Aˇ dahˬ 14:20 - Akha

²⁰ Nawˬ-ahˇ muiˇ-eu deuˬ-ahˇ nawˇ gʼaˬ leˇ nya ni caw ba nehˬ-euˬ gʼaˬ pyeuꞈ-eu, Huiˬ dui mahˇ dui dui-eu Miˬyehˇ-ahˇ aˬ cawˬ ja ceuˬ luꞈ-uˇ” lehˇ ehˇ-eu meh. Kʼoeˇ ngeh, guiˇ deuˆ gʼaˬ-awˇ kʼaˇ deuˆ za kʼoꞈ-euˬ pyuˇ shuiˇ myawˬ gahˬ dawˬ tawˆ luꞈ laꞈ kʼoeˇ, tseˇ bymˇ tiˬ bymˇ Aˬbyaˬ yuˇ doˆ-awˇ, Maˬlaˬkiˇsaˬdehˇ-ahˇ damˬ nehˬ-euˬ meh.

Aˇ dahˬ 14:20 ပူးပေါင်းရင်းမြစ်များ

Aˇ dahˬ 14:21

Kʼoeˇ naˇ, Aˬbyaˬ-ahˇ Sawˇdoˬ sahˬ paˬ ehˇ-eu, “Kʼaˇ za kʼoꞈ-euˬ pyuˇ shuiˇ myawˬ gahˬ dawˬ tawˆ luꞈ nawˇ geuꞈ jiˇ-awˬ. Ngaˬ-ahˇ ngaˬ-euˬ tsawˇ haˬ bi sheuˬ kʼoꞈ laꞈ naˇ gʼaˬ-aˇ.”

Aˇ dahˬ 24:27

“Ngaˬ-euˬ baw leˬ Aˬbyaˬhaˬ-ahˇ saˇ jaˇ ziꞈ-eu aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ huiˬ luꞈ-uˇ. Sahˬpaˬ Miˬyehˇ-aˬ, ngaˬ-euˬ baw leˬ Aˬbyaˬhaˬ-euˬ aˬ yuiꞈ aˬ nyiˇ deuˬ jawˇ gaˇ, ngaˬ-ahˇ dawˇ coe ni sheuˬ ahˇ nehˬ laꞈ-euˬ nga” lehˇ ehˇ-eu meh.

Aˇ dahˬ 28:22

Noeˬ keuˆ-eu gʼaˇ duˬ ngaˬ neh kʼaˬ lo ka tuˇ taˬ-euˬ jawˇ duˬ heu tsahˇ-ahˇ, ngaˇ nawˬ-ahˇ uˬ duˬ tahˬ-awˇ, nawˬ neh ngaˬ-ahˇ kʼaˇ biꞈ laꞈ-euˬ jeˬ dawˬ tawˆ luꞈ laꞈ kʼoeˇ, tseˇ bymˇ tiˬ bymˇ nawˬ-ahˇ paˇ damˬ kʼoꞈ nehˬ ma.”

Aˇ dahˬ 47:24

Cehˇ yehˬ cehˇ diˬ luiˆ gʼaˬ jiˇ ngeh, naw maꞈ neh mˇ za-euˬ cehˇ laꞈ kʼoeˇ, ngaˬ bymˇ tiˬ bymˇ sahˬ paˬ-ahˇ biꞈ kʼoꞈ-awˬ. Dzeˇ-eu deuˬ-ahˇ naw maꞈ hawˇ-eu naw maꞈ-euˬ miˬ sawˇ zaˬ deuˬ dzaˬ-eu gʼaˇ duˬ taˬ-awˇ, cehˇ siˬ yoeˬ kʼawꞈ pehˬ doˆ taˬ-awˬ.”

Aˇ dahˬ 47:26

Kʼaˇ mˇ za-euˬ jeˬ laꞈ kʼoeˇ, sahˬ paˬ-ahˇ ngaˬ bymˇ tiˬ bymˇ biꞈ-eu gʼaˇ duˬ, Iˇjiˇtuˆ miˇ kʼahˬ laꞈ kʼoeˇ Yoˇsehˆ neh zahˇ taˬ dahˬ beh-awˇ, zahˇ kʼoeˇ hmˬ iˬ nah keuˆ ni Iˇjiˇtuˆ miˇ kʼahˬ laꞈ kʼoeˇ jaˆ luꞈ-eu meh. Piˇ ma deuˬ-ahˇ taꞈ-eu deh yaˇ hawˇ-eu miˇ tsaˬ maˬ ngeuˇ naˇ, dawˬ tawˆ luꞈ zahˇ kʼoeˇ hmˬ-ahˇ ya caw teh-eu meh.

Aˇ dahˬ 9:26

Sheˬmaˆ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, guiˬ lahˬ huiˬ luꞈ-uˇ. Aˬ yawꞈ-euˬ zaˬ deuˬ uˆ deuˬ, Sheˬmaˆ-euˬ zaˬ deuˬ uˆ deuˬ nehˬ-ehˇ jawˇ luꞈ-uˇ. Kaˬnaˬ-aˬ, Yaˬpahˇ-euˬ zaˬ kʼaˆ ya geuꞈ tehꞈ-a.

2 Saˬmeuˬlaˆ 18:28

Aˬhiˇmaˆ-aˬ, sahˬ paˬ-ahˇ dawˬ cawˬ puˬ nehˬ-awˇ, sahˬ paˬ-euˬ meh shi miˇ tsa awˆ byaˆ-awˇ, “Sahˬ paˬ-oˇ, nawˬ-ahˇ puiˬ-eu tsawˇ haˬ deuˬ-ahˇ bi gʼaˬ leˇ nehˬ laꞈ-euˬ, nawˬ-eu Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ” lehˇ ehˇ-eu meh.

2 Laˬsaˬbaˬ 31:12

Kʼoeˇ naˇ, kʼaˇ damˬ nehˬ laˇ-euˬ laꞈ sawˬ deuˬ hawˇ-eu tseˇ bymˇ tiˬ bymˇ-ahˇ, kʼoeˇ gaˇ dawˆ ahˇ-awˇ jeˬ hmˬ-euˬ meh. Leˬbiˇ tsawˇ haˬ Kawˇnaˬniˇ lehˇ myahˇ-euˬ gʼaˬ-ahˇ myawˬ kʼoeˇ deuˬ-ahˇ haw-eu paw aˬ yuiꞈ bi geuꞈ-awˇ, aˬ yawꞈ-euˬ aˬ nyiˇ Shiˇmiˇ gʼaˬ-ahˇ, aˬ yawꞈ-ahˇ caw ba-eu gʼaˬ bi geuꞈ-euˬ meh.

Neˬhaˬmiˇ 10:37

Aˬ yawꞈ kʼoꞈ yawꞈ keuˆ beh beh le-euˬ cehˇ shuiꞈ mˇ-awˇ teˇ-euˬ hawˬ tahˬ maˬ ehˇ, aˬ gaꞈ dzaˇ uiˇ, saˬ loˬ tsiˇ hawˇ-eu aˇ siˬ aˇ lu yawˬ jeˬ na luꞈ damˬ-eu jeˬ maˬ ehˇ, Uˬ duˬ tahˬ nymˇ nymˇ ma-ahˇ piˇ ma deuˬ jawˇ gaˇ nga maꞈ yuˇ gʼeh nehˬ ma. Nga maꞈ-euˬ deh yaˇ-ahˇ doˆ-eu dzaˬ la gʼo cehˇ tseˇ bymˇ tiˬ bymˇ-ahˇ, nga maꞈ-euˬ pu-ahˇ jawˇ-awˇ tseˇ bymˇ tiˬ bymˇ taꞈ uiˬ luꞈ-eu Leˬbiˇ tsawˇ haˬ deuˬ-ahˇ nga maꞈ biꞈ nehˬ ma.

Neˬhaˬmiˇ 13:12

Kʼoeˇ naˇ, Iˇsaˬleˬlaˆ tsawˇ haˬ dawˬ tawˆ luꞈ, aˬ yawꞈ maꞈ-eu dzaˬ la gʼo cehˇ, aˬ gaꞈ dzaˇ uiˇ hawˇ-eu saˬ loˬ tsiˇ heu deuˬ tseˇ bymˇ tiˬ bymˇ, Uˬ duˬ tahˬ nymˇ nymˇ ma-euˬ myawˬ taˬ-eu aˇ lawˆ-ahˇ paˇ sha ha laˇ-euˬ meh.

Jaceuq 144:1

Ngaˬ-ahˇ haw piˇ-eu gʼaˬ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ ngaˬ-ahˇ guiˇ deuˆ-eu tsawˇ gahˇ mehˬ nehˬ laꞈ-awˇ, guiˇ deuˆ-eu gʼaˇ duˬ lehˬ hmˬ nehˬ laꞈ-euˬ meh.

Jaceuq 44:3

Nawˬ-euˬtsawˇjeuˬmi cehˇyuˇ-awˇ, miˇkʼahˬdeuˆza-euˬmaˬngeuˇ-a. Aˬyawꞈmaꞈlaꞈdu cawˬdoˆ-awˇ, guiˇdeuˆgʼaˬ-euˬjeˬmaˬngeuˇ-a. Yawꞈmaꞈ-ahˇnawˇgaˬ-eu miˇneh, nawˬ-euˬmyaˆpyawˬyaw shehꞈhawˇ-eu, nawˬ-euˬaˇmaˇlaꞈ-ahˇgʼoe-awˇ, bi gʼaˬleˇ-euˬjeˬpyeuꞈ-eu meh.

Jaceuq 68:19

Aˬ yawꞈ nah yawꞈ aˬ dui-euˬ kʼaˆ behˆ caw pi nehˬ laꞈ-eu gʼaˬ pyeuꞈ-eu, Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ-aˬ, aˬ dui-ahˇ ka kʼoꞈ-eu Miˬyehˇ meh.

Doˆ-iˇ 18:10

Yeˬdaˬyoˇ ehˇ-eu, “Iˇjiˇtuˆ sahˬ paˬ hawˇ-eu aˬ yawꞈ-euˬ tsawˇ haˬ deuˬ-euˬ aˬ laꞈ laꞈ kʼoeˇ naw maꞈ-ahˇ ka kʼoꞈ nehˬ laꞈ-euˬ Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ-euˬ tsawˇ haˬ-ahˇ aˬ cawˬ zaˬ kʼaˆ ya geuꞈ-eu laꞈ kʼoeˇ ka kʼoꞈ nehˬ-euˬ Sahˬpaˬ Miˬyehˇ-ahˇ ja ceuˬ-awˬ.

Aˬmoˆ 4:4

Dawˬ tawˆ kʼoeˇ taˆ uˆ lahˇ-eu gʼaˬ pyeuꞈ-eu Sahˬpaˬ Miˬyehˇ ehˇ-eu, “Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ-oˇ, naw maꞈ iˬ baˇ maˬ mˇ-ehˇ maˬ jawˇ tehˬ coeˇ te lehˇ ngeuˇ naˇ, Beˬdeˬlaˇ meuˬ-ahˇ jaˆ-eu muiˬ-eu shawˇ-eu jawˇ duˬ-ahˇ le-awˇ mˇ leˇ-awˬ. Giˇlaˇgaˬlaˇ meuˬ-ahˇ le-awˇ, iˬ baˇ kʼaˇ mˇ coeˇ-eu mˇ leˇ-awˬ. Aˬ yawꞈ shawˬ yawꞈ lawˇ-eu gʼaˇ duˬ jeˬ zaˬ tsahˇ laꞈ-awˇ, smˬ nah tiˬ poˆ tseˇ bymˇ tiˬ bymˇ yuˇ laꞈ-awˬ.

Maˬlaˬkiˇ 3:10

Ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ dzaˬ dzaˬ dawˇ dawˇ jaˆ laˇ ni, tseˇ bymˇ tiˬ bymˇ tiˬ byah ni yuˇ laꞈ-awˬ. Kʼoeˇ naˇ, naw maꞈ ngaˬ-ahˇ lawˬ haw-awˬ. Mˬ taˆ laˇ gʼoˆ deuˬ pah dzeh jiˇ-awˇ, muiˬ-eu guiˬ lahˬ dawˬ tawˆ luꞈ byah kʼaˇ-iˇ gaˇ keuˆ ni naw maꞈ-ahˇ ngaˇ shehˆ ahˇ nehˬ ma.

Maˬlaˬkiˇ 3:8

Ngaˇ naw maꞈ-ahˇ naˇ haˬ nyaˇ. Tsawˇ haˬ tiˬ gʼaˬ Miˬyehˇ-ahˇ mehˇ shuiˇ shuiˇ-eu tsaˬ tehꞈ-a loˇ. Maˬ tsaˬ-a. Ehˇ kʼawꞈ, naw maꞈ ngaˬ-ahˇ mehˇ shuiˇ shuiˇ luꞈ meh. ‘Aˬ joˆ-ehˇ shuiˇ taˬ’ lehˇ naw maꞈ ehˇ mawꞈ tehꞈ-a. Tseˇ bymˇ tiˬ bymˇ biꞈ-eu laꞈ kʼoeˇ maˬ ehˇ, ngaˬ-ahˇ damˬ-eu jeˬ laꞈ kʼoeˇ maˬ ehˇ, naw maꞈ ngaˬ-ahˇ mehˇ shuiˇ shuiˇ-euˬ meh.

Bawˇtsahˬ 28:26

Sahˬpaˬ Miˬyehˇ-ahˇ naw maꞈ cehˇ shuiꞈ lawˇ nehˬ-eu aˇ nah pyeuꞈ-eu cehˇ laˆ luiˆ-eu bawˬ-iˬ aˇ dahˬ beh-eu nah-ahˇ, gaˇ maˬ mˇ ni tiˬ gaˇ uiˬ leˇ-awˇ uˬ duˬ ya tahˬ meh.

Luˇkaꞈ 18:12

Ngaˇ-aˬ, tiˬ jaw laꞈ kʼoeˇ nyiˬ nah maˬ dzaˬ-eu zahˇ tawˬ luꞈ-awˇ, ngaˇ kʼaˇ za-euˬ yawˬ jeˬ na luꞈ laꞈ kʼoeˇ, tseˇ bymˇ tiˬ bymˇ nawˬ-ahˇ damˬ luꞈ ma’ lehˇ shaˇ-euˬ meh.

Lormav 15:16

Yuˇdaˆ tsawˇ haˬ maˬ ngeuˇ-eu deuˬ-euˬ gʼaˇ duˬ gaˇ bi mˇ-eu lehˇ, ngaˬ-ahˇ Yeˬsuˇ Ka li-euˬ zaˬ kʼaˆ bi geuꞈ laꞈ-euˬ meh. Miˬyehˇ-euˬ Laˬ kʼa cehˇ-eu Guiˬ lahˬ dawˬ mehˬ-eu gaˇ-ahˇ taꞈ leˇ-awˇ, piˇ ma tiˬ gʼaˬ loꞈ-ehˇ ngaˇ gaˇ mˇ luꞈ-eu ma. Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ-ahˇ lawˇ nehˬ-euˬ jeˬ loꞈ-ehˇ Miˬyehˇ ha geuꞈ nya ni, Muiˬ-eu Shawˇ-eu Yaw sahˇ Miˬyehˇ neh Miˬyehˇ-ahˇ damˬ nehˬ-euˬ jeˬ loꞈ-ehˇ bi pyeuꞈ-eu gʼaˇ duˬ, piˇ ma tiˬ gʼaˬ loꞈ-ehˇ ngaˇ mˇ luꞈ-eu ma.

Eˇpeˇsu 1:3

Aˬ dui-euˬ Sahˬpaˬ Yeˬsuˇ Ka liˬeuˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ jeˬ miˇ neh ehˇ naˇ, mˬ taˆ miˇ kʼahˬ-ahˇ jaˆ-eu saꞈ laˇ paw-euˬ guiˬ lahˬ yawˬ jeˬ na luꞈ, Yeˬsuˇ Ka li laꞈ kʼoeˇ aˬ dui-ahˇ aˬ yawꞈ biꞈ laꞈ-euˬ meh.

Dawˬmehˬ 12:17

Sahˬpaˬ Miˬyehˇ-ahˇ lawˇ nehˬ-eu jeˬ pyeuꞈ-eu tseˇ bymˇ tiˬ bymˇ damˬ-euˬ dzaˬ lo gʼo cehˇ deuˬ, aˬ gaꞈ dzaˇ uiˇ, saˬ loˬ tsiˇ, gʼaw beh beh-euˬ mawˇ neˇ hawˇ-eu yawˇ, Sahˬpaˬ Miˬyehˇ-ahˇ biꞈ ma lehˇ naw maꞈ neh saˇ jaˇ dzaˬ taˬ-eu laꞈ sawˬ deuˬ, nui ma keuˆ-awˇ lawˇ-eu jeˬ hawˇ-eu nui jeˬ lawˇ-eu jeˬ heu deuˬ-ahˇ, naw maꞈ-euˬ jawˇ duˬ laꞈ kʼoeˇ maˬ ya dzaˬ-a.

Dawˬmehˬ 14:23

Kʼoeˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh aˬ yawꞈ-ahˇ uˬ duˬ bi tahˬ-eu lehˇ tseˇ doˆ taˬ-euˬ jawˇ duˬ-ahˇ le-awˇ, naw maꞈ-euˬ dzaˬ la gʼo cehˇ, aˬ gaꞈ dzaˇ uiˇ hawˇ-eu saˬ loˬ tsiˇ, mawˇ neˇ hawˇ-eu yawˇ, heu deuˬ laꞈ kʼoeˇ yuˇ doˆ taˬ-euˬ tseˇ bymˇ tiˬ bymˇ-ahˇ, kʼoeˇ gaˇ, aˬ yawꞈ-euˬ mehˬ shi dzaˬ-awˬ dawˇ-awˬ. Naw maꞈ-euˬ Miˬyehˇ pyeuꞈ-euˬ Sahˬpaˬ Miˬyehˇ-ahˇ aˬ myah luꞈ yaw zeu baw nya laˇ ni, kʼoeˇ loꞈ-ehˇ mˇ-awˬ.

Dawˬmehˬ 14:28

Smˇ kʼoꞈ doˆ le ngeh tiˬ poˆ, naw maꞈ neh kʼaˇ mˇ za-euˬ dzaˬ la gʼo cehˇ dawˬ tawˆ luꞈ laꞈ kʼoeˇ tseˇ bymˇ tiˬ bymˇ yuˇ laꞈ-awˇ, naw maꞈ-euˬ meuˬ deuˬ laꞈ kʼoeˇ jeˬ hmˬ taˬ-awˬ.

Yawˇshuˆ 10:42

Yawˇshuˆ tiˬ poˆ gʼoˆ doˆ leˇ-euˬ laꞈ kʼoeˇ, sahˬ paˬ heu deuˬ dawˬ tawˆ luꞈ hawˇ-eu aˬ yawꞈ maꞈ-euˬ miˇ kʼahˬ deuˬ-ahˇ deuˆ gʼaˬ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ jeuˬ gʼaˇ duˬ guiˇ deuˆ luꞈ-eu meh.