Aˇ dahˬ 17:13 - Akha

¹³ Yawˬ gʼaˬ na luꞈ baˆ kʼoˆ mehˬ dzaˬ ya yehˬ-awˇ, heu loꞈ-ehˇ mˇ-eu jeˬ-aˬ, ngaˇ hawˇ-eu naw maꞈ yaw kaˬ-ahˇ dzaˬ taˬ-euˬ dawˬ ma saˇ jaˇ heu hmˬ, mˬ maˬ maˬ byaˆ zaˇ ziˇ ziꞈ-eu gaˇ kawˆ saˇ kiˇ pyeuꞈ-eu meh.

Aˇ dahˬ 17:13 ပူးပေါင်းရင်းမြစ်များ

Aˇ dahˬ 14:14

Lawˇtaˬ-ahˇ aˬ cawˬ nyehꞈ gʼeh-euˬ gaˇ kawˆ Aˬbyaˬ ya gaˬ ngeh, aˬ yawꞈ nehˬ-ehˇ jawˇ-eu guiˇ kʼaˇ deuˆ nya-eu tsawˇ haˬ deuˬ kuˇ uiˬ-euˬ meh. Guiˇ deuˆ-eu tsawˇ haˬ dawˬ tawˆ luꞈ smˬ yaˇ tseˇ yehꞈ gʼaˬ doˆ laˇ-awˇ, sahˬ paˬ kʼoeˇ oeˬ gʼaˬ-euˬ mehˬ nah Daˬ meuˬ-ahˇ keuˆ ni caw teh-euˬ meh.

Aˇ dahˬ 15:3

Nawˇ ngaˬ-ahˇ zaˬ maˬ bi jawˇ le-euˬ miˇ neh, ngaˬ-euˬ pyuˇ shuiˇ myawˬ gahˬ dawˬ tawˆ luꞈ ngaˬ-euˬ zaˬ kʼaˆ-euˬ jeˬ biˇ ya bi pyeuꞈ jiˇ meh. Nawˇ ngaˬ-ahˇ guiˬ lahˬ aˬ geu jeˬ paˇ biꞈ-eu gʼeh te” lehˇ ehˇ kʼoꞈ nehˬ-euˬ meh.

Aˇ dahˬ 17:7

“Nawˬ nehˬ-ehˇ maˬ ehˇ, aˬ kaˇ dehꞈ le jawˇ le-eu nawˬ-euˬ zaˬ nawˬ-euˬ uˆ deuˬ nehˬ-ehˇ maˬ ehˇ, ngaˇ dzaˬ taˬ-euˬ dawˬ ma saˇ jaˇ heu hmˬ-aˬ, mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ pyeuꞈ-eu ma. Ngaˇ-aˬ, nawˬ-euˬ Miˬyehˇ hawˇ-eu nawˬ-euˬ zaˬ deuˬ uˆ deuˬ-euˬ Miˬyehˇ pyeuꞈ-eu ma.

Aˇ dahˬ 37:27

Iˇshaˬmeˬlaˇ tsawˇ haˬ deuˬ-ahˇ ahˬ nehˬ kaˇ-euˇ. Kʼoeˇ loꞈ-ehˇ jahˇ naˇ, aˬ yawꞈ-euˬ uˬ kʼawˇ-ahˇ aˬ dui toeˬ ciˆ-eu maˬ loˬ-aˇ. Aˬ diˇ aˬ maˇ ehˇ leꞈ naˇ, aˬ yawꞈ-aˬ aˬ dui-euˬ shiˬ shaˬ, aˬ dui-euˬ aˬ nyiˇ tsi tsi ni gʼeh-eu miˇ neh, sehꞈ-eu maˬ tsaˬ-aˇ.” Yuˇdaˆ kʼoeˇ loꞈ-ehˇ ehˇ gaˇ, aˬ ha mehˇ nmˇ dawˬ tawˆ luꞈ nui ma tsaˬ-euˬ meh.

Aˇ dahˬ 37:36

Aˇ yamˬ kʼoeˇ yamˬ laꞈ kʼoeˇ, Iˇjiˇtuˆ miˇ kʼahˬ-ahˇ iˇ keuˆ-euˬ Miˇdiˬyaˬ tsawˇ haˬ baw gaꞈ kʼoeˇ deuˬ, Iˇjiˇtuˆ sahˬ paˬ-euˬ nymˇ-ahˇ loꞈ piˇ-eu guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ pyeuꞈ-eu Pawˇtiˇpaˬ-euˬ aˬ laꞈ laꞈ kʼoeˇ, Yoˇsehˆ-ahˇ ahˬ ahˇ nehˬ-euˬ meh.

Aˇ dahˬ 39:1

Iˇshaˬmeˬlaˇ tsawˇ haˬ deuˬ Yoˇsehˆ-ahˇ Iˇjiˇtuˆ miˇ kʼahˬ laꞈ kʼoeˇ sheuˬ gʼeh-awˇ, Iˇjiˇtuˆ sahˬ paˬ-euˬ gaˇ mˇ-eu yaw huiˬ yaw mahˇ tiˬ gʼaˬ pyeuꞈ-eu, sahˬ paˬ-euˬ nymˇ-ahˇ loꞈ-eu guiˇ maꞈ-ahˇ uˆ lahˇ-eu Pawˇtiˇpaˬ-ahˇ ahˬ nehˬ-euˬ meh.

Aˇ dahˬ 9:16

Mˬ dmˇ laꞈ kʼoeˇ aˇ deˇ leˇ kʼah tsehˬ gaˇ ngaˇ ya mawˇ ngeh, ngaˇ hawˇ-eu miˇ tsaˬ kʼoeˇ taˆ kʼaˇ dehꞈ kʼaˇ jawˇ-eu jeˬ dawˬ tawˆ luꞈ yaw kaˬ-ahˇ, mˬ maˬ maˬ byaˆ zaˇ ziˇ dzaˬ taˬ-euˬ dawˬ ma saˇ jaˇ-ahˇ ngaˇ noeˬ mawˇ ma.

Neˬhaˬmiˇ 5:5

Nga maꞈ kʼawꞈ aˬ cawˬ loꞈ-ehˇ Yuˇdaˆ tsawˇ haˬ pyeuꞈ-eu ma. Nga maꞈ-euˬ aˬ buˇ aˬ li deuˬ kʼawꞈ, aˬ yawꞈ maꞈ-euˬ aˬ buˇ aˬ li loꞈ-ehˇ muiˬ-eu ma. Ehˇ kʼawꞈ, nga maꞈ-euˬ zaˬ deuˬ-ahˇ aˬ cawˬ zaˬ kʼaˆ bi geuꞈ taˬ-euˬ ma. Nga maꞈ-euˬ aˬ buˇ tiˬ paˆ na deuˬ-ahˇ ahˬ dzaˬ-awˇ aˬ cawˬ zaˬ kʼaˆ bi geuꞈ taˬ-euˬ ma. Nga maꞈ-euˬ deh yaˇ deuˬ hawˇ-eu aˬ gaꞈ yaˇ kmˇ deuˬ aˬ cawˬ neh bi yuˇ geuꞈ jiˇ-euˬ miˇ neh tiˬ jeˬ-iˬ maˬ paˇ gʼeh nya miˇ-a.”

Neˬhaˬmiˇ 5:8

heu loꞈ-ehˇ ehˇ nehˬ-euˬ ma. “Maˬ gʼeh nya-ehˇ pyeuꞈ laˇ-awˇ aˬ cawˬ tsawˇ jeuˬ-euˬ laꞈ-ahˇ ahˬ ahˇ nehˬ-eu lehˇ gʼeh-eu Yuˇdaˆ tsawˇ haˬ deuˬ-ahˇ aˬ dui kʼaˇ gʼeh nya-eu loꞈ-ehˇ zeuˇ kʼoꞈ nehˬ-euˬ ma. Nymˬ-mˇ poˆ jawˇ-aˬ, yawˬ ha tsawˇ jeuˬ pyeuꞈ-eu Yuˇdaˆ tsawˇ haˬ-ahˇ yawˬ ha paˇ zeuˇ geuꞈ-eu lehˇ naw maꞈ leh jeh luꞈ-eu nga laˬ.” Aˬ yuiꞈ aˬ tsu kʼoeˇ deuˬ ciˬ cuˇ ni jawˇ-awˇ tiˬ jeˬ-iˬ maˬ ngehˬ maˬ tmˇ nya ni pyeuꞈ-iˇ-euˬ meh.

Doˆ-iˇ 12:44

Ehˇ kʼawꞈ, naw maꞈ neh zeuˇ tsehˆ-awˇ, baˆ kʼoˆ mehˬ dzaˬ yehˬ gʼaˬ-euˬ zaˬ kʼaˆ deuˬ, Bawˬ-iˬ heu hmˬ dzaˬ gaˇ uˇ leˇ nya meh.

Doˆ-iˇ 21:16

“Ahˬ dzaˬ-eu gʼaˇ duˬ maˬ ehˇ, yawˬ ha-euˬ zaˬ kʼaˆ bi geuꞈ-eu gʼaˇ duˬ maˬ ehˇ, tsawˇ haˬ-ahˇ kʼoeˬ-eu tsawˇ haˬ aˬ geu gʼaˬ maˬ kaˬ, sehꞈ nehˬ gaˇ ya daˬ tehꞈ-a.

Doˆ-iˇ 21:2

Heˬbyehˇ tsawˇ haˬ zaˬ kʼaˆ tiˬ gʼaˬ nawˇ zeuˇ naˇ, zaˬ kʼaˆ kʼoeˇ gʼaˬ nawˬ-euˬ gʼaˇ duˬ gaˇ koꞈ kʼoꞈ ya mˇ tehꞈ-a. Shiꞈ kʼoꞈ keuˆ laˇ naˇ, zaˬ kʼaˆ kʼoeˇ gʼaˬ-ahˇ nawˇ tiˬ jeˬ-iˬ maˬ shaˇ ni, yawꞈ ngehꞈ-ehˇ ya pyehˬ kʼoꞈ nehˬ meh.

Doˆ-iˇ 21:4

Yaw sahˇ gʼaˬ aˬ yawꞈ-ahˇ cawˬ shaˇ baw nehˬ-awˇ, aˬ buˇ aˬ li jawˇ le naˇ, aˬ yawꞈ-euˬ miˬ zaˬ gʼaˬ hawˇ-eu zaˬ deuˬ-aˬ, yaw sahˇ gʼaˬ-ahˇ taꞈ-awˇ, aˬ yawꞈ tiˬ gʼaˬ tehꞈ-ehˇ ya gʼoꞈ-iˇ tehꞈ-a.

Uˬ duˬ 22:11

Ehˇ kʼawꞈ, piˇ ma neh zeuˇ tsehˆ gʼaˬ-euˬ zaˬ kʼaˆ maˬ ehˇ, piˇ ma-euˬ nymˇ-ahˇ dehꞈ le-euˬ zaˬ kʼaˆ maˬ ehˇ, piˇ ma-euˬ dzaˇ deuˬ dzaˬ kʼmˬ meh.

Maꞈtehˬ 18:25

Zaˬ kʼaˆ kʼoeˇ gʼaˬ dziˇ dzoˆ maˬ tsoeˬ tsehˆ nya-a. Kʼoeˇ miˇ neh, aˬ yawꞈ-euˬ gʼawˇ mawˇ hawˇ-eu aˬ yawꞈ-euˬ miˬ sawˇ zaˬ dawˬ tawˆ luꞈ maˬ ehˇ, a yawꞈ kʼaˇ jaˆ-eu jeˬ dawˬ tawˆ luꞈ maˬ ehˇ, ahˬ dzeh jiˇ-awˇ, dziˇ dzoˆ bi tsoeˬ tsehˆ-eu gʼaˇ duˬ sahˬ paˬ neh dawˬ biꞈ-euˬ meh.