Aˇ dahˬ 19:5 - Akha

⁵ Lawˇtaˬ-ahˇ aˬ yawꞈ maꞈ kuˇ-awˇ, “Nymˇ ciꞈ nawˬ-euˬ nymˇ-ahˇ yaꞈ laˇ-euˬ daˬ yah kʼoeˇ nyiˬ gʼaˬ aˬ lehˬ. Nga maꞈ jawˇ gaˇ sheuˬ doˆ leꞈ-awˬ” lehˇ ehˇ nehˬ-euˬ meh. Sawˇdoˬ meuˬ-ahˇ jawˇ-eu tsawˇ haˬ kʼoeˇ deuˬ-aˬ, daˬ yah kʼoeˇ nyiˬ gʼaˬ nehˬ-ehˇ kʼaˬ dzeˇ zaˬ yaw kaˬ kʼaˬ miˬ sheu-awˇ, maˬ mˇ kʼmˬ-eu jeˬ mˇ nehˬ-eu lehˇ leh jeh luꞈ-eu meh.

Aˇ dahˬ 19:5 ပူးပေါင်းရင်းမြစ်များ

Aˇ dahˬ 19:6

Lawˇtaˬ laꞈ nyiˇ doˆ-iˇ-awˇ, laˇ gʼoˆ piˬ tehˬ yaꞈ-euˬ meh.

1 Sahˬpaˬ 14:24

Doeˇ dui dui-eu tiˬ jeˬ-aˬ, lawˇ ciꞈ zaˬ deuˬ uˬ duˬ tahˬ-eu jawˇ duˬ-ahˇ, zaˬ miˬ zaˬ meh maˬ laˇ hawˇ-eu kʼaˬ dzeˇ zaˬ meh maˬ laˇ deuˬ kʼawꞈ jawˇ-eu kʼoeˇ hmˬ meh. Iˇsaˬleˬlaˆ tsawˇ haˬ deuˬ miˇ kʼahˬ kʼoeˇ kʼahˬ laꞈ kʼoeˇ jawˇ uˇ leˇ ngeh, Sahˬpaˬ Miˬyehˇ neh teh doˆ nehˬ-euˬ, yaw beh kʼoeˇ gaˇ jawˇ-euˬ tsawˇ jeuˬ deuˬ kʼaˇ mˇ-euˬ shaꞈ dawˇ dui dui paˬ-ehˇ gʼeh-eu jeˬ dawˬ tawˆ luꞈ-ahˇ, Yuˇdaˆ miˇ kʼahˬ zaˬ deuˬ mˇ-euˬ meh.

1 Sahˬpaˬ 22:46

Aˬ yawꞈ-euˬ aˬ da Aˬsaˬ-euˬ ziˇ-ahˇ neh, lawˇ ciꞈ zaˬ deuˬ-euˬ lawˇ duˬ shehˇ duˬ-ahˇ jawˇ luꞈ-eu kʼaˬ dzeˇ zaˬ meh maˬ laˇ hawˇ-eu zaˬ miˬ zaˬ meh maˬ laˇ deuˬ dawˬ tawˆ luꞈ-ahˇ, aˬ yawꞈ-euˬ miˇ kʼahˬ laꞈ kʼoeˇ neh aˬ yawꞈ teh dzeh-euˬ meh.

Iˇsaˬyaˇ 1:9

Baoˬ huiˬ-eu Sahˬpaˬ Miˬyehˇ neh, aˬ dui tiˬ paˆ na deuˬ-ahˇ maˬ bi dzeuˇ-iˇ law nmˇ-aˬ, Sawˇdoˬ meuˬ hawˇ-eu Gawˇmawˇlaˆ meuˬ loꞈ-ehˇ, ya shiˇ cuˆ jiˇ-eu yaw duˬ baw law hawˇ nga.

Iˇsaˬyaˇ 3:9

Aˬ yawꞈ maꞈ myaˆ pyawˬ huiˬ nyiˇ tseˇ-euˬ saˇ kiˇ jaˆ-awˇ, aˬ yawꞈ maꞈ-euˬ iˬ baˇ maˬ zaꞈ taˬ ni, Sawˇdoˬ meuˬ-euˬ iˬ baˇ loꞈ-ehˇ bya cehˆ ni jaˆ-eu meh.

Yeˬlaˬmiˇ 3:3

Kʼoeˇ baˬ da neh uˬ yehˇ maˬ yehˇ le-ehˇ, iˇ cuꞈ iˇ beuˆ maˬ doˆ le ni tsiˇ leˇ-euˬ meh. Ehˇ kʼawꞈ, nawˇ meh maˬ laˇ-euˬ jawˬ gʼehˇ maˬ byehˇ-ehˇ, shaꞈ dawˇ-eu maˬ baw-a.

Yeˬlaˬmiˇ 6:15

Gaˇ yaw jawꞈ heu deuˬ mˇ-euˬ baˬ da neh, aˬ yawꞈ maꞈ maˬ shaꞈ dawˇ-a loˇ. Aˬ yawꞈ maꞈ tiˬ pawꞈ-iˬ maˬ shaꞈ dawˇ-ehˇ, myaˆ pyawˬ tiˬ pawꞈ-iˬ maˬ cawˆ-a. Kʼoeˇ baˬ da neh aˬ cawˬ loꞈ-ehˇ aˬ yawꞈ maꞈ kʼawꞈ ya coˬ-iˇ-awˇ, aˬ yawꞈ maꞈ-ahˇ ngaˇ kʼehˬ nehˬ ngeh, aˬ yawꞈ maꞈ-euˬ aˇ nah jiˇ le meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 16:49

Aˬ yawꞈ hawˇ-eu aˬ yawꞈ-euˬ aˬ buˇ deuˬ-aˬ, nui ma huiˬ kʼaˇ za-eu meh. Aˬ jeˬ miˇ neh ehˇ naˇ, aˬ yawꞈ maꞈ dzaˬ dzaˬ dawˇ dawˇ jaˆ loꞈ-awˇ, nui saˇ oꞈ-eu laꞈ kʼoeˇ ya dehꞈ luꞈ meh. Ehˇ kʼawꞈ, shaˬ zaˬ zahˬ zaˬ deuˬ-ahˇ aˬ yawꞈ maꞈ maˬ caw ba nehˬ-a.

Yeˬsaˬgeˬlaˇ 16:50

Aˬ yawꞈ maꞈ nui ma huiˬ-eu gʼahˇ-eu laꞈ kʼoeˇ, ngaˇ bye-eu gaˇ mˇ-euˬ miˇ neh, aˬ yawꞈ maꞈ-ahˇ ngaˇ laˆ cawˆ nehˬ-euˬ gaˇ kawˆ nawˇ siˬ duˬ luꞈ meh.

Yeˬsaˬgeˬlaˇ 16:51

“Saˬmaˬliˆ meuˬ-aˬ, nawˬ-euˬ tiˬ paˆ naˆ ni kʼawꞈ iˬ baˇ maˬ mˇ-aˬ. Nawˇ-aˬ, aˬ yawꞈ naˆ maˬ tseˇ dehꞈ jawꞈ dui dui-euˬ meh. Nawˬ neh mˇ bahˬ-euˬ jeˬ-ahˇ shaˇ cehˆ haw naˇ, nawˬ-euˬ mehˇ nmˇ aˬ buˇ kʼoeˇ nyiˬ gʼaˬ iˬ baˇ maˬ ahˇ gaˇ duˇ-eu meh.

Uˬ duˬ 18:22

Kʼaˬ dzeˇ zaˬ cawˬ cawˬ maˬ ya yuꞈ taꞈ-a. Kʼoeˇ loꞈ-ehˇ jahˇ gaˇ Miˬyehˇ maˬ haw nahˇ-a.

Uˬ duˬ 20:13

Kʼaˬ dzeˇ zaˬ tiˬ gʼaˬ kʼaˬ dzeˇ zaˬ yawˬ gʼaˬ yawˬ nehˬ-ehˇ joe naˇ, jawꞈ dui dui-eu jeˬ mˇ-euˬ miˇ neh, nyiˬ gʼaˬ luꞈ sehꞈ nehˬ gaˇ ya daˬ tehꞈ-a. Aˬ yawꞈ nyaꞈ-aˬ, yawˬ haˇ yawˬ ha ya shiˇ ni mˇ-euˬ meh.

1 Gawˇliˬtu 6:9

Maˬ tsaˬ maˬ dawˇ-eu tsawˇ haˬ Miˬyehˇ Miˇkʼahˬ laꞈ kʼoeˇ maˬ ya uˇ leˇ-a lehˇ naw maꞈ siˬ duˬ luꞈ meh. Naw maꞈ taˬ noeˬ lehˬ. Aˬ cawˬ nehˬ-ehˇ joe-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, aˬ cawˬ-euˬ miˬ zaˬ yo zaˬ-ahˇ bahˬ-eu tsawˇ haˬ, kʼaˬ dzeˇ zaˬ cawˬ cawˬ kʼaˬ miˬ sheu-eu tsawˇ haˬ,

Dawˬmehˬ 23:17

“Iˇsaˬleˬlaˆ tsawˇ haˬ laꞈ kʼoeˇ, zaˬ miˬ zaˬ maˬ ehˇ, kʼaˬ dzeˇ zaˬ maˬ ehˇ, muiˬ-eu shawˇ-eu meh maˬ laˇ geuꞈ-awˇ maˬ ya bi jawˇ-a.

1 Tiˆmoˇseˬ 1:10

maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, aˬ cawˬ nehˬ-ehˇ joe-eu tsawˇ haˬ, tsawˇ haˬ-ahˇ paꞈ-awˇ pyuˇ shaˇ-eu tsawˇ haˬ, jaˬ myawꞈ myawꞈ-eu tsawˇ haˬ, maˬ tsaˬ maˬ dawˇ-eu tsawˇ kaˬ geuꞈ-eu tsawˇ haˬ, tsaˬ-eu dawˇ-eu jah-eu jeˬ-ahˇ laˆ pyaˆ-eu jeˬ mˇ-eu tsawˇ haˬ, heu loꞈ-ehˇ gʼeh-eu tsawˇ haˬ deuˬ gʼaˇ duˬ taˬ taˬ-euˬ meh.

2 Tiˆmoˇseˬ 3:13

Haiˬ-eu tsawˇ haˬ deuˬ hawˇ-eu jaˬ myawꞈ mehˇ shuiˇ deuˬ-aˬ, ngehˬ jawˇ ngehˬ doeˇ dzehˬ laˇ-awˇ, aˬ cawˬ-ahˇ mehˇ shuiˇ shuiˇ-eu loꞈ-ehˇ yawˬ ha-ahˇ mehˇ shuiˇ bi shuiˇ gaˇ ya daˬ tehꞈ-a.

2 Beˬtuˆluˆ 2:2

Ehˇ kʼawꞈ, aˬ yawꞈ maꞈ maˬ muiˬ maˬ jaˬ-eu jeˬ mˇ-eu mehˬ nah tsawˇ haˬ gʼawˬ mya ni caw teh gʼeh tehꞈ-a. Aˬ yawꞈ maꞈ kʼoeˇ loꞈ-ehˇ mˇ-eu baˬ da neh, yaw tsaˬ yaw dawˇ Gaˇma-ahˇ aˬ cawˬ ja doeˇ tehꞈ-a.

2 Beˬtuˆluˆ 2:7

Haiˬ-eu tsawˇ haˬ kʼoeˇ deuˬ jawꞈ dui dui-eu jeˬ mˇ gaˇ noeˬ shaˬ dui dui-euˬ tsawˇ muiˬ tiˬ gʼaˬ pyeuꞈ-eu Lawˇtaˬ-ahˇ tehꞈ-ehˇ, aˬ yawꞈ ka kʼoꞈ-euˬ meh.

Yuˇdaˆ 1:7

Sawˇdoˬ meuˬ, Gawˇmawˇlaˆ meuˬ hawˇ-eu dawˬ peh jaˆ-eu meuˬ kʼoeˇ deuˬ-euˬ gaˇ kawˆ shaˇ noeˬ haw sheˇ. Kʼoeˇ gaˇ jawˇ-euˬ tsawˇ haˬ kʼoeˇ deuˬ mˬ taˆ gʼaˬ kʼehˇ kʼoeˇ deuˬ loꞈ-ehˇ dehꞈ-awˇ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu jeˬ hawˇ-eu bahˬ dui jawꞈ dui dui-eu jeˬ mˇ-euˬ meh. Tsawˇ haˬ zaˬ dawˬ tawˆ luꞈ-ahˇ bi siˬ leˇ-eu gʼaˇ duˬ, mˬ maˬ maˬ byaˆ zaˇ ziˇ miˬ dzaˬ neh aˬ yawꞈ maꞈ-ahˇ kʼehˬ nehˬ kʼaˆ nehˬ-euˬ meh.

Yaˇ kʼaˬ daˇ 19:22

Aˬ yawꞈ maꞈ laˬ kʼaˬ tiˬ cehˇ jawˇ naˬ mˇ luꞈ ngeh, meuˬ kʼoeˇ meuˬ laꞈ kʼoeˇ jawˇ-eu haiˬ dui dui-eu tsawˇ haˬ tiˬ deuˬ nymˇ kʼoeˇ nymˇ-ahˇ loꞈ jawˬ laˇ-euˬ meh. Tsawˇ haˬ kʼoeˇ deuˬ laˇ gʼoˆ-ahˇ teˇ teˇ-ehˇ, “Nawˬ-eu nymˇ-ahˇ yaꞈ laˇ-euˬ tsawˇ haˬ kʼoeˇ gʼaˬ bi doˆ le-awˬ. Aˬ yawꞈ-ahˇ nga maꞈ kʼaˬ miˬ sheu taꞈ la” lehˇ, nymˇ sahˇ aˬ da aˬ bawˇ tsawˇ mawˬ kʼoeˇ gʼaˬ-ahˇ guˇ-euˬ meh.