Aˇ dahˬ 20:6 - Akha

⁶ Yuꞈ maˆ laꞈ kʼoeˇ, Aˬbiˇmaˬlehˆ-ahˇ Miˬyehˇ heu loꞈ-ehˇ paˇ ehˇ nehˬ-euˬ meh. “Ngeuˇ meh. Nawˇ nui ma shawˇ jehˆ ni taˬ-eu laꞈ kʼoeˇ, kʼoeˇ loꞈ-ehˇ mˇ-euˬ meh lehˇ ngaˇ siˬ nya ma. Kʼoeˇ miˇ neh, ngaˬ-euˬ mehˬ shi nawˇ iˬ baˇ maˬ ya mˇ ni, zaˬ miˬ zaˬ heu gʼaˬ nehˬ-ehˇ nawˬ-ahˇ ngaˇ maˬ bi jawˇ taꞈ-aˬ.

Aˇ dahˬ 20:6 ပူးပေါင်းရင်းမြစ်များ

Aˇ dahˬ 26:11

Kʼoeˇ naˇ, “Tsawˇ haˬ heu nyiˬ dzeˇ zaˬ-ahˇ kʼaˇ mˇ bahˬ-eu gʼaˬ, sehꞈ gaˇ ya daˬ tehꞈ-a” lehˇ, miˇ kʼahˬ zaˬ dawˬ tawˆ luꞈ-ahˇ Aˬbiˇmaˬlehˆ ehˇ gaˬ nehˬ-euˬ meh.

Aˇ dahˬ 3:3

Ehˇ kʼawꞈ, yaˇ kmˇ gʼahˇ ceh jaˆ-eu aˇ bawˇ kʼoeˇ bawˇ-euˬ aˇ siˬ pyaˆ dzaˬ-eu taˬ ehˇ. Toeˬ-eu tehꞈ-ehˇ kʼawꞈ taˬ toeˬ ciˆ leˇ. Toeˬ ciˆ leˇ naˇ ya shiˇ meh lehˇ nga nyaꞈ-ahˇ Miˬyehˇ ehˇ taˬ-euˬ meh” lehˇ ehˇ kʼoꞈ nehˬ-euˬ meh.

Aˇ dahˬ 31:24

Kʼoeˇ ngeh miˇ, yuꞈ maˆ laꞈ kʼoeˇ Laˬbaˬ jawˇ gaˇ Miˬyehˇ oe-awˇ, “Tiˬ jeˬ gʼeh-awˇ neh-iˬ Yaˬkoˆ-ahˇ maˬ ya laˆ guˆ-eu gʼaˇ duˬ, yaw kʼaˆ kʼaˆ-ehˇ yahˇ-awˬ” lehˇ ehˇ nehˬ le-euˬ meh.

Aˇ dahˬ 31:7

Aˬ yawꞈ gʼaˇ duˬ kʼoeˇ naˆ ni ngaˇ mˇ nehˬ gʼaˬ-euˬ kʼawꞈ, aˬ yawꞈ ngaˬ-ahˇ jaˬ myawꞈ myawꞈ-awˇ, tseˇ poˆ keuˆ ni ngaˬ-euˬ gʼaˬ gaˇ aˇ poeˬ-ahˇ mehˇ shuiˇ shuiˇ dzaˬ-euˬ meh. Ehˇ kʼawꞈ, aˬ yawꞈ ngaˬ-ahˇ yehˬ bawˬ sehˇ lu-ehˇ maˬ ya jahˇ ni, Miˬyehˇ haw piˇ nehˬ laꞈ-euˬ meh.

Aˇ dahˬ 35:5

Yaˬkoˆ hawˇ-eu aˬ yawꞈ-euˬ aˬ li deuˬ pawˇ-iˇ ngeh, dawˬ peh jaˆ-eu meuˬ deuˬ-ahˇ jawˇ-eu tsawˇ haˬ deuˬ guˆ dui dui-eu miˇ neh, aˬ yawꞈ maꞈ-euˬ mehˬ nah maˬ caw teh peuˬ-a.

Aˇ dahˬ 39:9

“Nymˇ heu nymˇ-ahˇ taꞈ leˇ-eu gaˇ deuˬ-ahˇ ehˇ leꞈ naˇ, ngaˇ-aˬ, aˬ yawꞈ loꞈ-ehˇ baoˬ jaˆ-eu tsawˇ haˬ tiˬ gʼaˬ ma. Nawˬ-ahˇ maˬ ngeuˇ naˇ, nymˇ heu nymˇ laꞈ kʼoeˇ kʼaˇ jaˆ-eu jeˬ dawˬ tawˆ luꞈ-ahˇ, ngaˬ neh kʼaˇ noeˬ-euˬ loꞈ-ehˇ maˬ ya jahˇ-a lehˇ laˆ tsoeˬ taˬ-euˬ tiˬ jeˬ-iˬ maˬ jaˆ-a. Miˬyehˇ mehˬ shi iˬ baˇ huiˬ dui dui-eu maˬ mˇ kʼmˬ-eu heu jeˬ-ahˇ, ngaˇ aˬ joˆ-ehˇ mˇ nya nmˇ.”

Jaceuq 51:4

Nawˬ-ahˇ ngaˇ mˇ lehˬ gʼaˬ-euˬ ma. Nawˬ-ahˇ tehꞈ-ehˇ mˇ lehˬ-euˬ ma. Nawˬ neh yaw haiˬ lehˇ sawˇ taˬ-euˬ jeˬ-ahˇ ngaˇ mˇ dzeuˇ-euˬ ma. Kʼoeˇ miˇ neh nawˇ ngaˬ-ahˇ yaˇ kʼaˬ daˇ-euˬ dawˇ dui dui meh. Ngaˇ yaw lehˬ meh lehˇ nawˇ daˇ-euˬ tsaˬ dui dui meh.

Jaceuq 81:12

Kʼoeˇ miˇ neh aˬ yawꞈ maꞈ nui ma gʼahˇ-eu loꞈ-ehˇ yawˬ ha-euˬ nui noeˬ nui loˆ bi geuꞈ-euˬ ma.

Jaceuq 84:11

Sahˬpaˬ Miˬyehˇ-aˬ, nga maꞈ-ahˇ haw piˇ-eu yaw shehꞈ kʼahˬ sehˇ muiˬ-eu sahˬ paˬ meh. Nga maꞈ-ahˇ gʼawˬ shaˬ gaˬ-awˇ ciˬ huiˬ ciˬ mahˇ nehˬ laꞈ-eu meh. Yaw tsaˬ yaw dawˇ jeˬ mˇ-eu tsawˇ haˬ deuˬ kʼoeˇ taˆ, muiˬ-eu guiˬ lahˬ tiˬ hmˬ-iˬ maˬ bi dzeuˇ-iˇ ni bi keuˆ le-eu meh.

Doˆ-iˇ 34:24

Naw maꞈ-ahˇ muiˇ-eu tsawˇ haˬ deuˬ-ahˇ, naw maꞈ-euˬ mehˬ shi ngaˇ teh doˆ-awˇ, naw maꞈ jawˇ duˬ miˇ kʼahˬ jeˇ laˇ gʼaˬ ngeh, bawˬ-iˬ heu smˇ hmˬ gʼeh-eu aˇ yamˬ laꞈ kʼoeˇ, tsawˇ haˬ tiˬ gʼaˬ-iˬ naw maꞈ-euˬ miˇ kʼahˬ-ahˇ maˬ paˇ ceh geuꞈ laˇ meh.

Dawqdaq 21:1

Sahˬ paˬ tiˬ gʼaˬ-euˬ nui ma-ahˇ Sahˬpaˬ Miˬyehˇ uˆ lahˇ-eu-aˬ, lawˇ baˬ iˇ cuꞈ yoeˇ kʼehˬ bi baw-euˬ loꞈ-ehˇ awˬ-eu meh.

Dawqdaq 6:29

Kʼoeˇ loꞈ-ehˇ duˇ ni aˬ cawˬ aˬ ma-ahˇ bahˬ-euˬ tsawˇ haˬ, kʼehˬ-eu kʼaˆ-eu jeˬ-ahˇ maˬ law-iˇ nya-a.

Uˬ duˬ 6:2

Tsawˇ haˬ tiˬ gʼaˬ na, yawˬ ha-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ tiˬ gʼaˬ neh yawˬ ha-ahˇ bi jeˬ hmˬ taˬ-euˬ mˇ myawˬ maˬ biꞈ kʼoꞈ nehˬ-euˬ, aˬ cawˬ-eu myawˬ kʼoeˬ-euˬ, aˬ cawˬ kʼoeˇ taˆ kʼaˆ dzaˬ-euˬ,

Maꞈtehˬ 27:19

Yaˇ kʼaˬ daˇ-eu nuiˇ mahˬ kʼoeˇ taˆ sahˬ paˬ Piˇlaˆ nuiˇ luꞈ ngeh, aˬ yawꞈ-euˬ nymˇ dahˬ heu loꞈ-ehˇ dawˬ tsaꞈ tsaꞈ ahˇ leꞈ-euˬ meh. “Iˬ baˇ maˬ ahˇ-eu tsawˇ haˬ kʼoeˇ gʼaˬ-ahˇ tiˬ jeˬ-iˬ taˬ jahˇ. Miˇ ciꞈ ngaˇ yuꞈ maˆ maˆ-eu laꞈ kʼoeˇ, aˬ yawꞈ baˬ da neh shaˬ zahˬ mˇ dui dui-euˬ ma.”

1 Gawˇliˬtu 7:1

Nymˬ-mˇ jawˇ poˆ-aˬ, naw maꞈ neh ngaˬ-ahˇ sahˬ boꞈ boꞈ ahˇ laꞈ-awˇ naˇ haˬ-euˬ gaˇ kawˆ kʼoeˇ ehˇ ma. Kʼaˬ dzeˇ zaˬ-aˬ, miˬ zaˬ maˬ sheuˬ ni jawˇ nya naˇ muiˬ meh.

2 Gawˇliˬtu 6:17

“Aˬ yawꞈ maꞈ-ahˇ naw maꞈ gʼawˬ-awˇ, byehˇ dzeh yaꞈ-awˇ doˆ laˇ-awˬ” lehˇ, Sahˬpaˬ Miˬyehˇ ehˇ taˬ-euˬ meh. “Maˬ shawˇ-eu jeˬ-ahˇ taˬ toeˬ ciˆ. Naw maꞈ-ahˇ ngaˇ ha geuꞈ nehˬ ma.

2 Teˇsaˬloˇni 2:11

Kʼoeˇ miˇ neh, Miˬ yehˇ neh maˬ ngeuˇ-eu baoˬ-ahˇ kʼehˇ gʼeh-awˇ, maˬ ngeuˇ-eu jeˬ-ahˇ jah leˇ ni aˬ yawꞈ maꞈ laꞈ kʼoeˇ gaˇ bi mˇ-euˬ meh.

2 Teˇsaˬloˇni 2:7

Yaw haiˬ jeˬ kʼoeˇ-aˬ, nymˬ-mˇ mi naˆ-ehˇ gaˇ mˇ luꞈ-eu meh. Pyeuꞈ laˇ-eu lehˇ bymˬ luꞈ-eu kʼoeˇ-ahˇ laˆ tsoeˬ taˬ-euˬ gʼaˬ-ahˇ Miˬyehˇ maˬ yuˇ dzeh kʼoeˇ keuˆ ni maˬ pyeuꞈ doˆ laˇ nya-aˇ.

1 Saˬmeuˬlaˆ 25:26

Nawˬ-ahˇ muiˇ-eu deuˬ-ahˇ nawˇ laꞈ poˆ poˆ nehˬ-awˇ maˬ ya sehꞈ ni, nawˬ-ahˇ ha lahˇ-eu gʼaˬ-aˬ Sahˬpaˬ Miˬyehˇ meh. Nawˬ-ahˇ muiˇ-eu deuˬ hawˇ-eu nawˬ-ahˇ laˆ coeˬ laˆ ciˆ mawꞈ-euˬ deuˬ-aˬ, Naˬbaˬlaˇ loꞈ-ehˇ kʼehˬ nehˬ kʼaˆ nehˬ-eu jeˬ-ahˇ ya daˬ luꞈ-uˇ lehˇ, dehꞈ luꞈ-eu Sahˬpaˬ Miˬyehˇ mehˬ shi nymˬ-mˇ ngaˇ yaˬ kʼehˇ yaˬ-eu ma.

1 Saˬmeuˬlaˆ 25:34

Iˬ nah nawˬ-ahˇ laˆ tahˬ laˆ naˇ nehˬ-eu jeˬ ngaˇ maˬ ya mˇ-eu gʼaˇ duˬ, Sahˬpaˬ Miˬyehˇ ngaˬ-ahˇ ha lahˇ taˬ-euˬ ngaˇ. Ehˇ kʼawꞈ, nawˇ ngaˬ-ahˇ yaw kawˇ-ehˇ maˬ tahˬ puˬ laˇ law nmˇ-aˬ, Naˬbaˬlaˇ-euˬ tsawˇ haˬ dawˬ tawˆ luꞈ uˬ bya maˬ bya laˇ mi naˆ-ehˇ ya shiˇ jiˇ meh lehˇ, Iˇsaˬleˬlaˆ tsawˇ jeuˬ-euˬ dehꞈ luꞈ-eu Miˬyehˇ mehˬ shi ngaˇ nawˬ-ahˇ ehˇ-eu ma.”