Aˇ dahˬ 19:36 - Akha

³⁶ Kʼoeˇ loꞈ-ehˇ jahˇ-awˇ, Lawˇtaˬ-euˬ aˬ buˇ nyiˬ buˇ luꞈ, aˬ da gʼaˬ baˇ neh aˬ nyiˇ pi leˇ-euˬ meh.

Aˇ dahˬ 19:36 ပူးပေါင်းရင်းမြစ်များ

Aˇ dahˬ 19:35

Kʼoeˇ ngeh miˇ kʼawꞈ, aˬ nyaꞈ nmˇ aˬ da gʼaˬ-ahˇ aˬ gaꞈ dzaˇ uiˇ paˇ bi dawˇ yehꞈ-awˇ, aˬ buˇ aˬ nyiˇ gʼaˬ aˬ yawꞈ nehˬ-ehˇ yuꞈ taꞈ-euˬ meh. Kʼoeˇ ngeh poˆ kʼawꞈ, aˬ yawꞈ aˬ gaꞈ dzaˇ uiˇ aˇ dzehˬ yehꞈ dzeuˇ-euˬ miˇ neh, aˬ joˆ-ehˇ pyeuꞈ laˇ-euˬ gaˇ kawˆ tiˬ pawꞈ-iˬ maˬ siˬ nya-a.

Aˇ dahˬ 19:37

Aˬ buˇ aˬ yuiꞈ gʼaˬ aˬ li tiˬ li ciˬ-awˇ, Mawˇbaˆ lehˇ myahˇ nehˬ-euˬ meh. Aˬ li kʼoeˇ li-aˬ, iˬ nah dehꞈ luꞈ jawˇ luꞈ-eu Mawˇbaˆ tsawˇ jeuˬ-euˬ aˬ da yaw dzahˇ gʼaˬ pyeuꞈ-eu meh.

Aˇ dahˬ 19:8

Kʼaˬ dzeˇ zaˬ nehˬ-ehˇ tiˬ poˆ-iˬ maˬ jawˇ taꞈ haw-euˬ ngaˬ buˇ miˬ daꞈ nyiˬ gʼaˬ jawˇ ma. Aˬ nyaꞈ nmˇ-ahˇ naw maꞈ jawˇ gaˇ ngaˇ sheuˬ doˆ nehˬ leꞈ ma. Naw maꞈ nui kʼahˇ tiˬ shiˇ byawˬ gʼa muˆ gʼa-awˬ. Ehˇ kʼawꞈ, ngaˬ-euˬ nymˇ-ahˇ daˆ laˇ-euˬ daˬ yah heu nyiˬ gʼaˬ-ahˇ naw maꞈ taˬ toeˬ ciˆ nehˬ laꞈ. Aˬ yawꞈ nyaꞈ-aˬ, ngaˬ-euˬ nymˇ-ahˇ yaꞈ luꞈ-eu ngaˬ-euˬ daˬ yah pyeuꞈ-eu miˇ neh, ngaˇ ya haw piˇ meh.”

Haˬbaˬkuˆ 2:15

Aˬ cawˬ-ahˇ jiˇ baˬ laˆ yehꞈ-awˇ, neˇ myawˆ ni teuˆ gaˇ haw-eu lehˇ, nawˇ jiˇ baˬ kʼaˇ-euˬ baˬ da neh, yaw kʼaˆ-ehˇ ya noeˬ shaˬ tehꞈ-a.

Maꞈtehˬ 7:2

Aˬ jeˬ miˇ neh ehˇ naˇ, aˬ cawˬ-ahˇ naw maꞈ yaw lehˬ poˆ-eu loꞈ-ehˇ, naw maꞈ-ahˇ kʼawꞈ Miˬyehˇ yaw lehˬ poˆ tehꞈ-a. Naw maꞈ aˬ cawˬ-ahˇ kʼaˇ haw doeˇ-euˬ naˆ ni, naw maꞈ-ahˇ Miˬyehˇ haw doeˇ tehꞈ-a.

Dawˬmehˬ 2:9

Sahˬpaˬ Miˬyehˇ ngaˬ-ahˇ ehˇ-eu, ‘Lawˇtaˬ-euˬ zaˬ deuˬ uˆ deuˬ pyeuꞈ-eu Mawˇbaˆ tsawˇ haˬ deuˬ-ahˇ taˬ laˆ bahˬ nehˬ. Guiˇ kʼawꞈ taˬ deuˆ nehˬ. Aˬ jeˬ miˇ neh ehˇ naˇ, ngaˇ aˬ yawꞈ maꞈ-ahˇ Aˇlaˆ meuˬ biꞈ taˬ-euˬ ma. Aˬ yawꞈ maꞈ-euˬ miˇ kʼahˬ tiˬ pyehˬ tehˬ-ehˇ kʼawꞈ, naw maꞈ-ahˇ ngaˇ maˬ biꞈ’ lehˇ ehˇ-eu meh.”

Yaˇ kʼaˬ daˇ 1:7

Aˬdoˬniˇbeˬzehˇ ehˇ-eu, “Kuiˇ ma laꞈ ma bi toˆ tsehˆ-euˬ sahˬ paˬ shiꞈ tseˇ gʼaˬ, ngaˬ-eu hawˬ jeh uˬ moˆ dzaˬ dzeh dawˇ dzeh gʼoˆ dzaˬ-euˬ meh. Aˬ yawꞈ maꞈ-ahˇ ngaˬ neh jahˇ nehˬ-euˬ jeˬ, Miˬyehˇ ngaˬ-ahˇ paˇ bi keuˆ le laꞈ-euˬ nga.” Aˬ yawꞈ-ahˇ Yeˬluˇsaˬlehˬ meuˬ-ahˇ nyehꞈ kʼoꞈ gʼeh-awˇ, kʼoeˇ gaˇ shiˇ-euˬ meh.

1 Saˬmeuˬlaˆ 15:33

Saˬmeuˬlaˆ ehˇ-eu, “Nawˬ-euˬ mi cehˇ neh aˬ ma gʼawˬ mya gʼaˬ-ahˇ zaˬ maˬ jawˇ ni bi pyeuꞈ-iˇ-euˬ loꞈ-ehˇ, nymꞈ-mˇ poˆ jawˇ-aˬ, nawˬ ma kʼawꞈ zaˬ maˬ paˇ jawˇ ni ya shaˬ tehꞈ-a.” Kʼoeˇ naˇ, Giˇlaˇgaˬlaˇ meuˬ-ahˇ jaˆ-eu lawˇ duˬ mehˬ shi, Aˬgaˆ-euˬ gʼawˇ mawˇ-ahˇ Saˬmeuˬlaˆ neh deuˆ tm deuˆ tmˇ jiˇ nehˬ-euˬ meh.