Aˇ dahˬ 19:22 - Akha

²² Yaw kawˇ ma-ehˇ cehˆ coeˬ coeˬ gʼeh-awˬ. Nawˇ kʼoeˇ gaˇ maˬ cehˆ keuˆ kʼoeˇ keuˆ ni, ngaˇ tiˬ jeˬ-iˬ maˬ jahˇ te siˬ.” Meuˬ kʼoeˇ meuˬ-ahˇ Lawˇtaˬ neh meuˬ meuˬ zaˬ lehˇ kuˇ-euˬ miˇ neh, Zoˇlaˆ meuˬ lehˇ myahˇ nehˬ-euˬ meh.

Aˇ dahˬ 19:22 ပူးပေါင်းရင်းမြစ်များ

Aˇ dahˬ 13:10

Miˇ kʼahˬ kʼoeˇ kʼahˬ doe doe-ehˇ Lawˇtaˬ jawˇ duˬ nawˬ haw-iˇ ngeh, Zoˇlaˆ meuˬ-ahˇ le-eu gaˇ ma kahˇ li jaˆ-eu Yawˇdaˬ lawˇ baˬ lawˇ deh kʼoeˇ baˬ ma baˬ dawˬ tawˆ luꞈ, Sahˬpaˬ Miˬyehˇ-euˬ yaˇ kmˇ loꞈ-ehˇ maˬ ehˇ, Iˇjiˇtuˆ miˇ kʼahˬ loꞈ-ehˇ maˬ ehˇ, iˇ cuꞈ jaˆ loꞈ-eu jawˇ duˬ pyeuꞈ gaˇ ya mawˇ-euˬ meh. (Aˇ yamˬ kʼoeˇ yamˬ laꞈ kʼoeˇ, Sawˇdoˬ meuˬ hawˇ-eu Gawˇmawˇlaˆ meuˬ-ahˇ Sahˬpaˬ Miˬyehˇ maˬ laˆ cawˆ-aˬ siˬ.)

Aˇ dahˬ 14:2

Sawˇdoˬ sahˬ paˬ Beˇlaˬ, Gawˇmawˇlaˆ sahˬ paˬ Beuˬshaˬ, Aˬdaˬmaˬ sahˬ paˬ Shiˇ -nahˬ, Zeˬbaiˬ sahˬ paˬ Shehˬmiˇbaˬ hawˇ-eu Beˬlaˬ sahˬ paˬ, heu ngaˬ gʼaˬ-ahˇ guiˇ deuˆ-euˬ meh.

Aˇ dahˬ 19:21

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Toˆ-ehˇ ngeuˇ naˇ kʼawꞈ muiˬ tehꞈ-a. Nawˇ shaˇ-eu loꞈ-ehˇ ngaˇ geuꞈ ma. Meuˬ meuˬ zaˬ kʼoeˇ meuˬ-ahˇ ngaˇ maˬ laˆ cawˆ.

Aˇ dahˬ 19:23

Zoˇlaˆ meuˬ-ahˇ Lawˇtaˬ cehˆ keuˆ ngeh, nahˇ ma doˆ laˇ-euˬ meh.

Doˆ-iˇ 32:10

Nymˬ-mˇ poˆ-aˬ, ngaˬ-ahˇ taˬ laˆ tsoeˬ. Aˬ yawꞈ maꞈ-ahˇ ngaˇ nui ma pehˇ laˇ taˬ-euˬ miˇ neh, laˆ cawˆ nehˬ ma. Kʼoeˇ naˇ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ, huiˬ-eu tsawˇ jeuˬ ngaˇ bi pyeuꞈ laˇ ma.”

Iˇsaˬyaˇ 15:5

Mawˇbaˆ miˇ kʼahˬ gʼaˇ duˬ ngaˬ-euˬ nui ma laꞈ kʼoeˇ ngoeˇ luꞈ-eu ma. Aˬ yawꞈ maꞈ Ziˇoˬ meuˬ-ahˇ cehˆ leˇ-awˇ, Eˇgaˬlaˆsheˬliˇshahˬ meuˬ-ahˇ cehˆ keuˆ-euˬ meh. Tiˬ paˆ na deuˬ Luˇhiˆ gaˬ daˆ-ahˇ ngoeˇ ngoeˇ-ehˇ daˆ-awˇ, Hawˇloˬneˬ gaˇ ma caw caw-ehˇ, yaw kʼaˆ-ehˇ ngoeˇ ngoeˇ-ehˇ tiˬ deuˬ cah-eu meh.

Iˇsaˬyaˇ 65:8

Sahˬpaˬ Miˬyehˇ heu loꞈ-ehˇ ehˇ-eu meh. “Aˬ gaꞈ aˇ siˬ yaw muiˬ maˬ laˆ cawˆ ni, aˬ gaꞈ dzaˇ uiˇ jahˇ gaˇ geuꞈ-eu loꞈ-ehˇ, Ngaˬ-euˬ tsawˇ haˬ dawˬ tawˆ luꞈ-ahˇ maˬ laˆ cawˆ ni, ngaˬ-euˬ nui kʼahˇ mˇ-eu deuˬ-ahˇ ngaˇ ka kʼoꞈ ma.

Yeˬlaˬmiˇ 48:34

“Heˬshaˬboˬ meuˬ hawˇ-eu Eˇlaˬleˬ meuˬ-ahˇ jawˇ-eu tsawˇ haˬ deuˬ guˇ guˇ-ehˇ ngoeˇ-awˇ, aˬ yawꞈ maꞈ ngoeˇ-eu teˇ saˇ Yaˬhaˇ meuˬ-ahˇ keuˆ ni gaˬ keuˆ laˇ-eu meh. Zoˇlaˆ meuˬ-ahˇ jawˇ-eu tsawˇ haˬ deuˬ kʼawꞈ, aˬ yawꞈ maꞈ ngoeˇ-eu teˇ saˇ ya gaˬ-awˇ, Hawˇloˬneˬ meuˬ hawˇ-eu Eˇgaˬlaˆsheˬliˇshahˬ meuˬ-ahˇ keuˆ ni gaˬ keuˆ leˇ-euˬ meh. Nymˇlmˬ lah-ahˇ keuˆ ni, gui coˇ ni gui-iˇ-euˬ meh.

Maˬkuˆ 6:5

Kʼoeˇ gaˇ, zahˬ leˇ paˬ-ehˇ gʼeh-eu jeˬ aˬ yawꞈ maˬ mˇ mehˬ nya-a. Naˇ-eu gawˇ-eu tawˇ haˬ heu myaˆ gʼaˬ kʼoeˇ taˆ aˬ laꞈ baꞈ daˆ nehˬ-awˇ bi taˬ leˇ-euˬ jeˬ jahˇ nehˬ nya-euˬ tehꞈ meh.

Dawˬmehˬ 34:3

Yuˇdaˆ miˇ kʼahˬ laꞈ oˆ dzaˬ maˬ ehˇ, Zoˇlaˆ meuˬ-ahˇ neh Yeˬliˇkoˇ meuˬ-ahˇ keuˆ ni jaˆ-eu deh ga maˬ ehˇ, daoˇ aˇ bawˇ dehꞈ-eu meuˬ maˬ ehˇ, mehˬ nehˬ-euˬ meh.

Dawˬmehˬ 9:14

“Sahˬpaˬ Miˬyehˇ ngaˬ-ahˇ paˇ ehˇ-eu, ‘Tsawˇ haˬ heu deuˬ nui ma aˇ naˆ ni gʼahˇ-eu ngaˇ siˬ duˬ-euˬ ma. Aˬ yawꞈ maꞈ-ahˇ laˆ tsoeˬ-eu lehˇ taˬ leh jeh. Tsawˇ haˬ tiˬ gʼaˬ-iˬ aˬ yawꞈ maꞈ-ahˇ maˬ paˇ noeˬ mawˇ coeˇ-ehˇ ngehˇ byoˆ jiˇ gaˇ keuˆ ni, aˬ yawꞈ maꞈ-ahˇ ngaˇ laˆ luˬ laˆ seˇ nehˬ-eu lehˇ gʼeh-eu ma. Kʼoeˇ naˇ, aˬ yawꞈ maꞈ myaˆ maˬ tseˇ myaˬ dzehˬ-awˇ, baoˬ huiˬ dzehˬ-eu tsawˇ jeuˬ tiˬ jeuˬ-euˬ aˬ da, nawˬ-ahˇ ngaˇ paˇ bi pyeuꞈ laˇ ma’ lehˇ ehˇ-eu meh.

2 Tiˆmoˇseˬ 2:13

Aˬ dui saˇ jaˇ maˬ ziꞈ law kʼawꞈ, aˬ yawꞈ saˇ jaˇ ziꞈ dui dui meh. Aˬ jeˬ miˇ neh ehˇ naˇ, aˬ yawꞈ saˇ jaˇ ziꞈ-eu miˇ neh, yawˬ haˇ yawˬ ha maˬ byehˇ dzeh-a.”

Tiˇtuˆ 1:2

Kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ-ahˇ noeˬ tmˬ-eu jeˬ kʼoeˇ taˆ dawˬ pehˬ taˬ taˬ-euˬ meh. Jaˬ myawꞈ maˬ myawꞈ-eu Miˬyehˇ-aˬ, aˇ yamˬ-ahˇ maˬ beh mi naˆ-ehˇ, dehꞈ-eu jeˬ kʼoeˇ aˬ dui-ahˇ biꞈ ma lehˇ saˇ jaˇ dzaˬ taˬ-euˬ meh.