Aˇ dahˬ 22:17 - Akha

¹⁷ Nawˬ-euˬ zaˬ nawˬ-euˬ uˆ deuˬ-ahˇ, mˬ kʼoeˇ taˆ jaˆ-eu aˬ guiˇ deuˬ loꞈ-ehˇ maˬ ehˇ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ deh loꞈ-ehˇ maˬ ehˇ, ngaˇ bi jeuˬ bi o le ma. Aˬ yawꞈ maꞈ-aˬ, aˬ yawꞈ maꞈ-ahˇ muiˇ-eu deuˬ-ahˇ gʼaˬ leˇ tehꞈ-a.

Aˇ dahˬ 22:17 ပူးပေါင်းရင်းမြစ်များ

Aˇ dahˬ 12:2

Nawˬ-euˬ zaˬ nawˬ-euˬ uˆ deuˬ-ahˇ ngaˇ bi jeuˬ bi o le-awˇ, miˇ tsaˬ kʼoeˇ taˆ tsawˇ myahˇ doˆ-eu tsawˇ jeuˬ tiˬ jeuˬ bi pyeuꞈ laˇ ma. Nawˇ aˬ cawˬ-ahˇ guiˬ lahˬ biꞈ-eu tsawˇ haˬ tiˬ gʼaˬ pyeuꞈ laˇ ngeh keuˆ ni, ngaˇ nawˬ-ahˇ guiˬ lahˬ biꞈ-awˇ tsawˇ myahˇ bi doˆ ma.

Aˇ dahˬ 13:16

Nawˬ-euˬ zaˬ nawˬ-euˬ uˆ deuˬ-ahˇ, tsawˇ haˬ tiˬ gʼaˬ-iˬ maˬ gui jiˇ coeˇ gaˇ keuˆ ni ngaˇ bi jeuˬ bi o le ma. Miˇ tsaˬ kʼaˇ shuiꞈ-ahˇ maˬ gui jiˇ nya-eu loꞈ-ehˇ, nawˬ-euˬ zaˬ nawˬ-euˬ uˆ deuˬ-ahˇ maˬ gui jiˇ nya-aˇ.

Aˇ dahˬ 15:5

Sahˬpaˬ Miˬyehˇ aˬ yawꞈ-ahˇ laꞈ nyiˇ paw sheuˬ doˆ gʼeh-awˇ ehˇ nehˬ-eu, “Mˬ paw gʼawˇ leuˇ-awˇ aˬ guiˇ kʼoeˇ deuˬ-ahˇ nawˇ gui haw sheˇ. Nawˬ-euˬ zaˬ nawˬ-euˬ uˆ deuˬ aˬ guiˇ kʼoeˇ deuˬ loꞈ-ehˇ jeuˬ le o le tehꞈ-a.”

Aˇ dahˬ 17:6

Nawˬ-euˬ zaˬ nawˬ-euˬ uˆ deuˬ-ahˇ ngaˇ bi jeuˬ bi o le-awˇ, aˬ yawꞈ maꞈ laꞈ kʼoeˇ, tiˬ paˆ na deuˬ sahˬ paˬ pyeuꞈ laˇ tehꞈ-a. Nawˬ-euˬ zaˬ nawˬ-euˬ uˆ deuˬ myaˬ dui dui laˇ-awˇ, tsawˇ jeuˬ gʼawˬ mya jeuˬ pyeuꞈ doˆ laˇ tehꞈ-a.

Aˇ dahˬ 24:60

Aˬ yawꞈ maꞈ Leˬbehˇkaꞈ-ahˇ heu loꞈ-ehˇ dawˬ ngehˬ gʼeh nehˬ-euˬ meh. “Zaˬ miˬ dmˇ ma-oˇ, nawˇ-aˬ, maˬ gui jiˇ coeˇ-eu tsawˇ haˬ deuˬ-euˬ aˬ ma ma dzahˇ pyeuꞈ laˇ luꞈ-uˇ. Nawˬ-euˬ zaˬ nawˬ-euˬ uˆ deuˬ-aˬ, aˬ yawꞈ maꞈ-ahˇ muiˇ-eu tsawˇ haˬ deuˬ-euˬ meuˬ deuˬ-ahˇ deuˆ gʼaˬ luꞈ-uˇ.”

Aˇ dahˬ 25:11

Aˬbyaˬhaˬ shiˇ dzeuˇ ngeh, “Ngaˬ-ahˇ mawˇ-euˬ Dehꞈ luꞈ-eu gʼaˬ-euˬ lah duˬ” lehˇ kuˇ-eu jawˇ duˬ-ahˇ jawˇ luꞈ-eu Aˬbyaˬhaˬ-euˬ aˬ li Iˇtsaˆ-ahˇ, Miˬyehˇ guiˬ lahˬ biꞈ nehˬ-euˬ meh.

Aˇ dahˬ 26:24

Kʼoeˇ ngeh miˇ, Sahˬpaˬ Miˬyehˇ aˬ yawꞈ mehˬ shi doˆ le-awˇ, “Ngaˇ-aˬ, nawˬ da Aˬbyaˬhaˬ-euˬ Miˬyehˇ ma. Taˬ guˆ. Ngaˇ nawˬ nehˬ-ehˇ jawˇ luꞈ ma. Ngaˬ-euˬ zaˬ kʼaˆ Aˬbyaˬhaˬ-ahˇ ngaˇ saˇ jaˇ biꞈ taˬ-euˬ loꞈ-ehˇ, ngaˇ nawˬ-ahˇ guiˬ lahˬ biꞈ-awˇ, nawˬ-euˬ zaˬ nawˬ-euˬ uˆ deuˬ bi jeuˬ bi o le ma” lehˇ ehˇ nehˬ-euˬ meh.

Aˇ dahˬ 26:4

Nawˬ-euˬ zaˬ nawˬ-euˬ uˆ deuˬ-ahˇ, mˬ kʼoeˇ taˆ tsehˬ-eu aˬ guiˇ deuˬ loꞈ-ehˇ bi jeuˬ bi o le-awˇ, miˇ kʼahˬ heu kʼahˬ kʼahˬ lah ni, aˬ yawꞈ maꞈ-ahˇ ngaˇ biꞈ ma. Nawˬ-euˬ zaˬ nawˬ-euˬ uˆ deuˬ-ahˇ ngaˇ guiˬ lahˬ biꞈ nehˬ-eu loꞈ-ehˇ, aˬ yawꞈ maꞈ-ahˇ kʼawꞈ biꞈ nehˬ laꞈ lehˇ, tsawˇ jeuˬ dawˬ tawˆ luꞈ ngaˬ-ahˇ shaˇ tehꞈ-a.

Aˇ dahˬ 28:3

Nawˇ tsawˇ jeuˬ gʼawˬ mya jeuˬ-euˬ aˬ da yaw dzahˇ pyeuꞈ laˇ ni, miˬ zaˬ sheuˬ-awˇ nymˇ dahˬ dahˬ dzaˬ gaˇ Baoˬ huiˬ-eu Miˬyehˇ guiˬ lahˬ biꞈ-awˇ, zaˬ myaˬ laˇ luꞈ-uˇ.

Aˇ dahˬ 28:4

Aˬbyaˬhaˬ-ahˇ aˬ yawꞈ guiˬ lahˬ biꞈ nehˬ-euˬ loꞈ-ehˇ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ kʼawꞈ, aˬ yawꞈ guiˬ lahˬ biꞈ nehˬ laꞈ luꞈ-uˇ. Aˬbyaˬhaˬ-ahˇ Miˬyehˇ neh biꞈ-euˬ miˇ kʼahˬ pyeuꞈ-eu, nymˬ-mˇ nawˇ jawˇ luꞈ-eu miˇ kʼahˬ heu kʼahˬ, nawˬ-euˬ miˇ kʼahˬ pyeuꞈ laˇ luꞈ-uˇ.”

Aˇ dahˬ 32:12

Ngaˬ-euˬ zaˬ ngaˬ-euˬ uˆ deuˬ-ahˇ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ deuˬ loꞈ-ehˇ, tsawˇ haˬ tiˬ gʼaˬ-iˬ maˬ gui jiˇ coeˇ ni bi jeuˬ bi o le-awˇ, ngaˬ-ahˇ yaw muiˬ-ehˇ haw piˇ nehˬ ma lehˇ, nawˬ neh ehˇ taˬ-euˬ dawˬ-ahˇ taˬ ngehˇ nehˬ laꞈ.”

Aˇ dahˬ 32:13

Kʼoeˇ naˇ, aˬ yawꞈ kʼoeˇ gaˇ tiˬ miˇ jawˇ naˬ mˇ-awˇ, aˬ yawꞈ-euˬ aˇ doˆ-ahˇ bi biꞈ-iˇ-eu gʼaˇ duˬ, jeˬ zaˬ tiˬ deuˬ tseˇ doˆ-euˬ meh.

2 Saˬmeuˬlaˆ 17:11

Ngaˇ heu loꞈ-ehˇ nui noeˬ nui duˇ biꞈ mawꞈ-eu ma. Iˇsaˬleˬlaˆ miˇ kʼahˬ heu dzeˇ kʼoeˇ dzeˇ doˆ ni kʼaˇ jawˇ-eu tsawˇ haˬ deuˬ-ahˇ, iˬ ma laˆ shaˆ lawˇ deh-ahˇ ga-eu kʼaˇ shuiꞈ myaˆ ni kuˇ uiˬ taˬ-awˇ, nawˬ-euˬ gʼawˇ mawˇ aˬ yawꞈ maꞈ kʼoeˇ taˆ aˬ yuiꞈ geuꞈ-awˇ guiˇ deuˆ-eu tsaˬ tehꞈ-a.

1 Sahˬpaˬ 4:20

Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-aˬ, iˬ ma laˆ shaˆ lawˇ deh-ahˇ ga-eu kʼaˇ shuiꞈ loꞈ-ehˇ myaˬ-eu meh. Aˬ yawꞈ maꞈ ya dzaˬ ya dawˇ dehˆ-awˇ, laˬ kʼaˬ cehˇ nui saˇ oꞈ-euˬ meh.

1 Sahˬpaˬ 9:26

Eˬdoˬ miˇ kʼahˬ laꞈ kʼoeˇ, Aˬgaˬbaˬ lehˇ kuˇ-eu iˬ ma laˆ shaˆ lahˇ gʼoꞈ-euˬ lawˇ deh-ahˇ jaˆ-eu Eˇlaˆ meuˬ dawˬ peh, Eˬzoˇgeˇbaˬ meuˬ-ahˇ, saˇ baoˬ taˆ tiˬ taˆ Sawˇlaˬmoˬ tsoˆ taˬ-euˬ meh.

1 Laˬsaˬbaˬ 27:23

Iˇsaˬleˬlaˆ tsawˇ haˬ deuˬ mˬ taˆ tsehˬ-eu aˬ guiˇ loꞈ-ehˇ bi jeuˬ bi o le ma lehˇ, Sahˬpaˬ Miˬyehˇ neh saˇ jaˇ dzaˬ taˬ-eu jaˆ-eu miˇ neh, aˇ kʼoꞈ nyiˬ tseˇ laꞈ taˆ paw-euˬ tsawˇ haˬ deuˬ-ahˇ, sahˬ paˬ Daˬbiˇ tsawˇ seˬ maˬ gʼoˆ ni bi jawˇ-euˬ meh.

2 Laˬsaˬbaˬ 1:9

Sahˬpaˬ Miˬyehˇ pyeuꞈ-eu Miˬyehˇ-oˇ, nawˬ neh ngaˬ da-ahˇ saˇ jaˇ dzaˬ taˬ-euˬ jeˬ bi byah laˇ-awˬ. Maˬ gui jiˇ coeˇ gaˇ keuˆ ni myaˬ-eu tsawˇ haˬ deuˬ kʼoeˇ taˆ, nawˇ ngaˬ-ahˇ sahˬ paˬ bi geuꞈ laꞈ-euˬ meh.

Neˬhaˬmiˇ 9:23

Mˬ taˆ tsehˬ byah taˬ-euˬ aˬ guiˇ loꞈ-ehˇ, aˬ yawꞈ maꞈ-euˬ zaˬ deuˬ-ahˇ nawˇ bi myaˬ laˇ-awˇ, aˬ yawꞈ maꞈ-ahˇ biꞈ-eu gʼaˇ duˬ, aˬ poeˬ aˬ bawˇ deuˬ-ahˇ nawˇ saˇ jaˇ dzaˬ-euˬ miˇ kʼahˬ-ahˇ, aˬ yawꞈ maꞈ deuˆ gʼaˬ-awˇ bi jawˇ-euˬ meh.

Doˆ-iˇ 32:13

Aˬbyaˬhaˬ, Iˇtsaˆ hawˇ-eu, Yaˬkoˆ-ahˇ noeˬ keuˆ-awˬ. Aˬ yawꞈ maꞈ nehˬ-ehˇ nawˇ dawˬ ma saˇ jaˇ dzaˬ-awˇ, aˬ yawꞈ maꞈ-euˬ zaˬ deuˬ uˆ deuˬ, mˬ kʼoeˇ taˆ tsehˬ-eu aˬ guiˇ loꞈ-ehˇ bi myaˬ bi behˇ laˇ-awˇ, nawˬ neh aˬ yawꞈ maꞈ-ahˇ biꞈ ma lehˇ saˇ jaˇ dzaˬ taˬ-euˬ miˇ kʼahˬ dawˬ tawˆ luꞈ, aˬ yawꞈ maꞈ-euˬ zaˬ deuˬ-ahˇ mˬ maˬ maˬ byaˆ zaˇ ziˇ biꞈ tsehˆ ma lehˇ ehˇ taˬ-euˬ gaˇ noeˬ keuˆ-awˬ.”

Iˇsaˬyaˇ 48:19

Naw maꞈ-euˬ o neh jeuˬ le o le-euˬ zaˬ deuˬ uˆ deuˬ, kʼaˇ shuiꞈ loꞈ-ehˇ maˬ gui jiˇ coeˇ gaˇ keuˆ ni myaˬ-awˇ, aˬ yawꞈ maꞈ maˬ ya cawˆ-iˇ ni, ngaˇ kamˬ tsehˆ nehˬ-euˬ baw tehꞈ-a.”

Yeˬlaˬmiˇ 32:22

Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ nawˬ neh saˇ jaˇ dzaˬ taˬ-euˬ jaˆ-eu loꞈ-ehˇ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ heu kʼahˬ, aˬ yawꞈ maꞈ-ahˇ nawˇ biꞈ-euˬ meh.

Yeˬlaˬmiˇ 33:22

Mˬ taˆ tsehˬ-eu aˬ guiˇ hawˇ-eu laˆ shaˆ lawˇ deh kʼaˇ shuiꞈ maˬ gui jiˇ coeˇ-eu loꞈ-ehˇ, ngaˬ-euˬ zaˬ kʼaˆ Daˬbiˇ-euˬ zaˬ deuˬ uˆ deuˬ hawˇ-eu, Leˬbiˇ tsawˇ jeuˬ laꞈ kʼoeˇ piˇ ma geuꞈ-eu tsawˇ haˬ deuˬ, maˬ gui jiˇ coeˇ gaˇ keuˆ ni bi jeuˬ bi o le ma.”

Hawˇseˬ 1:10

Iˇsaˬleˬlaˆ tsawˇ haˬ deuˬ-aˬ, iˬ ma laˆ shaˆ kʼaˇ shuiꞈ loꞈ-ehˇ maˬ gui jiˇ coeˇ ni myaˬ laˇ tehꞈ-a. “Naw maꞈ ngaˬ-euˬ tsawˇ haˬ maˬ ngeuˇ” lehˇ, iˬ nah aˬ yawꞈ maꞈ-ahˇ Miˬyehˇ ehˇ kʼawꞈ, “Naw maꞈ-aˬ, dehꞈ luꞈ-eu Miˬyehˇ-euˬ zaˬ deuˬ meh” lehˇ, aˬ yawꞈ maꞈ-ahˇ aˬ yawꞈ paˇ ehˇ-eu aˇ nah keuˆ le tehꞈ-a.

Hawˇseˬ 2:1

Kʼoeˇ miˇ neh, nawˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ “Ngaˬ-euˬ tsawˇ haˬ” lehˇ hawˇ-eu, “Sahˬpaˬ Miˬyehˇ gaˬ-eu tsawˇ haˬ” lehˇ kuˇ-awˬ.

Miˇkaˬ 1:9

Saˬmaˬliˆ meuˬ-euˬ naˇ gawˇ maˬ paˇ laˆ saˆ nya-ehˇ, Yuˇdaˆ miˇ kʼahˬ kʼawꞈ kʼoeˇ loꞈ-ehˇ duˇ ni ya naˇ ya gawˇ-eu keuˆ le taˬ-euˬ meh. Ngaˬ-euˬ tsawˇ haˬ deuˬ jawˇ-eu Yeˬluˇsaˬlehˬ meuˬ-euˬ lahˇ kʼehˬ-ahˇ, luˬ-iˇ seˇ-iˇ-eu jeˬ keuˆ le taˬ-euˬ meh.”

Lormav 4:13

Miˇ tsaˬ heu dawˬ tawˆ luꞈ Aˬbyaˬhaˬ hawˇ-eu aˬ yawꞈ-euˬ zaˬ deuˬ uˆ deuˬ-ahˇ biꞈ ma lehˇ Miˬyehˇ saˇ jaˇ dzaˬ ngeh, Aˬbyaˬhaˬ Zahˇ dawˬ kʼoꞈ dawˬ mehˬ nah caw teh-eu miˇ neh dzaˬ-euˬ maˬ ngeuˇ-a. Ehˇ kʼawꞈ, aˬ yawꞈ jah-awˇ, Miˬyehˇ neh yaw tsaˬ yaw dawˇ tsawˇ haˬ lehˇ bi ha geuꞈ-euˬ miˇ neh meh.

Lormav 9:27

Iˇsaˬ leˬ laˇ tsawˇ jeuˬ gaˇ kawˆ Iˇsaˬyaˇ neh heu loꞈ-ehˇ ehˇ taˬ-euˬ meh. “Iˇsaˬleˬlaˆ tsawˇ haˬ deuˬ iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaꞈ kʼawꞈ, ka kʼoꞈ-eu jeˬ za-eu tsawˇ haˬ cuiˆ dui dui tehꞈ-a.

1 Gawˇliˬtu 15:57

Ehˇ kʼawꞈ, Sahˬpaˬ Yeˬsuˇ ka li-ahˇ gʼoe-awˇ aˬ dui-ahˇ gʼaˬ leˇ-eu jeˬ biꞈ laꞈ-euˬ Miˬyehˇ-aˬ, guiˬ lahˬ huiˬ luꞈ-uˇ.

Eˇpeˇsu 1:3

Aˬ dui-euˬ Sahˬpaˬ Yeˬsuˇ Ka liˬeuˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ jeˬ miˇ neh ehˇ naˇ, mˬ taˆ miˇ kʼahˬ-ahˇ jaˆ-eu saꞈ laˇ paw-euˬ guiˬ lahˬ yawˬ jeˬ na luꞈ, Yeˬsuˇ Ka li laꞈ kʼoeˇ aˬ dui-ahˇ aˬ yawꞈ biꞈ laꞈ-euˬ meh.

Dawˬmehˬ 1:10

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, naw maꞈ-ahˇ mˬ kʼoeˇ taˆ tsehˬ-eu aˬ guiˇ loꞈ-ehˇ bi myaˬ bi behˇ laˇ taˬ-euˬ meh.

Dawˬmehˬ 1:11

Naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahꞈpaˬ Miˬyehˇ saˇ jaˇ dzaˬ taˬ-euˬ loꞈ-ehˇ, naw maꞈ-ahˇ heu myaˆ maˬ tseˇ tiˬ heˇ bymˇ paˇ bi myaˬ paˇ bi behˇ laˇ-awˇ, bi baw bi za le luꞈ-uˇ.

Dawˬmehˬ 10:22

Naw maꞈ-euˬ aˬ poeˬ aˬ bawˇ deuˬ Iˇjiˇtuˆ miˇ kʼahˬ-ahˇ jawˇ-iˇ ngeh, shiꞈ tseˇ gʼaˬ byah-eu tehꞈ meh. Ehˇ kʼawꞈ, mˬ-ahˇ tsehˬ-eu aˬ guiˇ deuˬ loꞈ-ehˇ iˬ nah naw maꞈ myaˬ laˇ behˇ laˇ ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jahˇ-euˬ meh.

Dawˬmehˬ 13:17

Sahˬpaˬ Miˬyehˇ nui ma pehˇ-eu shuꞈ-iˇ-awˇ, naw maꞈ-ahˇ gʼawˬ shaˬ gaˬ ni, bi laˆ luˬ bi laˆ seˇ-eu gʼaˇ duˬ yaˬ kʼehˇ yaˬ nehˬ taˬ-euˬ myawˬ kʼoeˇ deuˬ, naw maꞈ gʼaˇ duˬ maˬ ya yuˇ geuꞈ-a. Iˬ nah naw maꞈ-ahˇ biꞈ-euˬ aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naw maꞈ naˇ haˬ geuꞈ-awˇ, aˬ yawꞈ neh kʼaˇ bi mˇ-euˬ jeˬ-ahˇ naw maꞈ mˇ naˇ, naw maꞈ-euˬ aˬ poeˬ aˬ bawˇ deuˬ-ahˇ aˬ yawꞈ neh saˇ jaˇ dzaˬ taˬ-euˬ loꞈ-ehˇ,

Dawˬmehˬ 13:18

aˬ yawꞈ naw maꞈ-ahˇ gʼawˬ shaˬ gaˬ-eu laꞈ kʼoeˇ, myaˬ dui behˇ dui dui-eu tsawˇ jeuˬ bi pyeuꞈ laˇ tehꞈ-a.

Dawˬmehˬ 21:19

Aˬ yawꞈ jawˇ-eu meuˬ-euˬ lahˇ kʼehˬ-ahˇ, meuˬ kʼoeˇ taˆ aˬ yuiꞈ aˬ tsu geuꞈ-awˇ uˆ lahˇ-eu deuˬ jawˇ gaˇ, aˬ ma aˬ da deuˬ aˬ li kʼoeˇ gʼaˬ-ahˇ ya sheuˬ gʼeh meh.

HeˬByehˇ 11:12

Ziˇ jiˇ-eu dawˬ peh peh le-euˬ tsawˇ haˬ kʼoeˇ tiˬ gʼaˬ o neh, mˬ taˆ tsehˬ-eu aˬ guiˇ hawˇ-eu iˬ ma laˆ shaˆ lawˇ deh-ahˇ jaˆ-eu kʼaˇ shuiˬ loꞈ-ehˇ myaˬ dui dui-eu zaˬ deuˬ uˆ deuˬ jeuˬ le o le-euˬ meh.

HeˬByehˇ 6:14

“Nawˬ-euˬ zaˬ deuˬ jeuˬ le o le ni ngaˇ nawˬ-ahˇ guiˬ lahˬ biꞈ-eu ma” lehˇ aˬ yawꞈ ehˇ-euˬ meh.

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”