Aˇ dahˬ 15:17 - Akha

¹⁷ Nahˇ ma ga ahˇ gʼaˬ-awˇ zahˇ le ngeh, uˬ kʼoeˬ doˆ luꞈ-eu miˬ dzaˬ tsawˬ bu tiˬ bu hawˇ-eu miˬ lmˇ doˆ luꞈ-eu miˬ dzaˬ miˬ doꞈ tiˬ hmˬ ja pyuˬ ni doˆ le-awˇ, deuˆ tm taˬ-euˬ jeˬ zaˬ kʼoeˇ deuˬ-euˬ gʼahˇ ceh oe tsehˆ leꞈ-euˬ meh.

Aˇ dahˬ 15:17 ပူးပေါင်းရင်းမြစ်များ

Aˇ dahˬ 15:10

Jeˬ zaˬ kʼoeˇ deuˬ-ahˇ Miˬyehˇ jawˇ gaˇ Aˬbyaˬ yuˇ laꞈ-awˇ, gʼawˇ pah-ahˇ neh deuˆ tm-awˇ, uˬ duˬ tiˬ tsehˆ, dawˬ dahˬ tiˬ tsehˆ lehˇ, kʼoeˇ paˆ maˇ paˆ-ehˇ nyiˬ cehˆ baw-ehˇ bi jaˆ-euˬ meh. Ehˇ kʼawꞈ, aˇ jiˇ deuˬ-ahˇ aˬ yawꞈ maˬ deuˆ tm ni bi jaˆ-euˬ meh.

2 Saˬmeuˬlaˆ 22:9

Naˇ mehˇ-ahˇ uˬ kʼoeˬ doˆ le-awˇ, kʼaˬ meh-ahˇ miˬ lmˇ doˆ le-awˇ, miˬ jiˆ neˇ hoˬ ni jaˆ-eu meh.

1 Sahˬpaˬ 18:38

Kʼoeˇ ngeh, Sahˬpaˬ Miˬyehˇ miˬ dzaˬ pyehˬ ka leꞈ-awˇ, lawˇ-euˬ jeˬ-ahˇ maˬ ehˇ, miˬ dzaˬ miˬ kawˬ-ahˇ maˬ ehˇ, kʼaˬ lo-ahˇ maˬ ehˇ, miˇ tsaˬ-ahˇ maˬ ehˇ, doꞈ leˇ-awˇ, kʼawˇ lawˬ duˬ caˬ taˬ-euˬ gaˇ dahˬ-eu iˇ cuꞈ gui-iˇ-euˬ meh.

1 Laˬsaˬbaˬ 21:26

Kʼoeˇ gaˇ, Sahˬpaˬ Miˬyehˇ gʼaˇ duˬ lawˇ duˬ tiˬ tsahˇ aˬ yawꞈ gawˬ-awˇ, miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ aˬ yawꞈ lawˇ-euˬ meh. Aˬ yawꞈ guiˬ lahˬ shaˇ-awˇ, aˬ yawꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-eu laꞈ kʼoeˇ, mˬ kʼoeˇ taˆ neh miˬ dzaˬ pyehˬ gʼeh leꞈ-awˇ, lawˇ duˬ kʼoeˇ taˆ jaˆ-eu lawˇ-eu jeˬ-ahˇ, miˬ dzaˬ bi doꞈ leˇ-euˬ meh.

Doˆ-iˇ 19:18

Siˇnaˆ gawˬ jawˬ tiˬ jawˬ jawˬ lah ni, miˬ dzaˬ uˬ kʼoeˬ uꞈ uꞈ-ehˇ jaˆ-eu meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, miˬ dzaˬ laꞈ kʼoeˇ gawˬ jawˬ kʼoeˇ jawˬ kʼoeˇ taˆ zaꞈ le-euˬ meh. Miˬ dzaˬ uˬ kʼoeˬ kʼoeˇ-aˬ, miˬ dzaˬ tsawˬ bu-ahˇ doˆ-eu miˬ dzaˬ uˬ kʼoeˬ loꞈ-ehˇ, kʼoeˇ taˆ paw le daˆ-awˇ, gawˬ jawˬ jawˬ lah-ehˇ, miˇ luˆ luˆ-eu meh.

Doˆ-iˇ 20:18

Mˬ jeˬ jeˬ-eu teˇ saˇ hawˇ-eu daˇ heh teˇ saˇ-ahˇ ya gaˬ-awˇ, mˬ myawꞈ myawꞈ-awˇ, gawˬ jawˬ-ahˇ uˬ kʼoeˬ du doˆ laˇ gaˇ ya mawˇ ngeh, Iˇsaˬleˬlaˆ tsawˇ haˬ deuˬ guˆ-awˇ, yaw dzuˬ dzuˬ-eu laꞈ kʼoeˇ, gaˇ mahˇ kaˬ gaˇ yawꞈ luꞈ-eu meh.

Iˇsaˬyaˇ 62:1

Yeˬluˇsaˬlehˬ meuˬ-ahˇ gʼaˬ biꞈ nehˬ-eu dawˬ ngaˇ ngehˬ ma. Meuˬ kʼoeˇ meuˬ ka kʼoꞈ-eu jeˬ za gʼaˬ-awˇ, aˬ yawꞈ gʼaˬ leˇ-eu jeˬ uˬ ciꞈ bya-eu nahˇ ma nahˇ doꞈ loꞈ-ehˇ maˬ bya laˇ kʼoeˇ keuˆ ni, ngaˇ ciˬ cuˇ ni maˬ jawˇ.

Yeˬlaˬmiˇ 11:4

Dawˬ ma saˇ jaˇ heu-aˬ, shmˇ baw guiˇ duˬ loꞈ-ehˇ duˇ-eu Iˇjiˇtuˆ miˇ kʼahˬ-ahˇ neh, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˇ sheuˬ doˆ nehˬ ngeh, aˬ poeˬ aˬ bawˇ kʼoeˇ deuˬ nehˬ-ehˇ dzaˬ taˬ-euˬ dawˬ ma saˇ jaˇ ma. Ngaˬ-euˬ ehˇ dawˬ naˇ haˬ-awˇ, ngaˬ neh dawˬ kʼaˇ biꞈ-euˬ yawˬ jeˬ na luꞈ ya mˇ meh lehˇ, aˬ yawꞈ maꞈ-ahˇ ngaˇ ehˇ nehˬ-euˬ ma. Ngaˬ-euˬ ehˇ dawˬ naˇ haˬ geuꞈ naˇ, aˬ yawꞈ maꞈ ngaˬ-euˬ tsawˇ haˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ ma lehˇ ehˇ nehˬ-euˬ ma.

Dawˬmehˬ 4:20

Ehˇ kʼawꞈ, naw maꞈ-aˬ, shmˇ baw guiˇ-eu baw laꞈ kʼoeˇ neh ka kʼoꞈ doˆ laꞈ-euˬ loꞈ-ehˇ, Iˇjiˇtuˆ miˇ kʼahˬ laꞈ kʼoeˇ neh aˬ yawꞈ neh bi ka kʼoꞈ doˆ laꞈ-euˬ tsawˇ jeuˬ pyeuꞈ-eu meh. Iˬ nah naw maꞈ aˬ yawꞈ-euˬ tsawˇ haˬ pyeuꞈ luꞈ-eu meh. Heu loꞈ-ehˇ bi pyeuꞈ laˇ-eu gʼaˇ duˬ, naw maꞈ-ahˇ aˬ yawꞈ neh sheuˬ doˆ laꞈ-euˬ meh.

Yaˇ kʼaˬ daˇ 13:20

Lawˇ duˬ kʼoeˇ taˆ miˬ dzaˬ miˬ lmˇ doꞈ doˆ laˇ ngeh, Sahˬpaˬ Miˬyehˇ-euˬ gʼaˬ kʼehˇ kʼoeˇ gʼaˬ, miˬ lmˇ laꞈ kʼoeˇ mˬ kʼoeˇ taˆ gʼoꞈ daˆ leˇ-euˬ meh. Kʼoeˇ gaˇ ya mawˇ ngeh, Maˬnoˇaˬ aˬ nyaꞈ dzeˇ zaˬ miˇ tsaˬ-ahˇ uˬ duˬ tahˬ moꞈ-awˇ awˆ byaˆ-euˬ meh.

Yaˇ kʼaˬ daˇ 6:21

Kʼoeˇ naˇ, Sahˬpaˬ Miˬyehˇ-euˬ gʼaˬ kʼehˇ kʼoeˇ gʼaˬ aˬ laꞈ cawˬ ja-awˇ, aˬ yawꞈ tuˆ tehˬ luꞈ-eu gawˬ yoeˬ mehˬ dzaˬ neh, shaˬ jiˇ hawˇ-eu kaˬ muˇ-ahˇ toeˬ ciˆ-euˬ meh. Kʼaˬ lo-ahˇ miˬ dzaˬ doꞈ laˇ-awˇ, shaˬ jiˇ hawˇ-eu kaˬ muˇ puiˆ dzaˬ-euˬ meh. Kʼoeˇ naˇ, Sahˬpaˬ Miˬyehˇ-euˬ gʼaˬ kʼehˇ kʼoeˇ gʼaˬ byoˆ-iˇ-euˬ meh.