Aˇ dahˬ 19:31 - Akha

³¹ Kʼoeˇ ngeh, aˬ buˇ aˬ yuiꞈ gʼaˬ aˬ buˇ aˬ nyiˇ gʼaˬ-ahˇ ehˇ nehˬ-eu, “Aˬ da mawˬ laˇ shaw-euˬ ngaˇ. Aˇ nyaꞈ zaˬ jawˇ le nya ni aˇ nyaꞈ-ahˇ sheuˬ dahˬ dzaˬ-eu gʼaˇ duˬ, miˇ tsaˬ kʼoeˇ taˆ kʼaˬ dzeˇ zaˬ tiˬ gʼaˬ-iˬ maˬ paˇ jawˇ meh.

Aˇ dahˬ 19:31 ပူးပေါင်းရင်းမြစ်များ

Aˇ dahˬ 16:2

Kʼoeˇ miˇ neh, Aˬbyaˬ-ahˇ Saˬlehˇ heu loꞈ-ehˇ ehˇ nehˬ-euˬ meh. “Sahˬpaˬ Miˬyehˇ ngaˬ-ahˇ zaˬ maˬ bi jawˇ le nehˬ laꞈ nga. Ngaˬ-euˬ zaˬ miˬ zaˬ zaˬ kʼaˆ kʼoeˇ gʼaˬ nehˬ-ehˇ nawˇ yuꞈ taꞈ haw-iˇ sheˇ. Ngaˬ-euˬ gʼaˇ duˬ Sahˬpaˬ Miˬyehˇ zaˬ tiˬ gʼaˬ na bi jawˇ le-eu baw le.” Aˬbyaˬ-aˬ, Saˬlehˇ neh aˬ yawꞈ-ahˇ ehˇ nehˬ-euˬ loꞈ-ehˇ mˇ haw-eu gʼaˇ duˬ nui ma tsaˬ-euˬ meh.

Aˇ dahˬ 16:4

Aˬbyaˬ hawˇ-eu Haˬgaˬlaˇ aˬ nyaꞈ yuꞈ taꞈ-awˇ, Haˬgaˬlaˇ aˬ nyiˇ pi leˇ-euˬ meh. Haˬgaˬlaˇ-aˬ, yawˬ ha aˬ nyiˇ pi leˇ-euˬ gaˇ kawˆ siˬ leˇ ngeh, nui ma huiˬ laˇ-awˇ, Saˬlehˇ-ahˇ yaw kʼaˆ-ehˇ yaw zeu maˬ baw ni pyeuꞈ-iˇ-euˬ meh.

Aˇ dahˬ 19:28

Sawˇdoˬ meuˬ hawˇ-eu Gawˇmawˇlaˆ meuˬ-euˬ deh ga paw aˬ yawꞈ haw ka gʼeh ngeh, miˬ dzaˬ tsawˬ bu bu ma-ahˇ uˬ kʼoeˬ du doˆ laˇ-eu loꞈ-ehˇ, miˇ kʼahˬ kʼahˬ lah ni uˬ kʼoeˬ uꞈ uꞈ-ehˇ jaˆ luꞈ gaˇ ya mawˇ-euˬ meh.

Aˇ dahˬ 4:1

Kʼoeˇ naˇ, Aˬdaˬ hawˇ-eu Eˇbaˆ aˬ nyaꞈ dzeˇ zaˬ jawˇ taꞈ-awˇ, Eˇbaˆ aˬ nyiˇ pi leˇ-euˬ meh. Eˇbaˆ aˬ nyiˇ ciˬ ngeh, “Sahˬpaˬ Miˬyehˇ-euˬ guiˬ lahˬ baˬ da neh aˬ li tiˬ li jawˇ le-euˬ ma” lehˇ aˬ yawꞈ ehˇ-awˇ, aˬ li kʼoeˇ li-ahˇ Gaˬiˇnaˆ lehˇ myahˇ nehˬ-euˬ meh.

Aˇ dahˬ 6:4

Aˇ nah aˇ yamˬ kʼoeˇ yamˬ laꞈ kʼoeˇ maˬ ehˇ, kʼoeˇ sawˇ miˇ tsa dehꞈ ka leꞈ-euˬ aˇ nah aˇ yamˬ deuˬ laꞈ kʼoeˇ maˬ ehˇ, mˬ taˆ zaˬ yo deuˬ hawˇ-eu miˇ tsa zaˬ miˬ deuˬ sheuˬ dahˬ dzaˬ taꞈ-awˇ dehꞈ le-euˬ, aˇ gahˬ aˇ goˇ muiˬ dui dui-eu tsawˇ haˬ zaˬ deuˬ jawˇ-euˬ meh. Tsawˇ haˬ kʼoeˇ deuˬ-aˬ, huiˬ-eu gaˇ deuˬ mˇ-awˇ tsawˇ myahˇ doˆ dui dui-euˬ, aˇ hu ba-euˬ tsawˇ haˬ deuˬ pyeuꞈ-eu meh.

Iˇsaˬyaˇ 4:1

Aˇ nah aˇ yamˬ kʼoeˇ keuˆ le ngeh, kʼaˬ dzeˇ zaˬ tiˬ gʼaˬ-ahˇ zaˬ miˬ zaˬ shiꞈ gʼaˬ nyehꞈ cuꞈ-awˇ, heu loꞈ-ehˇ ehˇ tehꞈ-a. “Nga maꞈ ya dzaˬ ya dawˇ, ya dm ya gʼaˬ ni, yawˬ haˇ yawˬ ha mˇ cu nya ma. Ehˇ kʼawꞈ, nga maꞈ kʼaˬ dzeˇ zaˬ maˬ baw-eu miˇ neh, miˬ dzeˇ dzeˇ-iˇ-euˬ nga lehˇ aˬ cawˬ neh bi ehˇ-awˇ daˬ maˬ ya ga ni, nga maꞈ-ahˇ nawˬ-euˬ miˬ zaˬ ma lehˇ myahˇ nehˬ laꞈ-awˬ.”

Maˬkuˆ 9:6

Aˬ ha smˇ gʼaˬ guˆ dui dui-awˇ, Beˬtuˆluˆ dawˬ ngehˬ tsaˬ maˬ siˬ-a.

Dawˬmehˬ 25:5

“Mehˇ nmˇ nyiˬ gʼaˬ tiˬ nymˇ dahˬ laꞈ kʼoeˇ jawˇ-awˇ, tiˬ gʼaˬ shiˇ-euˬ ehˇ-awˬ. Shiˇ-euˬ gʼaˬ aˬ li maˬ jawˇ naˇ, aˬ yawꞈ-euˬ miˬ zaˬ pyeuꞈ-eu miˬ coeˬ miˬ ma kʼoeˇ gʼaˬ, aˬ yawꞈ pehˬ-ahˇ aˬ yuiꞈ aˬ nyiˇ maˬ taꞈ-eu tsawˇ haˬ-ahˇ maˬ ya mˇ dzaˬ-iˇ-a. Shiˇ-euˬ gʼaˬ-euˬ mehˇ nmˇ gʼaˬ, zaˬ miˬ zaˬ kʼoeˇ gʼaˬ-ahˇ ya sheuˬ meh.