Aˇ dahˬ 18:25 - Akha

²⁵ Iˬ baˇ maˬ mˇ-eu tsawˇ haˬ deuˬ-ahˇ, iˬ baˇ mˇ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, nawˇ aˬ diˇ aˬ maˇ maˬ laˆ sehꞈ nehˬ-aˇ. Kʼoeˇ loꞈ-ehˇ maˬ jahˇ kʼmˬ-eu uˬ taꞈ, jahˇ-eu kʼawꞈ maˬ tsaˬ-aˇ. Kʼoeˇ loꞈ-ehˇ jahˇ naˇ, iˬ baˇ maˬ mˇ-eu deuˬ-ahˇ kʼawꞈ, iˬ baˇ mˇ-eu deuˬ nehˬ-ehˇ tiˬ kawˆ loꞈ-ehˇ shehˆ keuˬ-awˇ kʼehˬ nehˬ kʼaˆ nehˬ gaˇ duˇ tehꞈ-a. Heu-aˬ, maˬ jahˇ kʼmˬ-eu tiˬ jeˬ meh. Miˇ kʼahˬ dawˬ tawˆ luꞈ kʼoeˇ taˆ yaˇ kʼaˬ daˇ-eu yaw sahˇ gʼaˬ-aˬ, dawˇ coe ni mˇ-eu tsaˬ tehꞈ-a.”

Aˇ dahˬ 18:25 ပူးပေါင်းရင်းမြစ်များ

Aˇ dahˬ 18:24

Iˬ baˇ maˬ mˇ-eu tsawˇ haˬ ngaˬ tseˇ gʼaˬ jawˇ lawˬ naˇ kʼawꞈ, meuˬ kʼoeˇ meuˬ meuˬ lah ni nawˇ laˆ cawˆ ma loˇ. Maˬ ngeuˇ naˇ, kʼoeˇ ngaˬ tseˇ gʼaˬ baˬ da neh, meuˬ kʼoeˇ meuˬ-ahˇ nawˇ maˬ laˆ cawˆ ni taˬ nehˬ nmˇ loˇ.

1 Laˬsaˬbaˬ 16:33

Miˇ tsaˬ-ahˇ yawꞈ uˆ lahˇ le ngeh, sahˬ lahˬ aˇ bawˇ dawˬ tawˆ luꞈ kʼawꞈ, Sahˬpaˬ Miˬyehˇ jawˇ-eu mehˬ shi, laˬ kʼaˬ cehˇ-awˇ guˇ laˇ tehꞈ-a.

2 Laˬsaˬbaˬ 19:7

Naw maꞈ Sahˬpaˬ Miˬyehˇ-ahˇ guˆ-eu laꞈ kʼoeˇ yaw muiˬ paˬ-ehˇ mˇ-awˬ. Aˬ jeˬ miˇ neh ehˇ naˇ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, jaˬ myawꞈ myawꞈ-eu jeˬ-ahˇ maˬ ehˇ, myaˆ pyawˬ huiˬ nyiˇ tseˇ-eu jeˬ-ahˇ maˬ ehˇ, laꞈ nmꞈ nmꞈ-eu jeˬ-ahˇ maˬ ehˇ, iˬ baˇ maˬ pyehˬ nehˬ-a.”

Neˬhaˬmiˇ 9:33

Nawˇ nga maꞈ-ahˇ kʼehˬ-euˬ yaw tsaˬ yaw dawˇ meh. Nga maꞈ iˬ baˇ mˇ-euˬ kʼawꞈ, nawˇ saˇ jaˇ ziꞈ-eu meh.

Yawˇbaˆ 34:10

Noeˬ siˬ noeˬ mawˇ nya-eu tsawˇ haˬ deuˬ-oˇ, ngaˇ ehˇ gaˇ naˇ haˬ sheˇ. Baoˬ huiˬ-eu Miˬyehˇ yaw lehˬ jeˬ mˇ tehꞈ-a loˇ.

Yawˇbaˆ 34:12

Baoˬ huiˬ-eu Miˬyehˇ-aˬ, yaw haiˬ jeˬ tiˬ jawˇ-iˬ maˬ mˇ-ehˇ, tsawˇ haˬ tiˬ gʼaˬ-ahˇ-iˬ maˬ tsaˬ maˬ dawˇ-eu jeˬ maˬ jahˇ nehˬ-a.

Yawˇbaˆ 8:20

“Ehˇ kʼawꞈ, saˇ jaˇ ziꞈ-eu tsawˇ haˬ-ahˇ Miˬyehˇ tiˬ jawˇ-iˬ maˬ byehˇ dzeh-ehˇ, haiˬ-eu tsawˇ haˬ deuˬ-ahˇ tiˬ jawˇ-iˬ maˬ caw ba-a.

Yawˇbaˆ 8:3

Miˬyehˇ-aˬ, yaw tsaˬ yaw dawˇ jeˬ-ahˇ maˬ yuˇ pyawˆ-ehˇ, tsaˬ-eu jeˬ-ahˇ maˬ byehˇ ni mˇ-eu meh.

Jaceuq 50:6

Miˬyehˇ tsaˬ-eu dawˇ-eu gaˇ kawˆ hawˇ-eu, yaˇ kʼaˬ daˇ-eu gʼaˬ pyeuꞈ-eu gaˇ kawˆ, mˬ saˇ kiˇ kamˬ luꞈ-eu meh.

Jaceuq 58:11

Kʼoeˇ ngeh, tsawˇ haˬ zaˬ deuˬ heu loꞈ-ehˇ ehˇ tehꞈ-a. “Yaw tsaˬ yaw dawˇ tsawˇ haˬ deuˬ aˬ diˇ aˬ maˇ laꞈ sawˬ za-eu ngaˇ. Miˇ tsaˬ-ahˇ yaˇ kʼaˬ daˇ-eu Miˬyehˇ aˬ diˇ jawˇ law hawˇ nga.”

Jaceuq 7:12

Yawꞈmaꞈnui ma maˬnoeˬpaˇnaˇ, Miˬyehˇ mi cehˇshiˬtaˆ taˬ-awˇ, kaˆngoꞈdaˆ-awˇ loꞈluꞈ-eu meh.

Jaceuq 75:3

Miˇ tsaˬ tahˬ kʼawˇ nyeh nyeh-ehˇ pyeuꞈ laˇ-awˇ, yaw dehꞈ kʼaˇ dehꞈ-eu jeˬ dawˬ tawˆ luꞈ yaw dzuˬ dzuˬ laˇ kʼawꞈ, miˇ tsaˬ dawˬ pehˬ duˬ puˇ-ahˇ ziꞈ dah ni ngaˇ bi jaˆ ma.

Jaceuq 94:2

Nawˇ-aˬ, tsawˇ haˬ dawˬ tawˆ luꞈ kʼoeˇ taˆ yaˇ kʼaˬ daˇ-eu gʼaˬ meh. Tuˇ laˇ-awˇ, nui ma huiˬ-eu mahˇ-eu tsawˇ haˬ deuˬ-ahˇ oꞈ-eu geuˇ-eu loꞈ-ehˇ kʼehˬ nehˬ-awˬ.

Jaceuq 98:9

Aˬ jeˬ miˇ neh ehˇ naˇ, miˇ tsaˬ-ahˇ aˬ yawꞈ uˆ lahˇ le-euˬ meh. Miˇ tsaˬ zaˬ deuˬ-ahˇ dawˇ coe ni aˬ yawꞈ uˆ lahˇ tehꞈ-a.

Dawˬ tsoˆ 3:17

Kʼaˇ pyeuꞈ laˇ-eu yawˬ jeˬ na luꞈ, aˬ yawꞈ neh toꞈ taˬ-euˬ yamˬ law-ahˇ pyeuꞈ laˇ-eu miˇ neh, tsawˇ muiˬ tsawˇ doeˇ maˬ tseˇ paˆ ni, tiˬ kawˆ loꞈ-ehˇ Miˬyehˇ yaˇ kʼaˬ daˇ-eu nga lehˇ, ngaˇ yawˬ haˇ yawˬ ha ehˇ-euˬ ma.

Dawˬ tsoˆ 7:15

Ngaˇ yaw dehꞈ dehꞈ-eu tiˬ jeˬ-iˬ gaˇ dahˇ maˬ tsoeˬ kʼawꞈ, yawˬ jeˬ na luꞈ ya mawˇ kuꞈ haw-euˬ ma. Dawˇ coe ni dehꞈ-eu yaw tsaˬ yaw dawˇ tsawˇ haˬ ziˇ teˬ-eu mawˇ haw-awˇ, maˬ tsaˬ maˬ dawˇ-eu jeˬ mˇ-eu haiˬ-eu tsawˇ haˬ ziˇ baw-eu mawˇ haw-euˬ ma.

Yeˬlaˬmiˇ 11:20

Kʼoeˇ naˇ ngaˇ heu loꞈ-ehˇ guiˬ lahˬ shaˇ-euˬ ma. “Baoˬ huiˬ-eu Sahˬpaˬ Miˬyehˇ-oˇ, nawˇ dawˇ coe ni yaˇ kʼaˬ daˇ-awˇ, tsawˇ haˬ-euˬ nui ma-ahˇ lawˬ haw-eu meh. Ngaˬ-euˬ dehꞈ jeˬ dehꞈ kawˆ nawˬ-ahˇ a nehˬ taˬ-euˬ miˇ neh, tsawˇ haˬ kʼoeˇ deuˬ-ahˇ nawˇ laꞈ poˆ poˆ kʼoꞈ nehˬ gaˇ, ngaˬ-ahˇ bi mawˇ nehˬ laꞈ.”

Yeˬlaˬmiˇ 12:1

Sahˬpaˬ Miˬyehˇ-oˇ, nawˬ-ahˇ ngaˇ teh ngehˬ naˇ, nawˇ yaw tsaˬ yaw dawˇ ma lehˇ ehˇ tehꞈ-a. Ehˇ kʼawꞈ, yaw tsaˬ yaw dawˇ gaˇ kawˆ, nawˬ-ahˇ ngaˇ naˇ haˬ mawꞈ-eu ma. Aˬ jeˬ miˇ neh haiˬ-eu tsawˇ haˬ deuˬ baw le za le ta. Aˬ jeˬ miˇ neh maˬ sui maˬ dawˇ-eu deuˬ dehꞈ dzaˬ luꞈ ta.

Yeˬsaˬgeˬlaˇ 18:25

“Sahˬpaˬ Miˬyehˇ gaˇ mˇ-eu maˬ tsaˬ nga lehˇ naw maꞈ ehˇ-eu meh. Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ naˇ haˬ sheˇ. Ngaˇ mˇ-eu maˬ tsaˬ nga lehˇ naw maꞈ noeˬ-eu meh. Maˬ tsaˬ-eu-aˬ, naw maꞈ neh mˇ-euˬ gaˇ meh.

Maˬlaˬkiˇ 3:18

Yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ aˬ joˆ-ehˇ beu gaˇ-eu gaˇ kawˆ hawˇ-eu, ngaˬ-euˬ ehˇ dawˬ naˇ haˬ-eu tsawˇ haˬ hawˇ-eu maˬ naˇ haˬ-eu tsawˇ haˬ aˬ joˆ-ehˇ paˆ gaˇ-eu gaˇ kawˆ, ngaˬ-euˬ tsawˇ haˬ deuˬ tiˬ poˆ paˇ ya mawˇ duˬ tehꞈ-a.”

Bawˇtsahˬ 16:22

Ehˇ kʼawꞈ, Moˇseˬ hawˇ-eu Aˬloˬ aˬ nyaꞈ myaˆ pyawˬ miˇ tsa tuˆ ni awˆ byaˆ-awˇ, “Miˬyehˇ-oˇ, nawˇ-aˬ yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ yaw sahˇ pyeuꞈ-eu meh. Tsawˇ haˬ tiˬ gʼaˬ iˬ baˇ mˇ-euˬ baˬ da neh tsawˇ haˬ aˇ maꞈ aˇ muˇ dawˬ tawˆ luꞈ-ahˇ nawˇ nui ma pehˇ te loˇ.”

2 Gawˇliˬtu 5:10

Aˬ jeˬ miˇ neh ehˇ naˇ, aˬ dui dawˬ tawˆ luꞈ Ka li yaˇ kʼaˬ daˇ-eu nuiˇ mahˬ mehˬ shi ya uiˬ leˇ jiˇ meh. Tsawˇ haˬ yawˬ gʼaˬ na luꞈ shiˬ shaˬ jiˇ gʼawˇ mawˇ heu laꞈ kʼoeˇ kʼaˇ mˇ kʼaˇ shaˇ dzeuˇ-euˬ loꞈ-ehˇ, muiˬ-eu maˬ ehˇ, doeˇ-eu maˬ ehˇ, yawˬ ha-ahˇ kʼaˇ oꞈ-eu jeˬ za tehꞈ-a.

Dawˬmehˬ 1:16

“Kʼoeˇ ngeh, aˬ yawꞈ maꞈ-ahˇ ngaˇ heu loꞈ-ehˇ mehˬ nehˬ tsoˆ nehˬ-euˬ ma. Naw maꞈ-euˬ tsawˇ haˬ deuˬ laꞈ kʼoeˇ dawˬ ja kʼaˇ doˆ laˇ ngeh, yaw muiˬ paˬ-ehˇ naˇ haˬ-awˇ, naw maꞈ-euˬ tsawˇ haˬ yaw kaˬ-ahˇ tehꞈ-ehˇ dawˬ ja doˆ laˇ-euˬ maˬ kaˬ, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ nehˬ-ehˇ dawˬ ja doˆ laˇ-euˬ maˬ kaˬ, yaw tsaˬ yaw dawˇ laꞈ kʼoeˇ yaˇ kʼaˬ daˇ nehˬ-awˬ.

Dawˬmehˬ 1:17

Yaˇ kʼaˬ daˇ ngeh, myaˆ pyawˬ huiˬ nyiˇ taˬ tseˇ. Aˬ joˆ-ehˇ gʼeh-eu tsawˇ haˬ-ahˇ maˬ kaˬ, daˇ nehˬ-awˬ. Tsawˇ haˬ tiˬ gʼaˬ-ahˇ-iˬ taˬ guˆ. Aˬ jeˬ miˇ neh ehˇ naˇ, naw maꞈ neh yaˇ kʼaˬ daˇ-euˬ kʼoeˇ-aˬ, Miˬyehˇ neh daˇ-euˬ jeˬ pyeuꞈ-eu meh. Naw maꞈ gʼaˇ duˬ aˇ dzehˬ-ehˇ shaˬ-eu gaˇ doˆ laˇ naˇ, ngaˇ jawˇ gaˇ laˇ-awˬ. Ngaˇ jahˇ jiˇ nehˬ ma.

Dawˬmehˬ 32:4

“Aˬ dui lo guˇ Sahˬpaˬ Miˬyehˇ, yawꞈ mˇ-euˬ jeˬ tsaˬ meh byah meh. Aˬ dui Miˬyehˇ saˇ jaˇ ziꞈ-awˇ, tsaˬ dui, sui dui, dawˇ dui dui meh.

HeˬByehˇ 12:23

Mˬ kʼoeˇ taˆ tsawˇ myahˇ bi boꞈ ahˇ taˬ-euˬ deuˬ pyeuꞈ-eu, dehꞈ beh beh le-euˬ Miˬyehˇ-euˬ zaˬ deuˬ laˬ kʼaˬ tiˬ cehˇ uiˬ leˇ taˬ-euˬ gaˇ naw maꞈ laˇ-euˬ jeˬ pyeuꞈ-eu meh. Tsawˇ haˬ zaˬ dawˬ tawˆ luꞈ-ahˇ yaˇ kʼaˬ daˇ-eu gʼaˬ pyeuꞈ-awˇ, tsawˇ muiˬ deuˬ-euˬ saꞈ laˇ-ahˇ bi muiˬ bi byah laˇ-eu gʼaˬ pyeuꞈ-eu Miˬyehˇ jawˇ gaˇ naw maꞈ laˇ-euˬ jeˬ pyeuꞈ-eu meh.

Yaˇ kʼaˬ daˇ 11:27

Nawˬ-ahˇ ngaˇ mˇ lehˬ taˬ-euˬ kʼawꞈ tiˬ jeˬ-iˬ maˬ jaˆ. Nawˇ guiˇ deuˆ le-eu laꞈ kʼoeˇ ngaˬ-ahˇ mˇ lehˬ-euˬ meh. Sahˬpaˬ Miˬyehˇ-aˬ, yaˇ kʼaˬ daˇ-eu gʼaˬ meh. Aˬmoˬ tsawˇ haˬ hawˇ-eu Iˇsaˬleˬlaˆ tsawˇ haˬ yaw kaˬ-ahˇ aˬ yawꞈ iˬ nah yaˇ kʼaˬ daˇ tehꞈ-a.”