Aˇ dahˬ 19:18 - Akha

¹⁸ Ehˇ kʼawꞈ, Lawˇtaˬ ehˇ-eu, “Yaw huiˬ yaw mahˇ deuˬ-oˇ, teu naˆ naˆ-ehˇ taˬ bi cehˆ nehˬ laꞈ.

Aˇ dahˬ 19:18 ပူးပေါင်းရင်းမြစ်များ

Aˇ dahˬ 19:17

“Naw maꞈ ya buˬ-iˇ ni cehˆ dzeuˇ tehˇ tehˬ-awˬ. Nahˇ gʼoꞈ taˬ paˇ gʼoꞈ haw. Deh ga heu maˬ cehˆ li kʼoeˇ keuˆ ni tiˬ gaˇ-iˬ taˬ naˬ. Naw maꞈ maˬ shiˇ-ehˇ ya dzeuˇ-iˇ ni, gawˬ jawˬ paw cehˆ daˆ leꞈ-awˬ” lehˇ, mˬ taˆ gʼaˬ kʼehˇ tiˬ gʼaˬ aˬ yawꞈ maꞈ-ahˇ ehˇ nehˬ-euˬ meh.

Aˇ dahˬ 19:19

Naw maꞈ ngaˬ-ahˇ gʼawˬ shaˬ gaˬ dui dui-eu miˇ neh heu loꞈ-ehˇ bi buˬ-iˇ laꞈ-eu meh lehˇ ngaˇ siˬ nya ma. Ehˇ kʼawꞈ, gawˬ jawˬ kʼoeˇ jawˬ aˇ dzehˬ-ehˇ kaˬ dzeuˇ-eu miˇ neh, kʼoeˇ gaˇ maˬ cehˆ keuˆ mi naˆ-ehˇ, laˆ luˬ laˆ seˇ-eu jeˬ ngaˬ-euˬ kʼoeˇ taˆ keuˆ le-eu ngaˇ.

Aˇ dahˬ 32:26

“Ngaˬ-ahˇ pyehˬ-awˇ bi iˇ laꞈ-awˬ. Uˬ bya bya laˇ shaw-iˬ ngaˇ” lehˇ, tsawˇ haˬ kʼoeˇ gʼaˬ Yaˬkoˆ-ahˇ ehˇ-eu meh. “Ngaˬ-ahˇ dawˬ ngehˬ maˬ gʼeh nehˬ laꞈ kʼoeˇ keuˆ ni, ngaˇ nawˬ-ahˇ maˬ pyehˬ nehˬ” lehˇ, aˬ yawꞈ-ahˇ Yaˬkoˆ ehˇ nehˬ-euˬ meh.

Iˇsaˬyaˇ 45:11

Aˬ kaˇ pyeuꞈ laˇ-eu gaˇ kawˆ dawˬ tawˆ tuˆ tehˬ taˬ-euˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ luꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ zaˬ deuˬ-ahˇ taꞈ leˇ-awˇ, nawˇ ngaˬ-ahˇ teh ngehˬ-eu laꞈ kʼoeˇ, ngaˬ-euˬ gaˇ-ahˇ nawˇ mehˬ laˇ tsoˆ laˇ-eu maˬ loˬ.

Gʼaˬkʼehˇ 10:14

Ehˇ kʼawꞈ, Beˬtuˆluˆ ehˇ kʼoꞈ nehˬ-eu, “Sahˬpaˬ-oˇ, aˬ jeˬ keuˆ le kʼawꞈ ngaˇ maˬ dzaˬ. Zahˇ sahˇ kʼoꞈ-ahˇ taꞈ leˇ-awˇ maˬ shawˇ-a lehˇ ehˇ taˬ-euˬ yaw jawꞈ jeˬ-ahˇ tiˬ jawˇ-iˬ ngaˇ maˬ dzaˬ haw-aˬ.”

Gʼaˬkʼehˇ 9:13

Aˬnaˬniˇ ehˇ-eu, “Sahˬpaˬ-oˇ, tsawˇ haˬ heu gʼaˬ gaˇ kawˆ hawˇ-eu, Yeˬluˇsaˬlehˬ meuˬ-ahˇ jawˇ-eu nawˬ-euˬ tsawˇ haˬ deuˬ-ahˇ aˬ yawꞈ neh kʼehˬ-euˬ kʼaˆ-euˬ gaˇ kawˆ, tsawˇ haˬ gʼawˬ mya gʼaˬ ngaˬ-ahˇ ja mehˬ laꞈ-euˬ meh.