Aˇ dahˬ 20:7 - Akha

⁷ Ehˇ kʼawꞈ, nymˬ-mˇ mi naˆ-ehˇ, zaˬ miˬ zaˬ heu gʼaˬ aˬ yawꞈ-euˬ kʼaˬ dzeˇ zaˬ-ahˇ a kʼoꞈ nehˬ-awˬ. Aˬ yawꞈ-euˬ kʼaˬ dzeˇ zaˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu meh. Nawˇ maˬ ya shiˇ-eu gʼaˇ duˬ aˬ yawꞈ guiˬ lahˬ shaˇ nehˬ laꞈ tehꞈ-a. Ehˇ kʼawꞈ, ngaˇ nawˬ-ahˇ heu loꞈ-ehˇ ehˇ-eu ma. Zaˬ miˬ zaˬ heu gʼaˬ-ahˇ, aˬ yawꞈ-euˬ kʼaˬ dzeˇ zaˬ-euˬ aˬ laꞈ laꞈ kʼoeˇ maˬ a kʼoꞈ nehˬ naˇ, nawˇ ya shiˇ tehꞈ-a. Nawˇ hawˇ-eu nawˬ-euˬ tsawˇ haˬ dawˬ tawˆ luꞈ ya shiˇ jiˇ tehꞈ-a.”

Aˇ dahˬ 20:7 ပူးပေါင်းရင်းမြစ်များ

Aˇ dahˬ 12:15

Sahˬ paˬ sahˬ ma gaˇ mˇ-eu yaw huiˬ yaw mahˇ deuˬ kʼawꞈ, Saˬlehˇ aˇ gʼehˇ muiˬ gaˇ ya mawˇ-awˇ, sahˬ paˬ-ahˇ dzawˇ gaˬ leˇ-euˬ meh. Kʼoeˇ ngeh, Saˬlehˇ-ahˇ sahˬ paˬ jawˇ gaˇ aˬ cawˬ sheuˬ gʼeh-euˬ meh.

Aˇ dahˬ 12:17

Ehˇ kʼawꞈ, sahˬ paˬ kʼoeˇ gʼaˬ Saˬlehˇ-ahˇ sheuˬ-euˬ miˇ neh, aˬ yawꞈ kʼoeˇ taˆ maˬ ehˇ, aˬ yawꞈ-euˬ nymˇ laꞈ kʼoeˇ jawˇ-eu tsawˇ haˬ deuˬ kʼoeˇ taˆ maˬ ehˇ, Sahˬpaˬ Miˬyehˇ neh naˇ gawˇ gawˇ ma bi keuˆ le-euˬ meh.

Aˇ dahˬ 2:17

Ehˇ kʼawꞈ, yaw muiˬ yaw doeˇ tseˇ paˆ nya-eu zaˬ siˬ tsawˇ gahˇ biꞈ-eu aˇ bawˇ kʼoeˇ bawˇ-euˬ aˇ siˬ nawˇ maˬ ya pyaˆ dzaˬ-a. Pyaˆ dzaˬ naˇ, dzaˬ ngeh nah neh nawˇ ya shiˇ tehꞈ-a” lehˇ ehˇ nehˬ-euˬ meh.

Aˇ dahˬ 20:3

Tiˬ miˇ keuˆ laˇ ngeh, Aˬbiˇmaˬlehˆ yuꞈ maˆ maˆ-eu laꞈ kʼoeˇ, aˬ yawꞈ jawˇ gaˇ Miˬyehˇ oe-awˇ, “Zaˬ miˬ zaˬ heu gʼaˬ-ahˇ sheuˬ-euˬ baˬ da neh nawˇ ya shiˇ tehꞈ-a. Aˬ yawꞈ aˬ cawˬ-euˬ miˬ zaˬ meh” lehˇ ehˇ nehˬ le-euˬ meh.

Aˇ dahˬ 20:8

Yawˬ shawˬ yawˬ uˬ shawˬ yaw naꞈ-ehˇ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ dawˬ tawˆ luꞈ-ahˇ Aˬbiˇmaˬlehˆ kuˇ uiˬ-awˇ, gaˇ kawˆ kʼoeˇ dzawˇ nehˬ ngeh, yawˬ gʼaˬ na luꞈ guˆ dui dui-iˇ-euˬ meh.

Aˇ dahˬ 23:6

“Aˬ yuiꞈ-oˇ, nga maꞈ ehˇ gaˇ tiˬ poˆ naˇ haˬ nehˬ laꞈ sheˇ. Nga maꞈ nawˬ-ahˇ, baoˬ ahˇ-eu aˬ yuiꞈ aˬ tsu tiˬ gʼaˬ loꞈ-ehˇ sawˇ taˬ-euˬ ma. Nga maꞈ-euˬ lmˬ bymˇ laꞈ kʼoeˇ jawˇ duˬ kʼaˇ tsaˬ dzehˬ-eu tsahˇ-ahˇ, nawˬ-euˬ nymˇ dahˬ-ahˇ baꞈ pahˬ nehˬ nya tehꞈ-a. Nawˬ-euˬ nymˇ dahˬ-ahˇ nga maꞈ-euˬ lmˬ bymˇ laꞈ kʼoeˇ bi baꞈ pahˬ-eu gʼaˇ duˬ, nga maꞈ yawˬ gʼaˬ na luꞈ nui ma tsaˬ-eu ma.”

2 Saˬmeuˬlaˆ 24:17

Iˇsaˬleˬlaˆ tsawˇ haˬ deuˬ-ahˇ laˆ luˬ laˆ seˇ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ Daˬbiˇ mawˇ-awˇ, Sahˬpaˬ Miˬyehˇ-ahˇ heu loꞈ-ehˇ ehˇ nehˬ-euˬ meh. “Ngaˇ iˬ baˇ ahˇ-eu ngeuˇ ma. Yaw lehˬ jeˬ mˇ-euˬ gʼaˬ-aˬ, ngaˇ ma. Tsawˇ haˬ heu deuˬ aˬ jeˬ mˇ lehˬ taˬ-eu jaˆ ta. Ngaˇ hawˇ-eu ngaˬ-euˬ nymˇ jiˇ-ahˇ tehꞈ-ehˇ nawˇ kʼehˬ nehˬ laꞈ-eu tsaˬ meh.”

1 Sahˬpaˬ 13:6

Kʼoeˇ ngeh, “Ngaˬ-euˬ aˬ laꞈ taˬ leˇ ni, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ guiˬ lahˬ shaˇ nehˬ laꞈ-awˬ” lehˇ, Miˬyehˇ gʼaˇ duˬ ngehˬ dah-eu tsawˇ haˬ kʼoeˇ gʼaˬ-ahˇ sahˬ paˬ Yeˬyawˇbamˬ ehˇ nehˬ-euˬ meh. Miˬyehˇ gʼaˇ duˬ ngehˬ dah-eu kʼoeˇ gʼaˬ Sahˬpaˬ Miˬyehˇ-ahˇ guiˬ lahˬ shaˇ ngeh, sahˬ paˬ-euˬ aˬ laꞈ taˬ leˇ-euˬ meh.

2 Sahˬpaˬ 5:11

Ehˇ kʼawꞈ, Neˬmaˬ nui ma pehˇ-eu laꞈ kʼoeˇ doˆ-iˇ-awˇ, heu loꞈ-ehˇ ehˇ-eu meh. “Aˬ yawꞈ-euˬ gʼawˇ mawˇ ngaˇ jawˇ gaˇ oe doˆ-awˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ-eu laꞈ kʼoeˇ, ngaˬ-euˬ maˇ naˇ kʼoeˇ taˆ aˬ laꞈ cawˬ ja-awˇ, laˆ taˬ nehˬ laꞈ-eu tsaˬ tehꞈ-a.

1 Laˬsaˬbaˬ 16:22

“Ngaˇ tseˇ doˆ-euˬ zaˬ kʼaˆ deuˬ-ahˇ naw maꞈ tiˬ gʼaˬ-iˬ taˬ laˆ ciˆ. Ngaˬ-euˬ dawˬ ngehˬ dah-eu deuˬ-ahˇ, tiˬ gʼaˬ-iˬ taˬ laˆ ciˆ leˇ” lehˇ, Miˬyehˇ neh ehˇ tsehˆ taˬ-euˬ meh.

2 Laˬsaˬbaˬ 30:18

Kʼoeˇ uˬ taꞈ, kʼoeˇ gaˇ oe taˬ-euˬ Eˇpaˬleˬ tsawˇ haˬ, Maˬnaˇseˬ tsawˇ haˬ, Iˇsaˬkaˬ tsawˇ haˬ hawˇ-eu, Zeˬbuˬloˬ tsawˇ haˬ gʼawˬ mya ni gʼawˇ mawˇ shawˇ-eu zahˇ maˬ jahˇ-ehˇ Baˬsaˬkaˬ bawˬ-iˬ dzaˬ-euˬ miˇ neh, zahˇ sahˇ kʼoꞈ-ahˇ bahˬ dui dui-euˬ meh. Kʼoeˇ miˇ neh, aˬ yawꞈ maꞈ gʼaˇ duˬ sahˬ paˬ Heˬsaˬgiˇ heu loꞈ-ehˇ guiˬ lahˬ shaˇ-euˬ meh.

Yawˇbaˆ 34:19

Sahˬ paˬ sahˬ ma deuˬ-ahˇ aˬ yawꞈ gʼaˬ baꞈ maˬ baꞈ-ehˇ, yaw shaˬ zaˬ mehˬ shi smˇ muiˬ deuˬ jawˇ paw maˬ pyawˬ-a. Aˬ jeˬ miˇ neh ehˇ naˇ, yawˬ gʼaˬ na luꞈ-ahˇ aˬ yawꞈ neh beh taˬ-euˬ meh.

Yawˇbaˆ 42:8

Nymˬ-mˇ, mawˇ neˇ mawˇ gaw shiꞈ mawˇ hawˇ-eu yawˇ aˬ buˬ shiꞈ mawˇ Yawˇbaˆ jawˇ gaˇ tsahˇ gʼeh-awˇ, naw maꞈ-euˬ gʼaˇ duˬ lawˇ-awˬ, shehˇ-awˬ. Naw maꞈ gʼaˇ duˬ Yawˇbaˆ guiˬ lahˬ shaˇ gaˇ ngaˇ naˇ haˬ-awˇ, naw maꞈ-ahˇ geuˇ-eu loꞈ-ehˇ shaꞈ dawˇ-eu jeˬ ngaˇ maˬ bi keuˆ le. Naw maꞈ-aˬ, Yawˇbaˆ loꞈ-ehˇ ngaˬ-euˬ gaˇ kawˆ yaw tsaˬ yaw dawˇ dawˇ-ehˇ maˬ ehˇ-a.”

Jaceuq 25:14

Yehˇdawˬnaˇ-eu tsawˇhaˬdeuˬ-aˬ, SahˬpaˬMiˬyehˇ-euˬcawˬpyeuꞈ-awˇ, Dawˬma saˇjaˇguiˬlahˬdawˬtawˆ, aˬyawꞈmaꞈkʼoeˇtaˆziꞈtehꞈ-a.

Doˆ-iˇ 18:17

Kʼoeˇ ngeh, Moˇseˬ-ahˇ Yeˬdaˬyoˇ heu loꞈ-ehˇ ehˇ nehˬ-euˬ meh.

Doˆ-iˇ 4:16

Aˬ yawꞈ-aˬ, nawꞈ-euˬ gʼaˇ duˬ dawˬ ngehˬ dah-eu gʼaˬ geuꞈ-awˇ, nawˬ-euˬ dah zaˇ aˬ cawˬ-ahˇ dawˬ ngehˬ cawˬ tehꞈ-a. Nawˇ-aˬ, aˬ yawꞈ gʼaˇ duˬ Miˬ yehˇ loꞈ-ehˇ pyeuꞈ-awˇ, aˬ yawꞈ aˬ joˆ-ehˇ ya ngehˬ ya tmˇ-eu gaˇ kawˆ, aˬ yawꞈ-ahˇ nawˇ ya mehˬ nehˬ tehꞈ-a.

Doˆ-iˇ 7:1

Sahˬpaˬ Miˬyehˇ ehˇ-eu, “Sahˬ paˬ kʼoeˇ gʼaˬ-euˬ mehˬ shi nawˬ-ahˇ ngaˇ Miˬyehˇ loꞈ-ehˇ bi pyeuꞈ-awˇ, Aˬloˬ-aˬ Miˬyehˇ gʼaˇ duˬ ngehˬ dah-eu bawˇlawˇpeh loꞈ-ehˇ, nawˬ-eu dah zaˇ, sahˬ paˬ kʼoeˇ gʼaˬ-ahˇ dawˬ ngehˬ cawˬ tehꞈ-a.

Yeˬlaˬmiˇ 14:11

Sahˬpaˬ Miˬyehˇ ngaˬ-ahˇ ehˇ-eu, “Tsawˇ haˬ heu deuˬ-ahˇ caw ba nehˬ-awˬ lehˇ ngaˬ-ahˇ taˬ shaˇ.

Yeˬlaˬmiˇ 15:1

Sahˬpaˬ Miˬyehˇ ngaˬ-ahˇ ehˇ-eu, “Moˇseˬ hawˇ-eu Saˬmeuˬlaˆ aˬ ha nyaꞈ ngaˬ-euˬ mehˬ shi yawꞈ laˇ-awˇ shaˇ ju kʼawꞈ, tsawˇ haˬ heu deuˬ-ahˇ ngaˇ gʼawˬ shaˬ maˬ gaˬ. Ngaˇ mawˇ gaˇ aˬ yawꞈ maꞈ maˬ bi jawˇ ni, gaˇ mahˇ kaˬ gaˇ bi iˇ byoˆ-awˬ.

Yeˬlaˬmiˇ 27:18

Aˬ yawꞈ maꞈ Miˬyehˇ gʼaˇ duˬ ngehˬ dah-eu tsawˇ haˬ aˬ diˇ aˬ maˇ pyeuꞈ-awˇ, ngaˬ-euˬ dawˬ aˬ yawꞈ maꞈ za taˬ-euˬ ngeuˇ naˇ, Uˬ duˬ tahˬ nymˇ nymˇ ma laꞈ kʼoeˇ dzeˇ luꞈ-eu pyuˇ shuiˇ myawˬ gahˬ deuˬ hawˇ-eu, sahˬ paˬ-eu nymˇ-ahˇ jaˆ-eu pyuˇ shuiˇ myawˬ gahˬ deuˬ-ahˇ, Baˬbuˇloˬ miˇ kʼahˬ-ahˇ maˬ bi yuˇ gʼeh-eu gʼaˇ duˬ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˬ-ahˇ aˬ yawꞈ maꞈ bi shaˇ haw laˇ sheˇ.”

Yeˬsaˬgeˬlaˇ 3:18

Haiˬ-eu tsawˇ haˬ tiˬ gʼaˬ shiˇ-eu keuˆ laˇ shaw-iˬ meh lehˇ ngaˇ ehˇ ngeh, aˬ yawꞈ yawˬ haˇ yawˬ ha ka kʼoꞈ nya ni bi dehꞈ paˇ-eu gʼaˇ duˬ nawˇ maˬ mehˬ maˬ tsoˆ-ehˇ iˬ baˇ pi-awˇ bi shiˇ naˇ, nawˬ-ahˇ ngaˇ do yuˇ ma.

Yeˬsaˬgeˬlaˇ 33:8

Haiˬ-eu tsawˇ haˬ tiˬ gʼaˬ ya shiˇ-eu keuˆ le-eu ngaˇ lehˇ ngaˇ ehˇ ngeh, aˬ yawꞈ maˬ ya shiˇ-eu gʼaˇ duˬ dehꞈ paˇ ni nawˇ maˬ mehˬ maˬ tsoˆ nehˬ-ehˇ, yaw haiˬ jeˬ mˇ-awˇ shiˇ naˇ, nawˬ-ahˇ ngaˇ do yuˇ ma.

Uˬ duˬ 6:4

Tsawˇ haˬ tiˬ gʼaˬ kʼoeˇ loꞈ-ehˇ jahˇ-awˇ iˬ baˇ mˇ naˇ, maˬ tsaˬ maˬ dawˇ-eu laꞈ kʼoeˇ, aˬ yawꞈ neh laˆ za taˬ-euˬ myawˬ dawˬ tawˆ luꞈ ya biꞈ kʼoꞈ jiˇ meh. Aˬ yawꞈ kʼoeˇ loꞈ-ehˇ mˇ-euˬ miˇ neh, iˬ baˇ ahˇ meh lehˇ siˬ leˇ-euˬ tiˬ nah neh, myawˬ dawˬ tawˆ luꞈ yaw sahˇ gʼaˬ-ahˇ ya biꞈ kʼoꞈ jiˇ-eu uˬ taꞈ, aˇ dzehˬ ngaˬ bymˇ tiˬ bymˇ paˇ ya tsoeˬ meh.

Uˬ duˬ 6:7

Tsawˇ haˬ kʼoeˇ gʼaˬ-euˬ iˬ baˇ gʼaˇ duˬ, piˇ ma gʼaˬ ya lawˇ ya shehˇ nehˬ-awˇ, tsawˇ haˬ kʼoeˇ gʼaˬ iˬ baˇ buˬ-iˇ-eu meh.

Gʼaˬkʼehˇ 8:24

Beˬtuˆluˆ hawˇ-eu Yoˇhaˬ aˬ nyaꞈ-ahˇ Siˇmoˬ ehˇ nehˬ-eu, “Naw nyaꞈ neh kʼaˇ ehˇ-euˬ jeˬ, ngaˬ-euˬ kʼoeˇ taˆ tiˬ jeˬ-iˬ maˬ bi keuˆ le-eu gʼaˇ duˬ, Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ.”

1 Gawˇliˬtu 14:4

Dawˬ gʼawˬ mya jeˬ ngehˬ-eu kʼoeˇ-aˬ, yawˬ ha gʼaˇ duˬ tehꞈ-ehˇ gaˇ dahˇ tsoeˬ-awˇ, Miˬyehˇ dawˬ kawˬ mehˬ-eu kʼoeˇ-aˬ, Ka li zaˬ aˇ muˇ muˇ lah ni gʼaˇ duˬ gaˇ dahˇ tsoeˬ-eu meh.

HeˬByehˇ 1:1

Aˇ hu ba, Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ, aˬ dui-euˬ aˬ poeˬ aˬ bawˇ deuˬ-ahˇ Miˬyehˇ gʼawˬ mya poˆ, gʼawˬ mya jeˬ dawˬ ngehˬ cawˬ-euˬ meh.

HeˬByehˇ 13:4

Sheuˬ dahˬ dzaˬ taꞈ-eu jeˬ-ahˇ tsawˇ haˬ yawˬ gʼaˬ na luꞈ ya taˬ huiˬ-awˇ, miˬ zaˬ yo zaˬ tiˬ gʼaˬ tiˇ gʼaˬ saˇ jaˇ ya ziꞈ meh. Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ deuˬ hawˇ-eu, aˬ cawˬ nehˬ-ehˇ joe-eu tsawˇ ha deuˬ-ahˇ Miˬyehˇ yaˇ kʼaˬ daˇ tehꞈ-a.

1 Yoˇhaˬ 5:16

Yawˬ ha-euˬ cawˬ Ka li zaˬ tiˬ gʼaˬ na shiˇ gaˇ maˬ keuˆ-eu iˬ baˇ mˇ-euˬ ya mawˇ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ dehꞈ-eu saꞈ laˇ biꞈ nehˬ tehꞈ-a. Heu-aˬ, shiˇ gaˇ maˬ keuˆ-eu iˬ baˇ mˇ-euˬ jeˬ-ahˇ ehˇ-eu ma. Shiˇ gaˇ keuˆ-eu iˬ baˇ mˇ-euˬ jeˬ kʼawꞈ jaˆ-eu meh. Kʼoeˇ-euˬ gʼaˇ duˬ naw maꞈ Miˬyehˇ-ahˇ guiˬ lahˬ shaˇ-awˬ lehˇ ngaˇ maˬ ehˇ.

1 Saˬmeuˬlaˆ 12:19

Aˬ yawꞈ maꞈ Saˬmeuˬlaˆ-ahˇ ehˇ-eu, “Nga maꞈ maˬ ya shiˇ-eu gʼaˇ duˬ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ. Nga maꞈ mˇ dzeuˇ-euˬ iˬ baˇ nui deuˬ uˬ taꞈ, sahˬ paˬ shaˇ-eu laꞈ kʼoeˇ nga maꞈ iˬ baˇ paˇ mˇ lahˬ-euˬ loꞈ-ehˇ pyeuꞈ luꞈ-eu gaˇ kawˆ nymˬ-mˇ nga maˬ siˬ duˬ-euˬ ma.”

1 Saˬmeuˬlaˆ 12:23

Ngaˇ tehꞈ law nmˇ-aˬ, naw maꞈ gʼaˇ duˬ guiˬ lahˬ maˬ shaˇ ni jawˇ-eu baˬ da neh ngaˬ-euˬ kʼoeˇ taˆ iˬ baˇ maˬ ya jaˆ laˇ ni yahˇ-eu gʼaˇ duˬ, Sahˬpaˬ Miˬyehˇ ngaˬ-ahˇ ehˇ nehˬ laꞈ gʼaˬ-euˬ meh. Yaw muiˬ jeˬ hawˇ-eu yaw tsaˬ yawˬ dawˇ jeˬ-ahˇ naw maꞈ mˇ ni, ngaˇ mehˬ luꞈ tsoˆ luꞈ-eu ma.

1 Saˬmeuˬlaˆ 7:5

Kʼoeˇ naˇ, Saˬmeuˬlaˆ ehˇ-eu, “Iˇsaˬleˬlaˆ tsawˇ haˬ deuˬ dawˬ tawˆ luꞈ-ahˇ Miˇzaˬpaˬ meuˬ-ahˇ kuˇ uiˬ-awˬ. Naw maꞈ gʼaˇ duˬ Sahˬpaˬ Miˬyehˇ-ahˇ ngaˇ kʼoeˇ gaˇ guiˬ lahˬ shaˇ ma.”

1 Saˬmeuˬlaˆ 7:8

“Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ aˬ dui-ahˇ ka kʼoꞈ nehˬ laꞈ ni, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ tehˇ tehˬ-awˬ” lehˇ, Saˬmeuˬlaˆ-ahˇ aˬ yawꞈ maꞈ ehˇ nehˬ-euˬ meh.