Aˇ dahˬ 14:3 - Akha

³ Sahˬ paˬ heu ngaˬ gʼaˬ gm leˇ-awˇ, Siˇdmˬ deh ga ga ma-ahˇ, aˬ yawꞈ maꞈ-euˬ guiˇ maꞈ deuˬ-ahˇ tiˬ gaˇ tehꞈ-ehˇ kuˇ uiˬ taˬ-euˬ meh. Kʼoeˇ ngeh yamˬ-ahˇ, Siˇdmˬ deh ga ga ma-aˬ, nymˬ-mˇ Shiˇ-euˬ iˬ ma laˆ shaˆ jaˆ luꞈ-eu kʼoeˇ tsahˇ nyiˬ paˆ-ehˇ jaˆ-euˬ meh.

Aˇ dahˬ 14:3 ပူးပေါင်းရင်းမြစ်များ

Aˇ dahˬ 10:19

Kaˬnaˬ tsawˇ jeuˬ heu deuˬ-aˬ, Siˇdoˬ meuˬ-ahˇ neh laꞈ oˆ paw Gaˬzaˬ meuˬ dawˬ peh jaˆ-eu Geˬlawˬ meuˬ-ahˇ keuˆ ni maˬ ehˇ, nahˇ ma doˆ kʼehˬ paw, Sawˇdoˬ meuˬ, Gawˇmawˇlaˆ meuˬ, Aˬdaˬmaˬ meuˬ heu deuˬ hawˇ-eu, Laˬshaˬ meuˬ dawˬ peh jaˆ-eu Zeˬbaiˬ meuˬ-ahˇ keuˆ ni maˬ ehˇ, jawˇ byah jiˇ-euˬ meh.

Aˇ dahˬ 14:10

Deh ga kʼoeˇ ga laꞈ kʼoeˇ, ju jaˬ ni gʼeh-awˇ, juˇ dui dui-eu duˬ kʼahˬ tiˬ byah ni jaˆ-eu meh. Sawˇdoˬ sahˬ paˬ hawˇ-eu Gawˇmawˇlaˆ sahˬ paˬ aˬ nyaꞈ guiˇ maˬ deuˆ gʼaˬ nya-ehˇ, cehˆ dzeuˇ-eu lehˇ cehˆ ngeh, duˬ kʼahˬ kʼoeˇ deuˬ-ahˇ ga ahˇ-euˬ meh. Ehˇ kʼawꞈ, sahˬ paˬ nui deuˬ kʼoeˇ smˇ gʼaˬ-aˬ, gawˬ jawˬ paw cehˆ daˆ-awˇ cehˆ dzeuˇ-euˬ meh.

Aˇ dahˬ 14:4

Sahˬ paˬ kʼoeˇ ngaˬ gʼaˬ, sahˬ paˬ Sheˬdawˇlawˇmaˬ uˆ lahˇ-eu uˬ moˆ jawˇ luꞈ-eu tseˇ nyiꞈ kʼoꞈ byah laˇ gʼaˬ-euˬ meh. Ehˇ kʼawꞈ, tseˇ smˇ kʼoꞈ tiˬ kʼoꞈ-ahˇ uˇ leˇ ngeh, aˬ yawꞈ maꞈ aˬ yawꞈ-ahˇ puiˬ-euˬ meh.

Aˇ dahˬ 14:8

Kʼoeˇ naˇ, Sawˇdoˬ sahˬ paˬ, Gawˇmawˇlaˆ sahˬ paˬ, Aˬdaˬmaˬ sahˬ paˬ, Zeˬbaiˬ sahˬ paˬ, Beˬlaˬ sahˬ paˬ kʼoeˇ deuˬ-aˬ, aˬ yawꞈ maꞈ-euˬ guiˇ maꞈ deuˬ-ahˇ Siˇdmˬ deh ga ga ma-ahˇ sheuˬ ka taˬ-awˇ, guiˇ deuˆ-eu gʼaˇ duˬ lehˬ hmˬ taˬ-euˬ meh.

Aˇ dahˬ 19:24

Tiˬ poˆ tehꞈ-ehˇ, miˬ dzaˬ doꞈ luꞈ-eu miˬ dzaˇ dzaˇ shuiˇ deuˬ, uˬ yehˇ yehˇ-eu loꞈ-ehˇ, Sawˇdoˬ meuˬ hawˇ-eu Gawˇmawˇlaˆ meuˬ kʼoeˇ taˆ Sahˬpaˬ Miˬyehˇ bi ga le-euˬ meh.

Jaceuq 107:34

Miˇ muiˬ muiˬ gaˇ jawˇ-eu tsawˇ haˬ deuˬ maˬ muiˬ-eu miˇ neh, miˇ tsaˬ saˬ deuꞈ deh ga pyeuꞈ-iˇ ni, aˬ yawꞈ jahˇ nehˬ-euˬ meh.

Bawˇtsahˬ 34:12

Kʼoeˇ gaˇ neh naˇ, Yawˇdaˬ lawˇ baˬ caw caw-ehˇ iˇ ka-awˇ, Shiˇ-eu Iˬ ma laˆ shaˆ-ahˇ dahˬ-iˇ-eu meh. “Heu-aˬ, oeˬ paw oeˬ coeˇ-ahˇ jaˆ-eu naw maꞈ-euˬ miˇ kaˬ meh lehˇ ehˇ nehˬ-awˬ.”

Dawˬmehˬ 3:17

Aˬ yawꞈ maꞈ-euˬ miˇ kaˬ nahˇ ma ga kʼehˬ paw dzeˇ dzaˬ-aˬ, Yawˇdaˬ lawˇ baˬ-ahˇ keuˆ ni pyeuꞈ-awˇ, laꞈ taˆ paw jaˆ-eu Gaˬliˬlehˇ lah-ahˇ neh aˇ dahˬ beh-awˇ, laꞈ oˆ paw jaˆ-eu Shiˇ-eu iˬ ma laˆ shaˆ-ahˇ neh nahˇ ma doˆ kʼehˬ paw jaˆ-eu Piˇsaˬgaˬ gawˬ jawˬ dawˬ dahˬ-ahˇ keuˆ ni meh.

Yawˇshuˆ 3:16

iˇ cuꞈ yoeˇ-eu naˬ leˇ-awˇ, Zaˬleˬdaˬ dawˬ peh jaˆ-eu Aˬdaˬ meuˬ-ahˇ keuˆ ni dahˬ goˇ daˆ leꞈ-euˬ meh. Shiˇ-eu iˬ ma laˆ shaˆ paw yoeˇ ka-eu iˇ cuꞈ tsiˇ jaˆ ni tsiˇ leˇ-awˇ, Iˇsaˬleˬlaˆ tsawˇ haˬ deuˬ Yeˬliˇkoˇ meuˬ dawˬ peh lawˇ baˬ tsehˆ doˆ nya-euˬ meh.