Aˇ dahˬ 24:15 - Akha

¹⁵ Aˬ yawꞈ guiˬ lahˬ shaˇ gʼaˬ-eu maˬ dah ni, Leˬbehˇkaꞈ muiˇ deuˇ oeˬ lahˬ tiˬ siˬ baꞈ-awˇ, lah duˬ-ahˇ oe keuˆ taˬ-euˬ meh. Leˬbehˇkaꞈ-aˬ, Beˬtuˬlaˇ-euˬ aˬ buˇ pyeuꞈ-eu meh. Beˬtuˬlaˇ-aˬ, Aˬbyaˬhaˬ-euˬ aˬ nyiˇ Naˬkawˬ hawˇ-eu Miˇlaˬkah aˬ nyaꞈ dzeˇ zaˬ-euˬ aˬ li pyeuꞈ-eu meh.

Aˇ dahˬ 24:15 ပူးပေါင်းရင်းမြစ်များ

Aˇ dahˬ 11:27

Heu deuˬ-aˬ, Aˬbyaˬ, Naˬkawˬ, Haˬlaˬ aˬ ha mehˇ nmˇ-euˬ aˬ da pyeuꞈ-eu Teˬlah-euˬ zaˬ deuˬ uˆ deuˬ meh. Haˬlaˬ-aˬ, Lawˇtaˬ-euˬ aˬ da meh.

Aˇ dahˬ 11:29

Aˬbyaˬ-aˬ, Saˬlehˇ-ahˇ sheuˬ dahˬ dzaˬ-awˇ, Naˬkawˬ gʼaˬ Haˬlaˬ-euˬ aˬ buˇ Miˇlaˬkah-ahˇ sheuˬ dahˬ dzaˬ-euˬ meh. Haˬlaˬ-aˬ, Iˇsaˬkah-euˬ aˬ da kʼawꞈ pyeuꞈ-eu meh.

Aˇ dahˬ 21:14

Yawˬ nah yawˬ uˬ shawˬ yaw naꞈ-ehˇ, dzaˬ dzaˬ dawˇ dawˇ maˬ ehˇ, iˇ cuꞈ tiˬ byah ni dahˬ-eu shaˬ kʼoˆ iˇ puˬ maˬ ehˇ, Aˬbyaˬhaˬ laˆ dawˆ-awˇ, Haˬgaˬlaˇ-ahˇ biꞈ-euˬ meh. Kʼoeˇ naˇ, Iˇshaˬmeˬlaˇ-ahˇ Haˬgaˬ laˇ-euˬ naˇ kʼah nyehꞈ euˬ nehˬ-awˇ, gaˇ mahˇ kaˬ gaˇ bi iˇ byoˆ gʼeh-euˬ meh. Haˬgaˬlaˇ iˇ byoˆ gʼeh-awˇ, Beˬlaˇsheˬba bawˇ tsahˬ bawˇ dahˇ laꞈ kʼoeˇ, doe doe-ehˇ cah cah-ehˇ jawˇ-euˬ meh.

Aˇ dahˬ 24:14

Nawˬ-euˬ muiˇ deuˇ oeˬ lahˬ baꞈ ka-awˇ, ngaˬ-ahˇ iˇ cuꞈ ui cuiˆ bi dawˇ laꞈ sheˇ lehˇ, zaˬ miˬ aˬ buˇ tiˬ gʼaˬ-ahˇ ngaˇ ehˇ nehˬ haw ngeh, Dawˇ-awˬ. Nawˬ-euˬ law taw deuˬ-ahˇ kʼawꞈ, ngaˇ iˇ cuꞈ kʼawꞈ nehˬ ma lehˇ aˬ yawꞈ ehˇ naˇ, zaˬ miˬ aˬ buˇ zaˬ guˬ kʼoeˇ gʼaˬ-aˬ, nawˬ-euˬ zaˬ kʼaˆ Iˇtsaˆ gʼaˇ duˬ nawˬ neh tseˇ doˆ taˬ-euˬ gʼaˬ pyeuꞈ tehꞈ-a. Kʼoeˇ loꞈ-ehˇ pyeuꞈ laˇ naˇ, ngaˬ-euˬ baw leˬ-ahˇ nawˇ saˇ jaˇ ziꞈ-eu gaˇ kawˆ ngaˇ ya siˬ duˬ tehꞈ-a.”

Aˇ dahˬ 24:24

“Ngaˬ da-aˬ, Naˬkawˬ hawˇ-eu Miˇlaˬkah-euˬ aˬ li Beˬtuˬlaˇ meh.

Aˇ dahˬ 24:45

Ngaˬ-euˬ nui ma laꞈ kʼoeˇ kʼoeˇ loꞈ-ehˇ guiˬ lahˬ shaˇ gʼaˬ-eu maˬ dah ni, Leˬbehˇkaꞈ muiˇ deuˇ oeˬ lahˬ baꞈ-awˇ oe keuˆ taˬ-euˬ meh. Aˬ yawꞈ lah duˬ-ahˇ iˇ cuꞈ kʼawꞈ-iˇ ngeh, ‘Ngaˬ-ahˇ iˇ cuꞈ ui cuiˆ bi dawˇ laꞈ sheˇ’ lehˇ, aˬ yawꞈ-ahˇ ngaˇ ehˇ nehˬ-euˬ ma.

Aˇ dahˬ 25:20

Iˇtsaˆ-aˬ, Laˬbaˬ-euˬ dmˇ ma Leˬbehˇkaꞈ-ahˇ sheuˬ ngeh, aˇ kʼoꞈ oeˬ tseˇ byah laˇ-euˬ meh. Leˬbehˇkaꞈ-euˬ aˬ da-aˬ, Beˬtuˬlaˇ lehˇ myahˇ-euˬ Maˬsoˬpoˬtaˬmiˇ miˇ kʼahˬ-ahˇ jawˇ-eu Aˬlamˬ tsawˇ jeuˬ pyeuꞈ-eu meh.

Aˇ dahˬ 29:5

“Laˬbaˬ-ahˇ naw maꞈ siˬ nya ma loˇ” lehˇ aˬ yawꞈ paˇ naˇ haˬ-iˬ ngeh, “Siˬ nya ma” lehˇ aˬ yawꞈ maꞈ paˇ ehˇ kʼoꞈ nehˬ-euˬ meh.

Aˇ dahˬ 29:9

Aˬ yawꞈ maꞈ-ahˇ Yaˬkoˆ dawˬ ngehˬ cawˬ luꞈ ngeh, Laˬkeˬlaˇ yawˇ yawˇ maꞈ tiˬ maꞈ teh-awˇ oe keuˆ-euˬ meh.

Jaceuq 34:15

Yaw tsaˬyaw dawˇtsawˇhaˬdeuˬ-ahˇ, SahˬpaˬMiˬyehˇhaw piˇluꞈ-awˇ, aˬyawꞈmaꞈguˇ-eu teˇsaˇ-ahˇ, aˬyawꞈnaˬbawˇciˬkʼmˇ-eu meh.

Jaceuq 65:2

Aˬ jeˬ miˇ neh ehˇ naˇ, nga maꞈ-euˬ shaˇ dawˬ-ahˇ nawˇ naˇ haˬ nehˬ laꞈ-eu meh. Miˇ tsaˬ zaˬ dawˬ tawˆ luꞈ nawˇ jawˇ gaˇ ya laˇ tehꞈ-a.

Doˆ-iˇ 2:16

Kʼoeˇ ngeh, Miˇdiˬyaˬ miˇ kʼahˬ-euˬ piˇ ma pyeuꞈ-eu Yeˬdaˬyoˇ-euˬ aˬ buˇ shiꞈ gʼaˬ, aˬ yawꞈ maꞈ-euˬ aˬ da-euˬ yawˇ hawˇ-eu ciꞈ myehꞈ deuˬ-ahˇ iˇ cuꞈ bi dawˇ-eu gʼaˇ duˬ, jeˬ zaˬ-euˬ iˇ cuꞈ kʼawˇ lawˬ-ahˇ iˇ cuꞈ kʼawꞈ ahˇ-eu lehˇ, lah duˬ-ahˇ oe-euˬ meh.

Dawqdaq 31:27

Aˬ yawꞈ tiˬ jawˇ-iˬ gʼaˬ naˬ maˬ naˬ-ehˇ, nymˇ jiˇ laꞈ kʼoeˇ kʼaˇ loˬ-eu jeˬ-ahˇ haw doe nya-eu meh.

Iˇsaˬyaˇ 58:9

Naw maꞈ guiˬ lahˬ shaˇ ngeh ngaˇ naˇ haˬ-awˇ, naw maꞈ ngaˬ-ahˇ kuˇ ngeh ngaˇ naˬ bawˇ ciˬ kʼmˇ ma. “Naw maꞈ aˬ cawˬ-ahˇ kʼehˬ-eu jeˬ byehˇ-awˇ, aˬ cawˬ-ahˇ yehˬ bawˬ-ehˇ maˬ gʼeh-eu uˬ taꞈ, dawˬ doeˇ maˬ paˇ ngehˬ ni dehꞈ naˇ,

Iˇsaˬyaˇ 65:24

Aˬ yawꞈ maꞈ guiˬ lahˬ shaˇ gʼaˬ-euˬ maˬ dah ni, aˬ yawꞈ maꞈ shaˇ-eu jeˬ ngaˇ biꞈ nehˬ ma.

Luˇta 2:17

Nahˇ ma ga ahˇ ngeh keuˆ ni, deh yaˇ-ahˇ Luˇta cehˇ nmˇ gʼoˆ-euˬ meh. Aˬ yawꞈ neh gʼoˆ uiˬ-euˬ cehˇ nmˇ kʼoeˇ deuˬ juiꞈ kʼaˇ jiˇ ngeh, cehˇ tiˬ puˬ ehˇ gʼaˬ ni ga le-euˬ meh.

Luˇta 2:2

Tiˬ nah keuˆ laˇ ngeh, Nawˇmi-ahˇ Luˇta ehˇ nehˬ-eu, “Deh yaˇ doe doe-ehˇ iˇ-awˇ, cehˇ yehˬ-eu deuˬ neh bi ga ka yaꞈ-euˬ cehˇ nmˇ gʼoˆ-iˇ-eu gʼaˇ duˬ, ngaˬ-ahˇ bi iˇ nehˬ laꞈ sheˇ. Yawˬ ha neh cehˇ yehˬ gʼaˬ-euˬ gaˇ, cehˇ nmˇ bi gʼoˆ mawꞈ-euˬ tsawˇ haˬ tiˬ gʼaˬ na ya mawˇ-eu baw le.” Nawˇmi ehˇ-eu, “Iˇ nya tehꞈ-a tsu-oˇ.”

1 Saˬmeuˬlaˆ 9:11

Meuˬ kʼoeˇ meuˬ-ahˇ le-eu lehˇ aˬ yawꞈ nyaꞈ gawˬ duˇ-ahˇ daˆ leˇ-eu nehˬ-ehˇ, iˇ cuꞈ kʼawꞈ le-eu lehˇ doˆ le luꞈ-euˬ zaˬ miˬ aˬ buˇ zaˬ guˬ tiˬ deuˬ -ahˇ tahˬ puˬ-awˇ, “Shaˆ ma kʼoeˇ gʼaˬ meuˬ laꞈ kʼoeˇ jawˇ luꞈ meh loˇ” lehˇ aˬ yawꞈ nyaꞈ naˇ haˬ-euˬ meh.