Aˇ dahˬ 20:13 - Akha

¹³ Kʼoeˇ miˇ neh, ngaˬ da-euˬ nymˇ-ahˇ byehˇ dzeh yaꞈ-awˇ, maˬ siˬ maˬ suˇ-eu miˇ kʼahˬ-ahˇ Miˬyehˇ ngaˬ-ahˇ bi iˇ laꞈ ngeh, Nawˇ ngaˬ-euˬ dmˇ ma pyeuꞈ-eu ma lehˇ aˬ cawˬ-ahˇ ehˇ nehˬ-eu laꞈ kʼoeˇ, nawˇ ngaˬ-ahˇ aˇ naˆ ni saˇ jaˇ ziꞈ-eu gaˇ kawˆ bi siˬ bi mawˇ laꞈ-awˬ lehˇ, aˬ yawꞈ-ahˇ ngaˇ ehˇ nehˬ-euˬ ma.”

Aˇ dahˬ 20:13 ပူးပေါင်းရင်းမြစ်များ

Aˇ dahˬ 12:1

Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Nawˬ-euˬ miˇ kʼahˬ, nawˬ-euˬ aˬ yuiꞈ aˬ nyiˇ deuˬ hawˇ-eu nawˬ da-euˬ nymˇ-ahˇ nawˇ byehˇ dzeh yaꞈ-awˇ, ngaˇ nawˬ-ahˇ mehˬ nehˬ-eu miˇ kʼahˬ-ahˇ iˇ-awˬ.

Aˇ dahˬ 12:9

Kʼoeˇ naˇ, tiˬ gaˇ saˇ-iˬ tiˬ gaˇ aˬ yawꞈ jawˇ jawˇ-ehˇ, Kaˬnaˬ miˇ kʼahˬ laꞈ oˆ paw pyawˬ-ahˇ iˇ ka gʼeh-euˬ meh.

Aˇ dahˬ 20:12

Aˬ yawꞈ ngaˬ-euˬ dmˇ ma aˬ diˇ aˬ maˇ pyeuꞈ-eu ma. Ngaˬ da-euˬ zaˬ maˇ maˇ ni meh. Ehˇ kʼawꞈ, ngaˬ nehˬ-ehˇ tiˬ ma baw zaˬ maˬ ngeuˇ. Aˬ yawꞈ-ahˇ ngaˇ oeˇ mˇ baˇ-awˇ yaw muiˬ paˬ-ehˇ sheuˬ dahˬ dzaˬ taˬ-euˬ ma.

Aˇ dahˬ 20:5

Aˬbyaˬhaˬ maˬ ehˇ, Saˬlaˇ maˬ ehˇ, Saˬlaˇ-aˬ Aˬbyaˬhaˬ-euˬ dmˇ ma pyeuꞈ-eu ma lehˇ ehˇ-eu miˇ neh, nui ma shawˇ jehˆ ni gʼeh-eu laꞈ kʼoeˇ aˬ yawꞈ-ahˇ ngaˇ sheuˬ-euˬ ma. Ngaˬ-euˬ yaw lehˬ tiˬ jeˬ-iˬ maˬ jaˆ.”

Jaceuq 64:5

Yaw haiˬ jeˬ mˇ-eu gʼaˇ duˬ tiˬ gʼaˬ tiˇ gʼaˬ gʼaˬ biꞈ-awˇ, tsawˇ haˬ zaˬ-ahˇ lahˇ ju kʼmˇ-eu gʼaˇ duˬ, mehˬ bawˬ mˇ taꞈ-eu laꞈ kʼoeˇ, “Tiˬ gʼaˬ-iˬ maˬ siˬ maˬ mawˇ nya-aˇ” lehˇ ehˇ-eu meh.

Gʼaˬkʼehˇ 5:9

Ehˇ kʼawꞈ, Beˬtuˆluˆ ehˇ-eu, “Aˬ jeˬ miˇ neh naw nyaꞈ dzeˇ zaˬ nui ma tiˬ siˬ tehꞈ-ehˇ taˬ-awˇ SahˬpaˬMiˬyehˇ-euˬ Yaw sahˇ-ahˇ lawˬ haw te. Nawˬ-euˬ kʼaˬ dzeˇ zaˬ-ahˇ baꞈ pahˬ-iˇ-euˬ tsawˇ haˬ deuˬ nymˬ-mˇ gʼoˆ kʼehˬ-ahˇ gʼoꞈ uˇ laˇ luꞈ meh. Aˬ yawꞈ maꞈ nawˬ-ahˇ paˇ ya baꞈ doˆ gʼeh tehꞈ-a.”

HeˬByehˇ 11:8

Miˬyehˇ neh Aˬbyaˬhaˬ-ahˇ biꞈ-eu lehˇ saˇ jaˇ dzaˬ taˬ-euˬ miˇ kʼahˬ-ahˇ iˇ-eu gʼaˇ duˬ Miˬyehˇ kuˇ ngeh, Aˬbyaˬhaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Yawˬ ha aˬ gaˇ ya iˇ-eu maˬ siˬ nya kʼawꞈ, aˬ yawꞈ-euˬ miˇ kʼahˬ-ahˇ byehˇ dzeh yaꞈ-awˇ doˆ-iˇ-euˬ meh.

1 Saˬmeuˬlaˆ 23:21

Tsawˇ haˬ kʼoeˇ deuˬ-ahˇ Sawˇluˆ heu loꞈ-ehˇ ehˇ nehˬ-euˬ meh. “Naw maꞈ ngaˬ-ahˇ gʼawˬ shaˬ gaˬ-eu siˬ nya-eu miˇ neh, Sahˬpaˬ Miˬyehˇ naw maꞈ-ahˇ guiˬ lahˬ biꞈ luꞈ-uˇ.