Aˇ dahˬ 18:31 - Akha

³¹ “Ngaˇ heu loꞈ-ehˇ paˇ ya ehˇ-eu miˇ neh iˬ baˇ taˬ taˬ nehˬ laꞈ siˬ. Nyiˬ tseˇ gʼaˬ tehꞈ-ehˇ jawˇ naˇ laˆ cawˆ nehˬ ma loˇ” lehˇ, Aˬbyaˬhaˬ tiˬ poˆ paˇ naˇ haˬ ngeh, “Nyiˬ tseˇ gʼaˬ jawˇ naˇ, meuˬ kʼoeˇ meuˬ-ahˇ ngaˇ maˬ laˆ cawˆ” lehˇ Sahˬpaˬ Miˬyehˇ ehˇ-eu meh.

Aˇ dahˬ 18:31 ပူးပေါင်းရင်းမြစ်များ

Aˇ dahˬ 18:27

Aˬbyaˬhaˬ paˇ ehˇ-eu, “Sahˬpaˬ Miˬyehˇ-oˇ, ngaˇ nawˬ-ahˇ dawˬ ngehˬ cawˬ laˇ gaˇ iˬ baˇ taˬ taˬ nehˬ laꞈ. Ngaˇ-aˬ, tsawˇ haˬ zaˬ tiˬ gʼaˬ pyeuꞈ-eu miˇ neh, nawˬ-ahˇ teh ngehˬ laˇ-eu maˬ tsaˬ-a. Ehˇ kʼawꞈ, oˇ oꞈ-eu laꞈ kʼoeˇ tiˬ poˆ naˇ haˬ nehˬ laꞈ siˬ.

Aˇ dahˬ 18:30

“Sahˬpaˬ Miˬyehˇ-oˇ, ngaˇ heu loꞈ-ehˇ paˇ naˇ haˬ-eu miˇ neh nui ma taˬ pehˇ nehˬ laꞈ siˬ. Iˬ baˇ maˬ mˇ-eu tsawˇ haˬ smˬ tseˇ gʼaˬ tehꞈ-ehˇ jawˇ lawˬ naˇ, meuˬ kʼoeˇ meuˬ-ahˇ nawˇ laˆ cawˆ nehˬ ma loˇ” lehˇ Sahˬpaˬ Miˬyehˇ-ahˇ Aˬbyaˬhaˬ paˇ naˇ haˬ ngeh, “Smˬ tseˇ gʼaˬ jawˇ naˇ, meuˬ kʼoeˇ meuˬ-ahˇ ngaˇ maˬ laˆ cawˆ” lehˇ Sahˬpaˬ Miˬyehˇ ehˇ-eu meh.

Aˇ dahˬ 18:32

“Sahˬpaˬ Miˬyehˇ-oˇ, nui ma taˬ pehˇ nehˬ laꞈ siˬ. Ngaˇ heu loꞈ-ehˇ tiˬ dawˬ paˇ naˇ haˬ la siˬ. Tseˇ gʼaˬ tehꞈ-ehˇ jawˇ naˇ aˬ joˆ-ehˇ jahˇ nehˬ nmˇ” lehˇ, Aˬbyaˬhaˬ paˇ naˇ haˬ ngeh, “Iˬ baˇ maˬ mˇ-eu tsawˇ haˬ tseˇ gʼaˬ tehꞈ-ehˇ jawˇ lawˬ naˇ kʼawꞈ, meuˬ kʼoeˇ meuˬ-ahˇ ngaˇ maˬ laˆ cawˆ” lehˇ, Sahˬpaˬ Miˬyehˇ ehˇ kʼoꞈ nehˬ-euˬ meh.

Maꞈtehˬ 7:11

Naw maꞈ iˬ baˇ mˇ-eu tsawˇ haˬ pyeuꞈ kʼawꞈ, yawˬ ha-euˬ zaˬ-ahˇ yaw muiˬ jeˬ biꞈ nehˬ-eu kʼoeˇ naˆ ni siˬ nya naˇ, mˬ kʼoeˇ taˆ jawˇ-eu naw maꞈ-euˬ Aˬda pyeuꞈ-eu Miˬyehˇ-aˬ, aˬ yawꞈ-ahˇ kʼaˇ shaˇ-eu tsawˇ haˬ deuˬ-ahˇ, yaw muiˬ jeˬ biꞈ-eu aˇ naˆ ni paˇ siˬ nya dzehˬ nmˇ.

Maꞈtehˬ 7:7

“Shaˇ-awˬ. Shaˇ naˇ za tehꞈ-a. Poˆ-awˬ. Poˆ naˇ mawˇ tehꞈ-a. Laˇ gʼoˆ-ahˇ kʼoˆ-awˬ. Kʼoˆ naˇ pah nehˬ laꞈ tehꞈ-a.

Luˇkaꞈ 11:8

Ngaˇ naw maꞈ-ahˇ ehˇ nehˬ nyaˇ. Cawˬ aˇ naˆ ni gʼoeˇ kʼawꞈ dui-eu ngaˇ. Tuˇ laˇ-awˇ maˬ paˇ biꞈ le-eu ngaˇ lehˇ kʼawꞈ ehˇ-awˬ. Ehˇ kʼawꞈ, shaˇ-eu nui paw shaˇ tehˇ tehˬ naˇ, kʼaˇ loˬ-eu jeˬ maˬ biꞈ le-ehˇ maˬ paˇ gʼeh nya-aˇ.

Luˇkaꞈ 18:1

Zaˬ lahˇ deuˬ aˬ myah luꞈ guiˬ lahˬ shaˇ-awˇ, tiˬ jawˇ-iˬ nui ma maˬ ya cawˆ-eu gʼaˇ duˬ, Yeˬsuˇ yaw jeˬ ma jeˬ ja-awˇ, mehˬ nehˬ tsoˆ nehˬ-euˬ meh.

Eˇpeˇsu 6:18

Miˬyehˇ caw ba laꞈ ni guiˬ lahˬ shaˇ-awˇ, kʼoeˇ deuˬ dawˬ tawˆ luꞈ-ahˇ mˇ gʼeh-awˬ. Yaw sahˇ Miˬyehˇ sheuˬ gʼeh-eu laꞈ kʼoeˇ aˬ myah luꞈ guiˬ lahˬ shaˇ-awˬ. Maˬ ya smˬ-iˇ ni aˬ myah luꞈ yaw beuˇ beuˇ-ehˇ jawˇ-awˬ. Miˬyehˇ-euˬ tsawˇ haˬ dawˬ tawˆ luꞈ gʼaˇ duˬ aˬ myah luꞈ guiˬ lahˬ shaˇ-awˬ.

HeˬByehˇ 4:16

Aˬ dui nui ma ziꞈ dah ni taˬ-awˇ guiˬ lahˬ yaw dzahˇ tiˬ byah ni jaˆ-eu Miˬyehˇ-euˬ dzoeˬ dzaˬ nuiˇ mahˬ mehˬ shi jiˆ uˇ leˇ kaˇ-euˇ. Kʼoeˇ gaˇ, aˬ dui kʼaˇ loˬ ngeh caw ba nehˬ laꞈ-eu gʼawˬ shaˬ gaˬ nehˬ laꞈ-eu jeˬ-ahˇ aˬ dui za-awˇ, guiˬ lahˬ yaw dzahˇ-ahˇ ya mawˇ tehꞈ-a.