Aˇ dahˬ 21:14 - Akha

¹⁴ Yawˬ nah yawˬ uˬ shawˬ yaw naꞈ-ehˇ, dzaˬ dzaˬ dawˇ dawˇ maˬ ehˇ, iˇ cuꞈ tiˬ byah ni dahˬ-eu shaˬ kʼoˆ iˇ puˬ maˬ ehˇ, Aˬbyaˬhaˬ laˆ dawˆ-awˇ, Haˬgaˬlaˇ-ahˇ biꞈ-euˬ meh. Kʼoeˇ naˇ, Iˇshaˬmeˬlaˇ-ahˇ Haˬgaˬ laˇ-euˬ naˇ kʼah nyehꞈ euˬ nehˬ-awˇ, gaˇ mahˇ kaˬ gaˇ bi iˇ byoˆ gʼeh-euˬ meh. Haˬgaˬlaˇ iˇ byoˆ gʼeh-awˇ, Beˬlaˇsheˬba bawˇ tsahˬ bawˇ dahˇ laꞈ kʼoeˇ, doe doe-ehˇ cah cah-ehˇ jawˇ-euˬ meh.

Aˇ dahˬ 21:14 ပူးပေါင်းရင်းမြစ်များ

Aˇ dahˬ 16:7

Shuˇyaˆ meuˬ-ahˇ iˇ-eu gaˇ ma gaˇ pehˇ, bawˇ tsahˬ bawˇ dahˇ-ahˇ jaˆ-eu iˇ cuꞈ lawˇ gawˆ gawˆ zaˬ tiˬ gawˆ dawˬ peh, Sahˬpaˬ Miˬyehˇ-euˬ gʼaˬ kʼehˇ tiˬ gʼaˬ Haˬgaˬlaˇ-ahˇ tahˬ puˬ-awˇ,

Aˇ dahˬ 19:27

Kʼoeˇ ngeh shawˬ yaw naꞈ-ehˇ, dzeuˇ laˇ ngeh Sahˬpaˬ Miˬyehˇ mehˬ shi aˬ yawꞈ gawˬ yawꞈ yawꞈ-awˇ dawˬ ngehˬ ngehˬ cawˬ haw-euˬ jawˇ duˬ kʼoeˇ tsahˇ-ahˇ, Aˬbyaˬhaˬ yaw kawˇ-ehˇ iˇ-euˬ meh.

Aˇ dahˬ 21:13

Nawˬ-euˬ zaˬ kʼaˆ Haˬgaˬlaˇ-euˬ aˬ li-ahˇ kʼawꞈ, ngaˇ guiˬ lahˬ biꞈ nehˬ-awˇ, zaˬ gʼawˬ mya ni bi jawˇ le-eu laꞈ kʼoeˇ, tsawˇ jeuˬ tiˬ jeuˬ bi pyeuꞈ doˆ laˇ ma. Aˬ yawꞈ kʼawꞈ nawˬ li meh.”

Aˇ dahˬ 21:15

Shaˬ kʼoˆ iˇ puˬ-ahˇ dahˬ-eu iˇ cuꞈ dawˇ jiˇ ngeh, aˬ yawꞈ-euˬ aˬ li-ahˇ baw duˆ uˬ moˆ ciˬ taˬ yaꞈ-euˬ meh.

Aˇ dahˬ 21:31

Kʼoeˇ miˇ neh, jawˇ duˬ kʼoeˇ tsahˇ-ahˇ Beˬlaˇsheˬba lehˇ kuˇ-euˬ meh. Aˬ jeˬ miˇ neh ehˇ naˇ, jawˇ duˬ kʼoeˇ tsahˇ-ahˇ aˬ yawꞈ nyaꞈ saˇ jaˇ dzaˬ taꞈ-euˬ meh.

Aˇ dahˬ 21:33

Kʼoeˇ naˇ, Beˬlaˇsheˬba lehˇ kuˇ-eu jawˇ duˬ kʼoeˇ tsahˇ-ahˇ, Aˬbyaˬhaˬ ciˬ caˬ aˇ behˆ aˇ bawˇ tiˬ bawˇ ka-awˇ, Mˬ maˬ maˬ byaˆ zaˇ ziˇ dehꞈ-eu Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-euˬ meh.

Aˇ dahˬ 22:19

Aˬ yawꞈ-euˬ zaˬ kʼaˆ deuˬ jawˇ gaˇ Aˬbyaˬhaˬ paˇ gʼoꞈ ka-iˇ-awˇ, Aˬbyaˬhaˬ-euˬ jawˇ duˬ pyeuꞈ-eu Beˬlaˇsheˬba-ahˇ tiˬ kawˆ loꞈ-ehˇ gʼoꞈ-iˇ-euˬ meh.

Aˇ dahˬ 22:3

Yawˬ nah yawˬ uˬ shawˬ yaw naꞈ-ehˇ Aˬbyaˬhaˬ tuˇ-awˇ, lawˇ gaˇ shehˇ gaˇ geuꞈ-eu gʼaˇ duˬ miˬ dzaˬ kʼehꞈ-euˬ meh. Kʼoeˇ naˇ, miˬ dzaˬ kʼoeˇ deuˬ-ahˇ mahˬ tahˬ laˆ neh tawˬ-awˇ, Iˇtsaˆ hawˇ-eu aˬ yawꞈ-euˬ zaˬ kʼaˆ nyiˬ gʼaˬ sheuˬ-awˇ, Miˬyehˇ neh aˬ yawꞈ-ahˇ ehˇ nehˬ taˬ-euˬ jawˇ duˬ-ahˇ le-euˬ meh.

Aˇ dahˬ 24:54

Aˬbyaˬhaˬ-euˬ zaˬ kʼaˆ kʼoeˇ gʼaˬ hawˇ-eu aˬ yawꞈ nehˬ-ehˇ laˇ-euˬ tsawˇ haˬ deuˬ, kʼoeˇ ngeh miˇ kʼoeˇ gaˇ yaꞈ-awˇ, tiˬ kawˆ loꞈ-ehˇ dzaˬ taꞈ dawˇ taꞈ-euˬ meh. Uˬ shawˬ paw aˬ yawꞈ maꞈ uˬ suˇ tuˇ gʼaˬ jiˇ ngeh, “Nga maꞈ-ahˇ nga maꞈ-euˬ baw leˬ jawˇ gaˇ bi gʼoꞈ-iˇ laꞈ-awˬ” lehˇ, zaˬ kʼaˆ kʼoeˇ gʼaˬ ehˇ-eu meh.

Aˇ dahˬ 25:6

Aˬ yawꞈ-euˬ ma nyiˇ deuˬ-euˬ zaˬ deuˬ-ahˇ kʼawꞈ, aˬ yawꞈ maˬ shiˇ mi naˆ-ehˇ laꞈ sawˬ biꞈ yaꞈ-euˬ meh. Kʼoeˇ naˇ, aˬ yawꞈ maꞈ-ahˇ Iˇtsaˆ jawˇ gaˇ neh bi doˆ-iˇ-awˇ, nahˇ ma doˆ kʼehˬ paw bi jawˇ-iˇ-euˬ meh.

Aˇ dahˬ 26:31

Yawˬ nah yawˬ uˬ shawˬ yaw naꞈ-ehˇ, tiˬ kawˆ loꞈ-ehˇ saˇ jaˇ dzaˬ taꞈ gʼaˬ-awˇ, aˬ yawꞈ maꞈ laˬ kʼaˬ tiˬ cehˇ gʼoꞈ leˇ-euˬ meh.

Aˇ dahˬ 26:33

Lah duˬ kʼoeˇ duˬ-ahˇ, “Saˇ jaˇ” lehˇ Iˇtsaˆ myahˇ nehˬ-euˬ meh. Kʼoeˇ miˇ neh, kʼoeˇ gaˇ jaˆ-eu meuˬ kʼoeˇ meuˬ-ahˇ, iˬ nah keuˆ ni Beˬlaˇsheˬba lehˇ kuˇ-eu meh.

Aˇ dahˬ 28:18

Yawˬ nah yawˬ uˬ shawˬ yaw naꞈ-ehˇ Yaˬkoˆ tuˇ-awˇ, aˬ yawꞈ neh uˬ gʼmˬ gʼmˬ-awˇ yuꞈ-euˬ kʼaˬ lo kʼoeˇ siˬ yuˇ-awˇ, noeˬ keuˆ-eu gʼaˇ duˬ miˇ tsaˬ-ahˇ ka tuˇ-euˬ meh. Kʼoeˇ naˇ, kʼaˬ lo kʼoeˇ siˬ kʼoeˇ taˆ tsiˇ shehˆ daˆ-awˇ, Miˬyehˇ-ahˇ damˬ nehˬ-euˬ meh.

Aˇ dahˬ 37:15

deh ga doe doe-ehˇ cah luꞈ ngeh, tsawˇ haˬ tiˬ gʼaˬ tahˬ puˬ le-awˇ, tsawˇ haˬ kʼoeˇ gʼaˬ aˬ yawꞈ-ahˇ, “Aˬ jeˬ shaˇ caw luꞈ te” lehˇ naˇ haˬ-euˬ meh.

Aˇ dahˬ 46:1

Yaˬkoˆ-aˬ, aˬ yawꞈ-euˬ myawˬ dawˬ tawˆ luꞈ laˆ dawˆ-awˇ, Beˬlaˇsheˬba-ahˇ iˇ-awˇ, aˬ yawꞈ-euˬ aˬ da Iˇtsaˆ-euˬ Miˬyehˇ-ahˇ lawˇ nehˬ shehˇ nehˬ-euˬ meh.

1 Sahˬpaˬ 19:3

Eˇliˇyaˆ guˆ-eu laꞈ kʼoeˇ, aˬ yawꞈ-euˬ gʼawˇ mawˇ ya buˬ-iˇ ni cehˆ-euˬ meh. Aˬ yawꞈ-euˬ zaˬ kʼaˆ sheuˬ-awˇ, Yuˇdaˆ miˇ kʼahˬ Beˬlaˇsheˬba meuˬ-ahˇ cehˆ-awˇ, aˬ yawꞈ-euˬ zaˬ kʼaˆ kʼoeˇ gʼaˬ bi jawˇ yaꞈ-euˬ meh.

2 Laˬsaˬbaˬ 29:20

Sahˬ paˬ Heˬsaˬgiˇ-aˬ, nyi naˬ nyi naˬ-ehˇ maˬ jawˇ ni meuˬ kʼoeˇ taˆ aˬ yuiꞈ aˬ tsu geuꞈ luꞈ-eu deuˬ-ahˇ kuˇ uiˬ-awˇ, tiˬ kawˆ loꞈ-ehˇ Uˬ duˬ tahˬ nymˇ nymˇ ma-ahˇ le-euˬ meh.

Jaceuq 107:4

Tiˬ paˆ na deuˬ miˇ kʼahˬ pyawˬ maˬ siˬ laˇ-eu kʼaˇ shuiꞈ deh-ahˇ jawˇ byoˆ taˬ-awˇ, jawˇ uˇ-iˇ-eu meuˬ maˬ poˆ mawˇ nya-a.

Jaceuq 119:60

Nawˬ-euˬ zahˇ dawˬ kʼoꞈ dawˬ deuˬ-ahˇ, ngaˇ maˬ nyi naˬ ni caw teh ma.

Dawqdaq 27:14

Uˬ shawˬ yaw naꞈ-ehˇ tuˇ-awˇ, yaw kʼaˆ-ehˇ guˇ guˇ-ehˇ, yawˬ ha-euˬ cawˬ-ahˇ dawˬ ngehˬ gʼeh nehˬ-eu jeˬ-aˬ, yaˬ kʼehˇ yaˬ nehˬ gaˇ duˇ tehꞈ-a.

Dawqdaq 27:8

Iˇ kahˇ byehˇ-awˇ cah byoˆ-euˬ tsawˇ haˬ-aˬ, bahˬ-ahˇ gaˇ mahˇ zaw kaˬ-euˬ aˇ jiˇ zaˬ-ahˇ duˇ-eu meh.

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Iˇsaˬyaˇ 16:8

Heˬshaˬboˬ meuˬ-ahˇ jaˆ-eu deh yaˇ deuˬ hawˇ-eu, Siˇbaˬmaˬ meuˬ-ahˇ jaˆ-eu aˬ gaꞈ yaˇ kmˇ deuˬ, bi laˆ cawˆ jiˇ-euˬ meh. Ciˇ ni Yaˬzeuˬ meuˬ-ahˇ cah keuˆ-awˇ, uˬ laꞈ kʼaˇ shuiꞈ deh yaˇ-ahˇ cawˬ keuˆ-awˇ, baw nmˬ iˬ ma laˆ shaˆ iˇ dzeuˇ taˬ-euˬ, mehˇ dui dui-eu aˬ gaꞈ baw duˆ kʼoeˇ deuˬ, miˇ kʼahˬ tsawˇ jeuˬ sahˬ paˬ sahˬ ma deuˬ neh, bi coeˇ tsehˆ jiˇ-eu meh.

Yoˇhaˬ 8:35

Zaˬ kʼaˆ-aˬ, nymˇ sahˇ deuˬ nehˬ-ehˇ aˬ myah luꞈ jawˇ-eu maˬ ngeuˇ-a. Ehˇ kʼawꞈ, aˬ li-aˬ, nymˇ sahˇ deuˬ nehˬ-ehˇ aˬ myah luꞈ jawˇ-eu meh.

Yawˇshuˆ 3:1

Yawˇshuˆ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, yawˬ shawˬ yawˬ uˬ shawˬ yaw naꞈ-ehˇ tuˇ-awˇ, Yawˇdaˬ lawˇ baˬ-ahˇ iˇ-euˬ meh. Lawˇ baˬ tsehˆ doˆ-eu gʼaˇ duˬ, aˬ yawꞈ maꞈ kʼoeˇ gaˇ sehˬ gʼawˆ gʼawˆ-awˇ naˬ-euˬ meh.

1 Saˬmeuˬlaˆ 15:12

Yawˬ nah yawˬ uˬ shawˬ yaw naꞈ-ehˇ, Sawˇluˆ jawˇ gaˇ le-eu lehˇ Saˬmeuˬlaˆ doˆ-iˇ-euˬ meh. Sawˇluˆ Gaˬlaˬmeˬlaˇ meuˬ-ahˇ le dzeuˇ-awˇ, aˬ yawꞈ-ahˇ bi noeˬ keuˆ-eu gʼaˇ duˬ kʼaˬ lo tiˬ siˬ kaˬ tuˇ gʼaˬ-awˇ, Giˇlaˇgaˬlaˇ meuˬ paw paˇ le gʼeh leꞈ-euˬ gaˇ kawˆ Saˬmeuˬlaˆ ya gaˬ-euˬ meh.