Aˇ dahˬ 23:11 - Akha

¹¹ “Aˬ yuiꞈ-oˇ, ngaˇ ehˇ gaˇ tiˬ poˆ naˇ haˬ sheˇ. deh yaˇ hawˇ-eu lo kʼahˬ kʼoeˇ kʼahˬ ahˇ leˇ-ehˇ, miˇ tsaˬ pehˇ tsahˇ kʼoeˇ tsahˇ tsahˇ lah ni ngaˇ nawˬ-ahˇ biꞈ-eu ma. Nawˬ-euˬ nymˇ dahˬ bi baꞈ pahˬ-eu gʼaˇ duˬ, ngaˬ-euˬ tsawˇ haˬ heu myaˆ ni gʼeh-eu mehˬ shi, miˇ tsaˬ pehˇ tsahˇ kʼoeˇ tsahˇ ngaˇ nawˬ-ahˇ biꞈ tsehˆ tsehˆ-eu ma.”

Aˇ dahˬ 23:11 ပူးပေါင်းရင်းမြစ်များ

Aˇ dahˬ 23:12

Ehˇ kʼawꞈ, aˬ yawꞈ maꞈ-ahˇ yaw zeu baw nehˬ-eu laꞈ kʼoeˇ, Aˬbyaˬhaˬ uˬ duˬ awˆ moꞈ-awˇ, kʼaˇ uiˬ laˇ taˬ-euˬ tsawˇ haˬ yawˬ gʼaˬ na luꞈ ya gaˬ ni, Eˇpaˬloˬ-ahˇ heu loꞈ-ehˇ ehˇ nehˬ-euˬ meh.

Aˇ dahˬ 23:18

Bawˬ dzaˬ duˬ-ahˇ kʼaˇ uiˬ laˇ taˬ-euˬ Heˬtaˆ tsawˇ haˬ kʼoeˇ myaˆ ni gʼeh-eu mehˬ shi, miˇ tsaˬ kʼoeˇ tsahˇ Aˬbyaˬhaˬ-euˬ miˇ tsaˬ pyeuꞈ tsehˆ-euˬ meh.

Aˇ dahˬ 23:6

“Aˬ yuiꞈ-oˇ, nga maꞈ ehˇ gaˇ tiˬ poˆ naˇ haˬ nehˬ laꞈ sheˇ. Nga maꞈ nawˬ-ahˇ, baoˬ ahˇ-eu aˬ yuiꞈ aˬ tsu tiˬ gʼaˬ loꞈ-ehˇ sawˇ taˬ-euˬ ma. Nga maꞈ-euˬ lmˬ bymˇ laꞈ kʼoeˇ jawˇ duˬ kʼaˇ tsaˬ dzehˬ-eu tsahˇ-ahˇ, nawˬ-euˬ nymˇ dahˬ-ahˇ baꞈ pahˬ nehˬ nya tehꞈ-a. Nawˬ-euˬ nymˇ dahˬ-ahˇ nga maꞈ-euˬ lmˬ bymˇ laꞈ kʼoeˇ bi baꞈ pahˬ-eu gʼaˇ duˬ, nga maꞈ yawˬ gʼaˬ na luꞈ nui ma tsaˬ-eu ma.”

Iˇsaˬyaˇ 32:8

Ehˇ kʼawꞈ, nui nahˬ nui yu ahˇ-eu tsawˇ haˬ, yaw sui yaw dawˇ jeˬ mˇ doˆ shaˇ doˆ-awˇ, yaw tsaˬ yaw dawˇ gaˇ ma kʼoeˇ taˆ, ziꞈ dah ni yawꞈ-eu meh.

Bawˇtsahˬ 35:30

“Kʼaˇ teˬ-eu myaˆ mawˇ duˬ-euˬ saˇ kiˇ nyiˬ gʼaˬ maˬ jawˇ gaˇ, aˬ cawˬ-ahˇ sehꞈ-euˬ tsawˇ haˬ-ahˇ maˬ ya sehꞈ-a. Saˇ kiˇ tiˬ gʼaˬ-ahˇ tehꞈ-ehˇ gʼoe-awˇ maˬ ya sehꞈ poˆ-a.

Luˇkaꞈ 19:24

“ Kʼoeˇ naˇ, kʼoeˇ gaˇ yawꞈ luꞈ-eu tsawˇ haˬ deuˬ-ahˇ aˬ yawꞈ ehˇ nehˬ-eu, ‘Aˬ yawꞈ jawˇ gaˇ jaˆ-eu shuiˇ maˇ byaˆ kʼoeˇ byaˆ yuˇ kʼoꞈ-awˇ, shuiˇ maˇ byaˆ tseˇ byaˆ ahˇ-eu gʼaˬ-ahˇ biꞈ nehˬ-awˬ.’

Dawˬmehˬ 17:6

Ehˇ kʼawꞈ, aˬ yawꞈ mˇ lehˬ-euˬ jeˬ-ahˇ ya mawˇ-euˬ tsawˇ kaˬ kʼaˇ teˬ-eu nyiˬ gʼaˬ maˬ jawˇ naˇ, aˬ yawꞈ-ahˇ maˬ ya sehꞈ-a. Tsawˇ kaˬ tiˬ gʼaˬ tehꞈ-ehˇ jawˇ naˇ, aˬ yawꞈ-ahˇ maˬ ya sehꞈ-a.

Dawˬmehˬ 19:15

“Tsawˇ kaˬ tiˬ gʼaˬ tehꞈ-euˬ dawˬ-ahˇ gʼoe-awˇ, tsawˇ haˬ tiˬ gʼaˬ tiˬ jeˬ paˬ mˇ bahˬ-euˬ meh lehˇ maˬ daˇ tsehˆ nya-a. Tsawˇ haˬ tiˬ gʼaˬ iˬ baˇ ahˇ meh lehˇ daˇ tsehˆ nehˬ nya-eu gʼaˇ duˬ, kʼaˇ teˬ-eu tsawˇ kaˬ nyiˬ gʼaˬ ya jawˇ meh.

Luˇta 4:1

Meuˬ lahˇ kʼehˬ dawˬ peh jaˆ-eu, meuˬ-ahˇ jawˇ-eu tsawˇ haˬ deuˬ mehˬ bawˬ bawˬ dzaˬ duˬ-ahˇ Bawˇza le-awˇ, nuiˇ luꞈ-eu meh. Kʼoeˇ ngeh, aˬ yawꞈ neh Luˇta-ahˇ ehˇ nehˬ-euˬ Aˬliˇmaˬlehˇ-ahˇ aˬ yuiꞈ aˬ nyiˇ peh dzehˬ-eu tsawˇ haˬ kʼoeˇ gʼaˬ iˇ tsehˆ gʼeh gaˇ aˬ yawꞈ mawˇ-awˇ, “Mawˬ cawˬ-oˇ, heu gaˇ laˇ-awˇ nuiˇ laˇ-awˬ” lehˇ kuˇ-euˬ meh. Kʼoeˇ ngeh, tsawˇ haˬ kʼoeˇ gʼaˬ kʼoeˇ gaˇ le-awˇ nuiˇ leˇ-euˬ meh.

Luˇta 4:11

Aˬ yuiꞈ aˬ tsu kʼoeˇ deuˬ hawˇ-eu, kʼoeˇ gaˇ jawˇ luꞈ-eu tsawˇ haˬ deuˬ ehˇ-eu, “Ngeuˇ ma. Nga maꞈ saˇ kiˇ pyeuꞈ-eu ma. Nawˬ-euˬ nymˇ-ahˇ jawˇ uˇ le-euˬ zaˬ miˬ zaˬ heu gʼaˬ-ahˇ, Sahˬpaˬ Miˬyehˇ gʼawˬ shaˬ gaˬ nehˬ-awˇ, Yaˬkoˆ gʼaˇ duˬ zaˬ gʼawˬ mya ni bi jawˇ le-euˬ Laˬkeˬlaˇ hawˇ-eu Leˇaˬ loꞈ-ehˇ bi pyeuꞈ laˇ luꞈ-uˇ. Eˇpaˬlaˇ aˇ jeuˬ aˇ ca deuˬ laꞈ kʼoeˇ, nawˇ-aˬ, smˇ muiˬ muiˬ dui dui laˇ-awˇ, Behˬlehˬhehˬ meuˬ laꞈ kʼoeˇ tsawˇ myahˇ doˆ luꞈ-uˇ.

Luˇta 4:4

Gaˇ kawˆ heu nawˇ ya siˬ-eu tsaˬ tehꞈ-a lehˇ ngaˇ noeˬ-eu ma. Teu miˇ neh, deh yaˇ kʼoeˇ kawˬ nawˇ zeuˇ mawꞈ naˇ, heu gaˇ nuiˇ luꞈ-eu aˬ yuiꞈ aˬ tsu heu myaˆ ni gʼeh-eu mehˬ shi zeuˇ-awˬ. Maˬ zeuˇ mawꞈ naˇ kʼawꞈ, maˬ zeuˇ mawꞈ nya lehˇ ehˇ-awˬ. Aˬ jeˬ miˇ neh ehˇ naˇ, deh yaˇ kʼoeˇ kawˬ zeuˇ-eu a kawˬ-aˬ jaˆ-eu tsawˇ haˬ yaw beh gʼaˬ-aˬ, nawˇ meh. Nawˇ jiˇ naˇ, ngaˇ ma.”

Luˇta 4:9

Kʼoeˇ ngeh, aˬ yuiꞈ aˬ tsu kʼoeˇ deuˬ hawˇ-eu, kʼoeˇ gaˇ jawˇ-eu tsawˇ haˬ deuˬ-ahˇ, Bawˇza heu loꞈ-ehˇ ehˇ nehˬ-euˬ meh. “Iˬ nah naw maꞈ-euˬ mehˬ shi, Aˬliˇmaˬlehˇ, Ciˇlahˬ hawˇ-eu Maˬhaˬloˬ-ahˇ kʼaˇ taꞈ-eu jeˬ dawˬ tawˆ luꞈ, Nawˇmi-euˬ laꞈ-ahˇ neh ngaˬ neh zeuˇ tsehˆ gʼaˬ-euˬ gaˇ kawˆ, naw maꞈ saˇ kiˇ pyeuꞈ-eu meh.