Aˇ dahˬ 16:6 - Akha

⁶ Aˬbyaˬ gʼeh, “Ngeuˇ tehꞈ-a. Aˬ yawꞈ nawˬ-euˬ zaˬ kʼaˆ pyeuꞈ-eu loꞈ-ehˇ, nawˇ naꞈ-i jaˆ-awˬ. Nawˇ aˬ yawꞈ-ahˇ aˬ joˆ-ehˇ jahˇ nehˬ mawꞈ te lehˇ jahˇ nehˬ-awˬ” lehˇ ehˇ kʼoꞈ nehˬ-euˬ meh. Kʼoeˇ naˇ, Haˬgaˬlaˇ-ahˇ Saˬlehˇ yaw kʼaˆ-ehˇ kʼehˬ nehˬ-euˬ miˇ neh, Haˬgaˬlaˇ cehˆ-euˬ meh.

Aˇ dahˬ 16:6 ပူးပေါင်းရင်းမြစ်များ

Aˇ dahˬ 16:9

“Aˬ yawꞈ jawˇ gaˇ gʼoꞈ leˇ-awˇ, aˬ yawꞈ-euˬ zaˬ kʼaˆ paˇ geuꞈ kʼoꞈ leˇ-awˬ” lehˇ, Sahˬpaˬ Miˬyehˇ-euˬ gʼaˬ kʼehˇ kʼoeˇ gʼaˬ Haˬgaˬlaˇ-ahˇ ehˇ nehˬ-euˬ meh.

Aˇ dahˬ 24:10

Aˬbyaˬhaˬ-euˬ pyuˇ shuiˇ myawˬ gahˬ dawˬ tawˆ luꞈ-ahˇ haw-eu pyaˆ-eu zaˬ kʼaˆ kʼoeˇ gʼaˬ, Aˬbyaˬhaˬ-euˬ law taw tseˇ mawˇ teh-awˇ, Maˬsoˬpoˬtaˬmiˇ miˇ kʼahˬ laꞈ taˆ paw jaˆ-eu Naˬkawˬ jawˇ-eu meuˬ-ahˇ le-euˬ meh.

Yawˇbaˆ 2:6

Kʼoeˇ ngeh, Saˬdaˬ-ahˇ Sahˬpaˬ Miˬyehˇ ehˇ nehˬ-eu, “Muiˬ tehꞈ-a. Nymˬ-mˇ aˬ yawꞈ-euˬ gʼawˇ mawˇ nawˬ-euˬ aˬ laꞈ laꞈ kʼoeˇ jaˆ luꞈ-eu miˇ neh, nawˇ jahˇ mawꞈ-eu loꞈ-ehˇ jahˇ nya tehꞈ-a. Ehˇ kʼawꞈ, aˬ yawꞈ-ahˇ nawˇ maˬ ya laˆ sehꞈ ni yahˇ-awˬ.”

Doˆ-iˇ 2:15

Gaˇ kawˆ kʼoeˇ sahˬ paˬ ya gaˬ ngeh, Moˇseˬ-ahˇ sehꞈ-eu lehˇ poˆ-euˬ meh. Ehˇ kʼawꞈ, Miˇdiˬyaˬ miˇ kʼahˬ-ahˇ Moˇseˬ cehˆ leˇ-awˇ jawˇ-euˬ meh. Tiˬ nah-aˬ, lah duˬ tiˬ duˬ dawˬ peh Moˇseˬ nuiˇ luꞈ-eu meh.

Dawqdaq 14:29

Oˇ dzeuˇ nya-eu tsawˇ haˬ zaˬ siˬ tsawˇ gahˇ byah-awˇ, nui ma yaw suˬ deuˬ yawˬ ha-euˬ yaw lehˬ pah pyehˬ-eu meh.

Dawqdaq 15:1

Dawˬ nahˬ nui pehˇ laˆ awˆ-awˇ, dawˬ kʼaˆ nui pehˇ laˆ nyehˆ-eu meh.

Dawqdaq 27:8

Iˇ kahˇ byehˇ-awˇ cah byoˆ-euˬ tsawˇ haˬ-aˬ, bahˬ-ahˇ gaˇ mahˇ zaw kaˬ-euˬ aˇ jiˇ zaˬ-ahˇ duˇ-eu meh.

Dawqdaq 29:19

Zaˬ kʼaˆ-ahˇ kʼaˬ meh mehˬ boeˬ neh maˬ mehˬ paˇ nya-a. Aˬ yawꞈ gʼoˆ shaw nya kʼawꞈ, naˬ bawˇ-ahˇ maˬ ahˇ leˇ-a.

Dawˬ tsoˆ 10:4

Sahˬ paˬ sahˬ ma nawˬ-ahˇ nui ma maˬ saˇ ngeh, nawˬ-ahˇ biꞈ taˬ-euˬ gaˇ maˬ mˇ ni taˬ byehˇ dzeh. Ciˬ cuˇ ni jawˇ-eu jeˬ-aˬ, huiˬ-eu iˬ baˇ bi buˬ-iˇ nya-eu meh.

Yeˬlaˬmiˇ 38:5

Kʼoeˇ ngeh, sahˬ paˬ Zeˬdaˬkiˇ ehˇ-eu, “Muiˬ tehꞈ-a. Naw maꞈ aˬ yawꞈ-ahˇ kʼaˇ jahˇ nehˬ mawꞈ-eu loꞈ-ehˇ jahˇ nehˬ-awˬ. Ngaˇ naw maꞈ-ahˇ aˬ joˆ-ehˇ paˇ laˆ tsoeˬ nya nmˇ.”

Yawˇshuˆ 9:25

Nymˬ-mˇ naw maꞈ-euˬ baoˬ uˬ moˆ nga maꞈ jawˇ luꞈ-eu ma. Naw maꞈ neh tsaˬ meh lehˇ kʼaˇ noeˬ-euˬ loꞈ-ehˇ nga maꞈ-ahˇ jahˇ nehˬ laꞈ-awˬ.”

1 Beˬtuˆluˆ 3:7

Kʼoeˇ loꞈ-ehˇ duˇ ni, kʼaˬ dzeˇ zaˬ deuˬ kʼawꞈ, zaˬ miˬ zaˬ-aˬ kʼaˬ dzeˇ zaˬ naˆ maˬ tseˇ gʼaˬ baˬ-eu meh lehˇ siˬ nya-eu laꞈ kʼoeˇ, yawˬ ha-euˬ miˬ zaˬ nehˬ-ehˇ dehꞈ-awˬ. Aˬ yawꞈ maꞈ-ahˇ yaw zeu baw-awˬ. Aˬ jeˬ miˇ neh ehˇ naˇ, aˬ yawꞈ maꞈ gʼeh naw maꞈ nehˬ-ehˇ tiˬ kawˆ loꞈ-ehˇ Miˬyehˇ neh biꞈ laꞈ-euˬ yaw dehꞈ dehꞈ-eu guiˬ lahˬ yaw dzahˇ jeˬ biˇ za tehꞈ-a. Kʼoeˇ loꞈ-ehˇ yaw zeu baw naˇ, naw maꞈ guiˬ lahˬ shaˇ gaˇ laˆ tsoeˬ-eu tiˬ jeˬ-iˬ ma jaˆ-aˇ.