Aˇ dahˬ 15:15 - Akha

¹⁵ Nawˇ-aˬ, mawˬ-iˇ ngeh keuˆ ni saˇ lehˆ ni ya dehꞈ-awˇ, coꞈ ngehˇ ni ziˇ ya dehꞈ jiˇ-eu uˬ taꞈ, aˬ cawˬ nawˬ-ahˇ yaw muiˬ-ehˇ baꞈ pahˬ nehˬ laꞈ tehꞈ-a.

Aˇ dahˬ 15:15 ပူးပေါင်းရင်းမြစ်များ

Aˇ dahˬ 23:19

Kʼoeˇ naˇ, Aˬbyaˬhaˬ-aˬ, Kaˬnaˬ miˇ kʼahˬ laꞈ kʼoeˇ jaˆ-eu lo kʼahˬ kʼoeˇ kʼahˬ laꞈ kʼoeˇ, aˬ yawꞈ-euˬ nymˇ dahˬ-ahˇ baꞈ pahˬ-euˬ meh.

Aˇ dahˬ 23:4

“Ngaˇ-aˬ, naw maꞈ-euˬ miˇ kʼahˬ-ahˇ pawˇ ahˇ le-euˬ tsawˇ haˬ tiˬ gʼaˬ pyeuꞈ-eu ma. Teu miˇ neh, ngaˬ-euˬ nymˇ dahˬ-ahˇ baꞈ pahˬ-eu gʼaˇ duˬ, miˇ tsaˬ tiˬ tsahˇ ahˬ nehˬ laꞈ-awˬ.”

Aˇ dahˬ 35:29

Tsawˇ mawˬ mawˬ dui dui laˇ-awˇ neh hawˇ-eu aˬ yawꞈ ziˇ jiˇ-awˇ, aˬ yawꞈ-euˬ aˬ li Iˇsawˇ hawˇ-eu Yaˬkoˆ aˬ nyaꞈ nmˇ neh, aˬ yawꞈ-ahˇ baꞈ pahˬ-euˬ meh.

Aˇ dahˬ 47:30

Ngaˬ bawˇ hawˇ-eu ngaˬ da-ahˇ baꞈ pahˬ-euˬ miˇ tsaˬ-ahˇ, ngaˬ-ahˇ bi baꞈ pahˬ mawꞈ miˇ-a. Ngaˬ-ahˇ Iˇjiˇtuˆ miˇ kʼahˬ laꞈ kʼoeˇ neh baꞈ doˆ gʼeh-awˇ, aˬ yawꞈ nyaꞈ-ahˇ baꞈ pahˬ taˬ-euˬ tsahˇ-ahˇ baꞈ pahˬ nehˬ laꞈ-awˬ.” Yoˇsehˆ ehˇ-eu, “Nawˬ neh kʼaˇ ehˇ nehˬ laꞈ-euˬ loꞈ-ehˇ jahˇ nehˬ ma.”

Aˇ dahˬ 49:29

Kʼoeˇ naˇ, aˬ yawꞈ-euˬ aˬ li deuˬ-ahˇ Yaˬkoˆ heu loꞈ-ehˇ ehˇ mehˬ nehˬ-euˬ meh. “Nymˬ-mˇ, shiˇ-eu miˇ kʼahˬ-ahˇ ngaˬ-euˬ tsawˇ haˬ deuˬ jawˇ gaˇ ngaˇ iˇ byoˆ gʼeh-eu ma. Kaˬnaˬ miˇ kʼahˬ laꞈ kʼoeˇ, Mamˬliˬ meuˬ-euˬ nahˇ ma doˆ kʼehˬ paw, Maˬpeˬlaˇ lehˇ ehˇ-eu jawˇ duˬ-ahˇ jaˆ-eu ngaˬ bawˇ hawˇ-eu ngaˬ da-ahˇ baꞈ pahˬ taˬ-euˬ Heˬtaˆ tsawˇ jeuˬ, Eˇpaˬloˬ-euˬ lmˬ bymˇ lo kʼahˬ kʼoeˇ kʼahˬ laꞈ kʼoeˇ, ngaˬ-ahˇ baꞈ pahˬ nehˬ laꞈ-awˬ. Lo kʼahˬ kʼoeˇ kʼahˬ jaˆ-eu miˇ tsaˬ kʼoeˇ tsahˇ lmˬ bymˇ geuꞈ-eu lehˇ, Eˇpaˬloˬ-euˬ laꞈ-ahˇ Aˬbyaˬhaˬ neh zeuˇ tsehˆ taˬ yaꞈ-euˬ meh.

Aˇ dahˬ 49:31

Aˬbyaˬhaˬ hawˇ-eu aˬ yawꞈ-euˬ nymˇ dahˬ Saˬlaˇ-ahˇ kʼoeˇ gaˇ baꞈ pahˬ taˬ-euˬ meh. Leˇaˬ-ahˇ kʼawꞈ ngaˬ neh kʼoeˇ gaˇ baꞈ pahˬ nehˬ-euˬ ma.

Aˇ dahˬ 50:13

Aˬ yawꞈ-euˬ gʼawˇ mawˇ-ahˇ aˬ yawꞈ maꞈ baꞈ gʼeh-awˇ, Kaˬnaˬ miˇ kʼahˬ Mamˬliˬ meuˬ-euˬ nahˇ ma doˆ kʼehˬ paw Maˬpeˬlaˇ lehˇ kuˇ-eu jawˇ duˬ-ahˇ jaˆ-eu, lmˬ bymˇ geuꞈ-eu gʼaˇ duˬ Heˬtaˆ tsawˇ jeuˬ Eˇpaˬloˬ-euˬ laꞈ-ahˇ Aˬbyaˬhaˬ neh zeuˇ tsehˆ yaꞈ-euˬ lo kʼahˬ kʼoeˇ kʼahˬ laꞈ kʼoeˇ, aˬ yawꞈ-ahˇ baꞈ pahˬ nehˬ-euˬ meh.

1 Laˬsaˬbaˬ 23:1

Daˬbiˇ tsawˇ mawˬ mawˬ dui dui laˇ ngeh, aˬ yawꞈ-euˬ aˬ li Sawˇlaˬmoˬ-ahˇ Iˇsaˬleˬlaˆ sahˬ paˬ ka nehˬ-euˬ meh.

1 Laˬsaˬbaˬ 29:28

Aˬ yawꞈ-aˬ, smˇ muiˬ muiˬ dui dui-eu sahˬ paˬ tiˬ gʼaˬ pyeuꞈ-awˇ, aˬ cawˬ yaw zeu baw-eu laꞈ kʼoeˇ, tsawˇ mawˬ dehꞈ mawꞈ leꞈ-awˇ ziˇ dehꞈ jiˇ-euˬ meh. Aˬ yawꞈ-euˬ aˬ li Sawˇlaˬmoˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Laˬsaˬbaˬ 34:28

Yeˬluˇsaˬlehˬ meuˬ kʼoeˇ taˆ ngaˇ bi keuˆ le-eu lehˇ gʼeh-eu kʼehˬ-eu kʼaˆ-eu jeˬ, nawˇ kʼaˇ dehꞈ kʼoeˇ keuˆ ni maˬ bi keuˆ le-ehˇ ngaˇ nyi naˬ ma. Nawˬ-ahˇ nui ma saˇ lehˆ ni ziˇ bi dehꞈ jiˇ ma’ lehˇ sahˬ paˬ-ahˇ tsaꞈ nehˬ-iˇ-awˬ.” Aˬ yawꞈ maꞈ gʼeh dawˬ kʼoeˇ dawˬ yuˇ-awˇ sahˬ paˬ Yawˇshiˆ jawˇ gaˇ gʼoꞈ-iˇ-euˬ meh.

Yawˇbaˆ 41:32

Aˬ yawꞈ iˇ-euˬ gaˇ kawˆ yaw shehꞈ bya yaꞈ-awˇ, iˬ ma laˆ shaˆ-ahˇ pyuˇ deuˬ ni sheu kawˆ yaꞈ-eu meh.

Yawˇbaˆ 42:17

Kʼoeˇ naˇ, aˬ yawꞈ tsawˇ mawˬ mawˬ dui dui laˇ gʼaˬ miˇ tsa, ziˇ jiˇ-euˬ meh.

Yawˇbaˆ 5:26

Cehˇ yehˬ ngeh yamˬ-ahˇ myah laˇ-euˬ cehˇ loꞈ-ehˇ, mawˬ-iˇ ngeh keuˆ ni nawˇ ya dehꞈ tehꞈ-a.

Jaceuq 37:37

Tsawˇshawˇtiˬgʼaˬ-ahˇnoeˬtaˬ-awˇ, tsawˇmuiˬtiˬgʼaˬ-ahˇhaw taˬ-awˬ. tsaˬleˇdzoeˇleˇ-eu tsawˇhaˬdeuˬ, zaˬoeˬsahˇgaˇya mawˇtehꞈ-a.

Jaceuq 49:19

yaw shehꞈ-ahˇ tiˬ jawˇ-iˬ maˬ ya mawˇ-eu miˇ kʼahˬ-ahˇ, shiˇ dzeuˇ-euˬ deuˬ jawˇ gaˇ aˬ yawꞈ ya iˇ byoˆ meh.

Dawˬ tsoˆ 12:7

Aˬ dui-euˬ gʼawˇ mawˇ miˇ tsaˬ-ahˇ gʼoꞈ kʼoꞈ-iˇ-awˇ, aˬ duiˬ-euˬ saꞈ laˇ-aˬ, dehꞈ-eu saꞈ laˇ biꞈ-eu yaw sahˇ pyeuꞈ-eu Miˬyehˇ jawˇ gaˇ gʼoꞈ leˇ tehꞈ-a. Aˇ yamˬ kʼoeˇ yamˬ maˬ keuˆ le mi naˆ-ehˇ, Miˬyehˇ-euˬ guiˬ lahˬ-ahˇ noeˬ keuˆ-awˬ.

Dawˬ tsoˆ 6:3

Tsawˇ haˬ tiˬ gʼaˬ, zaˬ aˇ yaˇ gʼaˬ ya cu-awˇ, ziˇ baw dui dui kʼawꞈ, yaw dehꞈ dehꞈ ngeh nui saˇ maˬ oꞈ-ehˇ, shiˇ ngeh yaw muiˬ-ehˇ baꞈ pahˬ nehˬ-eu gʼaˬ maˬ jawˇ naˇ, yaw shiˇ-ehˇ yoeˇ dzeh-euˬ zaˬ nahˬ maˬ tawˬ-a.

Daˬyeˬlaˇ 12:13

“Daˬyeˬlaˇ-oˇ, aˇ saˬ saˬ ngeh keuˆ ni saˇ jaˇ ziꞈ-awˬ. Nawˇ shiˇ kʼawꞈ, aˇ saˬ saˬ-eu aˇ yamˬ keuˆ laˇ ngeh paˇ gʼoꞈ dehꞈ laˇ-awˇ, nawˬ-ahˇ oꞈ-eu laꞈ sawˬ za tehꞈ-a.”

Bawˇtsahˬ 20:24

“Iˇsaˬleˬlaˆ tsawˇ jeuˬ-ahˇ ngaˬ neh saˇ jaˇ dzaˬ taˬ-euˬ miˇ kʼahˬ-ahˇ, Aˬloˬ maˬ paˇ ya le keuˆ meh. Aˬ yawꞈ ziˇ jiˇ yamˬ keuˆ le taˬ-euˬ meh. Aˬ jeˬ miˇ neh ehˇ naˇ, Meˬliˇbaˬ lehˇ kuˇ-eu jawˇ duˬ-ahˇ ngaˬ-euˬ dawˬ-ahˇ naw nyaꞈ puiˬ-euˬ meh.

Bawˇtsahˬ 27:13

Miˇ kʼahˬ kʼoeˇ kʼahˬ-ahˇ nawˇ haw mawˇ gʼaˬ ngeh, nawˬ-euˬ aˇ doˆ Aˬloˬ shiˇ-euˬ loꞈ-ehˇ nawˇ ya shiˇ tehꞈ-a.

Maꞈtehˬ 22:32

‘Ngaˇ-aˬ, Aˬbyaˬhaˬ-euˬ Miˬyehˇ, Iˇtsaˆ-euˬ Miˬyehˇ, Yaˬkoˆ-euˬ Miˬyehˇ ma’ lehˇ, aˬ yawꞈ ehˇ-eu meh. Aˬ yawꞈ-aˬ, dehꞈ luꞈ-eu tsawˇ haˬ deuˬ-euˬ Miˬyehˇ meh. Shiˇ-euˬ tsawˇ haˬ deuˬ-euˬ Miˬyehˇ maˬ ngeuˇ-a.”

Gʼaˬkʼehˇ 13:36

Daˬbiˇ-aˬ, aˬ yawꞈ-euˬ tiˬ ziˇ Miˬyehˇ-euˬ nui kʼahˇ mˇ-awˇ, aˬ yawꞈ shiˇ ngeh, aˬ yawꞈ-euˬ aˬ poeˬ aˬ bawˇ deuˬ nehˬ-ehˇ bi baꞈ pahˬ-awˇ, aˬ yawꞈ-euˬ gʼawˇ mawˇ lmˬ bymˇ laꞈ kʼoeˇ buꞈ-iˇ-euˬ meh.

Dawˬmehˬ 31:16

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Gʼawˬ myahˇ maˬ gʼeh-ehˇ nawˇ ziˇ jiˇ le tehꞈ-a. Nawˇ shiˇ dzeuˇ ngeh, tsawˇ haˬ heu deuˬ ngaˬ-ahˇ saˇ jaˇ maˬ ziꞈ ni pyeuꞈ-iˇ-awˇ, ngaˬ neh aˬ yawꞈ maꞈ nehˬ-ehˇ dzaˬ taˬ-euˬ dawˬ ma saˇ jaˇ-ahˇ aˬ yawꞈ maꞈ puiˬ tehꞈ-a. Aˬ yawꞈ maꞈ ngaˬ-ahˇ byehˇ dzeh-awˇ, aˬ yawꞈ maꞈ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ, lawˇ ciꞈ zaˬ deuˬ-euˬ miˬyehˇ deuˬ-ahˇ aˬ yawꞈ maꞈ uˬ duˬ tahˬ tehꞈ-a.

Yaˇ kʼaˬ daˇ 2:10

Kʼoeˇ ngeh ziˇ-ahˇ dehꞈ-euˬ tsawˇ haˬ dawˬ tawˆ luꞈ shiˇ jiˇ-awˇ, yawˬ ziˇ yawˬ-ahˇ dehꞈ-eu tsawˇ haˬ deuˬ-aˬ, Sahˬpaˬ Miˬyehˇ-ahˇ maˬ ehˇ, Iˇsaˬleˬlaˆ tsawˇ jeuˬ gʼaˇ duˬ aˬ yawꞈ neh mˇ-euˬ jeˬ-ahˇ maˬ ehˇ, ngehˇ-euˬ meh.