Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aˇ dahˬ 15:9 - Akha

9 Kʼoeˇ ngeh, “Smˇ kʼoꞈ byah laˇ-euˬ mawˇ neˇ mawˇ kʼaˇ tiˬ mawˇ, smˇ kʼoꞈ byah laˇ-euˬ ciꞈ myehꞈ tiˬ mawˇ, smˇ kʼoꞈ byah laˇ-euˬ yawˇ aˬ buˬ tiˬ mawˇ, kʼaˬ kʼoeˬ tiˬ mawˇ, kʼaˬ guˬ tiˬ mawˇ, heu deuˬ ngaˬ-euˬ gʼaˇ duˬ yuˇ laꞈ-awˬ” lehˇ, Aˬbyaˬ-ahˇ Sahˬpaˬ Miˬyehˇ ehˇ nehˬ-euˬ meh.

အခန်းကိုကြည့်ပါ။ ကော်ပီ




Aˇ dahˬ 15:9
18 ပူးပေါင်းရင်းမြစ်များ  

Jeˬ zaˬ kʼoeˇ deuˬ-ahˇ Miˬyehˇ jawˇ gaˇ Aˬbyaˬ yuˇ laꞈ-awˇ, gʼawˇ pah-ahˇ neh deuˆ tm-awˇ, uˬ duˬ tiˬ tsehˆ, dawˬ dahˬ tiˬ tsehˆ lehˇ, kʼoeˇ paˆ maˇ paˆ-ehˇ nyiˬ cehˆ baw-ehˇ bi jaˆ-euˬ meh. Ehˇ kʼawꞈ, aˇ jiˇ deuˬ-ahˇ aˬ yawꞈ maˬ deuˆ tm ni bi jaˆ-euˬ meh.


Ehˇ kʼawꞈ, “Dawˬ tawˆ luꞈ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, miˇ kʼahˬ heu kʼahˬ-ahˇ ngaˇ za-euˬ gaˇ kawˆ aˬ joˆ-ehˇ ya siˬ nmˇ” lehˇ, Sahˬpaˬ Miˬyehˇ-ahˇ Aˬbyaˬ naˇ haˬ-euˬ meh.


Aˬbyaˬhaˬ jawˬ jawˬ-ehˇ haw gʼeh ngeh, baw duˆ-ahˇ uˬ coeˇ lahˇ leˇ taˬ-awˇ jawˇ-eu yawˇ aˬ buˬ tiˬ mawˇ-ahˇ ya mawˇ-euˬ meh. Yawˇ kʼoeˇ mawˇ-ahˇ aˬ yawꞈ paꞈ laˬ-iˇ-awˇ, aˬ yawꞈ aˬ li-euˬ dah zaˇ, miˬ dzaˬ-ahˇ dzah puiˆ-awˇ lawˇ-eu jeˬ Sahˬpaˬ Miˬyehˇ-ahˇ lawˇ nehˬ-euˬ meh.


Lawˇ-eu shehˇ-eu laꞈ kʼoeˇ ngaˬ nehˬ-ehˇ dawˬ ma saˇ jaˇ dzaˬ taꞈ-euˬ, ngaˬ-ahˇ saˇ jaˇ ziꞈ-eu ngaˬ-euˬ tsawˇ haˬ deuˬ ngaˇ jawˇ gaˇ uiˬ laˇ-awˬ lehˇ aˬ yawꞈ ehˇ-eu meh.


Bawˇ tsahˬ-ahˇ sahˬ lahˬ aˇ yehˆ poˬ dui dui luꞈ-eu nga. Yaˇ dzeˇ kʼaˬ kʼoeˬ duˬ duˇ duˇ luꞈ miˇ-a. Dawˬ caˇ caˇ-eu aˇ yamˬ miˇ-a.


Mawˇbaˆ miˇ kʼahˬ gʼaˇ duˬ ngaˬ-euˬ nui ma laꞈ kʼoeˇ ngoeˇ luꞈ-eu ma. Aˬ yawꞈ maꞈ Ziˇoˬ meuˬ-ahˇ cehˆ leˇ-awˇ, Eˇgaˬlaˆsheˬliˇshahˬ meuˬ-ahˇ cehˆ keuˆ-euˬ meh. Tiˬ paˆ na deuˬ Luˇhiˆ gaˬ daˆ-ahˇ ngoeˇ ngoeˇ-ehˇ daˆ-awˇ, Hawˇloˬneˬ gaˇ ma caw caw-ehˇ, yaw kʼaˆ-ehˇ ngoeˇ ngoeˇ-ehˇ tiˬ deuˬ cah-eu meh.


Tsawˇ haˬ tiˬ gʼaˬ na, yawˬ ha-euˬ yawˇ maˬ ehˇ, ciꞈ myehꞈ maˬ ehˇ, lawˇ mawꞈ naˇ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ ya lawˇ meh.


Tsawˇ haˬ tiˬ gʼaˬ na, aˇ jiˇ tiˬ mawˇ yuˇ-awˇ, miˬ dzaˬ-ahˇ dzah puiˆ-awˇ lawˇ-eu jeˬ lawˇ mawꞈ naˇ, kʼaˬ kʼoeˬ maˬ ngeuˇ naˇ kʼaˬ guˬ ya lawˇ meh.


Miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ lawˇ mawꞈ naˇ, maˇ byawꞈ maˬ baw-eu mawˇ neˇ mawˇ gaw tiˬ mawˇ aˬ yawꞈ ya tsahˇ laꞈ meh. Aˬ yawꞈ neh lawˇ nehˬ-euˬ jeˬ-ahˇ Sahˬpaˬ Miˬyehˇ bi ha geuꞈ-eu gʼaˇ duˬ, mawˇ neˇ kʼoeˇ mawˇ-ahˇ, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ ya tsahˇ keuˆ laꞈ meh.


Aˬ li ciˬ-euˬ maˬ ehˇ, aˬ buˇ ciˬ-euˬ maˬ ehˇ, shawˇ laˇ-eu aˇ nah aˇ yamˬ keuˆ laˇ ngeh, miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ, tiˬ myaˇ byah laˇ-euˬ yawˇ zaˬ tiˬ mawˇ hawˇ-eu, iˬ baˇ shawˇ-eu lawˇ-eu jeˬ lawˇ-eu gʼaˇ duˬ, kʼaˬ kʼoeˬ maˬ ngeuˇ naˇ kʼaˬ guˬ tiˬ mawˇ Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ, piˇ ma jawˇ gaˇ aˬ yawꞈ ya yuˇ laꞈ-eu meh.


Zaˬ miˬ zaˬ kʼoeˇ gʼaˬ yawˇ zaˬ maˬ jawˇ naˇ, kʼaˬ kʼoeˬ nyiˬ mawˇ, maˬ ngeuˇ naˇ kʼaˬ guˬ nyiˬ mawˇ ya yuˇ laꞈ meh. Miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ tiˬ mawˇ lawˇ-awˇ, iˬ baˇ shawˇ-eu lawˇ-eu jeˬ gʼaˇ duˬ tiˬ mawˇ ya lawˇ meh. Kʼoeˇ naˇ, aˬ yawꞈ laꞈ kʼoeˇ maˬ shawˇ-eu jeˬ bi shawˇ laˇ-eu zahˇ piˇ ma gʼaˬ mˇ-awˇ, ya bi shawˇ laˇ-eu meh.


Kʼaˬ kʼoeˬ nyiˬ mawˇ, maˬ ngeuˇ naˇ, kʼaˬ guˬ nyiˬ mawˇ aˬ yawꞈ ya yuˇ laꞈ meh. Iˬ baˇ shawˇ-eu lawˇ-eu jeˬ gʼaˇ duˬ tiˬ mawˇ hawˇ-eu, miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ tiˬ mawˇ meh.


Kʼoeˇ naˇ, tsawˇ haˬ kʼoeˇ gʼaˬ kʼaˇ gʼeh nya-eu loꞈ-ehˇ, kʼaˬ kʼoeˬ nyiˬ mawˇ maˬ ngeuˇ naˇ, kʼaˬ guˬ nyiˬ mawˇ yuˇ-awˇ, heu loꞈ-ehˇ ya lawˇ meh.


Tsawˇ haˬ tiˬ gʼaˬ na, cawˬ cawˬ taꞈ-eu lawˇ-eu jeˬ gʼaˇ duˬ mawˇ neˇ lawˇ mawꞈ naˇ, maˇ byawꞈ maˬ baw-eu mawˇ gaw maˬ ngeuˇ naˇ, maˇ byawꞈ maˬ baw-eu mawˇ ma ya lawˇ meh.


Cawˬ cawˬ taꞈ-eu lawˇ-eu jeˬ gʼaˇ duˬ, yawˇ maˬ ehˇ, ciꞈ myehꞈ maˬ ehˇ, lawˇ naˇ, aˬ buˬ kʼawꞈ muiˬ, aˬ ma kʼawꞈ muiˬ, geuꞈ nya meh. Ehˇ kʼawꞈ, maˇ byawꞈ maˬ ya bi baw-a.


Aˬloˬ-ahˇ Moˇseˬ ehˇ nehˬ-eu, “Maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ hawˇ-eu maˇ byawꞈ maˬ baw-eu yawˇ aˬ buˬ tiˬ mawˇ tsahˇ-awˇ, Sahˬpaˬ Miˬyehˇ-ahˇ lawˇ nehˬ-awˬ. Mawˇ neˇ mawˇ-ahˇ iˬ baˇ shawˇ-eu lawˇ-eu jeˬ gʼaˇ duˬ lawˇ-awˇ, yawˇ mawˇ-ahˇ miˬ dzaˬ dzah puiˆ-awˇ lawˇ-eu jeˬ gʼaˇ duˬ lawˇ-awˬ.


Cawˬ cawˬ taꞈ-eu lawˇ-eu jeˬ lawˇ-eu gʼaˇ duˬ kʼawꞈ, mawˇ neˇ mawˇ gaw tiˬ mawˇ hawˇ-eu, yawˇ aˬ buˬ tiˬ mawˇ tsahˇ laꞈ-awˬ lehˇ aˬ yawꞈ maꞈ-ahˇ ehˇ nehˬ-awˬ. Jeˬ zaˬ kʼoeˇ deuˬ-ahˇ, tsiˇ keuˬ-euˬ dzaˬ dzaˬ dawˇ dawˇ lawˇ-eu jeˬ nehˬ-ehˇ, Sahˬpaˬ Miˬyehˇ-ahˇ aˬ yawꞈ maꞈ ya lawˇ nehˬ meh. Aˬ jeˬ miˇ neh ehˇ naˇ, iˬ nah aˬ yawꞈ maꞈ-euˬ mehˬ shi, Sahˬpaˬ Miˬyehˇ doˆ le tehꞈ-a.”


Kʼoeˇ uˬ taꞈ, Sahˬpaˬ Miˬyehˇ-euˬ Zahˇ dawˬ kʼoꞈ dawˬ laꞈ kʼoeˇ boꞈ taˬ-euˬ loꞈ-ehˇ, kʼaˬ kʼoeˬ tiˬ gu maˬ ngeuˇ naˇ, yaˇ miˇ kʼaˬ kʼoeˬ zaˬ nyiˬ mawˇ ya lawˇ nehˬ leˇ-eu meh.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ