Aˇ dahˬ 21:17 - Akha

¹⁷ Aˬ li kʼoeˇ gʼaˬ ngoeˇ luꞈ-eu teˇ saˇ-ahˇ Miˬyehˇ ya gaˬ-euˬ meh. Kʼoeˇ ngeh, Miˬyehˇ gʼaˬ kʼehˇ tiˬ gʼaˬ, mˬ kʼoeˇ taˆ neh Haˬgaˬlaˇ-ahˇ heu loꞈ-ehˇ dawˬ ngehˬ cawˬ-euˬ meh. “Haˬgaˬlaˇ-oˇ, nawˇ aˬ jeˬ miˇ neh noeˬ shaˬ te. Taˬ guˆ. Aˬ li ngoeˇ-eu teˇ saˇ-ahˇ Miˬyehˇ ya gaˬ gʼaˬ-euˬ meh.

Aˇ dahˬ 21:17 ပူးပေါင်းရင်းမြစ်များ

Aˇ dahˬ 15:1

Kʼoeˇ naˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬbyaˬ-oˇ, guˆ-eu nui ma taˬ bi ahˇ. Guˆ-eu gaˆ-eu jeˬ laꞈ kʼoeˇ nawˬ-ahˇ ngaˇ haw piˇ-awˇ, huiˬ dui dui-eu guiˬ lahˬ biꞈ ma.”

Aˇ dahˬ 16:11

Nawˇ aˬ li tiˬ li jawˇ le-awˇ, aˬ li kʼoeˇ li-ahˇ Iˇshaˬmeˬlaˇ lehˇ ya myahˇ nehˬ tehꞈ-a. Aˬ jeˬ miˇ neh ehˇ naˇ, nawˇ shaˬ zahˬ naꞈ-eu laꞈ kʼoeˇ ngoeˇ luꞈ-eu teˇ saˇ-ahˇ, Sahˬpaˬ Miˬyehˇ ya gaˬ gʼaˬ-euˬ meh.

Aˇ dahˬ 16:7

Shuˇyaˆ meuˬ-ahˇ iˇ-eu gaˇ ma gaˇ pehˇ, bawˇ tsahˬ bawˇ dahˇ-ahˇ jaˆ-eu iˇ cuꞈ lawˇ gawˆ gawˆ zaˬ tiˬ gawˆ dawˬ peh, Sahˬpaˬ Miˬyehˇ-euˬ gʼaˬ kʼehˇ tiˬ gʼaˬ Haˬgaˬlaˇ-ahˇ tahˬ puˬ-awˇ,

Aˇ dahˬ 16:8

“Saˬlehˇ-euˬ zaˬ kʼaˆ Haˬgaˬlaˇ-oˇ, aˬ geu gaˇ neh oe-awˇ aˬ geu paw iˇ-eu gʼeh te” lehˇ naˇ haˬ ngeh, “Ngaˬ-euˬ nymˇ sahˇ aˬ ma-ahˇ maˬ ya mawˇ gaˇ cehˆ byoˆ-eu lehˇ gʼeh-eu ma” lehˇ, Haˬgaˬlaˇ ehˇ kʼoꞈ nehˬ-euˬ meh.

Aˇ dahˬ 16:9

“Aˬ yawꞈ jawˇ gaˇ gʼoꞈ leˇ-awˇ, aˬ yawꞈ-euˬ zaˬ kʼaˆ paˇ geuꞈ kʼoꞈ leˇ-awˬ” lehˇ, Sahˬpaˬ Miˬyehˇ-euˬ gʼaˬ kʼehˇ kʼoeˇ gʼaˬ Haˬgaˬlaˇ-ahˇ ehˇ nehˬ-euˬ meh.

Aˇ dahˬ 22:11

Ehˇ kʼawꞈ, Sahˬpaˬ Miˬyehˇ-euˬ gʼaˬ kʼehˇ mˬ kʼoeˇ taˆ jawˇ-awˇ, “Aˬbyaˬhaˬ-oˇ, Aˬbyaˬhaˬ-oˇ” lehˇ kuˇ-eu miˇ neh, “Ngaˇ heu gaˇ jawˇ ma” lehˇ Aˬbyaˬhaˬ guˇ kʼoꞈ nehˬ-euˬ meh.

Aˇ dahˬ 24:7

Mˬ kʼoeˇ taˆ jawˇ-eu Miˬyehˇ pyeuꞈ-eu Sahˬpaˬ Miˬyehˇ-aˬ, ngaˬ da-euˬ nymˇ hawˇ-eu ngaˬ-euˬ aˬ yuiꞈ aˬ nyiˇ deuˬ jawˇ-eu miˇ kʼahˬ-ahˇ neh ngaˬ-ahˇ bi doˆ le-awˇ, miˇ kʼahˬ heu kʼahˬ ngaˬ-euˬ zaˬ ngaˬ-euˬ uˆ deuˬ-ahˇ biꞈ ma lehˇ, dawˬ ma saˇ jaˇ dzaˬ taˬ-euˬ jaˆ-eu meh. Ngaˬ li gʼaˇ duˬ miˬ zaˬ tiˬ gʼaˬ nawˇ poˆ mawˇ nya ni, Sahˬpaˬ Miˬyehˇ aˬ yawꞈ-euˬ gʼaˬ kʼehˇ-ahˇ, nawˬ-euˬ mehˬ hu pyehˬ gʼeh tehꞈ-a.

Aˇ dahˬ 26:24

Kʼoeˇ ngeh miˇ, Sahˬpaˬ Miˬyehˇ aˬ yawꞈ mehˬ shi doˆ le-awˇ, “Ngaˇ-aˬ, nawˬ da Aˬbyaˬhaˬ-euˬ Miˬyehˇ ma. Taˬ guˆ. Ngaˇ nawˬ nehˬ-ehˇ jawˇ luꞈ ma. Ngaˬ-euˬ zaˬ kʼaˆ Aˬbyaˬhaˬ-ahˇ ngaˇ saˇ jaˇ biꞈ taˬ-euˬ loꞈ-ehˇ, ngaˇ nawˬ-ahˇ guiˬ lahˬ biꞈ-awˇ, nawˬ-euˬ zaˬ nawˬ-euˬ uˆ deuˬ bi jeuˬ bi o le ma” lehˇ ehˇ nehˬ-euˬ meh.

Aˇ dahˬ 46:3

Miˬyehˇ ehˇ-eu, “Ngaˇ-aˬ, nawˬ da-euˬ Miˬyehˇ pyeuꞈ-eu Miˬyehˇ ma. Iˇjiˇtuˆ miˇ kʼahˬ-ahˇ maˬ guˆ ni iˇ-awˬ. Miˇ kʼahˬ kʼoeˇ kʼahˬ laꞈ kʼoeˇ, nawˬ-euˬ zaˬ nawˬ-euˬ uˆ deuˬ-ahˇ huiˬ-eu tsawˇ jeuˬ bi pyeuꞈ laˇ ma.

2 Sahˬpaˬ 13:23

Ehˇ kʼawꞈ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ gaˬ-eu laꞈ kʼoeˇ, Aˬbyaˬhaˬ, Iˇtsaˆ, Yaˬkoˆ aˬ ha maꞈ-ahˇ aˬ yawꞈ neh dzaˬ taˬ-euˬ dawˬ ma saˇ jaˇ baˬ da neh, aˬ yawꞈ-euˬ tsawˇ jeuˬ-ahˇ aˬ yawꞈ maˬ ngehˇ leˇ coeˇ-ehˇ, cawˆ-iˇ jiˇ gaˇ maˬ bi keuˆ ni caw ba nehˬ-euˬ meh.

2 Sahˬpaˬ 13:4

Kʼoeˇ ngeh jawˇ, Yeˬhawˇhaˆ-aˬ, Sahˬpaˬ Miˬyehˇ-ahˇ guiˬ lahˬ shaˇ-euˬ meh. Suˇliˆ sahˬ paˬ Iˇsaˬleˬlaˆ tsawˇ haˬ deuˬ-ahˇ yaw kʼaˆ-ehˇ kʼehˬ nehˬ gaˇ Sahˬpaˬ Miˬyehˇ ya mawˇ ngeh, Yeˬhawˇhaˆ-euˬ guiˬ lahˬ shaˇ dawˬ-ahˇ naˇ haˬ nehˬ-euˬ meh.

Jaceuq 10:14

Ehˇkʼawꞈkʼehˬ-eu kʼaˆ-eu jeˬ-ahˇ, nawˇsiˬluꞈmawˇluꞈ-eu laꞈkʼoeˇ, aˬmyah luꞈ caw ba nehˬ-eu meh. Nawˬ-ahˇuˬduˬtahˬshaˇlaˇngeh, maˬbyehˇdzeh ni caw ba-euˬmeh.

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Jaceuq 6:8

Yaw haiˬjeˬmˇ-eu tsawˇhaˬ-oˇ, ngaˇjawˇgaˇneh doˆ-iˇjiˇ-awˬ. Ngaˬneh ngoeˇ-euˬteˇsaˇ heu-ahˇ, SahˬpaˬMiˬyehˇ gaˬgʼaˬ-euˬmeh.

Jaceuq 65:2

Aˬ jeˬ miˇ neh ehˇ naˇ, nga maꞈ-euˬ shaˇ dawˬ-ahˇ nawˇ naˇ haˬ nehˬ laꞈ-eu meh. Miˇ tsaˬ zaˬ dawˬ tawˆ luꞈ nawˇ jawˇ gaˇ ya laˇ tehꞈ-a.

Jaceuq 91:15

Aˬ yawꞈ maꞈ ngaˬ-ahˇ kuˇ ngeh ngaˇ naˇ haˬ nehˬ ma. Aˬ yawꞈ maꞈ shaˬ ngeh zahˬ ngeh ngaˇ aˬ yawꞈ maꞈ nehˬ-ehˇ jawˇ-awˇ, ka kʼoꞈ-awˇ ciˬ huiˬ ciˬ mahˇ nehˬ ma.

Doˆ-iˇ 14:13

Moˇseˬ ehˇ kʼoꞈ nehˬ-eu, “Taˬ guˆ. Kʼaˬ duˬ ni jawˇ-awˬ. Sahˬpaˬ Miˬyehˇ aˬ joˆ-ehˇ jahˇ-awˇ naw maꞈ-ahˇ ka kʼoꞈ-eu gaˇ, iˬ nah naw maꞈ ya mawˇ tehꞈ-a. Iˬ nah naw maꞈ ya mawˇ luꞈ-eu Iˇjiˇtuˆ tsawˇ haˬ heu deuˬ-ahˇ, naw maꞈ tiˬ jawˇ-iˬ maˬ paˇ ya mawˇ-aˇ.

Doˆ-iˇ 22:23

Naw maꞈ kʼoeˇ loꞈ-ehˇ gʼeh naˇ, aˬ yawꞈ maꞈ ngoeˇ-awˇ caw ba nehˬ laꞈ lehˇ ngaˬ-ahˇ shaˇ ngeh, aˬ yawꞈ maꞈ-euˬ shaˇ dawˬ-ahˇ ngaˇ aˬ diˇ aˬ maˇ naˇ haˬ ma.

Doˆ-iˇ 22:27

Aˬ jeˬ miˇ neh ehˇ naˇ, aˬ yawꞈ yaw gaˆ gaˆ ngeh dm-eu gʼaˇ duˬ, aˇ bui kʼoeˇ tiˬ kahˇ jaˆ-eu tehꞈ meh. Maˬ ngeuˇ naˇ, aˬ yawˬ aˬ joˆ-ehˇ yuꞈ nmˇ. Caw ba nehˬ laꞈ-awˬ lehˇ aˬ yawꞈ ngoeˇ-awˇ ngaˬ-ahˇ shaˇ ngeh, ngaˇ naˇ haˬ ma. Aˬ jeˬ miˇ neh ehˇ naˇ, ngaˇ-aˬ, gʼawˬ shaˬ gaˬ nya-eu nui ma ahˇ-eu ma.

Doˆ-iˇ 3:2

Kʼoeˇ ngeh, aˇ bawˇ baw duˆ tiˬ duˆ-euˬ gʼahˇ ceh miˬ dzaˬ doꞈ laˇ-awˇ, miˬ dzaˬ miˬ lmˇ laꞈ kʼoeˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ Moˇseˬ mehˬ shi doˆ le-euˬ meh. Baw duˆ kʼoeˇ duˆ-ahˇ miˬ dzaˬ doꞈ luꞈ-eu kʼawꞈ, baw duˆ kʼoeˇ duˆ maˬ puiˆ dzaˬ gaˇ Moˇseˬ ya mawˇ-euˬ meh.

Doˆ-iˇ 3:7

Kʼoeˇ naˇ, Miˬyehˇ ehˇ-eu, “Iˇjiˇtuˆ miˇ kʼahˬ laꞈ kʼoeˇ, ngaˬ-euˬ tsawˇ haˬ deuˬ-ahˇ aˬ cawˬ aˇ naˆ ni kʼehˬ nehˬ kʼaˆ nehˬ luꞈ-eu ngaˇ ya mawˇ gʼaˬ-euˬ ma. Aˬ yawꞈ maꞈ-ahˇ kʼehˬ luꞈ-eu, zaˬ kʼaˆ-ahˇ gaˇ bi mˇ-eu tsawˇ haˬ deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ ka kʼoꞈ nehˬ laꞈ-awˬ lehˇ ngoeˇ luꞈ-eu teˇ saˇ-ahˇ ngaˇ ya gaˬ gʼaˬ-euˬ ma. Aˬ yawꞈ maꞈ ya daˬ luꞈ-eu jeˬ dawˬ tawˆ luꞈ, ngaˇ siˬ luꞈ mawˇ luꞈ ma.

Iˇsaˬyaˇ 22:1

Heu-aˬ, bi siˬ bi mawˇ-eu jeˬ-euˬ deh kʼawꞈ-ahˇ taꞈ leˇ-eu Miˬyehˇ-euˬ dawˬ meh. Naw maꞈ dawˬ tawˆ luꞈ nymˇ mˬ-ahˇ daˆ leˇ paˬ-ehˇ, naw maꞈ kʼoeˇ taˆ aˬ jeˬ keuˆ le taˬ ta.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Maꞈtehˬ 15:32

Yeˬsuˇ aˬ yawꞈ-euˬ zaˬ lahˇ deuˬ-ahˇ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Tsawˇ haˬ heu deuˬ-ahˇ ngaˇ gʼawˬ shaˬ gaˬ miˇ-a. Aˬ yawꞈ maꞈ ngaˬ nehˬ-ehˇ jawˇ luꞈ-eu smˬ nah byah laˇ-awˇ, aˬ yawꞈ maꞈ dzaˬ-eu tiˬ jeˬ-iˬ maˬ paˇ jaˆ meh. Aˬ yawꞈ maꞈ-ahˇ tiˬ jeˬ-iˬ maˬ dzaˬ-ehˇ maˬ bi gʼoꞈ-iˇ mawꞈ nya. Gaˇ pehˇ-ahˇ gʼaˬ juˬ dui dui-iˇ gaˇ kʼahˬ laˇ nya.”

Maˬkuˆ 5:36

Tsawˇ haˬ kʼoeˇ deuˬ kʼoeˇ loꞈ-ehˇ ehˇ gaˇ Yeˬsuˇ maˬ naˇ haˬ ni, “Kʼahˬ taˬ lahˇ. Jah-eu nui ma ahˇ naˇ gʼaˬ-aˇ” lehˇ, Yaˬiˇluˆ-ahˇ ehˇ nehˬ-euˬ meh.

Dawˬmehˬ 26:7

Kʼoeˇ ngeh, nga maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuˬ-eu Sahˬpaˬ Miˬyehˇ-ahˇ, caw ba le-awˬ lehˇ nga maꞈ guˇ-euˬ ma. Nga maꞈ guˇ-eu teˇ saˇ-ahˇ aˬ yawꞈ ya gaˬ-awˇ, nga maꞈ ya daˬ luꞈ-eu jeˬ-ahˇ maˬ ehˇ, ya shaˬ ya zahˬ luꞈ gaˇ maˬ ehˇ, noeˬ dui noeˬ duiˇ taˬ-euˬ gaˇ maˬ ehˇ, aˬ yawꞈ ya mawˇ-euˬ meh.

Yaˇ kʼaˬ daˇ 18:23

Daˬ tsawˇ haˬ deuˬ MiˇKaˬ-ahˇ ehˇ-eu, “Aˬ jeˬ gʼeh-eu lehˇ guˇ te. Tsawˇ haˬ teu deuˬ sheuˬ-awˇ aˬ jeˬ gʼeh le teˬ.”

1 Saˬmeuˬlaˆ 11:5

Kʼoeˇ ngeh, Sawˇluˆ deh yaˇ-ahˇ neh mawˇ neˇ teh-awˇ gʼoꞈ keuˆ laˇ-awˇ, “Aˬ jeˬ gʼeh ta. Aˬ jeˬ miˇ neh yawˬ gʼaˬ na luꞈ ngoeˇ luꞈ ta” lehˇ naˇ haˬ-euˬ meh. Jaˬbehˆ meuˬ-ahˇ neh oe-awˇ dawˬ tsaꞈ tsaꞈ gaˬ le-euˬ gaˇ kawˆ, aˬ yawꞈ-ahˇ aˬ cawˬ dzawˇ nehˬ-euˬ meh.