Aˇ dahˬ 23:16 - Akha

¹⁶ Aˬbyaˬhaˬ-aˬ, tsawˇ haˬ kʼoeˇ myaˆ ni gʼeh-eu mehˬ shi Eˇpaˬloˬ neh ehˇ-euˬ aˇ poeˬ-ahˇ nui kʼahˇ shiˇ-awˇ, jeˬ gaꞈ jeˬ ka mˇ-eu kaˇ-ahˇ tsaˬ-eu pyuˇ maˇ byaˆ oeˬ yaˇ byaˆ gui nehˬ-euˬ meh.

Aˇ dahˬ 23:16 ပူးပေါင်းရင်းမြစ်များ

Aˇ dahˬ 23:15

Pyuˇ heu myaˆ ni tehꞈ-aˬ, aˇ nyaꞈ yaw kaˬ tiˬ jeˬ-iˬ ehˇ nyaꞈ maˬ nyeuˆ-aˇ. Nawˬ-euˬ nymˇ dahˬ-ahˇ kʼoeˇ gaˇ baꞈ pahˬ-iˇ-awˬ.”

Aˇ dahˬ 43:21

Nga maꞈ cehˇ zeuˇ-awˇ gʼoꞈ leˇ ngeh, uˬ ciꞈ paw gaˇ pehˇ yaꞈ-euˬ ma. Nga maꞈ-euˬ cehˇ pehˇ zeuˇ puiˇ haw ngeh, aˬ yawꞈ gʼaˬ yawꞈ-euˬ cehˇ pehˇ zeuˇ laꞈ kʼoeˇ, cehˇ aˇ poeˬ biꞈ-euˬ pyuˇ kʼoeˇ deuˬ tiˬ pehˆ-iˬ maˬ teˬ-iˇ ni ahˇ jiˇ gaˇ ya mawˇ-euˬ ma. Pyuˇ kʼoeˇ deuˬ nymˬ-mˇ poˆ nga maꞈ paˇ pi leꞈ-euˬ ma.

Aˇ dahˬ 49:29

Kʼoeˇ naˇ, aˬ yawꞈ-euˬ aˬ li deuˬ-ahˇ Yaˬkoˆ heu loꞈ-ehˇ ehˇ mehˬ nehˬ-euˬ meh. “Nymˬ-mˇ, shiˇ-eu miˇ kʼahˬ-ahˇ ngaˬ-euˬ tsawˇ haˬ deuˬ jawˇ gaˇ ngaˇ iˇ byoˆ gʼeh-eu ma. Kaˬnaˬ miˇ kʼahˬ laꞈ kʼoeˇ, Mamˬliˬ meuˬ-euˬ nahˇ ma doˆ kʼehˬ paw, Maˬpeˬlaˇ lehˇ ehˇ-eu jawˇ duˬ-ahˇ jaˆ-eu ngaˬ bawˇ hawˇ-eu ngaˬ da-ahˇ baꞈ pahˬ taˬ-euˬ Heˬtaˆ tsawˇ jeuˬ, Eˇpaˬloˬ-euˬ lmˬ bymˇ lo kʼahˬ kʼoeˇ kʼahˬ laꞈ kʼoeˇ, ngaˬ-ahˇ baꞈ pahˬ nehˬ laꞈ-awˬ. Lo kʼahˬ kʼoeˇ kʼahˬ jaˆ-eu miˇ tsaˬ kʼoeˇ tsahˇ lmˬ bymˇ geuꞈ-eu lehˇ, Eˇpaˬloˬ-euˬ laꞈ-ahˇ Aˬbyaˬhaˬ neh zeuˇ tsehˆ taˬ yaꞈ-euˬ meh.

Aˇ dahˬ 50:13

Aˬ yawꞈ-euˬ gʼawˇ mawˇ-ahˇ aˬ yawꞈ maꞈ baꞈ gʼeh-awˇ, Kaˬnaˬ miˇ kʼahˬ Mamˬliˬ meuˬ-euˬ nahˇ ma doˆ kʼehˬ paw Maˬpeˬlaˇ lehˇ kuˇ-eu jawˇ duˬ-ahˇ jaˆ-eu, lmˬ bymˇ geuꞈ-eu gʼaˇ duˬ Heˬtaˆ tsawˇ jeuˬ Eˇpaˬloˬ-euˬ laꞈ-ahˇ Aˬbyaˬhaˬ neh zeuˇ tsehˆ yaꞈ-euˬ lo kʼahˬ kʼoeˇ kʼahˬ laꞈ kʼoeˇ, aˬ yawꞈ-ahˇ baꞈ pahˬ nehˬ-euˬ meh.

2 Saˬmeuˬlaˆ 14:26

Aˬ yawꞈ-euˬ uˬ duˬ tsehˇ kahˇ mehˇ dui dui-awˇ, uˬ duˬ tsehˇ kahˇ mahˇ le ngeh yaw kah kah-eu miˇ neh, tiˬ kʼoꞈ tiˬ poˆ ya tehꞈ dzeh-eu meh. Uˬ duˬ tsehˇ kahˇ kʼoeˇ, sahˬ paˬ-euˬ hawˇ nymˇ laꞈ kʼoeˇ zmˬ luꞈ-eu kaˇ-ahˇ tsaˬ ni saˆ haw ngeh, tiˬ jawꞈ-i nyiˬ kaˇ dzehˬ ni byah-eu meh.

2 Saˬmeuˬlaˆ 24:24

Ehˇ kʼawꞈ, sahˬ paˬ ehˇ-eu, “Tiˬ jeˬ-iˬ yawꞈ ngehꞈ-ehˇ ngaˇ maˬ yuˇ. Kʼoeˇ-euˬ gʼaˇ duˬ ngaˇ nawˬ-ahˇ aˇ poeˬ biꞈ ma. Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, aˇ poeˬ maˬ biꞈ ni yawꞈ ngehꞈ-ehˇ za-euˬ jeˬ ngaˇ maˬ lawˇ nehˬ.” Kʼoeˇ naˇ, pyuˇ maˇ byaˆ ngaˬ tseˇ byaˆ biꞈ-awˇ, cehˇ bymˇ saˬ kʼawꞈ hawˇ-eu mawˇ neˇ mawˇ gaw kʼoeˇ deuˬ aˬ yawꞈ zeuˇ tsehˆ-euˬ meh.

Yawˇbaˆ 28:15

Pyuˇ hawˇ-eu shuiˇ neh zaˬ siˬ tsawˇ gahˇ maˬ zeuˇ za nya-a.

Doˆ-iˇ 30:13

Tsawˇ seˬ yuˇ ngeh tsawˇ myahˇ kʼaˇ dawˆ-euˬ tsawˇ haˬ dawˬ tawˆ luꞈ, yawˬ ha-ahˇ kʼaˇ doˇ-eu loꞈ-ehˇ pyuˇ ya dawˆ meh. Tsawˇ haˬ yawˬ gʼaˬ na luꞈ, kʼoeˇ loꞈ-ehˇ pyuˇ dawˆ-awˇ, ngaˬ-ahˇ ya damˬ meh.

Yeˬlaˬmiˇ 32:10

deh yaˇ zeuˇ laꞈ mˇ-euˬ gaˇ kawˆ ngaˇ laꞈ ma dehˬ-awˇ jmˬ diˬ gʼaˬ ngeh, tsawˇ kaˬ deuˬ-euˬ mehˬ shi, jeˬ gaꞈ jeˬ ka mˇ-eu kaˇ-ahˇ tsaˬ ni pyuˇ gui nehˬ-euˬ ma.

Yeˬlaˬmiˇ 32:9

Haˬnaˬmeˬlaˇ-euˬ deh yaˇ kʼoeˇ kawˬ ngaˇ zeuˇ-awˇ, pyuˇ maˇ byaˆ tseˇ shiꞈ byaˆ gui nehˬ-euˬ ma.

Yeˬsaˬgeˬlaˇ 45:12

“Naw maꞈ-euˬ daˇ leuˇ-aˬ, heu loꞈ-ehˇ ya bi tsaˬ meh. Nyiˬ tseˇ geˬlahˬ-euˬ tiˬ sheˬgeˬ, koꞈ tseˇ sheˬgeˬ-euˬ tiˬ miˇ naˆ meh.

Zaˬkaˬliˇ 11:12

“Naw maꞈ nui ma keuˆ naˇ, ngaˬ-ahˇ gʼaˬ gaˇ poeˬ biꞈ laꞈ-awˬ. Nui ma maˬ keuˆ naˇ, tiˬ jeˬ-iˬ maˬ ngeuˇ-aˇ” lehˇ, aˬ yawꞈ maꞈ-ahˇ ngaˇ ehˇ nehˬ-euˬ ma. Kʼoeˇ ngeh, ngaˬ-euˬ gʼaˬ gaˇ poeˬ pyuˇ maˇ byaˆ smˬ tseˇ byaˆ aˬ yawꞈ maꞈ biꞈ laꞈ-euˬ meh.

Maꞈtehˬ 7:12

“Aˬ cawˬ neh yawˬ ha-ahˇ kʼaˇ bi mˇ nehˬ mawꞈ-eu loꞈ-ehˇ, aˬ cawˬ-ahˇ mˇ nehˬ-awˬ. Aˬ jeˬ miˇ neh ehˇ naˇ, dawˬ heu dawˬ-aˬ, Moˇseˬ-euˬ Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ neh mehˬ taˬ tsoˆ taˬ-euˬ dawˬ deuˬ laꞈ kʼoeˇ, dawˬ ma yaw dzahˇ pyeuꞈ-eu meh.

Gʼaˬkʼehˇ 7:16

Aˬ yawꞈ maꞈ-euˬ gʼawˇ mawˇ-ahˇ Sheˬkmˬ meuˬ-ahˇ baꞈ kʼoꞈ gʼeh-awˇ, Haˬmawˬ aˇ jeuˬ-ahˇ Aˬbyaˬhaˬ neh pyuˇ biꞈ-awˇ zeuˇ tsehˆ yaꞈ-euˬ lmˬ bymˇ-ahˇ baꞈ pahˬ-euˬ meh.

Lormav 13:8

Tiˬ gʼaˬ tiˇ gʼaˬ gʼoeˇ-eu gaˬ-eu dziˇ dzoˆ maˬ ngeuˇ naˇ, nui jeˬ dziˇ dzoˆ taˬ bi daˆ. Kʼoeˇ loꞈ-ehˇ mˇ naˇ, Zahˇ dawˬ kʼoꞈ dawˬ-ahˇ naˇ haˬ geuꞈ gaˇ duˇ-eu meh.

Piˇliˇpiˆ 4:8

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ-eu ma. Yaw muiˬ jeˬ hawˇ-eu ja ceuˬ paˬ-ehˇ gʼeh-eu jeˬ pyeuꞈ-eu, tsaˬ-eu dawˇ-eu jeˬ, aˬ cawˬ yaw zeu baw paˬ-ehˇ gʼeh-eu jeˬ, aˬ cawˬ-ahˇ dehꞈ tsaˬ dehꞈ tsahˇ-eu jeˬ, muiˬ-eu shawˇ-eu jeˬ, aˬ cawˬ haw gaˬ paˬ-ehˇ gʼeh-eu jeˬ, aˬ cawˬ taˬ huiˬ taˬ mahˇ paˬ-ehˇ gʼeh-eu jeˬ, heu deuˬ naw maꞈ laꞈ kʼoeˇ bi ahˇ-awˬ.

1 Teˇsaˬloˇni 4:6

Gaˇ kawˆ heu hmˬ-ahˇ taꞈ leˇ-awˇ, tsawˇ haˬ tiˬ gʼaˬ-iˬ aˬ yuiꞈ aˬ nyiˇ Ka li zaˬ-euˬ nymˇ jiˇ-ahˇ coeˬ-eu ciˆ-eu bahˬ-eu muˆ-eu jeˬ maˬ mˇ kʼmˬ-a. Gaˇ Kawˆ heu naw maꞈ-ahˇ nga maꞈ mehˬ nehˬ dzeuˇ gʼaˬ-euˬ ma. Kʼoeˇ loꞈ-ehˇ gʼeh-eu tsawˇ haˬ-ahˇ Sahˬpaˬ Yeˬsuˇ kʼehˬ nehˬ kʼaˆ nehˬ tehꞈ-a lehˇ, nga maꞈ yaw kʼaˆ kʼaˆ-ehˇ ehˇ-euˬ ma.