Aˇ dahˬ 19:1 - Akha

¹ Mˬ taˆ gʼaˬ kʼehˇ kʼoeˇ nyiˬ gʼaˬ uˬ ciꞈ uˬ taw paw Sawˇdoˬ meuˬ-ahˇ oe ngeh, meuˬ-euˬ lahˇ kʼehˬ-ahˇ Lawˇtaˬ nuiˇ luꞈ-eu meh. Aˬ yawꞈ nyaꞈ-ahˇ aˬ yawꞈ ya mawˇ ngeh, tsawˬ tuˇ-awˇ ha laˬ-iˇ-euˬ meh. Aˬ yawꞈ nyaꞈ-euˬ mehˬ shi Lawˇtaˬ pawˬ tsuiꞈ pawˬ dmˬ dmˬ-awˇ, awˆ byaˆ-eu laꞈ kʼoeˇ, heu loꞈ-ehˇ ehˇ-eu meh.

Aˇ dahˬ 19:1 ပူးပေါင်းရင်းမြစ်များ

Aˇ dahˬ 11:27

Heu deuˬ-aˬ, Aˬbyaˬ, Naˬkawˬ, Haˬlaˬ aˬ ha mehˇ nmˇ-euˬ aˬ da pyeuꞈ-eu Teˬlah-euˬ zaˬ deuˬ uˆ deuˬ meh. Haˬlaˬ-aˬ, Lawˇtaˬ-euˬ aˬ da meh.

Aˇ dahˬ 13:12

Aˬbyaˬ gʼaˬ Kaˬnaˬ miˇ kʼahˬ-ahˇ jawˇ yaꞈ-awˇ, Lawˇtaˬ gʼaˬ Sawˇdoˬ meuˬ dawˬ peh sehˬ gʼawˆ gʼawˆ-awˇ, Yawˇdaˬ lawˇ baˬ gawˆ cawˬ jaˆ-eu meuˬ deuˬ-ahˇ jawˇ duˬ dah-euˬ meh.

Aˇ dahˬ 18:16

Kʼoeˇ naˇ, tsawˇ haˬ kʼoeˇ smˇ gʼaˬ tsawˬ tuˇ-awˇ, Sawˇdoˬ meuˬ-ahˇ haw mawˇ nya-eu jawˇ duˬ-ahˇ le daˆ-euˬ meh. Aˬbyaˬhaˬ kʼawꞈ, aˬ yawꞈ maꞈ-ahˇ ui cuiˆ gaˇ mahˇ kaˬ gaˇ keuˆ ni sheuˬ ha keuˆ leˇ-eu lehˇ, aˬ yawꞈ maꞈ nehˬ-ehˇ caw teh gʼeh-euˬ meh.

Aˇ dahˬ 18:22

Kʼoeˇ naˇ, tsawˇ haˬ kʼoeˇ nyiˬ gʼaˬ Sawˇdoˬ meuˬ paw iˇ gʼeh-euˬ meh. Ehˇ kʼawꞈ, Sahˬpaˬ Miˬyehˇ gʼaˬ-aˬ, Aˬbyaˬhaˬ nehˬ-ehˇ jawˇ nahˬ yaꞈ-euˬ meh.

Aˇ dahˬ 19:10

Ehˇ kʼawꞈ, laꞈ kʼoeˇ paw jawˇ luꞈ-eu daˬ yah kʼoeˇ nyiˬ gʼaˬ aˬ laꞈ cawˬ doˆ leꞈ-awˇ, Lawˇtaˬ-ahˇ nymˇ laꞈ kʼoeˇ gʼeu ahˇ kʼoꞈ-awˇ, laˇ gʼoˆ piˬ tehˬ-euˬ meh.

Aˇ dahˬ 19:2

“Yaw huiˬ yaw mahˇ deuˬ-oˇ, naw nyaꞈ-ahˇ ngaˇ ha-eu ma. Ngaˬ-euˬ nymˇ-ahˇ laˇ-awˬ. Naw nyaꞈ aˬ kuiˇ dzuiꞈ-awˇ ngaˬ-euˬ nymˇ-ahˇ yaꞈ nya tehꞈ-a. Uˬ shawˬ yaw naꞈ-ehˇ tuˇ-awˇ, gaˇ ma paˇ doˆ-iˇ tehꞈ-a.” lehˇ ehˇ nehˬ ngeh,Aˬ yawꞈ nyaꞈ ehˇ-eu, “Tiˬ jeˬ-iˬ maˬ ngeuˇ-aˇ. Nga nyaꞈ heu gaˇ laꞈ nyiˇ yaꞈ ma.”

Aˇ dahˬ 23:12

Ehˇ kʼawꞈ, aˬ yawꞈ maꞈ-ahˇ yaw zeu baw nehˬ-eu laꞈ kʼoeˇ, Aˬbyaˬhaˬ uˬ duˬ awˆ moꞈ-awˇ, kʼaˇ uiˬ laˇ taˬ-euˬ tsawˇ haˬ yawˬ gʼaˬ na luꞈ ya gaˬ ni, Eˇpaˬloˬ-ahˇ heu loꞈ-ehˇ ehˇ nehˬ-euˬ meh.

Aˇ dahˬ 48:12

Kʼoeˇ ngeh, aˬ yawꞈ-euˬ aˬ li kʼoeˇ nyiˬ li-ahˇ, aˬ yawꞈ aˬ da-euˬ bawˇ kʼahˇ laꞈ kʼoeˇ neh Yoˇsehˆ ciˬ doˆ-awˇ, aˬ yawꞈ aˬ da-euˬ mehˬ shi pawˬ tsuiꞈ pawˬ dmˬ dmˬ-awˇ, miˇ tsa awˆ byaˆ-euˬ meh.

Yawˇbaˆ 29:7

Meuˬ-euˬ aˬ yuiꞈ aˬ tsu deuˬ tahˬ dzoeˇ-awˇ, aˬ yawꞈ maꞈ mehˬ shi ngaˇ kʼaˇ nuiˇ leˇ ngeh,

Yawˇbaˆ 31:32

Miˇ kʼahˬ-ahˇ cah-eu tsawˇ haˬ deuˬ gaˇ ma gaˇ dzeˇ maˬ bi yaꞈ ni, ngaˬ-euˬ nymˇ-ahˇ ha ahˇ-awˇ bi yaꞈ-euˬ ma.

Jaceuq 69:12

Aˬ yawꞈ maꞈ meuˬ doe ni ngaˬ-eu gaˇ kawˆ ja bu-awˇ, jiˇ baˬ yehꞈ-eu deuˬ ngaˬ-ahˇ caˇ niˇ gʼa-eu meh.

Luˇkaꞈ 17:28

Kʼoeˇ loꞈ-ehˇ duˇ ni, Lawˇtaˬ-euˬ ziˇ-ahˇ keuˆ le-euˬ jeˬ kʼawꞈ, aˇ nah kʼoeˇ nah-ahˇ tiˬ poˆ paˇ keuˆ le tehꞈ-a. Aˬ yawꞈ maꞈ dzaˬ-eu dawˇ-eu, ahˬ laꞈ zeuˇ laꞈ mˇ-eu, ka dzaˬ ka dawˇ-eu, nymˇ tsoˆ jiˇ shaˇ-eu, heu deuˬ-ahˇ maˬ naˬ leˇ ni mˇ luꞈ-eu meh.

HeˬByehˇ 13:2

Daˬ yah-ahˇ yaw muiˬ-ehˇ ha-eu gʼaˇ duˬ taˬ ngehˇ. Tiˬ paˆ na deuˬ daˬ yah-ahˇ kʼoeˇ loꞈ-ehˇ ha-eu laꞈ kʼoeˇ, yawˬ ha maˬ siˬ nya ni mˬ taˆ gʼaˬ kʼehˇ-ahˇ ha zaˬ-euˬ tsawˇ haˬ kʼawꞈ jawˇ haw-euˬ meh.

Luˇta 4:1

Meuˬ lahˇ kʼehˬ dawˬ peh jaˆ-eu, meuˬ-ahˇ jawˇ-eu tsawˇ haˬ deuˬ mehˬ bawˬ bawˬ dzaˬ duˬ-ahˇ Bawˇza le-awˇ, nuiˇ luꞈ-eu meh. Kʼoeˇ ngeh, aˬ yawꞈ neh Luˇta-ahˇ ehˇ nehˬ-euˬ Aˬliˇmaˬlehˇ-ahˇ aˬ yuiꞈ aˬ nyiˇ peh dzehˬ-eu tsawˇ haˬ kʼoeˇ gʼaˬ iˇ tsehˆ gʼeh gaˇ aˬ yawꞈ mawˇ-awˇ, “Mawˬ cawˬ-oˇ, heu gaˇ laˇ-awˇ nuiˇ laˇ-awˬ” lehˇ kuˇ-euˬ meh. Kʼoeˇ ngeh, tsawˇ haˬ kʼoeˇ gʼaˬ kʼoeˇ gaˇ le-awˇ nuiˇ leˇ-euˬ meh.