Aˇ dahˬ 24:10 - Akha

¹⁰ Aˬbyaˬhaˬ-euˬ pyuˇ shuiˇ myawˬ gahˬ dawˬ tawˆ luꞈ-ahˇ haw-eu pyaˆ-eu zaˬ kʼaˆ kʼoeˇ gʼaˬ, Aˬbyaˬhaˬ-euˬ law taw tseˇ mawˇ teh-awˇ, Maˬsoˬpoˬtaˬmiˇ miˇ kʼahˬ laꞈ taˆ paw jaˆ-eu Naˬkawˬ jawˇ-eu meuˬ-ahˇ le-euˬ meh.

Aˇ dahˬ 24:10 ပူးပေါင်းရင်းမြစ်များ

Aˇ dahˬ 11:26

Teˬlah shiꞈ tseˇ kʼoꞈ dzehˬ-iˇ ngeh, Aˬbyaˬ, Naˬkawˬ, Haˬlaˬ aˬ ha smˬ mehˇ nmˇ-euˬ aˬ da pyeuꞈ laˇ-euˬ meh.

Aˇ dahˬ 11:29

Aˬbyaˬ-aˬ, Saˬlehˇ-ahˇ sheuˬ dahˬ dzaˬ-awˇ, Naˬkawˬ gʼaˬ Haˬlaˬ-euˬ aˬ buˇ Miˇlaˬkah-ahˇ sheuˬ dahˬ dzaˬ-euˬ meh. Haˬlaˬ-aˬ, Iˇsaˬkah-euˬ aˬ da kʼawꞈ pyeuꞈ-eu meh.

Aˇ dahˬ 11:31

Teˬlah-aˬ, aˬ yawꞈ-euˬ aˬ li Aˬbyaˬ, Haˬlaˬ-euˬ aˬ li aˬ yawꞈ-euˬ oeˬ paˬ Lawˇtaˬ, Aˬbyaˬ-euˬ miˬ zaˬ pyeuꞈ-eu aˬ yawꞈ-euˬ kuiˬ ma Saˬlehˇ aˬ ha maꞈ-ahˇ sheuˬ-awˇ, Baˬbuˇloˬ miˇ kʼahˬ Uˇlaˆ meuˬ-ahˇ neh doˆ le-awˇ, Kaˬnaˬ miˇ kʼahˬ-ahˇ jawˇ-iˇ-euˬ meh. Haˬlaˬ meuˬ-ahˇ keuˆ ni aˬ yawꞈ maꞈ iˇ gʼeh-awˇ, kʼoeˇ gaˇ jawˇ duˬ dah-euˬ meh.

Aˇ dahˬ 11:32

Teˬlah nyiˬ yaˇ ngaˬ kʼoꞈ kʼawˆ ngeh, meuˬ kʼoeˇ meuˬ laꞈ kʼoeˇ ziˇ jiˇ-euˬ meh.

Aˇ dahˬ 22:20

Aˇ kʼoꞈ aˇ la myahˇ laˇ ngeh jawˇ, Aˬbyaˬhaˬ-euˬ aˬ nyiˇ Naˬkawˬ-euˬ miˬ zaˬ Miˇlaˬkah zaˬ yehꞈ gʼaˬ jawˇ le-euˬ gaˇ kawˆ, Aˬbyaˬhaˬ ya siˬ-euˬ meh.

Aˇ dahˬ 24:2

Aˬ yawꞈ-euˬ zaˬ kʼaˆ deuˬ laꞈ kʼoeˇ, aˬ cawˬ naˆ maˬ tseˇ aˇ kʼoꞈ kʼawˆ dzehˬ-awˇ, aˬ yawꞈ-euˬ myawˬ gahˬ dawˬ tawˆ luꞈ a nehˬ-awˇ bi haw bi pyaˆ-euˬ gʼaˬ-ahˇ, aˬ yawꞈ heu loꞈ-ehˇ ehˇ nehˬ-euˬ meh. “Ngaˬ-euˬ shaˬ pyaˬ yaw kaˬ-ahˇ nawˬ-euˬ aˬ laꞈ cawˬ ahˇ-awˇ saˇ jaˇ dzaˬ-awˬ.

Aˇ dahˬ 24:22

Leˬbehˇkaꞈ law taw-ahˇ iˇ cuꞈ bi dawˇ gʼaˬ ngeh, zaˬ kʼaˆ kʼoeˇ gʼaˬ zaˬ miˬ zaˬ-euˬ naˇ mehˇ-ahˇ geuꞈ-eu aˇ poeˬ kʼaˆ-eu shuiˇ laꞈ behˬ yuˇ doˆ-awˇ, Leˬbehˇkaꞈ-euˬ naˇ mehˇ-ahˇ bi geuꞈ-euˬ meh. Shuiˇ laꞈ duꞈ nyiˬ duꞈ paˇ yuˇ doˆ-awˇ, Leˬbehˇkaꞈ-euˬ laꞈ du-ahˇ nyehꞈ duꞈ nehˬ-euˬ meh.

Aˇ dahˬ 24:53

Kʼoeˇ naˇ, dm gʼaˬ dm lmˇ hawˇ-eu pyuˇ myawˬ guˇ, shuiˇ myawˬ guˇ deuˬ aˬ yawꞈ yuˇ doˆ-awˇ, Leˬbehˇkaꞈ-ahˇ biꞈ-euˬ meh. Leˬbehˇkaꞈ-euˬ aˬ mahˇ aˬ da hawˇ-eu aˬ ma gʼaˬ-ahˇ kʼawꞈ, aˇ poeˬ kʼaˆ-eu myawˬ deuˬ aˬ yawꞈ biꞈ-euˬ meh.

Aˇ dahˬ 27:43

Ngaˬ li-oˇ, ngaˇ kʼaˇ ehˇ-eu loꞈ-ehˇ nymˬ-mˇ jahˇ-awˬ. Haˬlaˬ meuˬ-ahˇ ngaˬ-euˬ aˬ mahˇ aˬ da Laˬbaˬ jawˇ gaˇ yaw kawˇ-ehˇ cehˆ leˇ-awˬ.

Aˇ dahˬ 29:1

Kʼoeˇ naˇ, nahˇ ma doˆ kʼehˬ paw Yaˬkoˆ paˇ iˇ gʼeh-euˬ meh.

Aˇ dahˬ 29:2

Deh ga-ahˇ jaˆ-eu lah duˬ tiˬ duˬ dawˬ peh aˬ yawꞈ iˇ keuˆ-awˇ, lah duˬ kʼoeˇ duˬ dawˬ peh yawˇ yawˇ maꞈ smˇ maꞈ yawꞈ luꞈ gaˇ aˬ yawꞈ ya mawˇ-euˬ meh. Lah duˬ kʼoeˇ duˬ-aˬ, yawˇ kʼoeˇ deuˬ-ahˇ iˇ cuꞈ bi dawˇ duˬ pyeuꞈ-awˇ, lah duˬ mehˬ kʼehˬ-ahˇ kʼaˬ lo lo ma ngawˬ tsoeˬ taˬ-euˬ meh.

1 Laˬsaˬbaˬ 19:6

Sahˬ paˬ Haˬnuˬ hawˇ-eu Aˬmoˬ tsawˇ haˬ deuˬ-aˬ, aˬ yawꞈ maꞈ kʼoeˇ loꞈ-ehˇ mˇ-euˬ miˇ neh, Daˬbiˇ aˬ yawꞈ maꞈ-ahˇ muiˇ tehꞈ-a lehˇ noeˬ siˬ-awˇ, Maˬsoˬpoˬtaˬmiˇ miˇ kʼahˬ laꞈ taˆ dzaˬ hawˇ-eu, Zoˇbaˬ miˇ kʼahˬ, Mawˇkah miˇ kʼahˬ heu deuˬ-euˬ mahˬ laˆ lawˬ deuˬ hawˇ-eu, mahˬ laˆ lawˬ teh-eu yehˇ deuˬ aˬ yawꞈ-ahˇ bi caw ba le-eu gʼaˇ duˬ, pyuˇ nyiˬ muiˇ oeˬ heˇ jawꞈ-i ehˇ gʼaˬ ni biꞈ-euˬ meh.

Gʼaˬkʼehˇ 2:9

Aˬ dui maꞈ-aˬ, Baˬtiˇ miˇkʼahˬ, Meˬdiˇ miˇkʼahˬ, Eˇlamˬ miˇ kʼahˬ, Maˬsoˬpoˬtaˬmiˇ miˇ kʼahˬ, Yuˇdaˆ miˇ kʼahˬ, Gaˬbaˬdawˇciˆ miˇ kʼahˬ, Boˬtuˆ miˆ kʼahˬ, Aˬshaˆ miˇ kʼahˬ,

Dawˬmehˬ 23:4

Iˇjiˇtuˆ miˇ kʼahˬ laꞈ kʼoeˇ neh nawˇ doˆ le ngeh, aˬ yawꞈ maꞈ nawˬ-ahˇ dzaˬ dzaˬ dawˇ dawˇ hawˇ-eu iˇ cuꞈ maˬ biꞈ-euˬ uˬ taꞈ, naw maꞈ-ahˇ yaˬ kʼehˇ bi yaˬ-eu lehˇ, Maˬsaˬpoˬtaˬmiˇ miˇ kʼahˬ-ahˇ jaˆ-eu Peˬdawˬ meuˬ-ahˇ jawˇ-eu Beˬyoˇ-euˬ aˬ li Baˬlamˬ-ahˇ aˬ yawꞈ maꞈ aˇ poeˬ biꞈ-awˇ, kuˇ taˬ-euˬ meh.