Aˇ dahˬ 19:13 - Akha

¹³ Aˬ jeˬ miˇ neh ehˇ naˇ, jawˇ duˬ heu tsahˇ-ahˇ nga nyaꞈ laˆ cawˆ-eu lehˇ gʼeh-eu ma. Heu gaˇ jawˇ luꞈ-eu tsawˇ haˬ heu deuˬ huiˬ dui dui-eu iˬ baˇ mˇ luꞈ-eu gaˇ kawˆ, Sahˬpaˬ Miˬyehˇ ya gaˬ-euˬ miˇ neh, meuˬ heu meuˬ-ahˇ laˆ cawˆ-eu gʼaˇ duˬ nga nyaꞈ-ahˇ pyehˬ leꞈ-euˬ meh.”

Aˇ dahˬ 19:13 ပူးပေါင်းရင်းမြစ်များ

Aˇ dahˬ 13:13

Sawˇdoˬ meuˬ laꞈ kʼoeˇ jawˇ-eu tsawˇ haˬ deuˬ-aˬ, Sahˬpaˬ Miˬyehˇ mehˬ shi iˬ baˇ mˇ-awˇ, haiˬ-eu tsawˇ haˬ deuˬ tehꞈ-ehˇ pyeuꞈ luꞈ-eu meh.

Aˇ dahˬ 18:20

Kʼoeˇ naˇ, Aˬbyaˬhaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Sawˇdoˬ meuˬ hawˇ-eu Gawˇmawˇlaˆ meuˬ gaˇ kawˆ, guˆ laˇ paˬ-ehˇ gʼeh-eu jeˬ ehˇ taˬ-euˬ gʼawˬ mya ni jaˆ-eu meh. Aˬ yawꞈ maꞈ iˬ baˇ huiˬ dui dui meh.

Aˇ dahˬ 19:12

Kʼoeˇ naˇ, daˬ yah kʼoeˇ nyiˬ gʼaˬ Lawˇtaˬ-ahˇ heu loꞈ-ehˇ ehˇ nehˬ-euˬ meh. “Meuˬ heu meuˬ laꞈ kʼoeˇ kʼaˇ jawˇ-eu nawˬ buˇ nawˬ li deuˬ maˬ ehˇ, nawˬ-euˬ aˬ zaˬ deuˬ maˬ ehˇ, nawˬ-euˬ aˬ yuiꞈ aˬ nyiˇ deuˬ maˬ ehˇ, dawˬ tawˆ luꞈ meuˬ laꞈ kʼoeˇ neh bi doˆ-iˇ jiˇ-awˬ.

Iˇsaˬyaˇ 3:11

Ehˇ kʼawꞈ, haiˬ-eu tsawˇ haˬ deuˬ kʼoeˇ taˆ, dawˇ keuˆ le tehꞈ-a. Aˬ cawˬ-ahˇ aˬ yawꞈ maꞈ jahˇ doeˇ nehˬ-euˬ loꞈ-ehˇ, aˬ yawꞈ maꞈ nymˬ-mˇ ya daˬ poˆ tehꞈ-a.

Iˇsaˬyaˇ 36:10

Sahˬpaˬ Miˬyehˇ ngaˬ-ahˇ maˬ caw ba nehˬ laꞈ ni, naw maꞈ-euˬ miˇ kʼahˬ-ahˇ ngaˇ guiˇ deuˆ-awˇ laˆ cawˆ le-euˬ nga lehˇ naw maꞈ noeˬ te loˇ. Miˇ kʼahˬ heu kʼahˬ-ahˇ guiˇ deuˆ-awˇ laˆ cawˆ nehˬ-eu gʼaˇ duˬ, Sahˬpaˬ Miˬyehˇ ngaˬ-ahˇ dawˬ biꞈ laꞈ-eu meh.”

Iˇsaˬyaˇ 37:36

Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ Aˬshuˇliˆ taˆ-ahˇ uˇ-iˇ-awˇ, yehˇ tiˬ seh yehꞈ muiˇ ngaˬ heˇ gʼaˬ-ahˇ sehꞈ-euˬ meh. Yawˬ shawˬ yawˬ uˬ bya bya laˇ ngeh, aˬ yawꞈ maꞈ dawˬ tawˆ luꞈ yaw shiˇ-ehˇ ga-eu meh.

Yeˬlaˬmiˇ 44:22

Iˬ nah naw maꞈ-euˬ miˇ kʼahˬ cawˆ-iˇ-awˇ, tsawˇ haˬ tiˬ gʼaˬ-iˬ maˬ jawˇ-ehˇ, guˆ dui dui laˇ paˬ-ehˇ pyeuꞈ-iˇ taˬ-euˬ miˇ neh, aˬ cawˬ yaˬ kʼehˇ yaˬ ngeh tsawˇ myahˇ kuˇ duˬ pyeuꞈ-iˇ-euˬ maˬ ngeuˇ-a loˇ. Naw maꞈ neh mˇ-euˬ yaw haiˬ jeˬ hawˇ-eu maˬ muiˬ maˬ jaˬ-eu jeˬ-ahˇ, Sahˬpaˬ Miˬyehˇ maˬ oˇ coeˇ laˇ-euˬ miˇ neh, kʼoeˇ loꞈ-ehˇ bi keuˆ le-euˬ maˬ ngeuˇ nga loˇ.

Uˬ duˬ 26:30

Gawˬ jawˬ gawˬ duˇ kʼoeˇ taˆ jaˆ-eu naw maꞈ-euˬ uˬ duˬ tahˬ-eu jawˇ duˬ-ahˇ ngaˇ laˆ cawˆ-awˇ, yaw saw jeˬ doꞈ-awˇ damˬ-eu lawˇ duˬ kʼawꞈ ngaˇ laˆ pyaˆ ma. Shiˇ taˬ-euˬ naw maꞈ-euˬ gʼawˇ mawˇ deuˬ-ahˇ, coˬ dzeh taˬ-euˬ tahˬ pahˬ aˬ ma mawˇ kawˇ deuˬ kʼoeˇ taˆ gahˬ daˆ-awˇ, naw maꞈ-ahˇ ngaˇ nui daˆ daˆ dui dui ma.

Bawˇtsahˬ 16:21

“Tsawˇ haˬ heu deuˬ nehˬ-ehˇ maˬ yawꞈ ni naˇ kʼah paw jiˆ kʼoꞈ-awˬ. Aˬ yawꞈ maꞈ-ahˇ ngaˇ tiˬ poˆ tehꞈ-ehˇ laˆ cawˆ nehˬ ma.”

Gʼaˬkʼehˇ 12:23

Ja pyuˬ ni, Sahˬpaˬ Miˬyehˇ-euˬ gʼaˬ kʼehˇ neh Heˬloˆ-ahˇ kʼehˬ-euˬ meh. Aˬ jeˬ miˇ neh ehˇ naˇ, Miˬyehˇ-ahˇ aˬ yawꞈ maˬ taˬ huiˬ-a. Kʼoeˇ miˇ neh, aˇ boeˬ aˇ mawˇ neh bi dzaˬ sehꞈ-euˬ meh.

Dawˬmehˬ 28:45

“Nawˇ luˬ-iˇ seˇ-iˇ ngeh keuˆ ni, shaˬ zahˬ maˬ tsehˆ leˇ ni keuˆ le tehꞈ-a. Aˬ jeˬ miˇ neh ehˇ naˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ nawˇ maˬ naˇ haˬ-ehˇ, aˬ yawꞈ neh biꞈ taˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ nawˇ maˬ caw teh-a.

Dawˬmehˬ 4:26

Mˬ hawˇ-eu miˇ-ahˇ tsawˇ kaˬ bi geuꞈ-awˇ, naw maꞈ-ahˇ iˬ nah ngaˇ heu loꞈ-ehˇ ehˇ-eu ma. Ngaˬ-euˬ ehˇ dawˬ-ahˇ naw maꞈ maˬ naˇ haˬ geuꞈ naˇ, miˇ kʼahˬ kʼoeˇ kʼahˬ laꞈ kʼoeˇ, tiˬ kʼehˇ laˇ kʼehˬ laꞈ kʼoeˇ tehꞈ-ehˇ naw maꞈ ya luˬ ya seˇ-iˇ tehꞈ-a. Naw maꞈ jawˇ leˇ-eu lehˇ gʼeh-eu Yawˇdaˬ lawˇ baˬ nui baˬ-ahˇ jaˆ-eu miˇ kʼahˬ kʼoeˇ kʼahˬ laꞈ kʼoeˇ, gʼawˬ myahˇ ni maˬ ya jawˇ-aˇ. Geuꞈ-eu jeˬ maˬ ahˇ gaˇ keuˆ ni laˆ luˬ laˆ seˇ nehˬ-eu jeˬ-ahˇ ya daˬ tehꞈ-a.

Yaˬkoˆ 5:4

Naw maꞈ-euˬ deh yaˇ-ahˇ gaˇ bi mˇ-euˬ tsawˇ haˬ deuˬ-ahˇ naw maꞈ gʼaˬ gaˇ poeˬ maˬ biꞈ-a. Aˬ yawꞈ maꞈ toˇ gaˇ naˇ haˬ sheˇ. Naw maꞈ-euˬ cehˇ laˆ luiˆ nehˬ-euˬ tsawˇ haˬ kʼoeˇ deuˬ ngoeˇ ngoeˇ-ehˇ guˇ-eu teˇ saˇ kʼoeˇ, Baoˬ huiˬ-eu Sahˬpaˬ Miˬyehˇ-euˬ naˬ bawˇ-ahˇ gaˬ keuˆ leˇ-euˬ meh.

Yuˇdaˆ 1:7

Sawˇdoˬ meuˬ, Gawˇmawˇlaˆ meuˬ hawˇ-eu dawˬ peh jaˆ-eu meuˬ kʼoeˇ deuˬ-euˬ gaˇ kawˆ shaˇ noeˬ haw sheˇ. Kʼoeˇ gaˇ jawˇ-euˬ tsawˇ haˬ kʼoeˇ deuˬ mˬ taˆ gʼaˬ kʼehˇ kʼoeˇ deuˬ loꞈ-ehˇ dehꞈ-awˇ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu jeˬ hawˇ-eu bahˬ dui jawꞈ dui dui-eu jeˬ mˇ-euˬ meh. Tsawˇ haˬ zaˬ dawˬ tawˆ luꞈ-ahˇ bi siˬ leˇ-eu gʼaˇ duˬ, mˬ maˬ maˬ byaˆ zaˇ ziˇ miˬ dzaˬ neh aˬ yawꞈ maꞈ-ahˇ kʼehˬ nehˬ kʼaˆ nehˬ-euˬ meh.