Aˇ dahˬ 14:22 - Akha

²² Ehˇ kʼawꞈ, Aˬbyaˬ ehˇ-eu, “Huiˬ dui mahˇ dui dui-eu Miˬyehˇ pyeuꞈ-eu Sahˬpaˬ Miˬyehˇ mehˬ shi ngaˇ heu loꞈ-ehˇ kamˬ tsehˆ-eu ma.

Aˇ dahˬ 14:22 ပူးပေါင်းရင်းမြစ်များ

Aˇ dahˬ 14:21

Kʼoeˇ naˇ, Aˬbyaˬ-ahˇ Sawˇdoˬ sahˬ paˬ ehˇ-eu, “Kʼaˇ za kʼoꞈ-euˬ pyuˇ shuiˇ myawˬ gahˬ dawˬ tawˆ luꞈ nawˇ geuꞈ jiˇ-awˬ. Ngaˬ-ahˇ ngaˬ-euˬ tsawˇ haˬ bi sheuˬ kʼoꞈ laꞈ naˇ gʼaˬ-aˇ.”

Aˇ dahˬ 17:1

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

Aˇ dahˬ 21:33

Kʼoeˇ naˇ, Beˬlaˇsheˬba lehˇ kuˇ-eu jawˇ duˬ kʼoeˇ tsahˇ-ahˇ, Aˬbyaˬhaˬ ciˬ caˬ aˇ behˆ aˇ bawˇ tiˬ bawˇ ka-awˇ, Mˬ maˬ maˬ byaˆ zaˇ ziˇ dehꞈ-eu Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-euˬ meh.

Aˇ dahˬ 24:3

Kaˬnaˬ miˇ kʼahˬ laꞈ kʼoeˇ jawˇ-eu zaˬ miˬ aˬ buˇ deuˬ laꞈ kʼoeˇ, ngaˬ li gʼaˇ duˬ miˬ zaˬ maˬ poˆ nehˬ lehˇ, mˬ hawˇ-eu miˇ-ahˇ uˆ lahˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi, nawˬ-ahˇ ngaˇ saˇ jaˇ bi dzaˬ mawꞈ-eu ma.

2 Saˬmeuˬlaˆ 2:5

tsawˇ haˬ pyehˬ gʼeh-awˇ, heu loꞈ-ehˇ bi tsaꞈ gaˬ-iˇ-euˬ meh. “Naw maꞈ-euˬ sahˬ paˬ-ahˇ baꞈ pahˬ nehˬ-euˬ laꞈ kʼoeˇ, naw maꞈ saˇ jaˇ ziꞈ-eu gaˇ kawˆ bi siˬ bi mawˇ-euˬ miˇ neh, Sahˬpaˬ Miˬyehˇ naw maꞈ-ahˇ guiˬ lahˬ biꞈ luꞈ-uˇ.

2 Sahˬpaˬ 5:16

Eˇliˇshehˇ ehˇ-eu, “Aˬ cawˬ neh biꞈ laˬ-euˬ laꞈ sawˬ-ahˇ ngaˇ maˬ ha geuꞈ lehˇ, ngaˇ uˬ duˬ tahˬ luꞈ-eu dehꞈ luꞈ-eu Sahˬpaˬ Miˬyehˇ-euˬ tsawˇ myahˇ uˬ moˆ ngaˇ kamˬ-eu ma.” Neˬmaˬ gʼaˬ, “Ha geuꞈ nehˬ laꞈ-awˬ” lehˇ shaˇ kʼawꞈ, aˬ yawꞈ maˬ ha geuꞈ nehˬ-a.

1 Laˬsaˬbaˬ 29:11

Baoˬ maˬ ehˇ, yaw shehꞈ kʼahˬ sehˇ maˬ ehˇ, huiˬ dui mahˇ dui dui-eu jeˬ maˬ ehˇ, gʼaˬ leˇ-eu jeˬ maˬ ehˇ, zahˬ dui dui leˇ paˬ-ehˇ gʼeh-eu jeˬ maˬ ehˇ, dawˬ tawˆ luꞈ nawˬ-euˬ laꞈ kʼoeˇ byah luꞈ meh. Mˬ hawˇ-eu miˇ kʼoeˇ taˆ kʼaˇ jaˆ-eu yawˬ jeˬ na luꞈ nawˬ-euˬ pyeuꞈ-awˇ, dawˬ tawˆ kʼoeˇ taˆ uˆ lahˇ-eu huiˬ dzehˬ-eu sahˬ paˬ nawˇ meh.

Jaceuq 144:11

Gʼawˬ shaˬ gaˬ-eu maˬ siˬ nya-eu muiˇ-eu deuˬ-euˬ aˬ laꞈ laꞈ kʼoeˇ, ngaˬ-ahˇ ka kʼoꞈ nehˬ laꞈ. Tiˬ jawˇ-iˬ yaw tsaˬ yaw dawˇ jeˬ maˬ ngehˬ-ehˇ, jaˬ myawꞈ myawꞈ-awˇ kamˬ tsehˆ peuˬ-eu, aˬ cawˬ tsawˇ jeuˬ-euˬ laꞈ-ahˇ ka kʼoꞈ nehˬ laꞈ.

Jaceuq 144:8

Aˬ yawꞈ maꞈ yaw tsaˬ yaw dawˇ jeˬ tiˬ jawˇ-iˬ maˬ ngehˬ-ehˇ, jaˬ myawꞈ myawꞈ-awˇ kamˬ tsehˆ peuˬ-eu meh.

Jaceuq 24:1

Miˇtsaˬtahˬkʼawˇboeˬboeˬluˆluˆ, kʼaˇdehꞈkʼaˇjawˇ-eu dawˬtawˆluꞈ, SahˬpaˬMiˬyehˇ-euˬpyeuꞈ-eu meh.

Jaceuq 83:18

Nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu uˆ lahˇ-eu gʼaˬ pyeuꞈ-eu gaˇ kawˆ, aˬ yawꞈ maꞈ siˬ nya leˇ luꞈ-uˇ.

Doˆ-iˇ 6:8

Aˬ byaˬ haˬ, Iˇ tsaˆ hawˇ-eu Yaˬ koˆ-ahˇ biꞈ ma lehˇ ngaˬ neh ehˇ tsehˆ taˬ-euˬ miˇ kʼahˬ-ahˇ, naw maꞈ-ahˇ ngaˇ sheuˬ gʼeh-awˇ, miˇ kʼahˬ kʼoeˇ kʼahˬ naw maꞈ-ahˇ ngaˇ biꞈ tsehˆ nehˬ ma. Ngaˇ-aˬ, Sahˬpaˬ Miˬyehˇ ma lehˇ ehˇ nehˬ awˬ.”

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Daˬyeˬlaˇ 12:7

Mˬ taˆ gʼaˬ kʼehˇ kʼoeˇ gʼaˬ aˬ laꞈ nyiˬ laꞈ luꞈ mˬ paw baꞈ diˇ-awˇ, Mˬ maˬ maˬ byaˆ zaˇ ziˇ dehꞈ-eu Miˬyehˇ-euˬ tsawˇ myahˇ uˬ moˆ heu loꞈ-ehˇ saˇ jaˇ dawˬ ngehˬ-euˬ meh. “Miˬyehˇ-euˬ tsawˇ haˬ deuˬ-ahˇ kʼehˬ neh kʼaˆ nehˬ-eu aˇ saˬ saˬ-awˇ, pyeuꞈ luꞈ-eu gaˇ kawˆ heu deuˬ dzeuˇ jiˇ-eu gʼaˇ duˬ, aˇ yamˬ smˇ kʼoꞈ uˬ taꞈ tiˬ paˆ jaˆ-a siˬ.”

Daˬyeˬlaˇ 4:34

Sahˬ paˬ Neˬbuˬkaˬneˬzaˬ ehˇ-eu, “Shiꞈ kʼoꞈ dzeuˇ-iˇ ngeh jawˇ, mˬ-ahˇ ngaˇ gʼawˇ leuˇ haw ngeh, nui ma-ahˇ noeˬ laˇ-euˬ miˇ-a. Dawˬ tawˆ kʼoeˇ taˆ huiˬ-eu Miˬyehˇ-ahˇ ngaˇ ja ceuˬ-awˇ, mˬ maˬ maˬ byaˆ zaˇ ziˇ dehꞈ-eu gʼaˬ-ahˇ ciˬ poeˬ-awˇ taˬ huiˬ taˬ mahˇ nehˬ-euˬ ma. “Aˬ yawꞈ dzoeˬ dzaˬ zaˇ ziˇ gmˬ-awˇ, aˬ yawꞈ miˇ kʼahˬ zaˇ ziˇ ziꞈ meh.

Haˬgaiˇ 2:8

Miˇ tsaˬ kʼoeˇ taˆ kʼaˇ jaˆ-eu pyuˇ shuiˇ dawˬ tawˆ luꞈ ngaˬ-euˬ ma.

Dawˬmehˬ 10:14

Goˇ dui dui-eu mˬ deuˬ maˬ ehˇ, miˇ tsaˬ maˬ ehˇ, miˇ tsaˬ kʼoeˇ taˆ kʼaˇ jaˆ-eu yawˬ jeˬ na luꞈ maˬ ehˇ, Sahˬpaˬ Miˬyehˇ-euˬ pyeuꞈ-eu meh.

Dawˬmehˬ 32:40

Ngaˇ dehꞈ luꞈ-eu Miˬyehˇ pyeuꞈ-eu, yaw duˬ yaw ciˇ baw-eu loꞈ-ehˇ, mˬ paw aˬ laꞈ cawˬ ja taˬ-awˇ, heu loꞈ-ehˇ saˇ jaˇ dzaˬ-eu ma.

Yaˇ kʼaˬ daˇ 11:35

Aˬ yawꞈ-euˬ aˬ buˇ-ahˇ aˬ yawꞈ ya mawˇ ngeh, noeˬ shaˬ dui dui-eu laꞈ kʼoeˇ yawˬ ha-euˬ meh tsoeˬ cehˬ pyaˬ-awˇ ehˇ-eu, “Ngaˬ buˇ-oˇ, ngaˬ-eu nui ma tsawˬ paˆ-iˇ ni nawˇ jahˇ-euˬ nga. Nawˇ-aˬ, ngaˇ shaˬ zahˬ naꞈ ni jahˇ nehˬ laꞈ-eu tsawˇ haˬ tiˬ gʼaˬ law hawˇ nga. Sahˬpaˬ Miˬyehˇ-ahˇ ngaˇ saˇ jaˇ ziꞈ dah ni dzaˬ gʼaˬ taˬ-euˬ miˇ neh, maˬ paˇ noeˬ paˇ nya meh.”