Aˇ dahˬ 16:14 - Akha

¹⁴ Kʼoeˇ miˇ neh, Kaˬdeˬshaˇ meuˬ hawˇ-eu Beˬyehˆ meuˬ yaw kaˬ-ahˇ jaˆ-eu lah duˬ kʼoeˇ duˬ-ahˇ, “Ngaˬ-ahˇ haw piˇ-eu dehꞈ luꞈ-eu gʼaˬ-euˬ lah duˬ” lehˇ aˬ cawˬ kuˇ-eu meh.

Aˇ dahˬ 16:14 ပူးပေါင်းရင်းမြစ်များ

Aˇ dahˬ 14:7

Kʼoeˇ naˇ, aˬ yawꞈ maꞈ naˇ kʼah paw paˇ gʼoꞈ kʼoꞈ laˇ-awˇ, Kaˬdeˬshaˇ meuˬ-ahˇ iˇ-euˬ meh. Kʼoeˇ ngeh yamˬ-ahˇ, Kaˬdeˬshaˇ meuˬ-ahˇ Eˬmiˇshaˬpaˇ meuˬ lehˇ kuˇ-euˬ meh. Aˬ yawꞈ maꞈ-aˬ, Aˬmaˬlehˇ miˇ kʼahˬ kʼahˬ lah ni-ahˇ maˬ ehˇ, Haˬzaˬzoˇdaˬ -maˇ meuˬ-ahˇ jawˇ-eu Aˬmawˇliˆ tsawˇ jeuˬ-ahˇ maˬ ehˇ, deuˆ gʼaˬ-euˬ meh.

Aˇ dahˬ 16:15

Aˬbyaˬ-euˬ gʼaˇ duˬ Haˬgaˬlaˇ aˬ li tiˬ li ciˬ-euˬ meh. Aˬ li kʼoeˇ li-ahˇ Iˇshaˬmeˬlaˇ lehˇ Aˬbyaˬ myahˇ nehˬ-euˬ meh.

Aˇ dahˬ 21:19

Kʼoeˇ naˇ, Haˬgaˬlaˇ-euˬ myaˆ nuiˆ-ahˇ Miˬyehˇ pah nehˬ-awˇ, lah duˬ tiˬ duˬ-ahˇ aˬ yawꞈ ya mawˇ-euˬ meh. Aˬ yawꞈ iˇ-awˇ, shaˬ kʼoˆ iˇ puˬ tiˬ byah ni iˇ cuꞈ kʼawꞈ laˬ-iˇ-awˇ, aˬ li-ahˇ bi dawˇ-euˬ meh.

Aˇ dahˬ 21:31

Kʼoeˇ miˇ neh, jawˇ duˬ kʼoeˇ tsahˇ-ahˇ Beˬlaˇsheˬba lehˇ kuˇ-euˬ meh. Aˬ jeˬ miˇ neh ehˇ naˇ, jawˇ duˬ kʼoeˇ tsahˇ-ahˇ aˬ yawꞈ nyaꞈ saˇ jaˇ dzaˬ taꞈ-euˬ meh.

Aˇ dahˬ 24:62

Aˇ yamˬ kʼoeˇ yamˬ laꞈ kʼoeˇ, Iˇtsaˆ-aˬ, “Ngaˬ-ahˇ mawˇ-euˬ dehꞈ luꞈ-eu gʼaˬ-euˬ lah duˬ” lehˇ kuˇ-eu bawˇ tsahˬ bawˇ dahˇ kʼoeˇ tsahˇ-ahˇ oe-awˇ, Kaˬnaˬ miˇ kʼahˬ laꞈ oˆ paw dzaˬ-ahˇ jawˇ luꞈ-eu meh.

Aˇ dahˬ 25:11

Aˬbyaˬhaˬ shiˇ dzeuˇ ngeh, “Ngaˬ-ahˇ mawˇ-euˬ Dehꞈ luꞈ-eu gʼaˬ-euˬ lah duˬ” lehˇ kuˇ-eu jawˇ duˬ-ahˇ jawˇ luꞈ-eu Aˬbyaˬhaˬ-euˬ aˬ li Iˇtsaˆ-ahˇ, Miˬyehˇ guiˬ lahˬ biꞈ nehˬ-euˬ meh.

Bawˇtsahˬ 13:26

Paˬlaˬ bawˇ tsahˬ bawˇ dahˇ laꞈ kʼoeˇ, Kaˬdeˬshaˇ lehˇ kuˇ-eu jawˇ duˬ-ahˇ, Moˇseˬ, Aˬloˬ hawˇ-eu Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ jawˇ gaˇ aˬ yawꞈ maꞈ gʼoꞈ keuˆ le-euˬ meh. Aˬ yawꞈ maꞈ neh kʼaˇ ya mawˇ yaꞈ-euˬ jeˬ gaˇ kawˆ dzawˇ mehˬ-awˇ, aˬ yawꞈ maꞈ neh yuˇ kʼoꞈ leꞈ-euˬ aˇ siˬ deuˬ kʼawꞈ, mehˬ nehˬ-euˬ meh.