Aˇ dahˬ 22:13 - Akha

¹³ Aˬbyaˬhaˬ jawˬ jawˬ-ehˇ haw gʼeh ngeh, baw duˆ-ahˇ uˬ coeˇ lahˇ leˇ taˬ-awˇ jawˇ-eu yawˇ aˬ buˬ tiˬ mawˇ-ahˇ ya mawˇ-euˬ meh. Yawˇ kʼoeˇ mawˇ-ahˇ aˬ yawꞈ paꞈ laˬ-iˇ-awˇ, aˬ yawꞈ aˬ li-euˬ dah zaˇ, miˬ dzaˬ-ahˇ dzah puiˆ-awˇ lawˇ-eu jeˬ Sahˬpaˬ Miˬyehˇ-ahˇ lawˇ nehˬ-euˬ meh.

Aˇ dahˬ 22:13 ပူးပေါင်းရင်းမြစ်များ

Aˇ dahˬ 22:12

“Aˬ li-ahˇ tiˬ jeˬ-iˬ taˬ paˇ jahˇ. Nawˇ Miˬyehˇ-ahˇ guˆ-eu gaˇ kawˆ nymˬ-mˇ ngaˇ ya siˬ duˬ-euˬ ma. Aˬ jeˬ miˇ neh ehˇ naˇ, aˬ li tiˬ gʼaˬ tehꞈ miˇ neh Miˬyehˇ-ahˇ maˬ lawˇ nehˬ peuˬ nya lehˇ nawˇ maˬ ehˇ-a” lehˇ, mˬ taˆ gʼaˬ kʼehˇ kʼoeˇ gʼaˬ Aˬbyaˬhaˬ-ahˇ ehˇ nehˬ-euˬ meh.

Aˇ dahˬ 22:14

Jawˇ duˬ kʼoeˇ tsahˇ-ahˇ, “Sahˬpaˬ Miˬyehˇ laˆ saˆ taˬ-euˬ” lehˇ Aˬbyaˬhaˬ myahˇ nehˬ-euˬ meh. “Sahˬpaˬ Miˬyehˇ-euˬ gawˬ jawˬ-ahˇ Sahˬpaˬ Miˬyehˇ laˆ saˆ taˬ-euˬ meh” lehˇ, iˬ nah keuˆ ni aˬ cawˬ dawˬ daˬ daˬ luꞈ-eu meh.

Aˇ dahˬ 22:8

Aˬbyaˬhaˬ gʼeh, “Miˬyehˇ laˆ saˆ taˬ tehꞈ-a” lehˇ ehˇ kʼoꞈ nehˬ-euˬ meh. Kʼoeˇ naˇ, aˬ yawꞈ nyaꞈ mehˬ hu paw paˇ le leꞈ-euˬ meh.

Iˇsaˬyaˇ 30:21

Naw maꞈ gaˇ oˆ gaˇ taˆ cah lehˬ iˇ lehˬ ngeh, “Gaˇ ma heu gaˇ dahˇ meh. Gaˇ ma-ahˇ cah-awˬ” lehˇ, naw maꞈ-euˬ naˇ kʼah aˬ yawꞈ jawˇ-awˇ ehˇ tehꞈ-a.

1 Gawˇliˬtu 10:13

Aˬ cawˬ maˬ ya puˬ maˬ ya mawˇ haw-euˬ muˇ juˇ juˇ-eu jeˬ-ahˇ naw maꞈ ya daˬ-eu maˬ ngeuˇ-a. Miˬyehˇ-aˬ, saˇ jaˇ ziꞈ dui dui-awˇ, naw maꞈ maˬ kamˬ coeˇ-eu muˇ juˇ juˇ-eu jeˬ maˬ bi keuˆ le-a. Naw maꞈ kʼoeˇ taˆ muˇ juˇ juˇ-eu jeˬ keuˆ le ngeh, kamˬ coeˇ ni aˬ yawꞈ gʼaˬ biꞈ nehˬ laꞈ-awˇ, buˬ-iˇnya-eu gaˇ ma shaˇ dahˇ nehˬ laꞈ tehꞈ-a.