Aˇ dahˬ 22:11 - Akha

¹¹ Ehˇ kʼawꞈ, Sahˬpaˬ Miˬyehˇ-euˬ gʼaˬ kʼehˇ mˬ kʼoeˇ taˆ jawˇ-awˇ, “Aˬbyaˬhaˬ-oˇ, Aˬbyaˬhaˬ-oˇ” lehˇ kuˇ-eu miˇ neh, “Ngaˇ heu gaˇ jawˇ ma” lehˇ Aˬbyaˬhaˬ guˇ kʼoꞈ nehˬ-euˬ meh.

Aˇ dahˬ 22:11 ပူးပေါင်းရင်းမြစ်များ

Aˇ dahˬ 16:7

Shuˇyaˆ meuˬ-ahˇ iˇ-eu gaˇ ma gaˇ pehˇ, bawˇ tsahˬ bawˇ dahˇ-ahˇ jaˆ-eu iˇ cuꞈ lawˇ gawˆ gawˆ zaˬ tiˬ gawˆ dawˬ peh, Sahˬpaˬ Miˬyehˇ-euˬ gʼaˬ kʼehˇ tiˬ gʼaˬ Haˬgaˬlaˇ-ahˇ tahˬ puˬ-awˇ,

Aˇ dahˬ 21:17

Aˬ li kʼoeˇ gʼaˬ ngoeˇ luꞈ-eu teˇ saˇ-ahˇ Miˬyehˇ ya gaˬ-euˬ meh. Kʼoeˇ ngeh, Miˬyehˇ gʼaˬ kʼehˇ tiˬ gʼaˬ, mˬ kʼoeˇ taˆ neh Haˬgaˬlaˇ-ahˇ heu loꞈ-ehˇ dawˬ ngehˬ cawˬ-euˬ meh. “Haˬgaˬlaˇ-oˇ, nawˇ aˬ jeˬ miˇ neh noeˬ shaˬ te. Taˬ guˆ. Aˬ li ngoeˇ-eu teˇ saˇ-ahˇ Miˬyehˇ ya gaˬ gʼaˬ-euˬ meh.

Aˇ dahˬ 21:18

Tuˇ-awˬ. Aˬ li-ahˇ ciˬ-awˇ muˇ taˬ nehˬ-awˬ. Aˬ li heu li-euˬ zaˬ deuˬ uˆ deuˬ-ahˇ, ngaˇ huiˬ-eu tsawˇ jeuˬ bi pyeuꞈ laˇ ma.”

Aˇ dahˬ 22:1

Aˇ yamˬ tiˬ kʼehˬ myahˇ laˇ ngeh, Aˬbyaˬhaˬ-ahˇ Miˬyehˇ lawˬ haw-euˬ meh. “Aˬbyaˬhaˬ-oˇ” lehˇ Miˬyehˇ kuˇ ngeh, “Ngaˇ heu gaˇ jawˇ ma” lehˇ, Aˬbyaˬhaˬ oˬ toˬ-euˬ meh.

Aˇ dahˬ 22:10

Kʼoeˇ naˇ, aˬ yawꞈ-euˬ aˬ li-ahˇ sehꞈ-eu lehˇ mi cehˇ jiˇ baˆ gʼawˇ doˆ-euˬ meh.

Aˇ dahˬ 22:12

“Aˬ li-ahˇ tiˬ jeˬ-iˬ taˬ paˇ jahˇ. Nawˇ Miˬyehˇ-ahˇ guˆ-eu gaˇ kawˆ nymˬ-mˇ ngaˇ ya siˬ duˬ-euˬ ma. Aˬ jeˬ miˇ neh ehˇ naˇ, aˬ li tiˬ gʼaˬ tehꞈ miˇ neh Miˬyehˇ-ahˇ maˬ lawˇ nehˬ peuˬ nya lehˇ nawˇ maˬ ehˇ-a” lehˇ, mˬ taˆ gʼaˬ kʼehˇ kʼoeˇ gʼaˬ Aˬbyaˬhaˬ-ahˇ ehˇ nehˬ-euˬ meh.

Aˇ dahˬ 22:16

“Nawˇ smˇ muiˬ muiˬ dui dui laˇ ni guiˬ lahˬ biꞈ-eu gʼaˇ duˬ, ngaˬ-euˬ tsawˇ myahˇ uˬ moˆ ngaˇ nawˬ-ahˇ saˇ jaˇ dzaˬ-eu ma lehˇ, Sahˬpaˬ Miˬyehˇ ehˇ-eu meh. Aˬ jeˬ miˇ neh ehˇ naˇ, nawˬ li tiˬ gʼaˬ tehꞈ-ehˇ jawˇ-eu kʼawꞈ, ngaˬ-euˬ gʼaˇ duˬ nawˇ lawˇ nehˬ peuˬ-eu meh.

Aˇ dahˬ 24:7

Mˬ kʼoeˇ taˆ jawˇ-eu Miˬyehˇ pyeuꞈ-eu Sahˬpaˬ Miˬyehˇ-aˬ, ngaˬ da-euˬ nymˇ hawˇ-eu ngaˬ-euˬ aˬ yuiꞈ aˬ nyiˇ deuˬ jawˇ-eu miˇ kʼahˬ-ahˇ neh ngaˬ-ahˇ bi doˆ le-awˇ, miˇ kʼahˬ heu kʼahˬ ngaˬ-euˬ zaˬ ngaˬ-euˬ uˆ deuˬ-ahˇ biꞈ ma lehˇ, dawˬ ma saˇ jaˇ dzaˬ taˬ-euˬ jaˆ-eu meh. Ngaˬ li gʼaˇ duˬ miˬ zaˬ tiˬ gʼaˬ nawˇ poˆ mawˇ nya ni, Sahˬpaˬ Miˬyehˇ aˬ yawꞈ-euˬ gʼaˬ kʼehˇ-ahˇ, nawˬ-euˬ mehˬ hu pyehˬ gʼeh tehꞈ-a.

Aˇ dahˬ 31:11

Yuꞈ maˆ maˆ-eu laꞈ kʼoeˇ, Miˬyehˇ gʼaˬ kʼehˇ ngaˬ-ahˇ kuˇ le-awˇ, ngaˇ oˬ toˬ nehˬ-euˬ ma.

Aˇ dahˬ 37:13

“Nawˬ-euˬ aˇ doˆ deuˬ jeˬ zaˬ bo luꞈ-eu Sheˬkmˬ meuˬ paw iˇ haw sheˇ” lehˇ, Yoˇsehˆ-ahˇ Yaˬkoˆ ehˇ nehˬ ngeh, “Ngaˇ iˇ ma da-oˇ” lehˇ Yoˇsehˆ ehˇ kʼoꞈ nehˬ-euˬ meh.

Aˇ dahˬ 46:2

Uˬ ciꞈ keuˆ le ngeh, yaw sahˇ laꞈ kʼoeˇ Miˬyehˇ aˬ yawꞈ-ahˇ pah mehˬ le-awˇ, “Yaˬkoˆ-oˇ, Yaˬkoˆ-oˇ” lehˇ kuˇ le-euˬ meh. Yaˬkoˆ gʼeh, “Ngaˇ heu gaˇ jawˇ ma” lehˇ ehˇ kʼoꞈ nehˬ-euˬ meh.

Aˇ dahˬ 48:16

Guˆ-eu gaˆ-eu jeˬ laꞈ kʼoeˇ ngaˬ-ahˇ sheuˬ buˬ-euˬ Miˬyehˇ-euˬ gʼaˬ kʼehˇ, aˬ yawꞈ nyaꞈ-ahˇ guiˬ lahˬ biꞈ luꞈ-uˇ. Aˬ li heu nyiˬ li baˬ da neh, ngaˬ-euˬ tsawˇ myahˇ maˬ ehˇ, ngaˬ bawˇ Aˬbyaˬhaˬ-euˬ tsawˇ myahˇ maˬ ehˇ, ngaˬ da Iˇtsaˆ-euˬ tsawˇ myahˇ maˬ ehˇ, tiˬ jawˇ-iˬ maˬ byoˆ-iˇ ni jaˆ yaꞈ luꞈ-uˇ. Aˬ yawꞈ nyaꞈ nmˇ zaˬ gʼawˬ mya ni jawˇ le-awˇ, aˬ yawꞈ maꞈ-euˬ zaˬ deuˬ uˆ deuˬ, myaˬ dui dui le luꞈ-uˇ.”

Doˆ-iˇ 3:2

Kʼoeˇ ngeh, aˇ bawˇ baw duˆ tiˬ duˆ-euˬ gʼahˇ ceh miˬ dzaˬ doꞈ laˇ-awˇ, miˬ dzaˬ miˬ lmˇ laꞈ kʼoeˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ Moˇseˬ mehˬ shi doˆ le-euˬ meh. Baw duˆ kʼoeˇ duˆ-ahˇ miˬ dzaˬ doꞈ luꞈ-eu kʼawꞈ, baw duˆ kʼoeˇ duˆ maˬ puiˆ dzaˬ gaˇ Moˇseˬ ya mawˇ-euˬ meh.

Doˆ-iˇ 3:4

Moˇseˬ dawˬ peh laˇ peh luꞈ gaˇ Sahˬpaˬ Miˬyehˇ ya mawˇ ngeh, baw duˆ kʼoeˇ duˆ-euˬ gʼahˇ ceh jawˇ-awˇ, “Moˇseˬ-oˇ, Moˇseˬ-oˇ” lehˇ kuˇ-euˬ meh. Moˇseˬ gʼeh, “Ngaˇ heu gaˇ jawˇ ma” lehˇ oˬ toˬ kʼoꞈ nehˬ-euˬ meh.

Iˇsaˬyaˇ 6:8

Kʼoeˇ ngeh, “Aˬ suˇ gʼaˬ-ahˇ pyehˬ gʼeh nmˇ. Aˬ suˇ gʼaˬ aˬ dui gʼaˇ duˬ ngehˬ dah-iˇ nmˇ” lehˇ Sahˬpaˬ Miˬyehˇ ehˇ-eu ngaˇ ya gaˬ-awˇ, “Ngaˇ iˇ ma. Ngaˬ-ahˇ pyehˬ gʼeh-awˬ” lehˇ ehˇ kʼoꞈ nehˬ-euˬ ma.

Gʼaˬkʼehˇ 26:14

Nga maꞈ yawˬ gʼaˬ na luꞈ miˇ tsa coˬ dzeh-euˬ ma. Kʼoeˇ naˇ, Heˬbyehˇ dawˬ-ahˇ neh, ngaˬ-ahˇ heu loꞈ-ehˇ ehˇ-eu teˇ saˇ-ahˇ ngaˇ ya gaˬ-euˬ ma. ‘Sawˇluˆ-oˇ, Sawˇluˆ-oˇ, aˬ jeˬ miˇ neh nawˇ ngaˬ-ahˇ kʼehˬ te. Mawˇ neˇ-ahˇ tsawˆ-eu daˇ ceh-ahˇ behˆ-eu mawˇ neˇ loꞈ-ehˇ, yawˬ haˇ yawˬ ha laˆ tahˬ laˆ naˇ-eu jeˬ nawˇ mˇ-eu nga’ lehˇ ehˇ-eu meh.

Gʼaˬkʼehˇ 9:4

Aˬ yawꞈ miˇ tsa coˬ dzeh-awˇ, heu loꞈ-ehˇ ehˇ-eu teˇ saˇ-ahˇ ya gaˬ-euˬ meh. “Sawˇluˆ-oˇ, Sawˇluˆ-oˇ, aˬ jeˬ miˇ neh nawˇ ngaˬ-ahˇ kʼehˬ te.”

Yaˇ kʼaˬ daˇ 2:1

Sahˬpaˬ Miˬyehˇ-euˬ mˬ taˆ gʼaˬ kʼehˇ Giˇlaˇgaˬlaˇ meuˬ-ahˇ neh Bawˇcmˇ meuˬ-ahˇ oe-awˇ, Iˇsaˬleˬlaˆ tsawˇ haˬ deuˬ-ahˇ ehˇ-eu, “Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ngaˇ sheuˬ doˆ laꞈ-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ neh saˇ jaˇ dzaˬ taˬ-euˬ miˇ kʼahˬ-ahˇ naw maꞈ-ahˇ sheuˬ laꞈ-euˬ ma. Ngaˇ heu loꞈ-ehˇ ehˇ taˬ-euˬ ma. ‘Naw maꞈ nehˬ-ehˇ dzaˬ taˬ-euˬ ngaˬ-eu dawˬ ma saˇ jaˇ-ahˇ tiˬ jawˇ-iˬ ngaˇ maˬ puiˬ.’

1 Saˬmeuˬlaˆ 3:10

Sahˬpaˬ Miˬyehˇ kʼoeˇ gaˇ yawꞈ le-awˇ, yaw beh kuˇ-eu loꞈ-ehˇ “Saˬmeuˬlaˆ-oˇ, Saˬmeuˬlaˆ-oˇ” lehˇ kuˇ le-euˬ meh. Saˬmeuˬlaˆ gʼeh, “Nawˬ-euˬ dawˬ-ahˇ nawˬ-euˬ zaˬ kʼaˆ naˇ haˬ luꞈ ma” lehˇ ehˇ kʼoꞈ nehˬ-euˬ meh.

1 Saˬmeuˬlaˆ 3:4

Kʼoeˇ ngeh, Sahˬpaˬ Miˬyehˇ Saˬmeuˬlaˆ-ahˇ kuˇ-awˇ, Saˬmeuˬlaˆ oˬ toˬ-euˬ meh.