Aˇ dahˬ 21:21 - Akha

²¹ Aˬ yawꞈ-euˬ aˬ ma neh aˬ yawꞈ-ahˇ Iˇjiˇtuˆ tsawˇ jeuˬ zaˬ miˬ aˬ buˇ tiˬ gʼaˬ-ahˇ bi sheuˬ dahˬ dzaˬ-euˬ meh.

Aˇ dahˬ 21:21 ပူးပေါင်းရင်းမြစ်များ

Aˇ dahˬ 14:6

Eˬdoˬ meuˬ-euˬ gawˬ jawˬ gawˬ duˇ doe ni jawˇ-eu Hawˇlaˆ tsawˇ jeuˬ-ahˇ maˬ ehˇ, deuˆ gʼaˬ jiˇ-awˇ, bawˇ tsahˬ bawˇ dahˇ dawˬ peh jaˆ-eu Eˇpaˬlaˬ meuˬ-ahˇ keuˆ ni teh keuˆ gʼeh-euˬ meh.

Aˇ dahˬ 16:3

Kʼoeˇ ngeh, Saˬlehˇ neh Haˬgaˬlaˇ-ahˇ Aˬbyaˬ-euˬ ma nyiˇ bi geuꞈ-euˬ meh. Heu-aˬ, Aˬbyaˬ aˬ yawꞈ Kaˬnaˬ miˇ kʼahˬ-ahˇ tseˇ kʼoꞈ jawˇ keuˆ laꞈ ngeh pyeuꞈ laˇ-euˬ gaˇ kawˆ meh.

Aˇ dahˬ 25:18

Iˇshaˬmeˬlaˇ-euˬ zaˬ deuˬ uˆ deuˬ-aˬ, Iˇjiˇtuˆ miˇ kʼahˬ nahˇ ma doˆ kʼehˬ paw, Aˬshuˇliˆ miˇ kʼahˬ-ahˇ iˇ-eu gaˇ ma-ahˇ jaˆ-eu Haˬbiˇlaˬ meuˬ hawˇ-eu Shuˇyaˆ meuˬ yaw kaˬ-ahˇ jawˇ-euˬ meh. Aˬ yawꞈ maꞈ-aˬ, Aˬbyaˬhaˬ-euˬ zaˬ yawˬ deuˬ yawˬ nehˬ-ehˇ maˬ jawˇ keuˬ ni jawˇ-euˬ meh.

Aˇ dahˬ 27:46

Iˇtsaˆ-ahˇ Leˬbehˇkaꞈ ehˇ nehˬ-eu, “Aˬ cawˬ tsawˇ jeuˬ pyeuꞈ-eu Iˇsawˇ-euˬ miˬ zaˬ deuˬ baˬ da neh ngaˇ nui ma cawˆ dui dui nya. Yaˬkoˆ gʼaˬ kʼawꞈ, Heˬtaˆ tsawˇ jeuˬ-ahˇ paˇ sheuˬ lawˬ naˇ, ngaˇ shiˇ-eu maˬ ngeuˇ naˇ maˬ paˇ dzeˇ miˇ-a.”

1 Sahˬpaˬ 11:18

Aˬ yawꞈ maꞈ Miˇdiˬyaˬ miˇ kʼahˬ-ahˇ neh doˆ-iˇ-awˇ, Paˬlaˬ miˇ kʼahˬ-ahˇ iˇ-euˬ meh. Kʼoeˇ gaˇ, tsawˇ haˬ tiˬ paˆ na deuˬ aˬ yawꞈ maꞈ jawˇ gaˇ cehˆ gm le-euˬ meh. Kʼoeˇ naˇ, Iˇjiˇtuˆ miˇ kʼahˬ-ahˇ aˬ yawꞈ maꞈ iˇ keuˆ-awˇ, Iˇjiˇtuˆ sahˬ paˬ jawˇ gaˇ le-euˬ meh. Sahˬ paˬ kʼoeˇ gʼaˬ Haˬdaˇ-ahˇ miˇ tsaˬ hawˇ-eu nymˇ tiˬ nymˇ biꞈ nehˬ-awˇ, dzaˬ dzaˬ dawˇ dawˇ caw ba nehˬ-euˬ meh.

2 Laˬsaˬbaˬ 24:3

Yeˬhawˇyaˬdaˬ neh Yawˇshaˆ-ahˇ miˬ zaˬ nyiˬ gʼaˬ poˆ nehˬ-awˇ, kʼoeˇ nyiˬ gʼaˬ o neh aˬ buˇ aˬ li gʼawˬ mya ni jawˇ le-euˬ meh.

Yeˬlaˬmiˇ 29:6

Sheuˬ dahˬ dzaˬ taꞈ-awˇ, zaˬ oeˬ bi sahˇ le-awˬ. Naw maꞈ-euˬ zaˬ deuˬ kʼawꞈ, bi sheuˬ dahˬ dzaˬ taꞈ-awˇ, bi jeuˬ bi o le-awˬ. Naw maꞈ tsawˇ haˬ maˬ ya bi cuiˆ-iˇ ni, ya bi myaˬ laˇ meh.

Haˬbaˬkuˆ 3:3

Eˬdoˬ paw neh Miˬyehˇ oe meh. Muiˬ-eu shawˇ-eu aˬ dui Miˬyehˇ, Paˬlaˬ gawˬ jawˬ paw neh oe meh. Mˬ-ahˇ yaw shehꞈ kʼahˬ sehˇ byah-awˇ, miˇ tsa ja ceuˬ-eu dawˬ byah meh.

Bawˇtsahˬ 10:12

Kʼoeˇ ngeh, Iˇsaˬleˬlaˆ tsawˇ haˬ deuˬ luˆ-iˇ-awˇ, Siˇnaˆ bawˇ tsahˬ bawˇ dahˇ laꞈ kʼoeˇ neh doˆ-iˇ-euˬ meh. Kʼoeˇ naˇ, Paˬlaˬ lehˇ kuˇ-eu bawˇ tsahˬ bawˇ dahˇ-ahˇ naˬ-iˇ-euˬ meh.

Bawˇtsahˬ 12:16

Kʼoeˇ naˇ, Haˬzeˬloˆ lehˇ kuˇ-euˬ jawˇ duˬ-ahˇ neh aˬ yawꞈ maꞈ doˆ-iˇ-awˇ, Paˬlaˬ bawˇ tsahˬ bawˇ dahˇ-ahˇ jawˇ-euˬ meh.

Bawˇtsahˬ 13:26

Paˬlaˬ bawˇ tsahˬ bawˇ dahˇ laꞈ kʼoeˇ, Kaˬdeˬshaˇ lehˇ kuˇ-eu jawˇ duˬ-ahˇ, Moˇseˬ, Aˬloˬ hawˇ-eu Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ jawˇ gaˇ aˬ yawꞈ maꞈ gʼoꞈ keuˆ le-euˬ meh. Aˬ yawꞈ maꞈ neh kʼaˇ ya mawˇ yaꞈ-euˬ jeˬ gaˇ kawˆ dzawˇ mehˬ-awˇ, aˬ yawꞈ maꞈ neh yuˇ kʼoꞈ leꞈ-euˬ aˇ siˬ deuˬ kʼawꞈ, mehˬ nehˬ-euˬ meh.

Bawˇtsahˬ 13:3

Sahˬpaˬ Miˬyehˇ neh dawˬ biꞈ-euˬ loꞈ-ehˇ, tsawˇ haˬ kʼoeˇ deuˬ-ahˇ, Paˬlaˬ bawˇ tsahˬ bawˇ dahˇ laꞈ kʼoeˇ neh Moˇseˬ pyehˬ gʼeh-euˬ meh.

1 Gawˇliˬtu 7:38

Kʼoeˇ miˇ neh, miˬ zaˬ sheuˬ-eu tsawˇ haˬ-aˬ, yaw muiˬ jeˬ mˇ gaˇ duˇ-eu meh. Ehˇ kʼawꞈ, miˬ zaˬ maˬ sheuˬ-eu tsawˇ haˬ-aˬ, kʼoeˇ naˆ maˬ tseˇ muiˬ-eu jeˬ mˇ gaˇ duˇ-eu meh.

Yaˇ kʼaˬ daˇ 14:2

Kʼoeˇ naˇ, aˬ yawꞈ-euˬ aˬ ma aˬ da jawˇ gaˇ aˬ yawꞈ gʼoꞈ leˇ-awˇ, heu loꞈ-ehˇ ehˇ nehˬ-euˬ meh. “Tmˇnahˬ meuˬ laꞈ kʼoeˇ, Piˇliˇtiˆ zaˬ miˬ aˬ buˇ zaˬ guˬ tiˬ gʼaˬ-ahˇ ngaˇ mawˇ yaꞈ-euˬ ma. Zaˬ miˬ aˬ buˇ kʼoeˇ gʼaˬ-ahˇ sheuˬ laˬ-iˇ-awˇ, ngaˬ-ahˇ bi sheuˬ dahˬ dzaˬ laꞈ-awˬ.”

1 Saˬmeuˬlaˆ 25:1

Saˬmeuˬlaˆ ziˇ jiˇ-awˇ, Iˇsaˬleˬlaˆ tsawˇ haˬ dawˬ tawˆ luꞈ uiˬ laˇ-eu laꞈ kʼoeˇ, aˬ yawꞈ-ahˇ tsawˇ ngoeˇ ngoeˇ nehˬ-euˬ meh. Kʼoeˇ naˇ, Laˬmahˇ meuˬ-ahˇ jaˆ-eu aˬ yawꞈ-euˬ nymˇ-ahˇ, aˬ yawꞈ maꞈ aˬ yawꞈ-ahˇ baꞈ pahˬ nehˬ-euˬ meh. Kʼoeˇ naˇ, Paˬlaˬ lehˇ kuˇ-eu bawˇ tsahˬ bawˇ dahˇ-ahˇ Daˬbiˇ iˇ-euˬ meh.