Aˇ dahˬ 23:2 - Akha

² Kaˬnaˬ miˇ kʼahˬ Heˬbyoˬ meuˬ laꞈ kʼoeˇ aˬ yawꞈ ziˇ dehꞈ jiˇ-euˬ meh. Aˬ yawꞈ shiˇ ngeh, Aˬbyaˬhaˬ tsawˇ ngoeˇ ngoeˇ-euˬ meh.

Aˇ dahˬ 23:2 ပူးပေါင်းရင်းမြစ်များ

Aˇ dahˬ 13:18

Kʼoeˇ naˇ, Aˬbyaˬ luˆ-iˇ-awˇ, Heˬbyoˬ meuˬ dawˬ peh jaˆ-eu Mamˬliˬ aˇ bawˇ bawˇ yaˇ dawˬ peh sehˬ gʼawˆ gʼawˆ-awˇ jawˇ-euˬ meh. Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, lawˇ duˬ tiˬ tsahˇ kʼoeˇ gaˇ aˬ yawꞈ tsoˆ-euˬ meh.

Aˇ dahˬ 23:1

Saˬlaˇ-aˬ, tiˬ yaˇ nyiˬ tseˇ shiꞈ kʼoꞈ byah ni dehꞈ-euˬ meh.

Aˇ dahˬ 23:19

Kʼoeˇ naˇ, Aˬbyaˬhaˬ-aˬ, Kaˬnaˬ miˇ kʼahˬ laꞈ kʼoeˇ jaˆ-eu lo kʼahˬ kʼoeˇ kʼahˬ laꞈ kʼoeˇ, aˬ yawꞈ-euˬ nymˇ dahˬ-ahˇ baꞈ pahˬ-euˬ meh.

Aˇ dahˬ 24:67

Kʼoeˇ ngeh, Iˇtsaˆ-aˬ, aˬ yawꞈ aˬ ma Saˬlaˇ yaw dehꞈ dehꞈ ngeh jawˇ-euˬ sehˬ gʼawˆ laꞈ kʼoeˇ Leˬbehˇkaꞈ-ahˇ sheuˬ uˇ gʼeh-awˇ, aˬ yawꞈ-euˬ miˬ zaˬ bi pyeuꞈ laˇ-euˬ meh. Iˇtsaˆ Leˬbehˇkaꞈ-ahˇ gaˬ-eu miˇ neh, aˬ yawꞈ aˬ ma shiˇ-euˬ gaˇ noeˬ luꞈ-eu nui ma byoˆ-iˇ-euˬ meh.

Aˇ dahˬ 27:41

Iˇtsaˆ neh Yaˬkoˆ-ahˇ dawˬ ngehˬ gʼeh nehˬ-euˬ miˇ neh, Yaˬkoˆ-ahˇ Iˇsawˇ muiˇ-eu meh. Iˇsawˇ-euˬ nui ma laꞈ kʼoeˇ, “Ngaˬ da ziˇ jiˇ-eu dawˬ peh peh laˇ-euˬ meh. Haw taˬ lawˬ. Zaˬ heu gʼaˬ-ahˇ ngaˇ sehꞈ ma” lehˇ noeˬ luꞈ-eu meh.

Aˇ dahˬ 35:27

Aˬbyaˬhaˬ hawˇ-eu Iˇtsaˆ-euˬ jawˇ duˬ pyeuꞈ-eu Heˬbyoˬ meuˬ dawˬ peh jaˆ-eu Mamˬliˬ meuˬ-ahˇ, aˬ yawꞈ aˬ da Iˇtsaˆ jawˇ gaˇ Yaˬkoˆ iˇ-euˬ meh.

Aˇ dahˬ 37:14

“Nawˬ-euˬ aˇ doˆ deuˬ aˬ joˆ-ehˇ jawˇ luꞈ nga lehˇ haw-iˇ-awˇ, ngaˬ-ahˇ paˇ tsaꞈ gaˬ laˇ-awˬ” lehˇ, Yoˇsehˆ-ahˇ Yaˬkoˆ ehˇ nehˬ-euˬ meh. Yaˬkoˆ-aˬ, Yoˇsehˆ-ahˇ Heˬbyoˬ meuˬ paw neh bi iˇ-euˬ meh. Sheˬkmˬ meuˬ-ahˇ Yoˇsehˆ iˇ keuˆ-awˇ,

Aˇ dahˬ 50:1

Kʼoeˇ ngeh, aˬ yawꞈ aˬ da kʼoeˇ taˆ Yoˇsehˆ awˆ tsahˬ-awˇ, aˬ yawꞈ aˬ da-ahˇ mehˬ cuˇ cuˇ-awˇ ngoeˇ-euˬ meh.

Aˇ dahˬ 50:10

Yawˇdaˬ lawˇ baˬ-euˬ nahˇ ma doˆ kʼehˬ paw jaˆ-eu Aˬtaˆ lehˇ kuˇ-eu cehˇ bymˇ saˬ kʼawꞈ deh ga-ahˇ le keuˆ ngeh, aˬ yawꞈ maꞈ gʼawˬ myahˇ ni guˇ guˇ-ehˇ tsawˇ ngoeˇ ngoeˇ-euˬ meh. Shiꞈ nah keuˆ ni bawˬ-iˬ gʼeh-awˇ, aˬ yawꞈ-euˬ aˬ da-ahˇ Yoˇsehˆ tsawˇ ngoeˇ ngoeˇ nehˬ-euˬ meh.

2 Saˬmeuˬlaˆ 1:12

Sawˇluˆ gʼaˇ duˬ maˬ ehˇ, Yawˇnaˆshaˬ gʼaˇ duˬ maˬ ehˇ, Sahˬpaˬ Miˬyehˇ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ gʼaˇ duˬ maˬ ehˇ, aˬ yawꞈ maꞈ noeˬ shaˬ-awˇ tsawˇ ngoeˇ ngoeˇ-eu laꞈ kʼoeˇ, uˬ ciꞈ paw keuˆ ni maˬ dzaˬ maˬ dawˇ ni jawˇ-euˬ meh. Aˬ jeˬ miˇ neh ehˇ naˇ, guiˇ deuˆ gaˇ tsawˇ haˬ gʼawˬ mya ni bi deuˆ sehꞈ-euˬ meh.

2 Saˬmeuˬlaˆ 1:17

Daˬbiˇ heu loꞈ-ehˇ dawˬ caˇ caˇ-awˇ, Sawˇluˆ hawˇ-eu Yawˇnaˆshaˬ gʼaˇ duˬ tsawˇ ngoeˇ ngoeˇ-euˬ meh.

2 Saˬmeuˬlaˆ 2:11

Daˬbiˇ Heˬbyoˬ meuˬ-ahˇ jawˇ-awˇ, Yuˇdaˆ miˇ kʼahˬ-ahˇ shiꞈ kʼoꞈ uˬ taꞈ ba la koꞈ siˬ uˆ lahˇ-euˬ meh.

2 Saˬmeuˬlaˆ 5:3

Kʼoeˇ loꞈ-ehˇ, Iˇsaˬleˬlaˆ miˇ kʼahˬ-euˬ aˬ yuiꞈ aˬ tsu dawˬ tawˆ luꞈ, Heˬbyoˬ meuˬ-ahˇ sahˬ paˬ Daˬbiˇ jawˇ gaˇ laˇ-awˇ, aˬ yawꞈ hawˇ-eu aˬ yawꞈ maꞈ yaw kaˬ saˇ jaˇ dzaˬ taꞈ-euˬ meh. Kʼoeˇ naˇ, aˬ yawꞈ maꞈ aˬ yawꞈ-ahˇ tsiˇ shehˆ daˆ nehˬ-awˇ, Iˇsaˬleˬlaˆ miˇ kʼahˬ-euˬ sahˬ paˬ ka nehˬ-euˬ meh.

2 Saˬmeuˬlaˆ 5:5

Aˬ yawꞈ Heˬbyoˬ meuˬ-ahˇ jawˇ-awˇ, Yuˇdaˆ miˇ kʼahˬ kʼoeˇ taˆ shiꞈ kʼoꞈ uˬ taꞈ ba la koꞈ siˬ uˆ lahˇ-euˬ meh. Kʼoeˇ naˇ, Yeˬluˇsaˬlehˬ meuˬ-ahˇ jawˇ-awˇ, Iˇsaˬleˬlaˆ miˇ kʼahˬ dawˬ tawˆ luꞈ hawˇ-eu, Yuˇdaˆ miˇ kʼahˬ-ahˇ smˬ tseˇ smˇ kʼoꞈ uˆ lahˇ-euˬ meh.

1 Laˬsaˬbaˬ 6:57

Aˬloˬ-euˬ zaˬ deuˬ uˆ deuˬ-ahˇ biˇ nehˬ-euˬ meuˬ deuˬ-aˬ, buˬ-iˇ law-iˇ-eu meuˬ tiˬ meuˬ pyeuꞈ-eu Heˬbyoˬ meuˬ, Liˇbaˬnahˬ meuˬ, Yaˬtiˇlaˆ meuˬ, Eˇshaˬteˬmawˇ meuˬ,

2 Laˬsaˬbaˬ 35:25

Miˬyehˇ gʼaˇ duˬ ngehˬ dah-eu Yeˬlaˬmiˇ neh, sahˬ paˬ Yawˇshiˆ shiˇ-euˬ gaˇ tsawˇ ngoeˇ ngoeˇ nehˬ-eu caˇ dawˬ tiˬ bymˇ yuˇ doˆ-euˬ meh. Aˬ yawꞈ gʼaˇ duˬ tsawˇ ngoeˇ kʼaˇ ngoeˇ ngeh, caˇ dawˬ caˇ-eu Iˇsaˬleˬlaˆ tsawˇ haˬ kʼaˬ dzeˇ zaˬ zaˬ miˬ zaˬ dawˬ tawˆ luꞈ, tsawˇ ngoeˇ caˇ dawˬ heu bymˇ caˇ-eu zahˇ pyeuꞈ-iˇ-euˬ meh. Tsawˇ ngoeˇ ngoeˇ-eu caˇ dawˬ deuˬ boꞈ ahˇ taˬ-euˬ sahˬ boꞈ laꞈ kʼoeˇ, caˇ dawˬ heu bymˇ ahˇ-eu meh.

Neˬhaˬmiˇ 11:25

Yuˇdaˆ miˇ kʼahˬ zaˬ gʼawˬ mya ni, yawˬ ha-euˬ myawˬ kʼahˬ yaˇ kʼahˬ beh ziꞈ taˬ-euˬ dawˬ peh jaˆ-eu meuˬ deuˬ-ahˇ jawˇ-euˬ meh. Yuˇdaˆ tsawˇ jeuˬ deuˬ-aˬ, Giˇliˇyaˆaˬbaˬ meuˬ, Diˇboˬ meuˬ, Zeˬkaˆzeˬlaˇ meuˬ hawˇ-eu meuˬ kʼoeˇ deuˬ-euˬ tahˬ gʼoꞈ tahˬ jawˇ jaˆ-eu pu deuˬ-ahˇ jawˇ-euˬ meh.

Yeˬlaˬmiˇ 22:10

Yuˇdaˆ tsawˇ haˬ deuˬ-oˇ, sahˬ paˬ Yawˇshiˆ gʼaˇ duˬ taˬ ngoeˇ. Aˬ yawꞈ shiˇ-euˬ miˇ neh tsawˇ ngoeˇ taˬ ngoeˇ. Ehˇ kʼawꞈ, aˬ yawꞈ aˬ li Yoˇaˬhaˆ-euˬ gʼaˇ duˬ tsawˇ ngoeˇ ngoeˇ dui dui-awˬ. Aˬ cawˬ aˬ yawꞈ-ahˇ nyehꞈ byoˆ-awˇ, tiˬ jawˇ-iˬ maˬ paˇ ya gʼoꞈ doˆ laˇ-ehˇ, aˬ yawꞈ dehꞈ le-euˬ miˇ kʼahˬ-ahˇ, tiˬ jawˇ-iˬ maˬ paˇ ya mawˇ meh.

Yeˬlaˬmiˇ 22:18

Kʼoeˇ miˇ neh, Yawˇshiˆ-euˬ aˬ li Yuˇdaˆ sahˬ paˬ Yeˬhawˇyaˬciˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Aˬ yawꞈ shiˇ-eu aˇ nah keuˆ ngeh, ngaˬ-euˬ cawˬ gʼawˬ shaˬ-ehˇ miˇ-a ehˇ-awˇ, tsawˇ ngoeˇ ngoeˇ-eu gʼaˬ maˬ jawˇ-ehˇ, ngaˬ-euˬ sahˬ paˬ-oˇ lehˇ kuˇ-awˇ, ngoeˇ-eu tsawˇ haˬ tiˬ gʼaˬ-iˬ maˬ jawˇ-aˇ.

Bawˇtsahˬ 13:22

Miˇ kʼahˬ kʼoeˇ kʼahˬ-euˬ laꞈ oˆ dzaˬ-ahˇ jeˬ huˬ le-awˇ, huiˬ dui goˇ dui dui-eu Aˬnaˬkaˆ tsawˇ jeuˬ-euˬ zaˬ deuˬ uˆ deuˬ pyeuꞈ-eu Aˬhiˇmaˬ aˇ jeuˬ, Sheˬshaiˇ aˇ jeuˬ hawˇ-eu Taˬlaˬmehˇ aˇ jeuˬ deuˬ jawˇ-eu Heˬbyoˬ meuˬ-ahˇ le keuˆ-euˬ meh. (Heˬbyoˬ meuˬ-aˬ, Iˇjiˇtuˆ miˇ kʼahˬ laꞈ kʼoeˇ jaˆ-eu Zoˇnaˆ meuˬ taꞈ-ehˇ shiꞈ kʼoꞈ huˬ-ehˇ teˬ taˬ-euˬmeuˬ pyeuꞈ-eu meh.)

Bawˇtsahˬ 20:29

Tsawˇ haˬ aˇ maꞈ aˇ muˇ dawˬ tawˆ luꞈ Aˬloˬ shiˇ-euˬ gaˇ kawˆ siˬ nya-awˇ, smˬ tseˇ nah keuˆ ni aˬ yawꞈ gʼaˇ duˬ tsawˇ ngoeˇ ngoeˇ-euˬ meh.

Yoˇhaˬ 11:31

Maˬliˇ-euˬ nymˇ-ahˇ oe-awˇ gʼaˬ biꞈ le-euˬ tsawˇ haˬ kʼoeˇ deuˬ kʼawꞈ, Maˬliˇ tehˬ law tehˬ tsaˇ-ehˇ iˇ doˆ gʼeh gaˇ ya mawˇ ngeh, caw teh gʼeh-euˬ meh. Aˬ yawꞈ lmˬ bymˇ-ahˇ iˇ-awˇ, tsawˇ ngoeˇ ngoeˇ-iˇ-eu gʼeh-eu nga lehˇ aˬ yawꞈ maꞈ noeˬ-euˬ meh.

Yoˇhaˬ 11:35

Yeˬsuˇ myaˆ biˇ doˆ le-euˬ meh.

Gʼaˬkʼehˇ 8:2

Miˬyehˇ-ahˇ jah-eu gʼaˬ kʼaˆ-eu deuˬ Saˬteˬpaˬ-ahˇ duˬ pahˬ-iˇ-awˇ, tsawˇ ngoeˇ yaw kʼaˆ-ehˇ ngoeˇ-euˬ meh.

Dawˬmehˬ 34:8

Mawˇbaˆ deh kʼawꞈ-ahˇ Iˇsaˬleˬlaˆ tsawˇ haˬ deuˬ aˬ yawꞈ gʼaˇ duˬ smˬ tseˇ nah tsawˇ ngoeˇ ngoeˇ-euˬ meh.

Yawˇshuˆ 10:39

Meuˬ kʼoeˇ meuˬ hawˇ-eu, meuˬ kʼoeˇ meuˬ-euˬ sahˬ paˬ-ahˇ maˬ ehˇ, dawˬ peh jaˆ-eu meuˬ dawˬ tawˆ luꞈ-ahˇ maˬ ehˇ, aˬ yawꞈ deuˆ gʼaˬ-awˇ, kʼoeˇ gaˇ kʼaˇ jawˇ-eu tsawˇ haˬ yawˬ gʼaˬ na luꞈ-ahˇ sehꞈ-euˬ meh. Heˬbyoˬ meuˬ-ahˇ maˬ ehˇ, Liˇbaˬnahˬ meuˬ hawˇ-eu Liˇbaˬnahˬ sahˬ paˬ-ahˇ maˬ ehˇ, aˬ yawꞈ neh jahˇ nehˬ-euˬ loꞈ-ehˇ, Deˬbeuˬ meuˬ hawˇ-eu Deˬbeuˬ sahˬ paˬ-ahˇ jahˇ nehˬ-euˬ meh.

Yawˇshuˆ 15:13

Yawˇshuˆ-ahˇ Sahˬpaˬ Miˬyehˇ dawˬ biꞈ nehˬ-euˬ loꞈ-ehˇ, Yuˇdaˆ tsawˇ jeuˬ Yeˬpuˬnehˇ-euˬ aˬ li Gaˬlehˆ-ahˇ Yuˇdaˆ miˇ kʼahˬ laꞈ kʼoeˇ jaˆ-eu Heˬbyoˬ meuˬ biꞈ-euˬ meh. Heˬbyoˬ meuˬ-aˬ, Aˬnaˬkaˆ-euˬ aˬ da Aˬbaˬ-euˬ meuˬ pyeuꞈ-eu meh.

Yawˇshuˆ 15:54

Hmˇtahˬ meuˬ, Heˬbyoˬ meuˬ, Ziˇawˆ meuˬ, heu gʼoeˬ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

Yawˇshuˆ 20:7

Kʼoeˇ naˇ, Yawˇdaˬ lawˇ baˬ nahˇ ma ga kʼehˬ paw, Naˬtaˬliˇ miˇ kʼahˬ gawˬ jawˬ gawˬ duˇ paw Gaˬliˬlehˇ gahˬ kaˬ-ahˇ jaˆ-eu Geˬdeˬshaˆ meuˬ, Eˇpaˬleˬ miˇ kʼahˬ gawˬ jawˬ gawˬ duˇ paw jaˆ-eu Sheˬkmˬ meuˬ, Yuˇdaˆ miˇ kʼahˬ gawˬ jawˬ gawˬ duˇ paw jaˆ-eu Heˬbyoˬ meuˬ heu deuˬ aˬ yawꞈ maꞈ tseˇ doˆ-euˬ meh.

Yawˇshuˆ 21:11

Yuˇdaˆ miˇ kʼahˬ gawˬ jawˬ gawˬ duˇ-ahˇ jaˆ-eu, nymˬ-mˇ Heˬbyoˬ meuˬ lehˇ kuˇ-eu Aˬbaˬ meuˬ hawˇ-eu kʼoeˇ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ, aˬ yawꞈ maꞈ-ahˇ biꞈ-euˬ meh. (Aˬbaˬ-aˬ, Aˬnaˬkaˆ-euˬ aˬ da meh.)

Yaˇ kʼaˬ daˇ 1:10

Giˇliˇyaˆaˬbaˬ meuˬ lehˇ kuˇ-eu Heˬbyoˬ meuˬ-ahˇ jawˇ-eu Kaˬnaˬ tsawˇ haˬ deuˬ jawˇ gaˇ aˬ yawꞈ maꞈ le-awˇ, guiˇ deuˆ leˇ-euˬ meh. Sheˬshaiˇ aˇ jeuˬ, Aˬhiˇmaˬ aˇ jeuˬ hawˇ-eu, Taˬlaˬmehˇ aˇ jeuˬ-ahˇ, kʼoeˇ gaˇ aˬ yawꞈ maꞈ deuˆ gʼaˬ-euˬ meh.

1 Saˬmeuˬlaˆ 20:31

Daˬbiˇ yaw dehꞈ kʼaˇ dehꞈ kʼoeˇ keuˆ ni, nawˇ miˇ kʼahˬ heu kʼahˬ-euˬ sahˬ paˬ maˬ ya geuꞈ-a lehˇ maˬ siˬ nya nya loˇ. Nymˬ-mˇ aˬ yawꞈ-ahˇ sheuˬ kʼoꞈ laˬ-iˇ-awˬ. Aˬ yawꞈ-ahˇ maˬ sehꞈ-ehˇ maˬ gʼeh nya-a.”

1 Saˬmeuˬlaˆ 25:1

Saˬmeuˬlaˆ ziˇ jiˇ-awˇ, Iˇsaˬleˬlaˆ tsawˇ haˬ dawˬ tawˆ luꞈ uiˬ laˇ-eu laꞈ kʼoeˇ, aˬ yawꞈ-ahˇ tsawˇ ngoeˇ ngoeˇ nehˬ-euˬ meh. Kʼoeˇ naˇ, Laˬmahˇ meuˬ-ahˇ jaˆ-eu aˬ yawꞈ-euˬ nymˇ-ahˇ, aˬ yawꞈ maꞈ aˬ yawꞈ-ahˇ baꞈ pahˬ nehˬ-euˬ meh. Kʼoeˇ naˇ, Paˬlaˬ lehˇ kuˇ-eu bawˇ tsahˬ bawˇ dahˇ-ahˇ Daˬbiˇ iˇ-euˬ meh.

1 Saˬmeuˬlaˆ 28:3

Saˬmeuˬlaˆ shiˇ-euˬ miˇ neh, Iˇsaˬleˬlaˆ tsawˇ haˬ dawˬ tawˆ luꞈ aˬ yawꞈ gʼaˇ duˬ tsawˇ ngoeˇ ngoeˇ-awˇ, aˬ yawꞈ jawˇ-eu Laˬmahˇ meuˬ-ahˇ aˬ yawꞈ-ahˇ baꞈ pahˬ nehˬ-euˬ meh. Nyiˇ paˬ shaˆ ma dawˬ tawˆ luꞈ-ahˇ, Iˇsaˬleˬlaˆ miˇ kʼahˬ laꞈ kʼoeˇ neh Sawˇluˆ teh dzeh-euˬ meh.