Aˇ dahˬ 14:7 - Akha

⁷ Kʼoeˇ naˇ, aˬ yawꞈ maꞈ naˇ kʼah paw paˇ gʼoꞈ kʼoꞈ laˇ-awˇ, Kaˬdeˬshaˇ meuˬ-ahˇ iˇ-euˬ meh. Kʼoeˇ ngeh yamˬ-ahˇ, Kaˬdeˬshaˇ meuˬ-ahˇ Eˬmiˇshaˬpaˇ meuˬ lehˇ kuˇ-euˬ meh. Aˬ yawꞈ maꞈ-aˬ, Aˬmaˬlehˇ miˇ kʼahˬ kʼahˬ lah ni-ahˇ maˬ ehˇ, Haˬzaˬzoˇdaˬ -maˇ meuˬ-ahˇ jawˇ-eu Aˬmawˇliˆ tsawˇ jeuˬ-ahˇ maˬ ehˇ, deuˆ gʼaˬ-euˬ meh.

Aˇ dahˬ 14:7 ပူးပေါင်းရင်းမြစ်များ

Aˇ dahˬ 16:14

Kʼoeˇ miˇ neh, Kaˬdeˬshaˇ meuˬ hawˇ-eu Beˬyehˆ meuˬ yaw kaˬ-ahˇ jaˆ-eu lah duˬ kʼoeˇ duˬ-ahˇ, “Ngaˬ-ahˇ haw piˇ-eu dehꞈ luꞈ-eu gʼaˬ-euˬ lah duˬ” lehˇ aˬ cawˬ kuˇ-eu meh.

Aˇ dahˬ 20:1

Aˬbyaˬhaˬ-aˬ, Mamˬliˬ lehˇ kuˇ-eu jawˇ duˬ-ahˇ neh Kaˬnaˬ miˇ kʼahˬ laꞈ oˆ paw paˇ iˇ ka gʼeh-awˇ, Kaˬdeˬshaˇ meuˬ hawˇ-eu Shuˇyaˆ meuˬ yaw kaˬ-ahˇ jawˇ-iˇ-euˬ meh. Gʼawˬ myahˇ maˬ gʼeh-ehˇ Geˬlawˬ meuˬ-ahˇ aˬ yawꞈ paˇ jawˇ-iˇ-euˬ meh.

Aˇ dahˬ 36:12

Kʼoeˇ uˬ taꞈ, Eˇliˇpaˬ-euˬ ma nyiˇ Tmˇnaˬ o neh, Aˬmaˬlehˇ lehˇ myahˇ-euˬ aˬ li tiˬ li jawˇ le-euˬ meh. Kʼoeˇ taˆ paw ehˇ dzeuˇ yaꞈ-euˬ tsawˇ haˬ heu deuˬ-aˬ, Iˇsawˇ-euˬ miˬ zaˬ Aˬdaˇ-euˬ aˬ li deuˬ pyeuꞈ-eu meh.

Aˇ dahˬ 36:16

Kawˇlaˆ tsawˇ jeuˬ, Gaˬtmˬ tsawˇ jeuˬ, Aˬmaˬlehˇ tsawˇ jeuˬ, heu deuˬ-euˬ aˬ da yaw dzahˇ pyeuꞈ-eu meh. Heu deuˬ dawˬ tawˆ luꞈ, Iˇsawˇ-euˬ miˬ zaˬ Aˬdaˇ gʼaˬ o neh jeuˬ le o le-euˬ tsawˇ jeuˬ tsawˇ ca deuˬ pyeuꞈ-eu meh.

2 Laˬsaˬbaˬ 20:2

Dawˬ tsaꞈ tsaꞈ le-euˬ tsawˇ haˬ deuˬ Yeˬhawˇshaˬpaˇ jawˇ gaˇ oe-awˇ, “Eˬdoˬ miˇ kʼahˬ-ahˇ neh laˇ-euˬ myaˬ dui dui-eu guiˇ maꞈ tiˬ maꞈ nawˬ-ahˇ guiˇ deuˆ-eu lehˇ, Shiˇ-eu iˬ ma laˆ shaˆ nui baˬ paw oe luꞈ meh. Haˬzaˬzoˇtaˬmaˬ meuˬ-ahˇ aˬ yawꞈ maꞈ deuˆ gʼaˬ-euˬ meh” lehˇ tsaꞈ le-euˬ meh. (Haˬzaˬzoˇtaˬmaˬ meuˬ-ahˇ Eˬgeˬdiˇ meuˬ lehˇ kʼawꞈ kuˇ-eu meh.)

Yeˬsaˬgeˬlaˇ 47:10

Eˬgeˬdiˇ lawˇ gawˆ-ahˇ neh Eˬneˬgaˬleˬ lawˇ gawˆ-ahˇ doˆ ni, shiˇ-eu iˬ ma laˆ shaˆ-euˬ lawˇ deh kʼoeˇ tiˬ li, ngaˬ shaˬ poˆ dzaˬ-eu tsawˇ haˬ tiˬ byah ni jawˇ-awˇ, aˬ yawꞈ maꞈ-euˬ za sheu lawꞈ taˬ-awˇ jaˆ tehꞈ-a. Gʼahˇ ceh-euˬ iˬ ma laˆ shaˆ-ahˇ ngaˬ shaˬ aˇ jeuˬ kʼaˇ jawˇ-eu myaˆ ni, kʼoeˇ gaˇ kʼawꞈ jawˇ tehꞈ-a.

Yeˬsaˬgeˬlaˇ 48:28

Gaˆ tsawˇ jeuˬ-euˬ miˇ tsaˬ laꞈ oˆ dzaˬ miˇ kaˬ-aˬ, Taˬmaˬ meuˬ-ahˇ neh dahˬ beh-awˇ, Meˬliˇbaˆkaˬdeˬshaˇ lawˇ gawˆ deuˬ jaˆ gaˇ neh, Iˇjiˇtuˆ lawˇ baˬ caw caw-ehˇ, Gʼahˇ ceh-euˬ iˬ ma laˆ shaˆ-ahˇ keuˆ ni meh.

Bawˇtsahˬ 13:26

Paˬlaˬ bawˇ tsahˬ bawˇ dahˇ laꞈ kʼoeˇ, Kaˬdeˬshaˇ lehˇ kuˇ-eu jawˇ duˬ-ahˇ, Moˇseˬ, Aˬloˬ hawˇ-eu Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ jawˇ gaˇ aˬ yawꞈ maꞈ gʼoꞈ keuˆ le-euˬ meh. Aˬ yawꞈ maꞈ neh kʼaˇ ya mawˇ yaꞈ-euˬ jeˬ gaˇ kawˆ dzawˇ mehˬ-awˇ, aˬ yawꞈ maꞈ neh yuˇ kʼoꞈ leꞈ-euˬ aˇ siˬ deuˬ kʼawꞈ, mehˬ nehˬ-euˬ meh.

Bawˇtsahˬ 14:43

Aˬmaˬlehˇ tsawˇ jeuˬ hawˇ-eu Kaˬnaˬ tsawˇ jeuˬ-ahˇ naw maꞈ guiˇ deuˆ ngeh, naw maꞈ ya shiˇ jiˇ tehꞈ-a. Sahˬpaˬ Miˬyehˇ naw maꞈ nehˬ-ehˇ maˬ jawˇ-aˇ. Aˬ jeˬ miˇ neh ehˇ naˇ, naw maꞈ aˬ yawꞈ-euˬ mehˬ nah maˬ caw teh-euˬ miˇ neh meh.”

Bawˇtsahˬ 14:45

Kʼoeˇ naˇ, kʼoeˇ gaˇ jawˇ-eu Aˬmaˬlehˇ tsawˇ jeuˬ hawˇ-eu Kaˬnaˬ tsawˇ jeuˬ aˬ yawꞈ maꞈ-ahˇ guiˇ deuˆ le-awˇ, aˬ yawꞈ maꞈ-ahˇ deuˆ gʼaˬ-euˬ uˬ taꞈ, Hawˇmaˬ meuˬ-ahˇ keuˆ ni teh keuˆ-euˬ meh.

Bawˇtsahˬ 20:1

Ba la yaw beh siˬ-ahˇ, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ, Ziˇnaˆ lehˇ kuˇ-eu bawˇ tsahˬ bawˇ dahˇ laꞈ kʼoeˇ oe keuˆ-awˇ, Kaˬdeˬshaˇ lehˇ kuˇ-eu jawˇ duˬ-ahˇ jawˇ naˬ-euˬ meh. Kʼoeˇ gaˇ Miˇliˬyaˬ shiˇ-awˇ, baꞈ pahˬ nehˬ-euˬ meh.

Bawˇtsahˬ 24:20

Kʼoeˇ naˇ, Aˬmaˬlehˇ tsawˇ haˬ deuˬ-ahˇ yaw sahˇ laꞈ kʼoeˇ Baˬlamˬ ya mawˇ-awˇ, Miˬyehˇ gʼaˇ duˬ ngehˬ dah-eu laꞈ kʼoeˇ heu loꞈ-ehˇ ehˇ-eu meh. “Aˬmaˬlehˇ miˇ kʼahˬ-aˬ, aˬ cawˬ naˆ maˬ tseˇ baoˬ huiˬ-eu miˇ kʼahˬ pyeuꞈ kʼawꞈ, Aˇ saˬ saˬ laˇ ngeh, mˬ maˬ maˬ byaˆ zaˇ ziˇ ya cawˆ-iˇ tehꞈ-a.”

Dawˬmehˬ 1:19

“Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh dawˬ kʼaˇ biꞈ-euˬ loꞈ-ehˇ aˬ dui mˇ-euˬ ma. Siˇnaˆ gawˬ jawˬ-ahˇ neh aˬ dui maꞈ doˆ le-awˇ, Aˬmoˬ miˇ kʼahˬ gawˬ jawˬ gawˬ duˇ-ahˇ keuˆ ni, guˆ laˇ paˬ-ehˇ gʼeh-eu jeˇ dui dui-eu bawˇ tsahˬ bawˇ dahˇ laꞈ kʼoeˇ aˬ dui maꞈ cah-awˇ, Kaˬdeˬshaˇbaˬneˬ-ahˇ aˬ dui maꞈ laˇ keuˆ-euˬ ma.

Dawˬmehˬ 1:46

Kʼoeˇ naˇ, Kaˬdeˬshaˇ-ahˇ aˬ dui gʼawˬ myahˇ ni jawˇ-euˬ ma.

Yawˇshuˆ 15:62

Niˇbaˬshaˬ meuˬ, Saˬdeuꞈ-euˬ meuˬ, Eˬgeˬdiˇ meuˬ, heu koꞈ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.