Aˇ dahˬ 19:19 - Akha

¹⁹ Naw maꞈ ngaˬ-ahˇ gʼawˬ shaˬ gaˬ dui dui-eu miˇ neh heu loꞈ-ehˇ bi buˬ-iˇ laꞈ-eu meh lehˇ ngaˇ siˬ nya ma. Ehˇ kʼawꞈ, gawˬ jawˬ kʼoeˇ jawˬ aˇ dzehˬ-ehˇ kaˬ dzeuˇ-eu miˇ neh, kʼoeˇ gaˇ maˬ cehˆ keuˆ mi naˆ-ehˇ, laˆ luˬ laˆ seˇ-eu jeˬ ngaˬ-euˬ kʼoeˇ taˆ keuˆ le-eu ngaˇ.

Aˇ dahˬ 19:19 ပူးပေါင်းရင်းမြစ်များ

Aˇ dahˬ 12:13

Nawˇ ngaˬ-euˬ dmˇ ma pyeuꞈ-eu ma lehˇ, aˬ yawꞈ maꞈ-ahˇ ehˇ nehˬ-awˬ. Kʼoeˇ loꞈ-ehˇ ehˇ naˇ, nawˇ baˬ da neh aˬ cawˬ ngaˬ-ahˇ maˬ sehꞈ-eu uˬ taꞈ, cawˬ yaw muiˬ-ehˇ cawˬ nehˬ laꞈ tehꞈ-a.”

Aˇ dahˬ 19:18

Ehˇ kʼawꞈ, Lawˇtaˬ ehˇ-eu, “Yaw huiˬ yaw mahˇ deuˬ-oˇ, teu naˆ naˆ-ehˇ taˬ bi cehˆ nehˬ laꞈ.

Aˇ dahˬ 19:20

Kʼoeˇ gaˇ meuˬ meuˬ zaˬ tiˬ meuˬ jaˆ luꞈ-eu naw maꞈ-ahˇ mawˇ laˇ-eu maˬ ngeuˇ-a loˇ. Kʼoeˇ-aˬ, ui cuiˆ peh dzehˬ-eu miˇ neh, ngaˬ-ahˇ kʼoeˇ gaˇ bi cehˆ-iˇ nehˬ laꞈ-awˬ. Meuˬ kʼoeˇ meuˬ-aˬ, jawˇ duˬ yaw nyiˇ tiˬ tsahˇ pyeuꞈ-awˇ, kʼoeˇ gaˇ bi cehˆ-iˇ laꞈ naˇ ngaˇ cehˆ buˬ nya tehꞈ-a.”

Aˇ dahˬ 19:30

Zoˇlaˆ meuˬ laꞈ kʼoeˇ Lawˇtaˬ maˬ jawˇ peuˬ-eu miˇ neh, aˬ yawꞈ-euˬ aˬ buˇ nyiˬ buˇ nehˬ-ehˇ gawˬ jawˬ paw daˆ leˇ-awˇ, lo kʼahˬ tiˬ kʼahˬ laꞈ kʼoeˇ jawˇ leˇ-euˬ meh.

Aˇ dahˬ 39:4

Yoˇsehˆ-ahˇ Pawˇtiˇpaˬ nui kʼahˇ shiˇ-eu miˇ neh, aˬ yawꞈ-euˬ nymˇ hawˇ-eu aˬ yawꞈ kʼaˇ jaˆ-eu jeˬ dawˬ tawˆ luꞈ-ahˇ haw-eu pyaˆ-eu gʼaˬ bi geuꞈ-euˬ meh.

Aˇ dahˬ 6:8

Ehˇ kʼawꞈ, Noˇaˬ gʼaˬ-ahˇ-aˬ, Sahˬpaˬ Miˬyehˇ nui kʼahˇ shiˇ-eu meh.

1 Sahˬpaˬ 9:9

Kʼoeˇ ngeh, aˬ yawꞈ maꞈ-ahˇ aˬ cawˬ heu loꞈ-ehˇ ehˇ kʼoꞈ nehˬ tehꞈ-a. ‘Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-euˬ miˇ neh, kʼoeˇ loꞈ-ehˇ jahˇ nehˬ-euˬ gaˇ ya daˬ-euˬ meh. Aˬ yawꞈ maꞈ miˬyehˇ nui deuˬ-ahˇ gʼoe-awˇ uˬ duˬ tahˬ-euˬ meh. Kʼoeˇ miˇ neh, heu loꞈ-ehˇ gʼeh-eu luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ Sahˬpaˬ Miˬyehˇ bi keuˆ le-euˬ meh’ lehˇ ehˇ kʼoꞈ nehˬ tehꞈ-a.”

Maˬkuˆ 9:19

Aˬ yawꞈ maꞈ-ahˇ Yeˬsuˇ ehˇ nehˬ-eu, “Jah-eu nui ma maˬ ahˇ-eu ziˇ heu ziˇ-ahˇ dehꞈ luꞈ-eu tsawˇ haˬ deuˬ-oˇ, naw maꞈ nehˬ-ehˇ ngaˇ aˇ myah keuˆ ni ya jawˇ ta. Naw maꞈ-ahˇ ngaˇ aˇ myah keuˆ ni ya oˇ ta. Aˬ li kʼoeˇ li-ahˇ heu gaˇ sheuˬ laꞈ-awˬ.”

Luˇkaꞈ 1:58

Aˬ yawꞈ-euˬ dawˬ peh jawˇ-eu tsawˇ haˬ deuˬ hawˇ-eu, aˬ yawꞈ-euˬ aˬ yuiꞈ aˬ nyiˇ deuˬ, SahˬpaˬMiˬyehˇ neh aˬ yawꞈ-ahˇ gʼawˬ shaˬ gaˬ dui dui neh-euˬ gaˇ kawˆ ya gaˬ ngeh, aˬ yawꞈ nehˬ-ehˇ laˬ kʼaˬ caw cehˇ-euˬ meh.

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

Dawˬmehˬ 31:17

Kʼoeˇ loꞈ-ehˇ pyeuꞈ laˇ ngeh, aˬ yawꞈ maꞈ-ahˇ ngaˇ nui ma pehˇ ma. A yawꞈ maꞈ-ahˇ ngaˇ byehˇ dzeh nehˬ-awˇ, aˬ yawꞈ maꞈ ya luˬ ya seˇ-iˇ tehꞈ-a. Guˆ laˇ paˬ-ehˇ gʼeh-eu luˬ-iˇ seˇ-iˇ-eu gʼawˬ mya jeˬ aˬ yawꞈ maꞈ kʼoeˇ taˆ keuˆ le tehꞈ-a. Kʼoeˇ ngeh, aˬ yawꞈ maꞈ-euˬ Miˬyehˇ pyeuꞈ-eu ngaˇ, aˬ yawꞈ maꞈ nehˬ-ehˇ maˬ paˇ jawˇ-eu miˇ neh kʼoeˇ loꞈ-ehˇ gʼeh-eu jeˬ keuˆ le-eu nga lehˇ, aˬ yawꞈ maꞈ ya siˬ duˬ tehꞈ-a.

1 Saˬmeuˬlaˆ 27:1

Daˬbiˇ-euˬ nui ma laꞈ kʼoeˇ heu loꞈ-ehˇ shaˇ noeˬ luꞈ-eu meh. “Sawˇluˆ ngaˬ-ahˇ sehꞈ laˇ-eu aˇ nah tiˬ nah jaˆ laˇ-eu nga. Piˇliˇtiˆ miˇ kʼahˬ-ahˇ cehˆ jawˇ-iˇ-eu-aˬ, ngaˬ-euˬ gʼaˇ duˬ zaˬ dzehˬ-eu nga. Kʼoeˇ loꞈ-ehˇ jahˇ naˇ, Iˇsaˬleˬlaˆ miˇ kʼahˬ laꞈ kʼoeˇ Sawˇluˆ ngaˬ-ahˇ maˬ paˇ poˆ nya-eu miˇ neh, ngaˇ ya buˬ-iˇ tehꞈ-a.”