Aˇ dahˬ 18:19 - Akha

¹⁹ Aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ-euˬ zaˬ deuˬ uˆ deuˬ-ahˇ maˬ ehˇ, yaw tsaˬ yaw dawˇ jeˬ mˇ ni bi mehˬ nehˬ-eu gʼaˇ duˬ, ngaˇ aˬ yawꞈ-ahˇ tseˇ doˆ-eu ma. Aˬ yawꞈ maꞈ kʼoeˇ loꞈ-ehˇ mˇ naˇ, aˬ yawꞈ nehˬ-ehˇ ngaˇ saˇ jaˇ kʼaˇ dzaˬ taˬ-euˬ jeˬ dawˬ tawˆ luꞈ mˇ byah nehˬ ma.”

Aˇ dahˬ 18:19 ပူးပေါင်းရင်းမြစ်များ

Aˇ dahˬ 12:2

Nawˬ-euˬ zaˬ nawˬ-euˬ uˆ deuˬ-ahˇ ngaˇ bi jeuˬ bi o le-awˇ, miˇ tsaˬ kʼoeˇ taˆ tsawˇ myahˇ doˆ-eu tsawˇ jeuˬ tiˬ jeuˬ bi pyeuꞈ laˇ ma. Nawˇ aˬ cawˬ-ahˇ guiˬ lahˬ biꞈ-eu tsawˇ haˬ tiˬ gʼaˬ pyeuꞈ laˇ ngeh keuˆ ni, ngaˇ nawˬ-ahˇ guiˬ lahˬ biꞈ-awˇ tsawˇ myahˇ bi doˆ ma.

Aˇ dahˬ 12:3

Nawˬ-ahˇ guiˬ lahˬ biꞈ-eu tsawˇ haˬ-ahˇ ngaˇ guiˬ lahˬ biꞈ-awˇ, nawˬ-ahˇ yaˬ kʼehˇ yaˬ-eu tsawˇ haˬ-ahˇ ngaˇ yaˬ kʼehˇ yaˬ ma. Nawˬ-ahˇ gʼoe-awˇ tsawˇ jeuˬ dawˬ tawˆ luꞈ-ahˇ, ngaˇ guiˬ lahˬ biꞈ ma.”

Aˇ dahˬ 17:9

Aˬbyaˬhaˬ-ahˇ Miˬyehˇ ehˇ nehˬ-eu, “Nawˇ hawˇ-eu aˬ kaˇ dehꞈ le jawˇ le-eu nawˬ-euˬ zaˬ nawˬ-euˬ uˆ deuˬ, ngaˬ nehˬ-ehˇ dzaˬ taˬ-euˬ dawˬ ma saˇ jaˇ heu hmˬ-ahˇ ya ziꞈ meh.

Aˇ dahˬ 22:18

Nawˇ ngaˬ-euˬ ehˇ dawˬ naˇ haˬ-eu miˇ neh, nawˬ-euˬ zaˬ nawˬ-euˬ uˆ deuˬ guiˬ lahˬ za-eu loꞈ-ehˇ, aˬ yawꞈ maꞈ-ahˇ kʼawꞈ guiˬ lahˬ biꞈ laꞈ lehˇ, tsawˇ jeuˬ dawˬ tawˆ luꞈ ngaˬ-ahˇ shaˇ tehꞈ-a.”

Aˇ dahˬ 35:2

Kʼoeˇ ngeh, aˬ yawꞈ-euˬ miˬ sawˇ zaˬ deuˬ hawˇ-eu, aˬ yawꞈ-euˬ tsawˇ haˬ dawˬ tawˆ luꞈ-ahˇ, Yaˬkoˆ heu loꞈ-ehˇ ehˇ nehˬ-euˬ meh. “Naw maꞈ nehˬ-ehˇ jaˆ-eu aˬ cawˬ tsawˇ jeuˬ-euˬ Miˬyehˇ pyeuꞈ-eu tahˬ pahˬ aˬ ma mawˇ kawˇ dawˬ tawˆ luꞈ, biˬ dzeh jiˇ yaꞈ-awˬ. Yawˬ ha-euˬ gʼawˇ mawˇ shawˇ-awˇ, mehˬ tsoeˬ yaw shawˇ dm-awˬ.

2 Saˬmeuˬlaˆ 22:22

Sahˬpaˬ Miˬyehˇ-euˬ gaˇ ma-ahˇ, maˬ byehˇ dzeh ni ngaˇ cah laꞈ-awˇ, yaw haiˬ jeˬ-ahˇ mˇ-eu laꞈ kʼoeˇ, Miˬyehˇ-ahˇ maˬ gʼawˬ-iˇ haw-aˬ.

2 Saˬmeuˬlaˆ 7:20

Heu naˆ maˬ tseˇ nawˬ-ahˇ ngaˇ aˬ joˆ-ehˇ ya ehˇ nmˇ. Nawˬ-euˬ zaˬ kʼaˆ pyeuꞈ-eu ngaˬ-ahˇ nawˇ siˬ nya luꞈ meh.

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

2 Laˬsaˬbaˬ 14:3

Aˬ cawˬ tsawˇ jeuˬ-euˬ lawˇ duˬ shehˇ duˬ hawˇ-eu lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ aˬ yawꞈ pyaˆ dzeh-awˇ, muiˬ-eu shawˇ-eu kʼaˬ lo kʼawˇ zeuˇ deuˬ hawˇ-eu Aˬsheˇlaˬ miˬ yehˇ ma-ahˇ taꞈ leˇ-eu mawˇ kawˇ deuˬ-ahˇ aˬ yawꞈ laˆ cawˆ-euˬ meh.

Neˬhaˬmiˇ 9:7

Aˬbyaˬ-ahˇ tseˇ doˆ-euˬ Miˬyehˇ, Sahˬpaˬ Miˬyehˇ nawˇ gʼaˬ pyeuꞈ-awˇ, Baˬbuˇloˬ miˇ kʼahˬ Uˇlaˆ meuˬ-ahˇ neh, aˬ yawꞈ-ahˇ nawˇ sheuˬ doˆ laꞈ-awˇ, aˬ yawꞈ tsawˇ myahˇ Aˬbyaˬhaˬ lehˇ, nawˇ myahˇ paˇ nehˬ-euˬ meh.

Yawˇbaˆ 1:5

Dzaˬ byawˇ kʼaˇ lawˇ ngeh, yawˬ shawˬ yawˬ uˬ shawˬ yaw naꞈ-ehˇ Yawˇbaˆ tuˇ-awˇ, aˬ yawꞈ-euˬ zaˬ aˬ yawꞈ gʼaˬ yawꞈ gʼaˇ duˬ lawˇ-eu shehˇ-eu jeˬ mˇ-awˇ, shawˇ nehˬ-eu meh. Aˬ yawꞈ-euˬ zaˬ tiˬ gʼaˬ na maˬ noeˬ maˬ duˇ-ehˇ Miˬyehˇ-ahˇ mˇ bahˬ-euˬ baw le lehˇ aˬ yawꞈ kʼahˬ lahˇ-eu baˬ da neh, kʼoeˇ loꞈ-ehˇ mˇ-euˬ meh.

Jaceuq 1:6

Yaw tsaˬyaw dawˇ deuˬ-euˬgaˇma, SahˬpaˬMiˬyehˇ haw piˇtehꞈ-a. Maˬdawˇ-eu deuˬ-euˬ gaˇma-aˬ, luˬ-iˇ seˇ-iˇ gaˇ keuˆ tehꞈ-a.

Jaceuq 11:4

Uˬduˬtahˬnymˇyaw shawˇlaꞈkʼoeˇ, SahˬpaˬMiˬyehˇjawˇluꞈ-eu meh. Dzoeˬdzaˬnuiˇmahˬmˬ-ahˇjaˆ-awˇ, tsawˇhaˬzaˬ-ahˇhaw-eu laꞈkʼoeˇ, yawꞈmaꞈkʼaˇmˇkʼaˇshaˇ-eu jeˬ, yawˬjeˬna luꞈsiˬnya luꞈmeh.

Jaceuq 34:15

Yaw tsaˬyaw dawˇtsawˇhaˬdeuˬ-ahˇ, SahˬpaˬMiˬyehˇhaw piˇluꞈ-awˇ, aˬyawꞈmaꞈguˇ-eu teˇsaˇ-ahˇ, aˬyawꞈnaˬbawˇciˬkʼmˇ-eu meh.

Dawqdaq 22:6

Zaˬ-ahˇ dehꞈ jeˬ dehꞈ kawˆ mehˬ nehˬ-awˬ. Aˬ yawꞈ-euˬ ziˇ jiˇ ngeh keuˆ ni maˬ ngehˇ leˇ-aˇ.

Iˇsaˬyaˇ 38:19

Dehꞈ luꞈ-eu tsawˇ haˬ deuˬ nawˬ-ahˇ ja ceuˬ-euˬ meh. Ngaˇ caˇ luꞈ-eu loꞈ-ehˇ caˇ-awˇ ja ceuˬ-eu meh. Nawˇ saˇ jaˇ ziꞈ-eu gaˇ kawˆ heu, aˬ da deuˬ zaˬ-ahˇ ya ja mehˬ tehꞈ-a.

Uˬ duˬ 14:42

Kʼoeˇ naˇ, yuˇ dzeh-euˬ kʼaˬ lo tsaˬ byaˆ kʼoeˇ deuˬ jaˆ zaˇ-ahˇ, kʼaˬ lo tsaˬ byaˆ yaw shuiꞈ deuˬ paˇ ya dawˆ paˇ-awˇ, shaˬ jehˆ paˇ ya lehꞈ myahˬ meh.

Aˬmoˆ 3:2

“Miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ laꞈ kʼoeˇ, naw maꞈ-ahˇ tehꞈ-ehˇ ngaˇ myaˆ pyawˬ pyuˇ-awˇ ngehˬ gʼeh nehˬ-euˬ ma. Kʼoeˇ miˇ neh naw maꞈ iˬ baˇ mˇ ngeh ngaˬ-euˬ nui ma-ahˇ zaw dui dui laˇ-awˇ, kʼoeˇ loꞈ-ehˇ iˬ baˇ mˇ-euˬ aˇ poeˬ naw maꞈ-ahˇ ngaˇ ya kʼehˬ nehˬ meh.”

Maꞈtehˬ 25:17

Kʼoeˇ loꞈ-ehˇ duˇ ni, nyiˬ heˇ byaˆ ha geuꞈ taˬ-euˬ gʼaˬ kʼawꞈ, nyiˬ heˇ byaˆ paˇ gaꞈ jeuˬ-euˬ meh.

Yoˇhaˬ 10:14

Ngaˇ-aˬ, muiˬ-eu yawˇ bo-eu yaw sahˇ ma. Aˬda ngaˬ-ahˇ siˬ nya-awˇ, ngaˇ kʼawꞈ Aˬda-ahˇ siˬ nya gaˇ duˇ ni, ngaˬ-euˬ yawˇ deuˬ-ahˇ ngaˇ siˬ nya-awˇ, ngaˬ-euˬ yawˇ deuˬ kʼawꞈ ngaˬ-ahˇ siˬ nya-eu meh. Aˬ yawꞈ maꞈ gʼaˇ duˬ ngaˇ shiˇ dah peuˬ-eu ma.

Yoˇhaˬ 21:17

Yeˬsuˇ aˬ yawꞈ-ahˇ smˬ poˆ tiˬ poˆ paˇ naˇ haˬ-eu, “Yoˇhaˬ-euˬ aˬ li Siˇmoˬ-oˇ, nawˇ ngaˬ-ahˇ gaˬ ma loˇ.” “Nawˇ ngaˬ-ahˇ gaˬ ma loˇ” lehˇ Yeˬsuˇ aˬ yawꞈ-ahˇ smˬ poˆ naˇ haˬ keuˆ laꞈ-euˬ miˇ neh, Beˬtuˆluˆ nui ma maˬ saˇ-ehˇ, heu loꞈ-ehˇ ehˇ kʼoꞈ nehˬ-euˬ meh. “Sahˬpaˬ-oˇ, nawˇ yawˬ jeˬ na luꞈ siˬ nya meh. Ngaˇ nawˬ-ahˇ aˇ naˆ ni gaˬ-eu nawˇ siˬ nya meh.” Yeˬsuˇ aˬ yawꞈ-ahˇ ehˇ nehˬ-eu, “Ngaˬ-euˬ yawˇ deuˬ-ahˇ bo saˆ-awˬ.

Gʼaˬkʼehˇ 27:31

Ehˇ kʼawꞈ, yehˇ-euˬ aˬ yuiꞈ kʼoeˇ gʼaˬ hawˇ-eu yehˇ deuˬ-ahˇ Pawˇluˆ ehˇ nehˬ-eu, “Saˇ baoˬ laꞈ kʼoeˇ gaˇ mˇ-eu tsawˇ haˬ teu deuˬ saˇ baoˬ heu laˇ laꞈ kʼoeˇ maˬ jawˇ ni cehˆ jiˇ naˇ, naw maꞈ dehꞈ-iˇ-eu gaˇ ma maˬ paˇ dahˇ meh.”

Eˇpeˇsu 6:4

Aˬ da aˬ ma deuˬ-oˇ, naw maꞈ-euˬ zaˬ deuˬ nui ma pehˇ ni taˬ jahˇ. Sahˬpaˬ Yeˬsuˇ-euˬ zahˇ sahˇ kʼoꞈ mehˬ nehˬ tsoˆ nehˬ-awˇ, bo saˆ huiˬ-awˬ.

Dawˬmehˬ 32:46

aˬ yawꞈ ehˇ-eu, “Iˬ nah ngaˇ naw maꞈ-ahˇ biꞈ gʼaˬ-eu zahˇ dawˬ kʼoꞈ dawˬ heu deuˬ-ahˇ maˬ ngehˇ ni caw teh-awˬ. Naw maꞈ-euˬ zaˬ deuˬ kʼawꞈ, Sahˬpaˬ Miˬyehˇ neh mehˬ nehˬ tsoˆ nehˬ-eu dawˬ deuˬ-ahˇ saˇ jaˇ ziꞈ-awˇ naˇ haˬ geuꞈ nya ni mehˬ poˆ nehˬ-awˬ.

1 Tiˆmoˇseˬ 3:12

Ka li zaˬ aˇ muˇ-euˬ gaˇ-ahˇ caw ba-eu tsawˇ haˬ-aˬ, miˬ zaˬ tiˬ gʼaˬ tehꞈ-ehˇ baw-awˇ, yawˬ ha-euˬ nymˇ jiˇ hawˇ-eu zaˬ deuˬ-ahˇ yaw muiˬ paˬ-ehˇ gʼaˬ leˇ-eu tsawˇ haˬ ya bi pyeuꞈ meh.

2 Tiˆmoˇseˬ 1:5

Shawˇ jehˆ ni gʼeh-eu nawˬ-euˬ jah-eu jeˬ-ahˇ ngaˇ noeˬ mawˇ luꞈ ma. Nawˬ-euˬ jah-eu jeˬ-aˬ, nawˬ piˬ Lawˇiˆ hawˇ-eu nawˬ ma Uˇniˇ-euˬ jah-eu jeˬ-ahˇ duˇ-eu meh. Jah-eu jeˬ kʼoeˇ, nawˬ-euˬ laꞈ kʼoeˇ kʼawꞈ ahˇ meh lehˇ ngaˇ siˬ duˬ ma.

2 Tiˆmoˇseˬ 2:19

Ehˇ kʼawꞈ, Miˬyehˇ neh dawˬ pehˬ ziꞈ dah ni gawˬ taˬ-euˬ jeˬ-ahˇ aˬ yawꞈ maꞈ maˬ laˆ luˆ nya-a. Dawˬ pehˬ kʼoeˇ-euˬ kʼoeˇ taˆ, “Yawˬ ha-euˬ tsawˇ haˬ deuˬ-ahˇ Sahˬpaˬ Miˬyehˇ siˬ nya meh” lehˇ boꞈ taˬ-awˇ, “Sahˬpaˬ Miˬyehˇ-euˬ tsawˇ haˬ ma lehˇ kʼaˇ ehˇ-eu deuˬ maˬ tsaˬ maˬ dawˇ-eu jeˬ maˬ mˇ ni ya byehˇ dzeh meh” lehˇ boꞈ taˬ-euˬ meh.

2 Tiˆmoˇseˬ 3:15

Nawˇ nyiˇ ngeh neh Muiˬ-eu shawˇ-eu Jaˇliꞈ-ahˇ siˬ nya-euˬ gaˇ taˬ ngehˇ. Jaˇliꞈ kʼoeˇ-aˬ, Yeˬsuˇ Ka li-ahˇ jah-eu laꞈ kʼoeˇ ka kʼoꞈ-eu jeˬ za ni sheuˬ gʼeh-eu zaˬ siˬ tsawˇ gahˇ nawˬ-ahˇ biꞈ nehˬ laꞈ-euˬ meh.

Yawˇshuˆ 24:15

Aˬ yawꞈ-ahˇ naw maꞈ uˬ duˬ maˬ tahˬ mawꞈ te lehˇ ngeuˇ naˇ, aˬ geu gʼaˬ-ahˇ uˬ duˬ tahˬ nmˇ lehˇ iˬ nah noeˬ tsehˆ-awˬ. Maˬsoˬpoˬtaˬmiˇ miˇ kʼahˬ-ahˇ naw maꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ. Maˬ ngeuˇ naˇ, iˬ nah naw maꞈ jawˇ luꞈ-eu miˇ kʼahˬ-ahˇ jawˇ-eu Aˬ mawˇ liˆ tsawˇ haˬ deuˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ lehˇ noeˬ tsehˆ-awˬ. Ngaˇ hawˇ-eu ngaˬ-eu miˬ sawˇ zaˬ deuˬ law nmˇ-aˬ, Sahˬpaˬ Miˬyehˇ-ahˇ uˬ duˬ tahˬ ma.”

Yaˇ kʼaˬ daˇ 13:12

Kʼoeˇ naˇ, Maˬnoˇaˬ ehˇ-eu, “Nawˬ neh ehˇ-euˬ loꞈ-ehˇ pyeuꞈ laˇ ngeh, aˬ li kʼoeˇ gʼaˬ aˬ jeˬ mˇ nmˇ. Aˬ yawꞈ aˬ joˆ-ehˇ yaw dehꞈ ya dehꞈ nmˇ.”