Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aˇ dahˬ 2:17 - Akha

17 Ehˇ kʼawꞈ, yaw muiˬ yaw doeˇ tseˇ paˆ nya-eu zaˬ siˬ tsawˇ gahˇ biꞈ-eu aˇ bawˇ kʼoeˇ bawˇ-euˬ aˇ siˬ nawˇ maˬ ya pyaˆ dzaˬ-a. Pyaˆ dzaˬ naˇ, dzaˬ ngeh nah neh nawˇ ya shiˇ tehꞈ-a” lehˇ ehˇ nehˬ-euˬ meh.

အခန်းကိုကြည့်ပါ။ ကော်ပီ




Aˇ dahˬ 2:17
43 ပူးပေါင်းရင်းမြစ်များ  

Haw muiˬ dui dui-eu aˇ bawˇ kʼaˇ ngeuˇ-eu dawˬ tawˆ luꞈ kʼoeˇ gaˇ bi dehꞈ laˇ-awˇ, muiˬ dui kuiˇ dui dui-eu aˇ siˬ deuˬ Miˬyehˇ pyeuꞈ-eu Sahˬpaˬ Miˬyehˇ neh bi siˬ le-euˬ meh. Dehꞈ-eu saꞈ laˇ aˇ bawˇ pyeuꞈ-eu yaw muiˬ yaw doeˇ tseˇ paˆ nya-eu zaˬ siˬ tsawˇ gahˇ biꞈ-eu aˇ bawˇ tiˬ bawˇ kʼawꞈ, yaˇ kmˇ kʼoeˇ kmˇ-euˬ gʼahˇ ceh bawˇ-euˬ meh.


Ehˇ kʼawꞈ, nymˬ-mˇ mi naˆ-ehˇ, zaˬ miˬ zaˬ heu gʼaˬ aˬ yawꞈ-euˬ kʼaˬ dzeˇ zaˬ-ahˇ a kʼoꞈ nehˬ-awˬ. Aˬ yawꞈ-euˬ kʼaˬ dzeˇ zaˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu meh. Nawˇ maˬ ya shiˇ-eu gʼaˇ duˬ aˬ yawꞈ guiˬ lahˬ shaˇ nehˬ laꞈ tehꞈ-a. Ehˇ kʼawꞈ, ngaˇ nawˬ-ahˇ heu loꞈ-ehˇ ehˇ-eu ma. Zaˬ miˬ zaˬ heu gʼaˬ-ahˇ, aˬ yawꞈ-euˬ kʼaˬ dzeˇ zaˬ-euˬ aˬ laꞈ laꞈ kʼoeˇ maˬ a kʼoꞈ nehˬ naˇ, nawˇ ya shiˇ tehꞈ-a. Nawˇ hawˇ-eu nawˬ-euˬ tsawˇ haˬ dawˬ tawˆ luꞈ ya shiˇ jiˇ tehꞈ-a.”


“Nawˇ mehˬ tsoeˬ maˬ dm luꞈ nga lehˇ, nawˬ-ahˇ aˬ suˇ gʼaˬ ehˇ mehˬ nehˬ laꞈ-euˬ ta. Ngaˬ neh taˬ dzaˬ lehˇ ehˇ taˬ-euˬ aˇ siˬ kʼoeˇ nawˇ pyaˆ dzaˬ teˬ loˇ” lehˇ, aˬ yawꞈ-ahˇ Miˬyehˇ pyeuꞈ-eu Sahˬpaˬ Miˬyehˇ naˇ haˬ-euˬ meh.


Miˬyehˇ pyeuꞈ-eu Sahˬpaˬ Miˬyehˇ-aˬ, kʼaˬ dzeˇ zaˬ gʼaˬ-ahˇ kʼawꞈ heu loꞈ-ehˇ ehˇ nehˬ-euˬ meh. “Nawˬ-euˬ miˬ zaˬ-euˬ ehˇ dawˬ naˇ haˬ-awˇ, ngaˬ neh taˬ dzaˬ lehˇ ehˇ taˬ-euˬ aˇ siˬ-ahˇ nawˇ dzaˬ-euˬ meh. Nawˇ kʼoeˇ loꞈ-ehˇ mˇ-euˬ miˇ neh, miˇ tsaˬ-aˬ, yaˬ kʼehˇ yaˬ nehˬ-eu jeˬ-ahˇ ya daˬ tehꞈ-a. Nawˇ ya dzaˬ ya dawˇ-eu gʼaˇ duˬ, nawˬ-euˬ tiˬ ziˇ maˬ naˬ leˇ ni miˇ tsaˬ-ahˇ ya beuˬ tehꞈ-a.


Miˇ tsaˬ yuˇ-awˇ nawˬ-ahˇ beh taˬ-euˬ loꞈ-ehˇ, miˇ tsaˬ-ahˇ nawˇ maˬ ya gʼoꞈ uˇ-iˇ kʼoeˇ keuˆ ni, nawˇ kʼaˇ ka dzaˬ-eu jeˬ-ahˇ miˇ tsaˬ neh bi dehꞈ doˆ laˇ-awˇ aˇ siˬ aˇ nuiˆ bi nuiˆ laˇ-eu gʼaˇ duˬ, kuˬ pyuˇ kuˬ tsaˇ tsiˇ ni nawˇ ya mˇ sehꞈ leꞈ tehꞈ-a. Miˇ tsaˬ shaˬ jehˆ yuˇ-awˇ nawˬ-ahˇ tehˆ taˬ-euˬ loꞈ-ehˇ, nawˇ miˇ tsaˬ paˇ ya pyeuꞈ kʼoꞈ-iˇ tehꞈ-a” lehˇ ehˇ nehˬ-euˬ meh.


Nawˇ meuˬ laꞈ nyiˇ doˆ-iˇ-awˇ, Giˇdaˬloˬ lawˇ gawˆ iˇ tsehˆ naˇ, aˬ diˇ aˬ maˇ ya shiˇ meh lehˇ noeˬ taˬ-awˬ. Shiˇ-euˬ iˬ baˇ kʼoeˇ kʼawꞈ nawˬ-euˬ kʼoeˇ taˆ jaˆ tehꞈ-a.”


Kʼoeˇ ngeh, Shiˇmiˇ-ahˇ bi kuˇ laˬ-iˇ-awˇ, heu loꞈ-ehˇ ehˇ nehˬ-euˬ meh. “Yeˬluˇsaˬlehˬ meuˬ-euˬ laꞈ nyiˇ maˬ doˆ-iˇ lehˇ, Sahˬpaˬ Miˬyehˇ-euˬ tsawˇ myahˇ uˬ moˆ, nawˬ-ahˇ ngaˇ saˇ jaˇ bi dzaˬ-euˬ ma. Meuˬ-euˬ laꞈ nyiˇ doˆ-iˇ naˇ ya shiˇ tehꞈ-a lehˇ kʼawꞈ, ngaˇ nawˬ-ahˇ ehˇ taˬ-euˬ ma. Ngaˇ kʼoeˇ loꞈ-ehˇ ehˇ ngeh, nawˇ kʼawꞈ nui ma tsaˬ-awˇ naˇ haˬ geuꞈ ma lehˇ ehˇ-euˬ maˬ ngeuˇ loˇ.


Sahˬpaˬ Miˬyehˇ neh ngaˬ-ahˇ kʼaˇ bi ngehˬ kʼaˇ bi tmˇ laꞈ-euˬ jeˬ-ahˇ, ngaˇ ngehˬ gʼaˬ tmˇ gʼaˬ-eu nehˬ-ehˇ, aˬ yawꞈ maꞈ ngaˬ-ahˇ nyehꞈ-awˇ, heu loꞈ-ehˇ guˇ-eu meh.


Aˬ cawˬ-ahˇ pyuˇ paˇ nehˬ-awˇ jiˇ jeuˬ yuˇ dzaˬ-euˬ meh. Aˬ li kʼoeˇ gʼaˬ ya dehꞈ tehꞈ-a loˇ. Maˬ ya dehꞈ-a. Nui daˆ daˆ dui dui laˇ paˬ-ehˇ gʼeh-eu gaˇ heu deuˬ aˬ yawꞈ mˇ-euˬ miˇ neh, ya shiˇ tehꞈ-a. Aˬ yawꞈ ya shiˇ-eu kʼoeˇ aˬ cawˬ maˬ guˬ-a.


Tsawˇ haˬ tiˬ gʼaˬ iˬ maˬ bi shiˇ mawꞈ nya. Iˬ baˇ-ahˇ byehˇ dzeh-awˇ yaw dehꞈ dehꞈ-awˬ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.


Tsawˇ haˬ yawˬ gʼaˬ na luꞈ-eu saꞈ laˇ ngaˬ-euˬ tehꞈ ma. Aˬ da aˬ ma deuˬ-euˬ saꞈ laˇ maˬ ehˇ, zaˬ deuˬ-euˬ saꞈ laˇ maˬ ehˇ, ngaˬ-euˬ tehꞈ ma. Iˬ baˇ mˇ-eu tsawˇ haˬ aˬ yawꞈ gʼaˬ ya shiˇ tehꞈ-a.


Haiˬ-eu tsawˇ haˬ ya shiˇ tehꞈ-a lehˇ ngaˇ ehˇ-euˬ ma. Ehˇ kʼawꞈ iˬ baˇ mˇ-eu jeˬ-ahˇ aˬ yawꞈ byehˇ dzeh-awˇ, yaw tsaˬ yaw dawˇ jeˬ hawˇ-eu yaw muiˬ jeˬ mˇ dahˬ beh-eu ehˇ-awˬ.


Haiˬ-eu tsawˇ haˬ tiˬ gʼaˬ ya shiˇ-eu keuˆ le-eu ngaˇ lehˇ ngaˇ ehˇ ngeh, aˬ yawꞈ maˬ ya shiˇ-eu gʼaˇ duˬ dehꞈ paˇ ni nawˇ maˬ mehˬ maˬ tsoˆ nehˬ-ehˇ, yaw haiˬ jeˬ mˇ-awˇ shiˇ naˇ, nawˬ-ahˇ ngaˇ do yuˇ ma.


Aˬ yawꞈ maꞈ dawˬ tawˆ luꞈ bawˇ tsahˬ bawˇ dahˇ laꞈ kʼoeˇ ya shiˇ jiˇ meh lehˇ ehˇ taˬ-euˬ loꞈ-ehˇ, Yeˬpuˬnehˇ-euˬ aˬ li Gaˬlehˆ hawˇ-eu Nuˬ-euˬ aˬ li Yawˇshuˆ aˬ nyaꞈ maˬ ngeuˇ naˇ, tiˬ gʼaˬ-iˬ maˬ paˇ dehꞈ ni shiˇ dzeuˇ jiˇ-euˬ meh.


Kʼoeˇ loꞈ-ehˇ dehꞈ-eu tsawˇ haˬ deuˬ shiˇ-eu geuˇ meh lehˇ, Miˬyehˇ-euˬ zahˇ dawˬ kʼoꞈ dawˬ laꞈ kʼoeˇ ehˇ tsehˆ taˬ-euˬ aˬ yawꞈ maꞈ siˬ nya meh. Ehˇ kʼawꞈ, aˬ yawꞈ maꞈ kʼoeˇ loꞈ-ehˇ mˇ-eu maˬ byehˇ-eu uˬ taꞈ, kʼoeˇ loꞈ-ehˇ mˇ caw-eu tsawˇ haˬ deuˬ-ahˇ nui ma tsaˬ-eu meh.


Tsawˇ haˬ tiˬ gʼaˬ na-euˬ myawˬ kʼehˇ gʼoˆ nehˬ-eu gʼaˇ duˬ zaˬ kʼaˆ geuꞈ-eu lehˇ yawˬ ha-euˬ gʼawˇ mawˇ a nehˬ gʼaˬ shaw naˇ, yawˬ ha myawˬ kʼehˇ gʼoˆ nehˬ-eu baw leˬ kʼoeˇ gʼaˬ-euˬ zaˬ kʼaˆ pyeuꞈ tsehˆ tsehˆ-euˬ meh lehˇ naw maꞈ siˬ duˬ luꞈ meh. Iˬ baˇ-euˬ ehˇ dawˬ naˇ haˬ naˇ, shiˇ gaˇ ya keuˆ tehꞈ-a. Miˬyehˇ-euˬ ehˇ dawˬ naˇ haˬ naˇ, aˬ yawꞈ-ahˇ tsaˬ leˇ tsahˇ leˇ gaˇ ya keuˆ tehꞈ-a.


Aˬ jeˬ miˇ neh ehˇ naˇ, iˬ baˇ-euˬ aˇ poeˬ-aˬ, shiˇ-eu jeˬ pyeuꞈ-eu meh. Ehˇ kʼawꞈ, Miˬyehˇ neh yawꞈ ngehꞈ-ehˇ biꞈ nehˬ laꞈ-euˬ laꞈ sawˬ-aˬ, aˬ dui-euˬ Sahˬpaˬ Yeˬsuˇ Ka li laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.


Aˬ jeˬ miˇ neh ehˇ naˇ, aˬ dui-ahˇ Yeˬsuˇ Ka li laꞈ kʼoeˇ bi dehꞈ laꞈ-euˬ Yaw sahˇ Miˬyehˇ-euˬ baoˬ-aˬ, iˬ baˇ hawˇ-eu shiˇ-eu jeˬ-euˬ zahˇ sahˇ kʼoꞈ uˬ moˆ aˬ dui-ahˇ bi buˬ-iˇ laꞈ-euˬ meh.


Tsawˇ haˬ dawˬ tawˆ luꞈ Aˬdaˬ-ahˇ taꞈ leˇ-eu laꞈ kʼoeˇ ya shiˇ-eu loꞈ-ehˇ, Ka li-ahˇ taꞈ leˇ-eu laꞈ kʼoeˇ paˇ ya gʼoꞈ dehꞈ laˇ tehꞈ-a.


Shiˇ-eu jeˬ-euˬ byaˬ iˬ-aˬ, iˬ baˇ meh. Iˬ baˇ-euˬ baoˬ-aˬ, Zahˇ dawˬ kʼoꞈ dawˬ meh.


Zahˇ dawˬ kʼoꞈ dawˬ-ahˇ mˇ byah gaˇ gʼoe gʼoe-ehˇ dehꞈ-eu tsawˇ haˬ deuˬ-aˬ, yaˬ kʼehˇ yaˬ-eu jeˬ-ahˇ ya daˬ-eu meh. Aˬ jeˬ miˇ neh ehˇ naˇ, “Zahˇ dawˬ kʼoꞈ dawˬ sahˬ boꞈ laꞈ kʼoeˇ kʼaˇ boꞈ taˬ-euˬ yawˬ jeˬ na luꞈ-ahˇ aˬ myah luꞈ maˬ byehˇ ni maˬ caw teh geuꞈ-eu tsawˇ haˬ-aˬ, Miˬyehˇ neh yaˬ kʼehˇ yaˬ-euˬ jeˬ-ahˇ ya daˬ meh” lehˇ, Jaˇliꞈ laꞈ kʼoeˇ ehˇ taˬ-euˬ meh.


Aˬ jeˬ miˇ neh ehˇ naˇ, bya cehˆ ni bi mawˇ duˬ laˇ-eu yawˬ jeˬ na luꞈ yaw shehꞈ pyeuꞈ-eu meh. Kʼoeˇ miˇ neh, heu loꞈ-ehˇ ehˇ taˬ-euˬ jaˆ-eu meh. “Yuꞈ kʼaˆ taˬ-euˬ deuˬ noeˬ laˇ-awˇ, shiˇ-euˬ gʼoꞈ dehꞈ laˇ-awˬ. Ka li yaw shehꞈ biꞈ laꞈ tehꞈ-a.” lehˇ ehˇ taˬ-euˬ jaˆ-eu meh.


“ ‘Miˬyehˇ-euˬ zahˇ dawˬ kʼoꞈ dawˬ hawˇ-eu mehˬ nehˬ tsoˆ nehˬ-eu jeˬ dawˬ tawˆ luꞈ-ahˇ maˬ naˇ haˬ geuꞈ-eu tsawˇ haˬ kʼoeˇ taˆ, Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.


“Iˬ nah nawˬ-ahˇ ngaˇ yaw muiˬ hawˇ-eu yaw doeˇ bi tseˇ geuꞈ-eu ma. Dehꞈ-eu jeˬ hawˇ-eu shiˇ-eu jeˬ bi tseˇ geuꞈ-eu ma.


Nymˬ-mˇ, ngaˇ nawˬ-ahˇ dehꞈ-eu jeˬ hawˇ-eu shiˇ-eu jeˬ bi tseˇ geuꞈ-eu ma. Sahˬpaˬ Miˬyehˇ-euˬ guiˬ lahˬ hawˇ-eu yaˬ kʼehˇ yaˬ-eu jeˬ bi tseˇ geuꞈ-eu ma. Mˬ hawˇ-eu miˇ-ahˇ ngaˇ kuˇ-awˇ, nawˬ neh kʼaˇ tseˇ geuꞈ-euˬ jeˬ gʼaˇ duˬ saˇ kiˇ bi geuꞈ ma. Dehꞈ-eu jeˬ-ahˇ tseˇ-awˬ.


Yaw beh naw maꞈ Yuˇdaˆ tsawˇ haˬ maˬ ngeuˇ-eu uˬ taꞈ, Zahˇ dawˬ kʼoꞈ dawˬ maˬ jaˆ-eu baˬ da neh maˬ ehˇ, naw maꞈ-euˬ iˬ baˇ baˬ da neh maˬ ehˇ, saꞈ laˇ shiˇ taˬ-euˬ gaˇ duˇ-eu meh. Ehˇ kʼawꞈ, nymˬ-mˇ-aˬ, Miˬyehˇ neh naw maꞈ-ahˇ Ka li nehˬ-ehˇ bi dehꞈ laˇ-euˬ meh. Aˬ dui-euˬ iˬ baˇ dawˬ tawˆ luꞈ-ahˇ Miˬyehˇ pyehˬ nehˬ laꞈ-euˬ meh.


Ehˇ kʼawꞈ, byawˬ gʼa mo gʼa-eu jeˬ mehˬ nah dehꞈ gʼeh luꞈ-eu miˬ coeˬ miˬ ma-aˬ, dehꞈ luꞈ kʼawꞈ shiˇ-euˬ gaˇ duˇ-eu meh.


Kʼoeˇ naˇ, aˬ yawꞈ-euˬ maˬ muiˬ maˬ jaˬ-eu nui kʼahˇ kʼoeˇ zaˬ jeuˬ-eu loꞈ-ehˇ jeuˬ leˇ-awˇ, iˬ baˇ bi dehꞈ doˆ le-eu meh. Iˬ baˇ kʼoeˇ huiˬ loˆ laˇ ngeh, shiˇ-eu jeˬ bi dehꞈ doˆ le-eu meh.


Yawˬ ha-euˬ cawˬ Ka li zaˬ tiˬ gʼaˬ na shiˇ gaˇ maˬ keuˆ-eu iˬ baˇ mˇ-euˬ ya mawˇ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ dehꞈ-eu saꞈ laˇ biꞈ nehˬ tehꞈ-a. Heu-aˬ, shiˇ gaˇ maˬ keuˆ-eu iˬ baˇ mˇ-euˬ jeˬ-ahˇ ehˇ-eu ma. Shiˇ gaˇ keuˆ-eu iˬ baˇ mˇ-euˬ jeˬ kʼawꞈ jaˆ-eu meh. Kʼoeˇ-euˬ gʼaˇ duˬ naw maꞈ Miˬyehˇ-ahˇ guiˬ lahˬ shaˇ-awˬ lehˇ ngaˇ maˬ ehˇ.


“Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ ehˇ nehˬ-euˬ dawˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-aˬ, nyiˬ poˆ tiˬ poˆ shiˇ-eu jeˬ-ahˇ maˬ paˇ ya daˬ meh.


Shiˇ-eu jeˬ hawˇ-eu shiˇ-eu miˇ kʼahˬ kʼoeˇ nyiˬ jeˬ-ahˇ-aˬ, miˬ dzaˬ lah-ahˇ biˬ puꞈ nehˬ-euˬ meh. (Miˬ dzaˬ lah kʼoeˇ lah-aˬ, nyiˬ poˆ tiˬ poˆ shiˇ-eu jeˬ pyeuꞈ-eu meh.)


Gʼoꞈ dehꞈ beh beh laˇ-eu heu poˆ laꞈ kʼoeˇ ahˇ-eu tsawˇ haˬ deuˬ-aˬ, guiˬ lahˬ huiˬ dui dui-awˇ, laˬ kʼaˬ cehˇ dui dui-eu meh. Nyiˬ poˆ tiˬ poˆ shiˇ-eu jeˬ-euˬ baoˬ aˬ yawꞈ maꞈ-ahˇ maˬ gʼaˬ leˇ-a. Aˬ yawꞈ maꞈ-aˬ, Miˬyehˇ hawˇ-eu Ka li-euˬ piˇ ma ya geuꞈ-awˇ, aˬ yawꞈ nehˬ-ehˇ tiˬ heˇ kʼoꞈ ya uˆ lahˇ tehꞈ-a.


Ehˇ kʼawꞈ, guˆ-eu nui ma ahˇ-eu tsawˇ haˬ, saˇ jaˇ puiˬ-eu tsawˇ haˬ, yaw jawꞈ jeˬ mˇ-eu tsawˇ haˬ, tsawˇ haˬ sehꞈ-eu tsawˇ haˬ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, mah loˬ ja maw zmˬ-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, jaˬ myawꞈ mehˇ shuiˇ shuiˇ-eu tsawˇ haˬ, heu loꞈ-ehˇ gʼeh-eu deuˬ-ahˇ oꞈ-eu jawˇ duˬ-aˬ, nyiˬ poˆ tiˬ poˆ shiˇ-eu jeˬ pyeuꞈ-eu, miˬ dzaˬ hawˇ-eu miˬ dzaˇ dzaˇ shuiˇ doꞈ luꞈ-eu lah kʼoeˇ lah meh.


Iˇsaˬleˬlaˆ tsawˇ jeuˬ aˬ yawꞈ jo yawꞈ-ahˇ, guiˇ deuˆ-eu gaˇ kawˆ mehˬ nehˬ mawꞈ-eu miˇ neh, aˬ yawꞈ kʼoeˇ loꞈ-ehˇ mˇ-euˬ meh. Kʼaˆ tiˬ paˆ, guiˇ tiˬ jawˇ-iˬ maˬ deuˆ haw-euˬ tsawˇ haˬ-ahˇ guiˇ deuˆ-eu gaˇ kawˆ mehˬ nehˬ mawꞈ-eu meh.


Iˇsaˬleˬlaˆ tsawˇ haˬ deuˬ-ahˇ muiˇ-eu deuˬ kʼoeˇ taˆ bi gʼaˬ leˇ nehˬ laꞈ-euˬ gʼaˬ pyeuꞈ-eu dehꞈ luꞈ-eu Miˬyehˇ mehˬ shi, ngaˇ heu loꞈ-ehˇ saˇ jaˇ dzaˬ-eu ma. Ngaˬ li Yawˇnaˆshaˬ-ahˇ keuˆ ni, tsawˇ haˬ aˬ geu gʼaˬ maˬ kaˬ iˬ baˇ ahˇ naˇ, sehꞈ gaˇ ya daˬ tehꞈ-a.” Sawˇluˆ Kʼoeˇ loꞈ-ehˇ ehˇ kʼawꞈ, tsawˇ haˬ tiˬ gʼaˬ-iˬ dawˬ maˬ ngehˬ-a.


“Yawˇnaˆshaˬ-oˇ, nawˇ maˬ ya shiˇ ni dzeuˇ-iˇ nya naˇ, ngaˬ-euˬ kʼoeˇ taˆ shiˇ-eu jeˬ Miˬyehˇ bi keuˆ le luꞈ-uˇ” lehˇ Sawˇluˆ ehˇ-eu meh.


Daˬbiˇ yaw dehꞈ kʼaˇ dehꞈ kʼoeˇ keuˆ ni, nawˇ miˇ kʼahˬ heu kʼahˬ-euˬ sahˬ paˬ maˬ ya geuꞈ-a lehˇ maˬ siˬ nya nya loˇ. Nymˬ-mˇ aˬ yawꞈ-ahˇ sheuˬ kʼoꞈ laˬ-iˇ-awˬ. Aˬ yawꞈ-ahˇ maˬ sehꞈ-ehˇ maˬ gʼeh nya-a.”


Sahˬ paˬ Sawˇluˆ ehˇ-eu, “Aˬhiˇmaˬlehˇ-oˇ, nawˇ hawˇ-eu nawˬ-euˬ aˬ yuiꞈ aˬ nyiˇ dawˬ tawˆ luꞈ ya shiˇ meh.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ