Aˇ dahˬ 14:13 - Akha

¹³ Ehˇ kʼawꞈ, tsawˇ haˬ tiˬ gʼaˬ cehˆ dzeuˇ-awˇ, Aˬmawˇliˆ tsawˇ jeuˬ Mamˬliˬ-euˬ muiˬ-eu shawˇ-eu aˇ bawˇ bawˇ yaˇ dawˬ peh jawˇ-eu Heˬbyehˇ tsawˇ haˬ Aˬbyaˬ-ahˇ, gaˇ kawˆ kʼoeˇ dzawˇ nehˬ leˇ-euˬ meh. Mamˬliˬ, Eˇshaˬkawˇlaˆ, Aˬneˬlaˆ aˬ ha smˬ mehˇ nmˇ-aˬ, Aˬbyaˬ nehˬ-ehˇ aˬ byahˇ gʼoeˇ-euˬ meh.

Aˇ dahˬ 14:13 ပူးပေါင်းရင်းမြစ်များ

Aˇ dahˬ 10:16

Kaˬnaˬ-aˬ, Yeˬbuˇ tsawˇ jeuˬ, Aˬmawˇliˆ tsawˇ jeuˬ, Geuˬgaˬshiˇ tsawˇ jeuˬ,

Aˇ dahˬ 13:18

Kʼoeˇ naˇ, Aˬbyaˬ luˆ-iˇ-awˇ, Heˬbyoˬ meuˬ dawˬ peh jaˆ-eu Mamˬliˬ aˇ bawˇ bawˇ yaˇ dawˬ peh sehˬ gʼawˆ gʼawˆ-awˇ jawˇ-euˬ meh. Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, lawˇ duˬ tiˬ tsahˇ kʼoeˇ gaˇ aˬ yawꞈ tsoˆ-euˬ meh.

Aˇ dahˬ 14:24

Ngaˬ-euˬ tsawˇ haˬ deuˬ neh zmˬ dzaˬ gʼaˬ dzeuˇ-euˬ jeˬ maˬ ngeuˇ naˇ, ngaˬ-euˬ gʼaˇ duˬ tiˬ jeˬ-iˬ maˬ paˇ yuˇ ma. Ehˇ kʼawꞈ, ngaˬ nehˬ-ehˇ tiˬ kawˆ loꞈ-ehˇ guiˇ deuˆ-euˬ Aˬneˬlaˆ, Eˇshaˬkawˇlaˆ, Mamˬliˬ aˬ ha mehˇ nmˇ-aˬ, yawˬ ha-ahˇ kʼaˇ oꞈ kʼaˇ geuˇ-eu loꞈ-ehˇ yuˇ geuꞈ luꞈ-uˇ.”

Aˇ dahˬ 18:1

Muiˬ-eu shawˇ-eu Mamˬliˬ aˇ bawˇ bawˇ yaˇ-ahˇ, Aˬbyaˬhaˬ jawˇ gaˇ Sahˬpaˬ Miˬyehˇ oe-euˬ meh. Nah gʼahˇ paw nahˇ tsaˇ kʼaˆ ngeh yamˬ-ahˇ, sehˬ gʼawˆ gʼoˆ kʼehˬ-ahˇ Aˬbyaˬhaˬ nuiˇ luꞈ-eu meh.

Aˇ dahˬ 21:24

Aˬbyaˬhaˬ gʼeh, “Nawˬ neh ehˇ-euˬ dawˬ-ahˇ ngaˇ saˇ jaˇ ziꞈ ma” lehˇ ehˇ tsehˆ-euˬ meh.

Aˇ dahˬ 21:27

Kʼoeˇ naˇ, yawˇ hawˇ-eu mawˇ neˇ tiˬ deuˬ, Aˬbiˇmaˬlehˆ-ahˇ Aˬbyaˬhaˬ biꞈ-awˇ, aˬ nyaꞈ yaw kaˬ saˇ jaˇ dzaˬ taꞈ-euˬ meh.

Aˇ dahˬ 21:32

Beˬlaˇsheˬba lehˇ kuˇ-eu jawˇ duˬ kʼoeˇ tsahˇ-ahˇ aˬ yawꞈ nyaꞈ saˇ jaˇ dzaˬ taꞈ gʼaˬ ngeh jawˇ, Aˬbiˇmaˬlehˆ hawˇ-eu Piˇkawˇlaˆ aˬ nyaꞈ Piˇliˇtiˆ miˇ kʼahˬ-ahˇ gʼoꞈ-iˇ-euˬ meh.

Aˇ dahˬ 39:14

Kʼoeˇ ngeh, zaˬ miˬ zaˬ kʼoeˇ gʼaˬ aˬ yawꞈ-euˬ zaˬ kʼaˆ deuˬ-ahˇ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Heu gaˇ haw sheˇ. Ngaˬ-euˬ kʼaˬ dzeˇ zaˬ neh sheuˬ ahˇ laꞈ-euˬ Heˬbyehˇ tsawˇ haˬ kʼoeˇ gʼaˬ, aˬ dui-ahˇ yehˬ bawˬ sehˇ lu-ehˇ jahˇ-eu lehˇ gʼeh-eu meh. Ngaˇ yuꞈ-eu kuˆ lawˆ laꞈ kʼoeˇ aˬ yawꞈ uˇ laˇ-awˇ, ngaˬ nehˬ-ehˇ yuꞈ taꞈ-eu lehˇ leh jeh-eu miˇ neh, ngaˇ yaw kʼaˆ-ehˇ guˇ-euˬ ma.

Aˇ dahˬ 40:15

Dawˇ coe ni ya ehˇ naˇ, Heˬbyehˇ miˇ kʼahˬ-ahˇ neh aˬ cawˬ ngaˬ-ahˇ kʼoeˬ doˆ laꞈ-euˬ meh. Ngaˇ heu gaˇ jawˇ luꞈ ngeh kʼawꞈ, paꞈ kuˆ laꞈ kʼoeˇ ya uˇ paˬ-ehˇ mˇ lehˬ laˆ lehˬ taˬ-euˬ tiˬ jeˬ-iˬ maˬ jaˆ.”

Aˇ dahˬ 41:12

Yaw huiˬ yaw mahˇ kʼoeˇ gʼaˬ-euˬ zaˬ kʼaˆ pyeuꞈ-eu Heˬbyehˇ tsawˇ jeuˬ zaˬ guˬ tiˬ gʼaˬ kʼawꞈ, nga maꞈ nehˬ-ehˇ tiˬ kawˆ loꞈ-ehˇ paꞈ kuˆ laꞈ kʼoeˇ uˇ-euˬ ma. Nga nyaꞈ neh yuꞈ maˆ maˆ-euˬ gaˇ kawˆ aˬ yawꞈ-ahˇ dzawˇ nehˬ ngeh, aˬ yawꞈ dawˬ tsuiꞈ yuˇ doˆ nehˬ laꞈ-euˬ meh.

Aˇ dahˬ 43:32

Yoˇsehˆ gʼaˇ duˬ hawˬ jeh tiˬ jeh, aˬ ha mehˇ nmˇ gʼaˇ duˬ hawˬ jeh tiˬ jeh, Iˇjiˇtuˆ tsawˇ haˬ deuˬ gʼaˇ duˬ hawˬ jeh tiˬ jeh lehˇ bi shaˇ dahˇ-euˬ meh. Aˬ jeˬ miˇ neh ehˇ naˇ, Heˬbyehˇ tsawˇ haˬ nehˬ-ehˇ dzaˬ taꞈ dawˇ taꞈ naˇ daˬ ga nya lehˇ, Iˇjiˇtuˆ tsawˇ haˬ deuˬ noeˬ-eu meh.

Yawˇbaˆ 1:15

Kʼoeˇ ngeh, Saˬbyaˬ tsawˇ jeuˬ tsawˇ haˬ deuˬ ja pyuˬ ni oe doˆ-awˇ, jeˬ zaˬ dawˬ tawˆ luꞈ teh geuꞈ gʼeh-euˬ meh. Nawˬ-euˬ zaˬ kʼaˆ dawˬ tawˆ luꞈ aˬ yawꞈ maꞈ neh bi sehꞈ jiˇ-awˇ, gaˇ kawˆ heu nawˬ-ahˇ tsaꞈ gaˬ laˇ nya ni ngaˇ tiˬ gʼaˬ dzeuˇ-iˇ-euˬ tehꞈ ma.”

Doˆ-iˇ 2:11

Moˇseˬ huiˬ loˆ laˇ ngeh jawˇ, aˬ yawꞈ-euˬ tsawˇ jeuˬ pyeuꞈ-eu Heˬbyehˇ tsawˇ haˬ deuˬ jawˇ gaˇ doe doe-ehˇ cah haw-iˇ-awˇ, aˬ yawꞈ maꞈ-ahˇ kʼehˬ-awˇ myawˬ kʼaˆ bi mˇ luꞈ gaˇ ya mawˇ-euˬ meh. Tiˬ nah-aˬ, Iˇjiˇtuˆ tsawˇ haˬ tiˬ gʼaˬ, aˬ yawꞈ-euˬ tsawˇ jeuˬ Heˬbyehˇ tsawˇ haˬ tiˬ gʼaˬ-ahˇ sehꞈ-euˬ gaˇ, aˬ yawꞈ ya mawˇ-euˬ meh.

Doˆ-iˇ 2:6

Sahˬ paˬ zaˬ miˬ kʼoeˇ gʼaˬ pawˬ tuˇ kʼoeˇ siˬ pah haw ngeh, aˬ li zaˬ nahˬ tiˬ gʼaˬ-ahˇ ya mawˇ-euˬ meh. Aˬ li kʼoeˇ li ngoeˇ luꞈ-eu meh. Aˬ li kʼoeˇ li-ahˇ aˬ yawꞈ gʼawˬ shaˬ gaˬ-awˇ, “Aˬ li heu li-aˬ, Heˬbyehˇ tsawˇ haˬ-euˬ zaˬ pyeuꞈ-eu nga” lehˇ ehˇ-eu meh.

Doˆ-iˇ 3:18

“Nawˬ neh kʼaˇ ehˇ-euˬ jeˬ-ahˇ, ngaˬ-euˬ tsawˇ haˬ deuˬ naˇ haˬ tehꞈ-a. Kʼoeˇ naˇ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ nehˬ-ehˇ, Iˇjiˇtuˆ sahˬ paˬ jawˇ gaˇ nawˇ iˇ-awˇ, heu loꞈ-ehˇ ehˇ nehˬ-iˇ-awˬ. ‘Heˬbyehˇ tsawˇ haˬ deuˬ-euˬ Sahˬpaˬ Miˬyehˇ nga maꞈ-ahˇ pah mehˬ le-euˬ meh. Bawˇ tsahˬ bawˇ dahˇ-ahˇ nga maꞈ iˇ-awˇ, nga maꞈ-euˬ Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, nga maꞈ-ahˇ aˇ yamˬ smˬ nah biꞈ nehˬ laꞈ’ lehˇ ehˇ nehˬ-awˬ.

Yeˬlaˬmiˇ 34:9

Tsawˇ haˬ yawˬ gʼaˬ na luꞈ, yawˬ ha-euˬ tsawˇ jeuˬ pyeuꞈ-eu Heˬbyehˇ tsawˇ haˬ kʼaˬ dzeˇ zaˬ hawˇ-eu zaˬ miˬ zaˬ zaˬ kʼaˆ dawˬ tawˆ luꞈ-ahˇ, zaˬ kʼaˆ maˬ bi geuꞈ ni pyehˬ nehˬ jiˇ-eu gʼaˇ duˬ, saˇ jaˇ dzaˬ-euˬ meh.

Yawˇnaˆ 1:9

Yawˇnaˆ ehˇ-eu, “Ngaˇ-aˬ, Heˬbyehˇ tsawˇ jeuˬ ma. Miˇ tsaˬ tahˬ kʼawˇ hawˇ-eu iˬ ma laˆ shaˆ-ahˇ beh-euˬ mˬ kʼoeˇ taˆ jawˇ-eu Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu tsawˇ haˬ ma.”

Bawˇtsahˬ 13:23

Eˇshaˬkawˇlaˆ deh kʼawꞈ-ahˇ aˬ yawꞈ maꞈ iˇ keuˆ ngeh, aˬ gaꞈ aˇ siˬ aˇ puˇ tiˬ puˇ tehꞈ-ehˇ tsoꞈ-eu aˬ gaꞈ uˬ pyaˬ tiˬ pyaˬ aˬ yawꞈ maꞈ coeˇ tsehˆ-euˬ meh. Aˬ gaꞈ aˇ puˇ kʼoeˇ kah dui dui-eu miˇ neh, tsawˇ haˬ nyiˬ gʼaˬ daˇ kawˬ cawˬ ahˇ-awˇ ya baꞈ-eu meh. Aˇ ka uˆ aˇ siˬ hawˇ-eu siˬ guˬ aˇ siˬ kʼawꞈ, aˬ yawꞈ maꞈ ui cuiˆ yuˇ kʼoꞈ gʼeh-euˬ meh.

Bawˇtsahˬ 21:21

Iˇsaˬleˬlaˆ tsawˇ haˬ deuˬ Aˬmawˇliˆ sahˬ paˬ Siˇhoˬ jawˇ gaˇ tsawˇ haˬ pyehˬ gʼeh-awˇ, heu loꞈ-ehˇ dawˬ tsaꞈ bi tsaꞈ leˇ-euˬ meh.

2 Gawˇliˬtu 11:22

Aˬ yawꞈ maꞈ Heˬbyehˇ tsawˇ haˬ ngeuˇ naˇ, ngaˇ kʼawꞈ Heˬbyehˇ tsawˇ haˬ ma. Aˬ yawꞈ maꞈ Iˇsaˬleˬlaˆ tsawˇ haˬ ngeuˇ naˇ, ngaˇ kʼawꞈ Iˇsaˬleˬlaˆ tsawˇ haˬ ma. Aˬ yawꞈ maꞈ Aˬbyaˬhaˬ-euˬ zaˬ ngeuˇ naˇ, ngaˇ kʼawꞈ ngeuˇ ma.

Piˇliˇpiˆ 2:5

Yeˬsuˇ Ka li loꞈ-ehˇ nui ma taˬ-awˬ.

1 Saˬmeuˬlaˆ 29:3

Piˇliˇtiˆ guiˇ maꞈ deuˬ kʼoeˇ taˆ uˆ lahˇ-eu yaw huiˬ yaw mahˇ deuˬ Daˬbiˇ hawˇ-eu aˬ yawꞈ-euˬ tsawˇ haˬ deuˬ-ahˇ mawˇ-awˇ, “Heˬbyehˇ tsawˇ haˬ heu deuˬ heu gaˇ aˬ jeˬ jahˇ luꞈ ta” lehˇ naˇ haˬ-euˬ meh. Aˬkiˇ ehˇ-eu, “Heu-aˬ, Daˬbiˇ lehˇ kuˇ-eu Iˇsaˬleˬlaˆ sahˬ paˬ Sawˇluˆ-euˬ gaˇ mˇ-eu yaw huiˬ yaw mahˇ tiˬ gʼaˬ meh. Aˬ yawꞈ ngaˬ nehˬ-ahˇ jawˇ luꞈ-eu myahˇ laˇ-euˬ meh. Ngaˬ nehˬ-ehˇ jawˇ le ngeh tiˬ nah neh, ngaˬ-euˬ mehˬ shi aˬ yawꞈ neh mˇ lehˬ taˬ-euˬ tiˬ jeˬ-iˬ maˬ jaˆ-a.”

1 Saˬmeuˬlaˆ 4:12

Beˬyaˬmiˬ tsawˇ jeuˬ tiˬ gʼaˬ, guiˇ deuˆ duˬ-ahˇ neh Shiˇloˬ meuˬ-ahˇ keuˆ ni maˬ naˬ leˇ ni cehˆ-awˇ, tiˬ nah laꞈ kʼoeˇ tehꞈ-ehˇ cehˆ keuˆ-euˬ meh. Aˬ yawꞈ noeˬ shaˬ dui dui-eu gaˇ kawˆ aˬ cawˬ bi siˬ-eu gʼaˇ duˬ, aˬ yawꞈ-euˬ mehˬ tsoeˬ cehˬ pyaˬ cehˬ shaˇ-awˇ, aˬ yawꞈ-euˬ uˬ duˬ-ahˇ shaˬ jehˆ baꞈ daˆ taˬ-euˬ meh.