Aˇ dahˬ 21:16 - Akha

¹⁶ Kʼoeˇ naˇ, aˬ yawꞈ aˬ li ciˬ taˬ-euˬ gaˇ neh ngaˬ tseˇ lmˇ dzehˬ ni kaˬ gaˇ aˬ yawꞈ dzuˇ-iˇ-euˬ meh. “Ngaˬ li shiˇ gaˇ maˬ haw peuˬ nya” lehˇ yawˬ haˇ yawˬ ha ehˇ-awˇ, kʼoeˇ gaˇ nuiˇ-awˇ ngoeˇ ngoeˇ-ehˇ jawˇ-euˬ meh.

Aˇ dahˬ 21:16 ပူးပေါင်းရင်းမြစ်များ

Aˇ dahˬ 21:15

Shaˬ kʼoˆ iˇ puˬ-ahˇ dahˬ-eu iˇ cuꞈ dawˇ jiˇ ngeh, aˬ yawꞈ-euˬ aˬ li-ahˇ baw duˆ uˬ moˆ ciˬ taˬ yaꞈ-euˬ meh.

Aˇ dahˬ 27:38

“Aˬ da-oˇ, dawˬ ngehˬ gʼeh nehˬ-eu jeˬ-ahˇ nawˇ tiˬ poˆ tehꞈ-ehˇ mˇ nya te loˇ. Ngaˬ-ahˇ kʼawꞈ dawˬ ngehˬ gʼeh nehˬ laꞈ-awˬ” lehˇ Iˇsawˇ paˇ ehˇ-awˇ ngoeˇ-euˬ meh.

Aˇ dahˬ 29:11

Kʼoeˇ naˇ, Laˬkeˬlaˇ-ahˇ mehˬ cuˇ cuˇ nehˬ gʼaˬ-awˇ, laˬ kʼaˬ cehˇ dui dui-eu miˇ neh, guˇ guˇ-ehˇ ngoeˇ-euˬ meh.

Aˇ dahˬ 44:34

Aˬ li heu li maˬ ahˇ naˇ, ngaˬ da jawˇ gaˇ ngaˇ maˬ gʼoꞈ keuˆ leˇ peuˬ nya. Ngaˬ da shaˬ zahˬ mˇ gaˇ ngaˇ uˇ gawˇ nya.”

1 Sahˬpaˬ 17:12

Miˬ coeˬ miˬ ma kʼoeˇ gʼaˬ ehˇ-eu, “Nawˬ-euˬ Miˬyehˇ pyeuꞈ-eu dehꞈ luꞈ-eu Sahˬpaˬ Miˬyehˇ mehˬ shi, ngaˇ nawˬ-ahˇ dawˇ coe ni ehˇ nehˬ nyaˇ. Ngaˇ kaˬ muˇ maˬ jaˆ. Kʼmˬ maˬ-ahˇ ahˇ-eu cehˇ meu laꞈ kʼawˆ tiˬ kʼawˆ hawˇ-eu, ciˬ cuˇ-ahˇ dahˬ-eu saˬ loˬ tsiˇ ui cuiˆ jaˆ-eu tehꞈ ma. Kʼaˇ jaˆ-eu kʼoeˇ ngaˬ li nga nyaꞈ ma zaˬ kaˬ muˇ jahˇ dzaˬ-eu lehˇ, ngaˇ heu gaˇ miˬ dzaˬ ya le-euˬ ma. Kʼoeˇ gaˇ jaˆ-eu kʼoeˇ-aˬ, ngaˬ li nga nyaꞈ ma zaˬ gʼaˇ duˬ, aˇ saˬ saˬ-eu dzaˬ byawˇ ma. Kʼoeˇ dzaˬ jiˇ shaw naˇ ya shiˇ meh.”

1 Sahˬpaˬ 3:26

Kʼoeˇ ngeh, aˬ ma ma maˇ pyeuꞈ-awˇ zaˬ-ahˇ gaˬ-eu nui ma ahˇ-eu gʼaˬ ehˇ-eu, “Sahˬ paˬ-oˇ ngaˬ-ahˇ gʼawˬ shaˬ gaˬ-eu laꞈ kʼoeˇ zaˬ-ahˇ taˬ sehꞈ nehˬ laꞈ. Aˬ yawꞈ-ahˇ biꞈ nehˬ-awˬ.” Ehˇ kʼawꞈ, yaw gʼaˬ yawˬ ehˇ-eu, “Aˬ yawꞈ maˬ ehˇ, ngaˇ maˬ ehˇ, maˬ ya geuꞈ ni, zaˬ teu gʼaˬ-ahˇ nyiˬ kʼoeˆ deuˆ kʼoeˆ-awˬ.”

Iˇsaˬtaˆ 8:6

Ngaˬ-euˬ tsawˇ jeuˬ kʼoeˇ taˆ luˬ-iˇ seˇ-iˇ-eu jeˬ keuˆ le-awˇ, ngaˬ-euˬ aˬ yuiꞈ aˬ nyiˇ deuˬ bi sehꞈ jiˇ-eu keuˆ le-euˬ miˇ neh ngaˬ-ahˇ maˬ jawˇ tehˬ coeˇ nya.”

Iˇsaˬyaˇ 49:15

Kʼoeˇ miˇ neh Sahˬpaˬ Miˬyehˇ heu loꞈ-ehˇ ehˇ-eu meh. “Aˬ ma tiˬ gʼaˬ yawˬ ha-euˬ aˬ coeˇ dawˇ zaˬ-ahˇ ngehˇ-awˇ, yawˬ ha neh baw-euˬ zaˬ-ahˇ maˬ gaˬ ni jawˇ coeˇ ta loˇ. Aˬ ma zaˬ-ahˇ ngehˇ gaˇ keuˆ kʼawꞈ, naw maꞈ-ahˇ ngaˇ maˬ ngehˇ.

Yeˬlaˬmiˇ 6:26

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ heu loꞈ-ehˇ ehˇ-eu meh. “Guˬ daˇ pehˇ zeuˇ mehˬ tsoeˬ dm-awˇ, kʼaˬ lehˇ tsahˬ-ahˇ mahˬ poˆ poˆ-awˬ. Aˬ li tiˬ gʼaˬ tehꞈ-euˬ gʼaˇ duˬ tsawˇ ngoeˇ ngoeˇ-eu loꞈ-ehˇ, nui ma shaˬ zahˬ mˇ dui dui-awˬ. Aˬ jeˬ miˇ neh ehˇ naˇ, naw maꞈ-ahˇ laˆ cawˆ le-eu muiˇ-eu deuˬ, ja pyuˬ ni guiˇ deuˆ le tehꞈ-a.

Aˬmoˆ 8:10

Naw maꞈ bawˬ-iˬ gʼeh luꞈ ngeh, tsawˇ shiˇ tsawˇ naˇ mˇ-eu jeˬ ngaˇ bi keuˆ le-awˇ, naw maꞈ laˬ kʼaˬ cehˇ-eu caˇ dawˬ caˇ luꞈ ngeh, kuiˇ deuˇ gui-eu aˇ yamˬ ngaˇ bi keuˆ le ma. Naw maꞈ uˬ jehˆ ya jehˆ dzeh-awˇ, guˬ daˇ pehˇ zeuˇ mehˬ tsoeˬ dm-eu laꞈ kʼoeˇ, aˬ li tiˬ gʼaˬ jawˇ-eu bi shiˇ cuˆ-awˇ tsawˇ ngoeˇ ngoeˇ luꞈ-eu aˬ ma aˬ da loꞈ-ehˇ shaˬ zahˬ naꞈ ni ngaˇ jahˇ ma. Aˇ nah kʼoeˇ nah-ahˇ, yawˬ jeˬ na luꞈ kʼoeˇ taˆ, dawˇ keuˆ le-awˇ aˇ saˬ ya saˬ tehꞈ-a.

Zaˬkaˬliˇ 12:10

“Daˬbiˇ-euˬ zaˬ deuˬ uˆ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ nui deuˬ-ahˇ, gʼawˬ shaˬ gaˬ-eu nui ma hawˇ-eu uˬ duˬ tahˬ-eu nui ma bi ahˇ ma. Aˬ yawꞈ maꞈ neh tsawˆ sehꞈ-euˬ tsawˇ haˬ-ahˇ aˬ yawꞈ maꞈ haw-awˇ, zaˬ tiˬ gʼaˬ tehꞈ-ehˇ jawˇ-eu bi shiˇ-euˬ loꞈ-ehˇ tsawˇ ngoeˇ ngoeˇ nehˬ tehꞈ-a. Dehꞈ beh beh le-euˬ aˬ li bi shiˇ-euˬ loꞈ-ehˇ, tsawˇ ngoeˇ ngoeˇ dui dui tehꞈ-a.

Luˇkaꞈ 15:20

Kʼoeˇ naˇ, aˬ yawꞈ tsawˬ tuˇ laˇ-awˇ, aˬ yawꞈ-euˬ aˬ da jawˇ gaˇ gʼoꞈ leˇ-euˬ meh. “Aˬ yawꞈ gaˇ mahˇ kaˬ gaˇ gʼoꞈ laˇ luꞈ ngeh neh, aˬ yawꞈ-euˬ aˬ da aˬ yawꞈ-ahˇ haw mawˇ-awˇ, gʼawˬ shaˬ gaˬ dui dui-eu miˇ neh cehˆ coeˬ coeˬ gʼeh-awˇ, aˬ yawꞈ-ahˇ byaˇ cuꞈ-awˇ ha-eu laꞈ kʼoeˇ, mehˬ cuˇ cuˇ nehˬ-euˬ meh.

Yaˇ kʼaˬ daˇ 2:4

Mˬ taˆ gʼaˬ kʼehˇ kʼoeˇ gʼaˬ kʼoeˇ loꞈ-ehˇ ehˇ gʼaˬ ngeh, Iˇsaˬleˬlaˆ tsawˇ haˬ dawˬ tawˆ luꞈ ngoeˇ-eu meh.

Luˇta 1:9

Naw nyaꞈ nyiˬ gʼaˬ luꞈ smˇ miˇ paˇ ya iˇ-awˇ, nymˇ jiˇ baw laˇ ngeh keuˆ ni, Sahˬpaˬ Miˬyehˇ gʼawˬ shaˬ gaˬ nehˬ laꞈ luꞈ-uˇ.” Kʼoeˇ naˇ, aˬ yawꞈ nyaꞈ-ahˇ bi jawˇ yaꞈ-awˇ gʼoꞈ-iˇ-eu gʼaˇ duˬ, aˬ yawꞈ nyaꞈ-ahˇ Nawˇmi mehˬ cuˇ cuˇ-euˬ meh. Kʼoeˇ ngeh aˬ yawꞈ nyaꞈ ngoeˇ-eu meh.

1 Saˬmeuˬlaˆ 24:16

Sawˇluˆ-ahˇ Daˬbiˇ kʼoeˇ loꞈ-ehˇ ehˇ nehˬ gʼaˬ ngeh, “Ngaˬ li Daˬbiˇ-oˇ, toˆ-ehˇ ehˇ luꞈ-eu teu aˬ diˇ aˬ maˇ nawˇ ma loˇ” lehˇ Sawˇluˆ ehˇ-awˇ ngoeˇ-euˬ meh.

1 Saˬmeuˬlaˆ 30:4

Kʼoeˇ ngeh, Daˬbiˇ hawˇ-eu aˬ yawꞈ-euˬ tsawˇ haˬ deuˬ, gʼaˬ ngoeˇ jiˇ ngeh keuˆ ni maˬ naˬ leˇ ni ngoeˇ-euˬ meh.