Aˇ dahˬ 14:18 - Akha

¹⁸ Kʼoeˇ ngeh, Huiˬ dui mahˇ dui dui-eu Miˬyehˇ-euˬ piˇ ma pyeuꞈ-eu Saˬleˬ sahˬ paˬ Maˬlaˬkiˇsaˬdehˇ-aˬ, kaˬ muˇ hawˇ-eu aˬ gaꞈ dzaˇ uiˇ yuˇ-awˇ, Aˬbyaˬ jawˇ gaˇ laˇ-euˬ meh.

Aˇ dahˬ 14:18 ပူးပေါင်းရင်းမြစ်များ

2 Saˬmeuˬlaˆ 2:5

tsawˇ haˬ pyehˬ gʼeh-awˇ, heu loꞈ-ehˇ bi tsaꞈ gaˬ-iˇ-euˬ meh. “Naw maꞈ-euˬ sahˬ paˬ-ahˇ baꞈ pahˬ nehˬ-euˬ laꞈ kʼoeˇ, naw maꞈ saˇ jaˇ ziꞈ-eu gaˇ kawˆ bi siˬ bi mawˇ-euˬ miˇ neh, Sahˬpaˬ Miˬyehˇ naw maꞈ-ahˇ guiˬ lahˬ biꞈ luꞈ-uˇ.

Jaceuq 104:15

Tsawˇ haˬ zaˬ-euˬ nui ma-ahˇ laˬ kʼaˬ bi cehˇ-eu gʼaˇ duˬ aˬ gaꞈ dzaˇ uiˇ doˆ laˇ ni maˬ ehˇ, tsawˇ haˬ zaˬ-euˬ gʼawˇ mawˇ laˆ saˆ-eu gʼaˇ duˬ saˬ loˬ tsiˇ doˆ laˇ ni maˬ ehˇ, tsawˇ haˬ zaˬ dzaˬ-awˇ gʼaˬ bi ahˇ-eu gʼaˇ duˬ kaˬ muˇ doˆ laˇ ni maˬ ehˇ, nawˇ kʼoeˇ loꞈ-ehˇ jahˇ nehˬ-euˬ meh.

Jaceuq 110:4

Saˇ jaˇ dzaˬ gʼaˬ-euˬ dawˬ-ahˇ Sahˬpaˬ Miˬyehˇ maˬ yuˇ kʼoꞈ-a. Maˬlaˬkiˇsaˬdehˇ-euˬ aˇ yaˬ nawˇ za-awˇ, mˬ maˬ maˬ byaˆ zaˇ ziˇ piˇ ma ya geuꞈ tehꞈ-a lehˇ, aˬ yawꞈ saˇ jaˇ dzaˬ taˬ-euˬ meh.

Jaceuq 50:14

Guiˬ lahˬ-ahˇ noeˬ keuˆ-eu jeˬ naw maꞈ neh Miˬyehˇ-ahˇ lawˇ nehˬ-euˬ jeˬ bi pyeuꞈ-awˇ, naw maꞈ neh saˇ jaˇ kʼaˇ dzaˬ taˬ-euˬ loꞈ-ehˇ, Baoˬ huiˬ-eu gʼaˬ-ahˇ biꞈ-awˬ.

Jaceuq 57:2

Huiˬ dui mahˇ dui dui-eu Miˬyehˇ-ahˇ ngaˇ kuˇ-eu ma. Ngaˇ kʼaˇ loˬ-eu jeˬ caw ba nehˬ laꞈ-eu Miˬyehˇ-ahˇ kuˇ-eu ma.

Jaceuq 7:17

SahˬpaˬMiˬyehˇ tsaˬ-eu dawˇ-eu, guiˬlahˬhuiˬ-awˇ ja ceuˬ-eu ma. Huiˬdui mahˇdui dui-eu Miˬyehˇ, aˬdui-euˬ SahˬpaˬMiˬyehˇ-ahˇ, ngaˇcaˇ-awˇ ja ceuˬnehˬ-eu ma.

Jaceuq 76:2

Aˬ yawꞈ-euˬ nymˇ Yeˬluˇsaˬlehˬ meuˬ-ahˇ jaˆ-awˇ, Ziˇoˬ gawˬ jawˬ kʼoeˇ taˆ aˬ yawꞈ jawˇ-eu meh.

Jaceuq 76:3

Muiˇ-eu deuˬ-euˬ kaˆ myaˬ-ahˇ, kʼoeˇ gaˇ aˬ yawꞈ ngawˬ kʼehꞈ-awˇ, aˬ yawꞈ maꞈ-euˬ mi cehˇ hawˇ-eu dehˬ daˬ duˬ maˬ ehˇ, guiˇ deuˆ-eu keu ka dawˬ tawˆ luꞈ maˬ ehˇ, aˬ yawꞈ laˆ kʼehꞈ laˆ kʼoeˆ nehˬ jiˇ-euˬ meh.

Daˬyeˬlaˇ 4:31

Dawˬ kʼoeˇ dawˬ aˬ yawꞈ maˬ ngehˬ jiˇ miˇ naˆ-ehˇ, mˬ kʼoeˇ taˆ heu loꞈ-ehˇ ehˇ doˆ leꞈ-euˬ meh. “Sahˬ paˬ Neˬbuˬkaˬneˬzaˬ-oˇ, ngaˇ ehˇ gaˇ naˇ haˬ-awˬ. Nawˬ-euˬ dzoeˬ dzaˬ nawˬ nehˬ-ehˇ maˬ paˇ jawˇ meh.

Miˇkaˬ 6:6

Mˬ taˆ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ uˬ duˬ tahˬ laˇ ngeh, aˬ yawꞈ gʼaˇ duˬ aˬ jeˬ ya hehˇ laꞈ nmˇ. Muiˬ dui dui-eu mawˇ neˇ mawˇ zaˬ tsahˇ laꞈ-awˇ, miˬ dzaˬ-ahˇ dzah puiˆ-awˇ ya lawˇ nehˬ nmˇ loˇ.

Bawˇtsahˬ 18:28

Kʼoeˇ loꞈ-ehˇ jahˇ-awˇ, naw maꞈ kʼawꞈ, Iˇsaˬleˬlaˆ tsawˇ haˬ deuˬ neh damˬ nehˬ laˇ-awˇ kʼaˇ za-euˬ tseˇ bymˇ tiˬ bymˇ laꞈ kʼoeˇ, Sahˬpaˬ Miˬyehˇ-euˬ shaˬ bymˇ pyeuꞈ-eu yaw zawˇ muiˬ-eu damˬ-eu jeˬ aˬ yawꞈ-ahˇ ya damˬ meh. Yaw zawˇ muiˬ-eu damˬ-eu jeˬ heu, Sahˬpaˬ Miˬyehˇ gʼaˇ duˬ, Aˬloˬ-ahˇ naw maꞈ ya biꞈ nehˬ meh.

Bawˇtsahˬ 24:16

Miˬyehˇ-euˬ dawˬ-ahˇ gaˬ nya-awˇ, dawˬ tawˆ luꞈ kʼoeˇ taˆ huiˬ dzehˬ mahˇ dzehˬ-eu gʼaˬ jawˇ gaˇ neh oe-euˬ zaˬ siˬ nui gahˇ za-euˬ gʼaˬ-euˬ dawˬ heu loˇ ma. Baoˬ huiˬ-eu Miˬyehˇ neh mehˬ nehˬ laꞈ-euˬ jeˬ-ahˇ, yaw sahˇ laꞈ kʼoeˇ maˇ jawˆ ni ngaˇ mawˇ-euˬ ma.

Gʼaˬkʼehˇ 16:17

Aˬ buˇ kʼoeˇ gʼaˬ Pawˇluˆ nga maꞈ-euˬ mehˬ nah caw teh-awˇ, “Tsawˇ haˬ heu deuˬ-aˬ, Huiˬ dui mahˇ dui dui-eu Miˬyehˇ-euˬ zaˬ kʼaˆ pyeuꞈ-awˇ, naw maꞈ ka kʼoꞈ-eu jeˬ za nya-eu gaˇ ma mehˬ le-euˬ meh” lehˇ guˇ guˇ-ehˇ cah-eu meh.

Gʼaˬkʼehˇ 7:48

“Ehˇ kʼawꞈ, Dawˬ tawˆ kʼoeˇ taˆ Huiˬ-eu Sahˬpaˬ Miˬyehˇ-aˬ, tsawˇ haˬ zaˬ-euˬ aˬ laꞈ neh tsoˆ-euˬ nymˇ-ahˇ jawˇ-eu maˬ ngeuˇ-a lehˇ, Miˬyehˇ gʼaˇ duˬ ngeh dah-eu tsawˇ haˬ neh ehˇ taˬ-euˬ heu loꞈ-ehˇ jaˆ-eu meh.

Gaˬlaˬtiˆ 6:10

Kʼoeˇ miˇ neh, kʼaˇ yehꞈ laˇ ngeh tsawˇ haˬ yawˬ gʼaˬ na luꞈ-ahˇ yaw muiˬ jeˬ mˇ nehˬ kaˇ-euˇ. Jah-eu jeˬ laꞈ kʼoeˇ aˬ dui-euˬ aˬ yuiꞈ aˬ nyiˇ pyeuꞈ-eu deuˬ-ahˇ, aˬ cawˬ-ahˇ naˆ maˬ tseˇ yaw muiˬ jeˬ mˇ nehˬ kaˇ-euˇ.

HeˬByehˇ 5:10

Kʼoeˇ naˇ, Miˬyehˇ neh aˬ yawꞈ-ahˇ piˇ ma yaw huiˬ gʼaˬ bi geuꞈ-awˇ, Maˬlaˬkiˇsaˬdehˇ neh tawˬ-euˬ piˇ ma-euˬ gaˇ tawˬ daˆ leꞈ-eu gʼaˬ bi geuꞈ-euˬ meh.

HeˬByehˇ 5:6

Yawˬ tsahˇ yawˬ laꞈ kʼoeˇ kʼawꞈ heu loꞈ-ehˇ paˇ ehˇ taˬ-euˬ meh. “Maˬlaˬkiˇsaˬdehˇ neh tawˬ-euˬ, piˇ ma-euˬ gaˇ nawˇ ya tawˬ-awˇ, mˬ maˬ maˬ byaˆ zaˇ ziˇ jiˇ ni, nawˇ piˇ ma ya geuꞈ daˆ leꞈ meh.”

HeˬByehˇ 6:20

Aˬ dui-euˬ mehˬ hu, muiˬ-eu shawˇ-eu jawˇ duˬ kʼoeˇ tsahˇ-ahˇ aˬ dui-euˬ dah zaˇ Yeˬsuˇ le uˇ-awˇ, Maˬlaˬkiˇsaˬdehˇ neh tawˬ dzeuˇ yaꞈ-euˬ gaˇ-ahˇ tawˬ-eu mˬ maˬ maˬ byaˆ zaˇ ziˇ piˇ ma yaw huiˬ gʼaˬ pyeuꞈ laˇ-euˬ meh.

HeˬByehˇ 7:1

Maˬlaˬkiˇsaˬdehˇ kʼoeˇ gʼaˬ-aˬ, Saˬleˬ meuˬ-euˬ sahˬ paˬ pyeuꞈ-awˇ, Huiˬ dui Mahˇ dui dui-eu Miˬyehˇ-euˬ piˇ ma pyeuꞈ-eu meh. Sahˬ paˬ oeˬ gʼaˬ-ahˇ Aˬbyaˬhaˬ guiˇ deuˆ gʼaˬ-awˇ gʼoꞈ laˇ ngeh, Maˬlaˬkiˇsaˬdehˇ aˬ yawꞈ-ahˇ tahˬ puˬ le-awˇ, dawˬ ngehˬ gʼeh nehˬ-euˬ meh.

Luˇta 3:10

Bawˇza ehˇ-eu, “Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ. Nawˬ-euˬ kʼaˬ dzeˇ zaˬ-euˬ aˇ jeuˬ aˇ ca-ahˇ, nawˇ saˇ jaˇ ziꞈ dui dui-eu gaˇ kawˆ, nymˬ-mˇ nawˇ mˇ-eu heu naˆ maˬ tseˇ, nawˬ-euˬ zahˇ shaˇ aˬ ma-ahˇ nawˬ neh mˇ nehˬ-euˬ gaˇ deuˬ, saˇ kiˇ pyeuꞈ luꞈ meh. Iˬ nah keuˆ ni, smˇ muiˬ muiˬ gaˇ maˬ ehˇ, iˇ shaˬ shaˬ gaˇ maˬ ehˇ, zaˬ guˬ tiˬ gʼaˬ na-ahˇ dahˬ dzaˬ-iˇ ma lehˇ nawˇ maˬ noeˬ-a.