Aˇ dahˬ 18:23 - Akha

²³ Kʼoeˇ ngeh, Sahˬpaˬ Miˬyehˇ-euˬ dawˬ peh Aˬbyaˬhaˬ jiˆ-iˇ-awˇ, heu loꞈ-ehˇ naˇ haˬ-euˬ meh. “Iˬ baˇ maˬ ahˇ-eu tsawˇ haˬ deuˬ-ahˇ kʼawꞈ, iˬ baˇ ahˇ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ nawˇ laˆ cawˆ nehˬ-eu lehˇ gʼeh te loˇ.

Aˇ dahˬ 18:23 ပူးပေါင်းရင်းမြစ်များ

Aˇ dahˬ 18:24

Iˬ baˇ maˬ mˇ-eu tsawˇ haˬ ngaˬ tseˇ gʼaˬ jawˇ lawˬ naˇ kʼawꞈ, meuˬ kʼoeˇ meuˬ meuˬ lah ni nawˇ laˆ cawˆ ma loˇ. Maˬ ngeuˇ naˇ, kʼoeˇ ngaˬ tseˇ gʼaˬ baˬ da neh, meuˬ kʼoeˇ meuˬ-ahˇ nawˇ maˬ laˆ cawˆ ni taˬ nehˬ nmˇ loˇ.

Aˇ dahˬ 18:25

Iˬ baˇ maˬ mˇ-eu tsawˇ haˬ deuˬ-ahˇ, iˬ baˇ mˇ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, nawˇ aˬ diˇ aˬ maˇ maˬ laˆ sehꞈ nehˬ-aˇ. Kʼoeˇ loꞈ-ehˇ maˬ jahˇ kʼmˬ-eu uˬ taꞈ, jahˇ-eu kʼawꞈ maˬ tsaˬ-aˇ. Kʼoeˇ loꞈ-ehˇ jahˇ naˇ, iˬ baˇ maˬ mˇ-eu deuˬ-ahˇ kʼawꞈ, iˬ baˇ mˇ-eu deuˬ nehˬ-ehˇ tiˬ kawˆ loꞈ-ehˇ shehˆ keuˬ-awˇ kʼehˬ nehˬ kʼaˆ nehˬ gaˇ duˇ tehꞈ-a. Heu-aˬ, maˬ jahˇ kʼmˬ-eu tiˬ jeˬ meh. Miˇ kʼahˬ dawˬ tawˆ luꞈ kʼoeˇ taˆ yaˇ kʼaˬ daˇ-eu yaw sahˇ gʼaˬ-aˬ, dawˇ coe ni mˇ-eu tsaˬ tehꞈ-a.”

Aˇ dahˬ 20:4

Ehˇ kʼawꞈ, Aˬbiˇmaˬlehˆ Saˬlaˇ nehˬ-ehˇ maˬ ya jawˇ taꞈ dah-aˬ siˬ. Aˬ yawꞈ Miˬyehˇ-ahˇ ehˇ nehˬ-eu, “Sahˬpaˬ Miˬyehˇ-oˇ, ngaˇ iˬ baˇ maˬ ahˇ. Ngaˇ hawˇ-eu ngaˬ-euˬ tsawˇ haˬ deuˬ-ahˇ nawˇ laˆ cawˆ-eu lehˇ gʼeh te loˇ.

2 Saˬmeuˬlaˆ 24:17

Iˇsaˬleˬlaˆ tsawˇ haˬ deuˬ-ahˇ laˆ luˬ laˆ seˇ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ Daˬbiˇ mawˇ-awˇ, Sahˬpaˬ Miˬyehˇ-ahˇ heu loꞈ-ehˇ ehˇ nehˬ-euˬ meh. “Ngaˇ iˬ baˇ ahˇ-eu ngeuˇ ma. Yaw lehˬ jeˬ mˇ-euˬ gʼaˬ-aˬ, ngaˇ ma. Tsawˇ haˬ heu deuˬ aˬ jeˬ mˇ lehˬ taˬ-eu jaˆ ta. Ngaˇ hawˇ-eu ngaˬ-euˬ nymˇ jiˇ-ahˇ tehꞈ-ehˇ nawˇ kʼehˬ nehˬ laꞈ-eu tsaˬ meh.”

Yawˇbaˆ 34:17

Tsaˬ-eu dawˇ-eu Miˬyehˇ-ahˇ nawˇ iˬ baˇ taˬ te loˇ. Yaw tsaˬ yaw dawˇ jeˬ-ahˇ aˬ yawꞈ bye meh lehˇ nawˇ noeˬ te loˇ.

Yawˇbaˆ 8:3

Miˬyehˇ-aˬ, yaw tsaˬ yaw dawˇ jeˬ-ahˇ maˬ yuˇ pyawˆ-ehˇ, tsaˬ-eu jeˬ-ahˇ maˬ byehˇ ni mˇ-eu meh.

Jaceuq 73:28

Ehˇ kʼawꞈ, Miˬyehˇ-euˬ dawˬ peh ya jawˇ-eu jeˬ ngaˬ-euˬ gʼaˇ duˬ muiˬ dui dui nya. Ngaˬ-euˬ ziꞈ duˬ gʼoe duˬ-aˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ma. Aˬ yawꞈ neh kʼaˇ mˇ-euˬ jeˬ dawˬ tawˆ luꞈ ngaˇ ja gaˬ ma.

Doˆ-iˇ 23:7

Maˬ tsaˬ maˬ dawˇ-eu laꞈ kʼoeˇ, aˬ cawˬ-ahˇ iˬ baˇ taˬ-awˇ, yaˇ kʼaˬ maˬ ya ja-a. Maˬ lehˬ maˬ ca-eu tsawˇ haˬ-ahˇ maˬ ya sehꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ maˬ tsaˬ maˬ dawˇ-eu jeˬ mˇ-eu tsawˇ haˬ-ahˇ, ngaˇ iˬ baˇ maˬ pyehˬ nya-a.

Yeˬlaˬmiˇ 30:21

Aˬ yawꞈ maꞈ-ahˇ yawˬ ha-euˬ tsawˇ jeuˬ neh bi sheuˬ gʼeh-awˇ, yawˬ ha-euˬ tsawˇ haˬ neh bi uˆ lahˇ ma. Aˬ yawꞈ-ahˇ ngaˇ kuˇ-eu miˇ neh, ngaˬ-euˬ dawˬ peh aˬ yawꞈ jiˆ laˇ tehꞈ-a. Ngaˬ neh maˬ kuˇ-euˬ tsawˇ haˬ zaˬ, dawˬ peh jiˆ laˇ peuˬ meh loˇ lehˇ, ngaˇ Sahˬpaˬ Miˬyehˇ ehˇ-eu ma.

Bawˇtsahˬ 16:22

Ehˇ kʼawꞈ, Moˇseˬ hawˇ-eu Aˬloˬ aˬ nyaꞈ myaˆ pyawˬ miˇ tsa tuˆ ni awˆ byaˆ-awˇ, “Miˬyehˇ-oˇ, nawˇ-aˬ yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ yaw sahˇ pyeuꞈ-eu meh. Tsawˇ haˬ tiˬ gʼaˬ iˬ baˇ mˇ-euˬ baˬ da neh tsawˇ haˬ aˇ maꞈ aˇ muˇ dawˬ tawˆ luꞈ-ahˇ nawˇ nui ma pehˇ te loˇ.”

HeˬByehˇ 10:22

Kʼoeˇ miˇ neh, dawˇ coe ni gʼeh-eu nui ma hawˇ-eu ziꞈ dah ni gʼeh-eu jah-eu jeˬ ahˇ-eu laꞈ kʼoeˇ, Miˬyehˇ-euˬ dawˬ peh aˬ dui jiˆ uˇ leˇ kaˇ-euˇ. Iˬ baˇ-ahˇ kʼahˬ lahˇ-eu jeˬ bi tsiˬ shawˇ gʼaˬ-euˬ nui ma hawˇ-eu, shawˇ jehˆ ni gʼeh-eu iˇ cuꞈ neh bi tsiˬ shawˇ gʼaˬ-euˬ gʼawˇ mawˇ laꞈ kʼoeˇ aˬ dui jiˆ uˇ leˇ kaˇ-euˇ.

Yaˬkoˆ 5:16

Kʼoeˇ miˇ neh, naw maꞈ naˇ-eu gawˇ-eu taˬ leˇ nya ni tiˬ gʼaˬ tiˇ gʼaˬ iˬ baˇ ja doˆ-awˇ, tiˬ gʼaˬ tiˇ gʼaˬ guiˬ lahˬ shaˇ nehˬ-awˬ. Yaw tsaˬ yaw dawˇ tsawˇ haˬ tiˬ gʼaˬ neh guiˬ lahˬ shaˇ-euˬ-aˬ, baoˬ jaˆ-eu meh.

Yaˬkoˆ 5:17

Eˇliˇyaˆ-aˬ, aˬ dui loꞈ-ehˇ gʼeh-eu tsawˇ haˬ tiˬ gʼaˬ meh. Uˬ yehˇ maˬ bi yehˇ le-eu gʼaˇ duˬ aˬ yawꞈ nui ma keuˆ dui dui-eu laꞈ kʼoeˇ guiˬ lahˬ shaˇ ngeh, miˇ kʼahˬ kʼoeˇ kʼahˬ smˇ kʼoꞈ tiˬ paˆ keuˆ ni mˬ gʼoˇ gʼoˇ-euˬ meh.