Aˇ dahˬ 14:14 - Akha

¹⁴ Lawˇtaˬ-ahˇ aˬ cawˬ nyehꞈ gʼeh-euˬ gaˇ kawˆ Aˬbyaˬ ya gaˬ ngeh, aˬ yawꞈ nehˬ-ehˇ jawˇ-eu guiˇ kʼaˇ deuˆ nya-eu tsawˇ haˬ deuˬ kuˇ uiˬ-euˬ meh. Guiˇ deuˆ-eu tsawˇ haˬ dawˬ tawˆ luꞈ smˬ yaˇ tseˇ yehꞈ gʼaˬ doˆ laˇ-awˇ, sahˬ paˬ kʼoeˇ oeˬ gʼaˬ-euˬ mehˬ nah Daˬ meuˬ-ahˇ keuˆ ni caw teh-euˬ meh.

Aˇ dahˬ 14:14 ပူးပေါင်းရင်းမြစ်များ

Aˇ dahˬ 12:16

Saˬlehˇ baˬ da neh, sahˬ paˬ kʼoeˇ gʼaˬ Aˬbyaˬ-ahˇ yaw muiˬ paˬ-ehˇ caw ba nehˬ-awˇ, yawˇ yawˇ maꞈ maˬ ehˇ, ciꞈ myehꞈ ciꞈ maꞈ maˬ ehˇ, mawˇ neˇ mawˇ maꞈ maˬ ehˇ, mahˬ tahˬ laˆ deuˬ maˬ ehˇ, zaˬ kʼaˆ deuˬ maˬ ehˇ, law taw deuˬ maˬ ehˇ, biꞈ nehˬ-euˬ meh.

Aˇ dahˬ 12:5

Aˬbyaˬ-aˬ, aˬ yawꞈ-euˬ miˬ zaˬ Saˬlehˇ hawˇ-eu aˬ yawꞈ-euˬ aˬ duˇ Lawˇtaˬ-ahˇ sheuˬ-awˇ, Kaˬnaˬ miˇ kʼahˬ-ahˇ iˇ-euˬ meh. Haˬlaˬ meuˬ-ahˇ jawˇ ngeh, aˬ yawꞈ neh mˇ jaˆ-euˬ pyuˇ shuiˇ myawˬ gahˬ dawˬ tawˆ luꞈ yuˇ gʼeh-awˇ, zaˬ kʼaˆ dawˬ tawˆ luꞈ sheuˬ gʼeh-euˬ meh. Aˬ yawꞈ maꞈ Kaˬnaˬ miˇ kʼahˬ-ahˇ iˇ keuˆ ngeh,

Aˇ dahˬ 13:8

Kʼoeˇ ngeh, Lawˇtaˬ-ahˇ Aˬbyaˬ ehˇ nehˬ-eu, “Aˇ nyaꞈ-aˬ, aˬ uiˬ hawˇ-eu aˬ duˇ lehˇ gʼeh-eu miˇ neh, nawˬ-euˬ tsawˇ haˬ hawˇ-eu ngaˬ-euˬ tsawˇ haˬ yaw kaˬ dawˬ ja bi laˆ doˆ-eu maˬ muiˬ-a.

Aˇ dahˬ 14:12

Kʼoeˇ ngeh, Aˬbyaˬ-euˬ aˬ duˇ Lawˇtaˬ gʼaˬ Sawˇdoˬ meuˬ-ahˇ jawˇ luꞈ-eu miˇ neh, sahˬpaˬ kʼoeˇ deuˬ aˬ yawꞈ-ahˇ nyehꞈ gʼeh-awˇ, aˬ yawꞈ-euˬ pyuˇ shuiˇ myawˬ gahˬ dawˬ tawˆ luꞈ yuˇ jiˇ gʼeh-euˬ meh.

Aˇ dahˬ 14:16

Kʼoeˇ naˇ, aˬ yawꞈ maꞈ neh yuˇ gʼeh-euˬ pyuˇ shuiˇ myawˬ gahˬ dawˬ tawˆ luꞈ paˇ za kʼoꞈ jiˇ-euˬ uˬ taꞈ, Lawˇtaˬ-ahˇ kʼawꞈ aˬ yawꞈ-euˬ pyuˇ shuiˇ myawˬ gahˬ deuˬ nehˬ-ehˇ tiˬ kawˆ loꞈ-ehˇ sheuˬ kʼoꞈ doˆ laꞈ-euˬ meh. Aˬ cawˬ neh bi nyehꞈ gʼeh-euˬ zaˬ miˬ zaˬ deuˬ hawˇ-eu nui deuˬ-ahˇ kʼawꞈ, Lawˇtaˬ nehˬ-ehˇ tiˬ kawˆ loꞈ-ehˇ sheuˬ-awˇ gʼoꞈ laˇ-euˬ meh.

Aˇ dahˬ 15:3

Nawˇ ngaˬ-ahˇ zaˬ maˬ bi jawˇ le-euˬ miˇ neh, ngaˬ-euˬ pyuˇ shuiˇ myawˬ gahˬ dawˬ tawˆ luꞈ ngaˬ-euˬ zaˬ kʼaˆ-euˬ jeˬ biˇ ya bi pyeuꞈ jiˇ meh. Nawˇ ngaˬ-ahˇ guiˬ lahˬ aˬ geu jeˬ paˇ biꞈ-eu gʼeh te” lehˇ ehˇ kʼoꞈ nehˬ-euˬ meh.

Aˇ dahˬ 17:23

Kʼoeˇ ngeh nah laꞈ kʼoeˇ, Miˬyehˇ-euˬ ehˇ dawˬ-ahˇ Aˬbyaˬhaˬ naˇ haˬ geuꞈ-awˇ, aˬ yawꞈ-euˬ aˬ li Iˇshaˬmeˬlaˇ hawˇ-eu, aˬ yawꞈ-euˬ nymˇ laꞈ kʼoeˇ kʼaˇ jawˇ-eu kʼaˬ dzeˇ zaˬ dawˬ tawˆ luꞈ-ahˇ baˆ kʼoˆ mehˬ dzaˬ yehˬ-euˬ meh. Aˬ yawꞈ-euˬ nymˇ laꞈ kʼoeˇ dehꞈ le-euˬ zaˬ kʼaˆ deuˬ-ahˇ maˬ ehˇ, aˬ yawꞈ neh zeuˇ tsehˆ taˬ-euˬ zaˬ kʼaˆ deuˬ-ahˇ maˬ ehˇ, baˆ kʼoˆ mehˬ dzaˬ yehˬ nehˬ-euˬ meh.

Aˇ dahˬ 17:27

Aˬbyaˬhaˬ-euˬ zaˬ kʼaˆ dawˬ tawˆ luꞈ kʼawꞈ, kʼoeˇ ngeh nah laꞈ kʼoeˇ baˆ kʼoˆ mehˬ dzaˬ yehˬ jiˇ-euˬ meh.

Aˇ dahˬ 18:19

Aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ-euˬ zaˬ deuˬ uˆ deuˬ-ahˇ maˬ ehˇ, yaw tsaˬ yaw dawˇ jeˬ mˇ ni bi mehˬ nehˬ-eu gʼaˇ duˬ, ngaˇ aˬ yawꞈ-ahˇ tseˇ doˆ-eu ma. Aˬ yawꞈ maꞈ kʼoeˇ loꞈ-ehˇ mˇ naˇ, aˬ yawꞈ nehˬ-ehˇ ngaˇ saˇ jaˇ kʼaˇ dzaˬ taˬ-euˬ jeˬ dawˬ tawˆ luꞈ mˇ byah nehˬ ma.”

Aˇ dahˬ 23:6

“Aˬ yuiꞈ-oˇ, nga maꞈ ehˇ gaˇ tiˬ poˆ naˇ haˬ nehˬ laꞈ sheˇ. Nga maꞈ nawˬ-ahˇ, baoˬ ahˇ-eu aˬ yuiꞈ aˬ tsu tiˬ gʼaˬ loꞈ-ehˇ sawˇ taˬ-euˬ ma. Nga maꞈ-euˬ lmˬ bymˇ laꞈ kʼoeˇ jawˇ duˬ kʼaˇ tsaˬ dzehˬ-eu tsahˇ-ahˇ, nawˬ-euˬ nymˇ dahˬ-ahˇ baꞈ pahˬ nehˬ nya tehꞈ-a. Nawˬ-euˬ nymˇ dahˬ-ahˇ nga maꞈ-euˬ lmˬ bymˇ laꞈ kʼoeˇ bi baꞈ pahˬ-eu gʼaˇ duˬ, nga maꞈ yawˬ gʼaˬ na luꞈ nui ma tsaˬ-eu ma.”

1 Sahˬpaˬ 15:20

Aˬsaˬ neh ehˇ-euˬ dawˬ-ahˇ sahˬ paˬ Beˬhaˬdaˇ nui ma tsaˬ-awˇ, aˬ yawꞈ-euˬ guiˇ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ hawˇ-eu, aˬ yawꞈ-euˬ guiˇ maꞈ deuˬ pyehˬ gʼeh-awˇ, Iˇsaˬleˬlaˆ miˇ kʼahˬ-ahˇ jaˆ-eu meuˬ deuˬ-ahˇ guiˇ bi deuˆ-iˇ-euˬ meh. Aˬ yawꞈ maꞈ-aˬ, Iˇyoˬ meuˬ, Daˬ meuˬ, Aˬbeˬlaˆbehˬmawˇkah meuˬ, Gaˬliˬlehˇ lah gahˬ kaˬ hawˇ-eu, Naˬtaˬliˇ miˇ kʼahˬ kʼahˬ lah ni-ahˇ deuˆ gʼaˬ-euˬ meh.

Jaceuq 68:12

Sahˬ paˬ deuˬ hawˇ-eu aˬ yawꞈ maꞈ-euˬ guiˇ maꞈ deuˬ cehˆ byaˆ luꞈ meh lehˇ ja gaˬ-eu meh. Iˇ kahˇ jawˇ-eu zaˬ miˬ zaˬ deuˬ, guiˇ deuˆ za-euˬ myawˬ gahˬ biˇ geuꞈ-eu meh.

Dawqdaq 17:17

Cawˬ yaw muiˬ yamˬ maˬ tseˇ ni gʼoeˇ-awˇ, mehˇ nmˇ-aˬ, shaˬ zahˬ caw pi-eu gʼaˇ duˬ meh.

Dawˬ tsoˆ 2:7

Kʼaˬ dzeˇ zaˬ zaˬ kʼaˆ hawˇ-eu zaˬ miˬ zaˬ zaˬ kʼaˆ gʼawˬ mya ni ngaˇ zeuˇ cu-awˇ, ngaˬ-euˬ nymˇ jiˇ laꞈ kʼoeˇ dehꞈ le-euˬ zaˬ kʼaˆ deuˬ kʼawꞈ jawˇ-eu ma. Ngaˇ jeˬ zaˬ myaˬ dui dui ma. Yeˬluˇsaˬlehˬ meuˬ-ahˇ kʼaˇ dehꞈ kʼaˇ jawˇ dzeuˇ yaꞈ-euˬ tsawˇ haˬ deuˬ laꞈ kʼoeˇ, ngaˇ myaˆ-ehˇ jeˬ zaˬ tiˬ gʼaˬ-iˬ maˬ jawˇ-a.

Yeˬlaˬmiˇ 41:12

Kʼoeˇ miˇ neh, aˬ yawꞈ maꞈ tsawˇ haˬ sheuˬ-awˇ, aˬ yawꞈ-euˬ mehˬ nah teh-iˇ-awˇ, Giˇbyoˬ meuˬ-ahˇ jaˆ-eu lah duˬ duˬ ma dawˬ peh aˬ yawꞈ-ahˇ deuˆ gʼaˬ-euˬ meh.

Dawˬmehˬ 34:1

Mawˇbaˆ miˇ kʼahˬ deh ga-ahˇ neh Neˬboˬ gawˬ jawˬ-ahˇ Moˇseˬ daˆ leˇ-awˇ, Yeˬliˇkoˇ meuˬ-euˬ nahˇ ma doˆ kʼehˬ paw jaˆ-eu Piˇsaˬgaˬ gawˬ jawˬ uˬ duˬ daˆ keuˆ leˇ-euˬ meh. Kʼoeˇ gaˇ jawˇ-awˇ, miˇ kʼahˬ kʼoeˇ kʼahˬ kʼahˬ lah ni, Sahˬpaˬ Miˬyehˇ aˬ yawꞈ-ahˇ mehˬ nehˬ-euˬ meh. Laꞈ taˆ paw Daˬ meuˬ-ahˇ keuˆ ni jaˆ-eu Giˇlaˆ miˇ kʼahˬ maˬ ehˇ,

1 Yoˇhaˬ 2:18

Ngaˇ gaˬ dui dui-eu zaˬ deuˬ-oˇ, aˇ saˬ saˬ-eu aˇ yamˬ peh le-euˬ meh. Ka li-ahˇ Muiˇ-eu Gʼaˬ oe luꞈ meh lehˇ ehˇ-eu naw maꞈ ya gaˬ taˬ-euˬ meh. Ka li-ahˇ muiˇ-eu gʼawˬ mya gʼaˬ nymˬ-mˇ doˆ le gʼaˬ-euˬ meh. Kʼoeˇ miˇ neh, aˇ saˬ saˬ-eu aˇ yamˬ keuˆ le-euˬ gaˇ kawˆ aˬ dui siˬ nya-eu ma.

Yaˇ kʼaˬ daˇ 18:29

Yaˬkoˆ-euˬ aˬ li aˬ yawꞈ maꞈ-euˬ aˬ da yaw dzahˇ gʼaˬ pyeuꞈ-eu Daˬ-euˬ tsawˇ myahˇ yuˇ-awˇ, Laˬiˇshaˆ meuˬ-ahˇ Daˬ meuˬ lehˇ myahˇ paˇ nehˬ-euˬ meh.

Yaˇ kʼaˬ daˇ 20:1

Kʼoeˇ ngeh, laꞈ taˆ paw jaˆ-eu Daˬ meuˬ-ahˇ neh, laꞈ oˆ paw jaˆ-eu Beˬlaˇsheˬba meuˬ-ahˇ keuˆ ni jawˇ-eu Iˇsaˬleˬlaˆ tsawˇ haˬ deuˬ maˬ ehˇ, Nahˇ ma doˆ kʼehˬ paw jaˆ-eu Giˇlaˆ miˇ kʼahˬ-ahˇ jawˇ-eu Iˇsaˬleˬlaˆ tsawˇ haˬ deuˬ maˬ ehˇ, dawˬ tawˆ luꞈ nui ma tiˬ siˬ tehꞈ-ehˇ taˬ-awˇ, Miˇzaˬpaˬ meuˬ-ahˇ Sahˬpaˬ Miˬyehˇ-euˬ mehˬ shi uiˬ laˇ-euˬ meh.

1 Saˬmeuˬlaˆ 30:19

Aˬ yawꞈ-euˬ tsawˇ haˬ deuˬ-euˬ aˬ buˇ aˬ li deuˬ maˬ ehˇ, Aˬˬmaˬlehˇ tsawˇ haˬ neh yuˇ gʼeh-euˬ myawˬ gahˬ dawˬ tawˆ luꞈ maˬ ehˇ, tiˬ jeˬ-iˬ maˬ byoˆ ni Daˬbiˇ za kʼoꞈ jiˇ-euˬ meh.