Aˇ dahˬ 18:14 - Akha

¹⁴ Ngaˬ neh ehˇ gʼaˬ-euˬ loꞈ-ehˇ, ba la gʼoeˬ siˬ kaˇ-iˇ naˇ ngaˇ tiˬ poˆ paˇ oe ma. Kʼoeˇ ngeh jawˇ, Saˬlaˇ aˬ li tiˬ li ciˬ tehꞈ-a” lehˇ ehˇ nehˬ-euˬ meh.

Aˇ dahˬ 18:14 ပူးပေါင်းရင်းမြစ်များ

Aˇ dahˬ 17:16

Ngaˇ aˬ yawꞈ-ahˇ guiˬ lahˬ biꞈ-awˇ, nawˬ-euˬ gʼaˇ duˬ aˬ li tiˬ li bi ciˬ ma. Aˬ yawꞈ-ahˇ ngaˇ dawˬ ngehˬ gʼeh nehˬ-awˇ, tsawˇ jeuˬ dawˬ tawˆ luꞈ-euˬ aˬ ma ma dzahˇ bi pyeuꞈ laˇ ma. Aˬ yawꞈ-euˬ zaˬ deuˬ uˆ deuˬ laꞈ kʼoeˇ sahˬpaˬ deuˬ kʼawꞈ doˆ laˇ tehꞈ-a.”

Aˇ dahˬ 17:21

Ehˇ kʼawꞈ, naˬ yaꞈ kʼoꞈ heu yamˬ-ahˇ dehꞈ le-eu Saˬlaˇ-euˬ aˬ li Iˇtsaˆ gʼaˬ nehˬ-ehˇ, ngaˬ-euˬ dawˬ ma saˇ jaˇ ngaˇ taˬ ma.”

Aˇ dahˬ 18:10

“Ba la gʼoeˬ siˬ kaˇ-iˇ naˇ, ngaˇ tiˬ poˆ paˇ oe ma. Kʼoeˇ ngeh, nawˬ-euˬ nymˇ dahˬ Saˬlaˇ aˬ li tiˬ li ciˬ tehꞈ-a” lehˇ, aˬ yawꞈ maꞈ laꞈ kʼoeˇ tiˬ gʼaˬ ehˇ-eu meh. Kʼoeˇ loꞈ-ehˇ ehˇ luꞈ gaˇ, tsawˇ haˬ kʼoeˇ gʼaˬ-euˬ naˇ kʼah paw laˇ gʼoˆ baˇ laˇ-ahˇ Saˬlaˇ jawˇ-awˇ, kʼoeˬ naˇ haꞈ luꞈ-eu meh.

Aˇ dahˬ 18:13

Aˬbyaˬhaˬ-ahˇ Sahˬpaˬ Miˬyehˇ ehˇ nehˬ-eu, “Aˬ jeˬ miˇ neh Saˬlaˇ uiˇ uiˇ-ehˇ, ‘Ngaˇ loꞈ-ehˇ gʼeh-eu tsawˇ mawˬ tiˬ gʼaˬ zaˬ paˇ jawˇ le nya ta siˬ loˇ’ lehˇ ehˇ ta. Sahˬpaˬ Miˬyehˇ maˬ jahˇ nya-eu jeˬ jaˆ ta loˇ.

Aˇ dahˬ 18:15

Ehˇ kʼawꞈ, Saˬlaˇ guˆ-eu miˇ neh, “Ngaˇ maˬ uiˇ-aˬ-eˬ” lehˇ pyehˇ-euˬ meh. Sahˬpaˬ Miˬyehˇ gʼeh, “Ngeuˇ meh. Nawˇ uiˇ-euˬ meh. Nawˇ aˬ diˇ aˬ maˇ uiˇ-euˬ meh” lehˇ ehˇ-eu meh.

Aˇ dahˬ 21:1

Sahˬpaˬ Miˬyehˇ-aˬ, aˬ yawꞈ neh saˇ jaˇ dzaˬ taˬ-euˬ loꞈ-ehˇ, Saˬlaˇ-ahˇ guiˬ lahˬ biꞈ-euˬ meh.

Aˇ dahˬ 21:2

Saˬlaˇ aˬ nyiˇ pi leˇ-awˇ, tsawˇ mawˬ mawˬ laˇ taˬ-euˬ Aˬbyaˬhaˬ gʼaˇ duˬ aˬ li tiˬ li ciˬ-euˬ meh. Aˬ li tiˬ gʼaˬ dehꞈ le tehꞈ-a lehˇ Miˬyehˇ neh ehˇ taˬ-euˬ aˇ yamˬ keuˆ laˇ ngeh, aˬ li kʼoeˇ li dehꞈ le-euˬ meh.

2 Sahˬpaˬ 4:16

Eˇliˇshehˇ aˬ yawꞈ-ahˇ ehˇ nehˬ-eu, “Naꞈ yaꞈ kʼoꞈ heu yamˬ keuˆ laˇ ngeh, nawˬ-euˬ bawˇ kʼahˇ-ahˇ aˬ li tiˬ li ciˬ luꞈ tehꞈ-a.” Zaˬ miˬ zaˬ kʼoeˇ gʼaˬ ehˇ-eu, “Ngaˬ-ahˇ toˆ-ehˇ jaˬ myawꞈ taˬ myawꞈ nehˬ laꞈ. Nawˇ-aˬ, Miˬyehˇ-euˬ tsawˇ haˬ meh.”

Yawˇbaˆ 36:5

“Miˬyehˇ-aˬ gʼaˬ kʼaˆ dui dui-eu meh. Ehˇ kʼawꞈ, aˬ cawˬ-ahˇ yehˬ bawˬ-ehˇ maˬ jahˇ-a. Aˬ yawꞈ maˬ siˬ nya-eu tiˬ jeˬ-iˬ maˬ jaˆ-a.

Yawˇbaˆ 42:2

“Sahˬpaˬ Miˬyehˇ-oˇ, nawˇ baoˬ dawˬ tawˆ luꞈ jaˆ-awˇ, kʼaˇ mˇ mawꞈ-eu jeˬ mˇ nya meh lehˇ ngaˇ siˬ nya ma.

Jaceuq 90:13

Nawˬ-euˬ nui pehˇ aˇ myah ni bi gmˬ-eu gʼeh te. Sahˬpaˬ Miˬyehˇ-oˇ, nawˬ-euˬ zaˬ kʼaˆ deuˬ-ahˇ gʼawˬ shaˬ gaˬ nehˬ laꞈ-awˬ.

Jaceuq 93:1

Sahˬpaˬ Miˬyehˇ-aˬ, sahˬ paˬ pyeuꞈ-eu meh. Baoˬ yaw shehꞈ kʼahˬ sehˇ hawˇ-eu gʼaˬ huiˬ-eu jeˬ-ahˇ aˬ yawꞈ dm taˬ-euˬ meh. Miˇ tsaˬ tahˬ kʼawˇ-ahˇ ziꞈ dah ni ciˬ tsaˬ taˬ-awˇ, maˬ luˆ-iˇ nya-a.

Jaceuq 95:3

Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, Baoˬ huiˬ-eu Miˬyehˇ pyeuꞈ-awˇ, Miˬyehˇ dawˬ tawˆ kʼoeˇ taˆ baoˬ huiˬ-eu sahˬ paˬ meh.

Iˇsaˬyaˇ 50:2

“Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu lehˇ ngaˇ iˇ ngeh, aˬ jeˬ miˇ neh aˬ yawꞈ maꞈ maˬ haw cawˬ laˇ ta. Aˬ jeˬ miˇ neh ngaˇ kuˇ ngeh aˬ yawꞈ maꞈ oˬ maˬ toˬ ta. Ngaˬ-euˬ aˬ laꞈ yaw nymˇ miˇ neh maˬ ka kʼoꞈ nya ta loˇ. Naw maꞈ-ahˇ ka kʼoꞈ nehˬ nya ni ngaˇ gʼaˬ maˬ loꞈ ta loˇ. Ngaˇ dawˬ biꞈ-awˇ iˬ ma laˆ shaˆ-ahˇ bi gui-iˇ nya ma. Iˇ cuꞈ lawˇ baˬ kʼaˇ shuiꞈ deh ga bi pyeuꞈ-iˇ-awˇ, iˇ cuꞈ maˬ dahˬ-eu miˇ neh ngaˬ shaˬ shiˇ jiˇ ni ngaˇ jahˇ nya ma.

Yeˬlaˬmiˇ 32:17

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, huiˬ dui dui-eu nawˬ-euˬ baoˬ-ahˇ gʼoe-eu laꞈ kʼoeˇ nawˇ aˬ laꞈ cawˬ ja-awˇ, mˬ hawˇ-eu miˇ-ahˇ beh taˬ-euˬ meh. Nawˇ maˬ mˇ nya-eu tiˬ jeˬ-iˬ maˬ jaˆ-a.

Yeˬlaˬmiˇ 32:27

“Ngaˇ-aˬ, miˇ tsaˬ zaˬ dawˬ tawˆ luꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Ngaˇ maˬ mˇ nya-eu tiˬ jeˬ-iˬ maˬ jaˆ.

Daˬyeˬlaˇ 6:20

Kʼoeˇ gaˇ cehˆ keuˆ ngeh, kʼahˬ lahˇ dui dui-eu laꞈ kʼoeˇ, “Dehꞈ luꞈ-eu Miˬyehˇ-euˬ zaˬ kʼaˆ Daˬyeˬlaˇ-oˇ, nawˇ saˇ jaˇ ziꞈ-awˇ gʼoe-eu nawˬ-euˬ Miˬyehˇ nawˬ-ahˇ aˇ laˬ jaˬ shiˇ neh maˬ bi kawꞈ sehꞈ ni ka kʼoꞈ nehˬ laꞈ mehˬ loˇ” lehˇ guˇ-euˬ meh.

Miˇkaˬ 7:18

Sahˬpaˬ Miˬyehˇ-oˇ, nawˬ-ahˇ duˇ-eu miˬ yehˇ nui gʼaˬ maˬ jawˇ-a. Luˬ-iˇ seˇ-iˇ-eu jeˬ-ahˇ buˬ-iˇ law-iˇ-euˬ nawˬ-euˬ tsawˇ haˬ deuˬ-euˬ iˬ baˇ-ahˇ nawˇ pyehˬ nehˬ-euˬ meh. Nawˇ-aˬ, aˬ myah luꞈ nui ma pehˇ pehˇ-ehˇ maˬ jawˇ ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ nga maꞈ-ahˇ bi mawˇ-eu laꞈ kʼoeˇ nawˇ nui kʼahˇ shiˇ-eu meh.

Zaˬkaˬliˇ 8:6

“Kʼoeˇ loꞈ-ehˇ maˬ paˇ pyeuꞈ laˇ nya-aˇ lehˇ, miˇ kʼahˬ heu kʼahˬ laꞈ kʼoeˇ dzeˇ yaꞈ-euˬ tsawˇ haˬ deuˬ noeˬ tehꞈ-a. Ehˇ kʼawꞈ, ngaˬ-euˬ gʼaˇ duˬ maˬ pyeuꞈ laˇ nya-eu jeˬ maˬ jaˆ.

Bawˇtsahˬ 11:23

Sahˬpaˬ Miˬyehˇ ehˇ-eu, “Ngaˬ-euˬ baoˬ neh maˬ mˇ pyeuꞈ nya-eu jeˬ jaˆ ta loˇ. Maˬ pyeuꞈ laˇ nya nga loˇ lehˇ nymˬ-mˇ naw maꞈ ya mawˇ tehꞈ-a.”

Maꞈtehˬ 14:31

Tiˬ poˆ tehꞈ-ehˇ Yeˬsuˇ aˬ laꞈ cawˬ ja-awˇ, aˬ yawꞈ-ahˇ nyehꞈ tehˬ-awˇ, “Jah-eu gʼaˬ baˬ-eu tsawˇ haˬ-oˇ, aˬ jeˬ miˇ neh poˆ poˆ laˆ laˆ-ehˇ noeˬ te” lehˇ ehˇ nehˬ-euˬ meh.

Maꞈtehˬ 19:26

Yeˬsuˇ aˬ yawꞈ maꞈ-ahˇ haw tsoˆ-awˇ ehˇ-eu, “Heu-aˬ, tsawˇ haˬ zaˬ jahˇ nya-eu jeˬ maˬ ngeuˇ-a. Ehˇ kʼawꞈ, Miˬyehˇ maˬ jahˇ nya-eu tiˬ jeˬ-iˬ maˬ jaˆ-a.”

Maꞈtehˬ 3:9

Aˬbyaˬhaˬ naw maꞈ-euˬ aˬ da ma lehˇ ehˇ naˇ, kʼehˬ-eu kʼaˆ-eu jeˬ-ahˇ ya buˬ-iˇ ma lehˇ naw maꞈ taˬ noeˬ. Ngaˇ naw maꞈ-ahˇ ehˇ nehˬ nyaˇ. Kʼaˬ lo heu deuˬ kʼawꞈ Aˬbyaˬhaˬ-euˬ zaˬ pyeuꞈ jiˇ laˇ ni Miˬyehˇ jahˇ nya meh.

Maˬkuˆ 10:27

Yeˬsuˇ aˬ yawꞈ maꞈ-ahˇ haw tsoˆ-awˇ ehˇ nehˬ-eu, “Heu-aˬ, tsawˇ haˬ zaˬ jahˇ nya-eu jeˬ maˬ ngeuˇ-a. Ehˇ kʼawꞈ, Miˬyehˇ jahˇ nya meh. Miˬyehˇ maˬ jahˇ nya-eu tiˬ jeˬ-iˬ maˬ baw-a.”

Luˇkaꞈ 1:13

Ehˇ kʼawꞈ, mˬ taˆ gʼaˬ kʼehˇ kʼoeˇ gʼaˬ ehˇ-eu, “Zaˬkaˬliˇ-oˇ, taˬ guˆ. Nawˬ-euˬ guiˬ lahˬ shaˇ dawˬ-ahˇ Miˬyehˇ naˇ haˬ nehˬ laꞈ-euˬ meh. Nawˬ-euˬ nymˇ dahˬ Eˇliˇsaˬbehˆ aˬ li tiˬ li ciˬ tehꞈ-a. Aˬ li kʼoeˇ li-ahˇ Yoˇ haˬ lehˇ nawˇ ya myahˇ nehˬ meh.

Luˇkaꞈ 1:18

Mˬ taˆ gʼaˬ kʼehˇ kʼoeˇ gʼaˬ-ahˇ Zaˬkaˬliˇ ehˇ nehˬ-eu, “Kʼoeˇ loꞈ-ehˇ pyeuꞈ laˇ-euˬ ngaˇ lehˇ, ngaˇ aˬ joˆ-ehˇ siˬ nya nmˇ. Nga nyaꞈ dzeˇ zaˬ nyiˬ gʼaˬ luꞈ mawˬ dui dui laˇ-euˬ ma.”

Luˇkaꞈ 1:37

Miˬyehˇ maˬ jahˇ nya-eu tiˬ jeˬ-iˬ maˬ jaˆ-a.”

Luˇkaꞈ 8:50

Ehˇ kʼawꞈ, dawˬ kʼoeˇ dawˬ-ahˇ Yeˬsuˇ ya gaˬ ngeh, Yaˬiˇluˆ-ahˇ ehˇnehˬ-eu, “Kʼahˬ taˬ lahˇ. Jah-eu nui ma ahˇ naˇ gʼaˬ-aˇ. Aˬ yawꞈ jawˇ saˇ doˆ laˇ tehꞈ-a.”

Lormav 4:21

Miˬyehˇ-aˬ, saˇ jaˇ kʼaˇ dzaˬ taˬ-euˬ loꞈ-ehˇ mˇ byah nya meh lehˇ aˬ yawꞈ ziˬ dah ni jah-euˬ meh.

Eˇpeˇsu 3:20

Aˬ dui maˬ noeˬ keuˆ maˬ shaˇ keuˆ nya gaˇ keuˆ ni, aˬ dui laꞈ kʼoeˇ gaˇ mˇ luꞈ-eu aˬ yawꞈ-euˬ baoˬ-ahˇ gʼoe-awˇ biꞈ byah nehˬ laꞈ nya-eu gʼaˬ pyeuꞈ-eu

Dawˬmehˬ 30:3

nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ gʼawˬ shaˬ gaˬ tehꞈ-a. Aˬ yawꞈ neh nawˬ-ahˇ bi cehˆ byaˆ-euˬ miˇ kʼahˬ laꞈ kʼoeˇ neh aˬ yawꞈ nawˬ-ahˇ paˇ sheuˬ kʼoꞈ laꞈ-awˇ, bi baw bi za le tehꞈ-a.

Dawˬmehˬ 7:21

Kʼoeˇ miˇ neh, tsawˇ haˬ kʼoeˇ deuˬ-ahˇ naw maꞈ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ nehˬ-ehˇ jawˇ meh. Aˬ yawꞈ-aˬ, huiˬ dui dui-eu Miˬyehˇ pyeuꞈ-awˇ, guˆ laˇ paˬ-ehˇ gʼeh-eu meh.

Piˇliˇpiˆ 3:21

Kʼaˇ jawˇ kʼaˇ jaˆ-eu jeˬ dawˬ tawˆ luꞈ, aˬ yawꞈ uˆ lahˇ-eu uˬ moˆ bi jawˇ ni jahˇ nya-eu aˬ yawꞈ-euˬ baoˬ kʼoeˇ-ahˇ gʼoe-awˇ, buꞈ-iˇ cehˇ-iˇ nya-eu aˬ dui-euˬ gʼawˇ mawˇ heu-ahˇ, yaw shehꞈ kʼahˬ sehˇ byah-eu aˬ yawꞈ-euˬ gʼawˇ mawˇ-ahˇ duˇ leˇ ni beˬ paˇ nehˬ laꞈ tehꞈ-a.

Piˇliˇpiˆ 4:13

Aˬ geu jeˬ keuˆ le-eu maˬ kaˬ, Ka li neh ngaˬ-ahˇ biꞈ laꞈ-euˬ baoˬ-ahˇ gʼoe-awˇ ciˬ daˬ coeˇ ma.

HeˬByehˇ 11:19

Iˇtsaˆ-ahˇ shiˇ-eu jeˬ laꞈ kʼoeˇ Miˬyehˇ bi gʼoꞈ dehꞈ laˇ nya meh lehˇ Aˬbyaˬhaˬnoeˬ-euˬ meh. Dawˬ yehˆ zmˬ-awˇ ya ehˇ naˇ, Iˇtsaˆ shiˇ dzeuˇ-euˬ paˇ za kʼoꞈ-euˬ gaˇ duˇ-eu meh.

Yaˇ kʼaˬ daˇ 13:3

Sahˬpaˬ Miˬyehˇ-euˬ gʼaˬ kʼehˇ miˬ zaˬ gʼaˬ jawˇ gaˇ oe-awˇ ehˇ-eu, “Nawˇ-aˬ, zaˬ tiˬ gʼaˬ-iˬ maˬ jawˇ le haw-aˬ. Ehˇ kʼawꞈ, gʼawˬ myahˇ maˬ gʼeh-ehˇ nawˇ aˬ nyiˇ pi leˇ-awˇ, aˬ li tiˬ li ya ciˬ tehꞈ-a.

1 Saˬmeuˬlaˆ 14:6

Aˬ yawꞈ-euˬ guiˇ deuˆ-eu keu ka baꞈ luꞈ-eu zaˬ guˬ kʼoeˇ gʼaˬ-ahˇ Yawˇnaˆshaˬ ehˇ nehˬ-eu, “Sahˬpaˬ Miˬyehˇ-ahˇ maˬ siˬ nya-eu Piˇliˇtiˆ tsawˇ haˬ kʼoeˇ deuˬ-euˬ taˆ-ahˇ aˇ nyaꞈ le tsehˆ haw kaˇ-euˇ. Sahˬpaˬ Miˬyehˇ aˇ nyaꞈ-ahˇ caw ba nehˬ laꞈ-eu duˇ. Aˬ dui-euˬ tsawˇ haˬ aˇ naˆ ni cuiˆ kʼawꞈ, aˬ yawꞈ caw ba nehˬ laꞈ-awˇ, aˬ dui gʼaˬ leˇ ni aˬ yawꞈ jahˇ naˇ, tiˬ jeˬ-iˬ maˬ laˆ tsoeˬ nya-aˇ.”