʼoeˇ gʼaˬ, Aˬbyaˬhaˬ-euˬ law taw tseˇ mawˇ teh-awˇ, Maˬsoˬpoˬtaˬmiˇ miˇ kʼahˬ laꞈ taˆ paw jaˆ-eu Naˬkawˬ jawˇ-eu meuˬ-ahˇ le-euˬ meh.

Aˇ dahˬ 24:23

“Nawˬ da aˬ suˇ gʼaˬ-a lehˇ ngaˬ-ahˇ tiˬ poˆ ehˇ nehˬ laꞈ sheˇ. Nawˬ da-euˬ nymˇ laꞈ kʼoeˇ ngaˇ hawˇ-eu ngaˬ-euˬ tsawˇ haˬ deuˬ yaꞈ kʼaˇ za meh loˇ” lehˇ, Leˬbehˇkaꞈ-ahˇ aˬ yawꞈ naˇ haˬ-euˬ meh.

Aˇ dahˬ 24:30

Aˬ yawꞈ dmˇ ma-euˬ naˇ mehˇ-ahˇ geuꞈ luꞈ-eu shuiˇ laꞈ behˬ-ahˇ maˬ ehˇ, laꞈ du-ahˇ duꞈ taˬ-euˬ shuiˇ laꞈ duꞈ-ahˇ maˬ ehˇ, aˬ yawꞈ ya mawˇ gʼaˬ-euˬ uˬ taꞈ, tsawˇ haˬ kʼoeˇ gʼaˬ aˬ yawꞈ-euˬ dmˇ ma-ahˇ aˬ joˆ-ehˇ ehˇ nehˬ-euˬ gaˇ kawˆ aˬ yawꞈ-euˬ dmˇ ma paˇ dzawˇ poˆ gaˇ aˬ yawꞈ ya gaˬ-euˬ meh. Kʼoeˇ ngeh, lah duˬ dawˬ peh law taw deuˬ nehˬ-ehˇ yawꞈ luꞈ-eu Aˬbyaˬhaˬ-euˬ zaˬ kʼaˆ jawˇ gaˇ aˬ yawꞈ iˇ-euˬ meh.

Aˇ dahˬ 24:47

‘Nawˬ da aˬ suˇ gʼaˬ-a’ lehˇ aˬ yawꞈ-ahˇ ngaˇ naˇ haˬ ngeh, ,‘Ngaˬ da-aˬ, Naˬkawˬ hawˇ-eu Miˇlaˬkah-euˬ aˬ li Beˬtuˬlaˇ meh’ lehˇ aˬ yawꞈ ehˇ-eu meh. Kʼoeˇ ngeh, aˬ yawꞈ-euˬ naˇ mehˇ-ahˇ shuiˇ laꞈ behˬ bi geuꞈ-awˇ, aˬ yawꞈ-euˬ laꞈ du-ahˇ shuiˇ laꞈ duꞈ nyehꞈ duꞈ nehˬ-euˬ ma.

Aˇ dahˬ 24:53

Kʼoeˇ naˇ, dm gʼaˬ dm lmˇ hawˇ-eu pyuˇ myawˬ guˇ, shuiˇ myawˬ guˇ deuˬ aˬ yawꞈ yuˇ doˆ-awˇ, Leˬbehˇkaꞈ-ahˇ biꞈ-euˬ meh. Leˬbehˇkaꞈ-euˬ aˬ mahˇ aˬ da hawˇ-eu aˬ ma gʼaˬ-ahˇ kʼawꞈ, aˇ poeˬ kʼaˆ-eu myawˬ deuˬ aˬ yawꞈ biꞈ-euˬ meh.

Iˇsaˬtaˆ 5:1

Iˇsaˬtaˆ-aˬ, aˬ yawꞈ maˬ dzaˬ maˬ dawˇ ni lah-euˬ smˬ nah tiˬ nah keuˆ laˇ ngeh, sahˬ paˬ miˬ zaˬ dm-eu mehˬ tsoeˬ dm-awˇ, dzoeˬ dzaˬ nuiˇ mahˬ jaˆ-eu lawˆ-euˬ mehˬ shi, laꞈ kʼoeˇ lawˆ-ahˇ le-awˇ yawꞈ leˇ-euˬ meh. Sahˬ paˬ-aˬ, laꞈ kʼoeˇ jaˆ-eu dzoeˬ dzaˬ nuiˇ mahˬ-ahˇ laˆ gʼoˆ paw pyawˇ-ehˇ nuiˇ luꞈ-eu meh.

Yawˇbaˆ 28:1

Pyuˇ duˬ-eu duˬ kʼahˬ deuˬ jaˆ-awˇ, shuiˇ baw guiˇ-awˇ laˆ shawˇ-eu jawˇ duˬ deuˬ jaˆ-eu meh.

Yeˬlaˬmiˇ 2:32

Zaˬ miˬ aˬ buˇ tiˬ gʼaˬ yawˬ ha-euˬ laꞈ duꞈ lahˇ dah-ahˇ ngehˇ nmˇ loˇ. Smˇ miˇ iˇ-eu zaˬ miˬ oeˇ mˇ baˇ-eu mehˬ tsoeˬ ngehˇ kʼmˬ nmˇ loˇ. Ehˇ kʼawꞈ aˇ nah aˇ yamˬ maˬ gui jiˇ coeˇ gaˇ keuˆ ni, ngaˬ-euˬ tsawˇ haˬ ngaˬ-ahˇ ngehˇ byoˆ-euˬ meh.

Yeˬlaˬmiˇ 32:9

Haˬnaˬmeˬlaˇ-euˬ deh yaˇ kʼoeˇ kawˬ ngaˇ zeuˇ-awˇ, pyuˇ maˇ byaˆ tseˇ shiꞈ byaˆ gui nehˬ-euˬ ma.

1 Beˬtuˆluˆ 3:3

Uˬ duˬ tsehˇ kahˇ aˇ dzehˬ dzeuˇ ni laˆ muiˬ-eu laꞈ kʼoeˇ maˬ ehˇ, shuiˇ laꞈ duꞈ duꞈ, shuiˇ lahˇ dah dah-eu laꞈ kʼoeˇ maˬ ehˇ, mehˬ tsoeˬ yaw poeˬ dm-eu laꞈ kʼoeˇ maˬ ehˇ, laꞈ nyiˇ gʼawˇ mawˇ aˇ gʼehˇ laˆ muiˬ-eu maˬ tsaˬ-a.

1 Beˬtuˆluˆ 3:8

Aˇ saˬ saˬ-eu dawˬ-aˬ, heu loꞈ-ehˇ ma. Naw maꞈ nui noeˬ taꞈ-awˇ, nui ma gm-awˬ. Ti gʼaˬ tiˇ gʼaˬ aˬ yuiꞈ aˬ nyiˇ loꞈ-ehˇ gaˬ-awˬ. Tiˬ gʼaˬ tiˇ gʼaˬ gʼawˬ shaˬ gaˬ-awˇ nui nahˬ nui yu ahˇ-awˬ.