Aˇ dahˬ 14:12 - Akha

¹² Kʼoeˇ ngeh, Aˬbyaˬ-euˬ aˬ duˇ Lawˇtaˬ gʼaˬ Sawˇdoˬ meuˬ-ahˇ jawˇ luꞈ-eu miˇ neh, sahˬpaˬ kʼoeˇ deuˬ aˬ yawꞈ-ahˇ nyehꞈ gʼeh-awˇ, aˬ yawꞈ-euˬ pyuˇ shuiˇ myawˬ gahˬ dawˬ tawˆ luꞈ yuˇ jiˇ gʼeh-euˬ meh.

Aˇ dahˬ 14:12 ပူးပေါင်းရင်းမြစ်များ

Aˇ dahˬ 11:27

Heu deuˬ-aˬ, Aˬbyaˬ, Naˬkawˬ, Haˬlaˬ aˬ ha mehˇ nmˇ-euˬ aˬ da pyeuꞈ-eu Teˬlah-euˬ zaˬ deuˬ uˆ deuˬ meh. Haˬlaˬ-aˬ, Lawˇtaˬ-euˬ aˬ da meh.

Aˇ dahˬ 11:31

Teˬlah-aˬ, aˬ yawꞈ-euˬ aˬ li Aˬbyaˬ, Haˬlaˬ-euˬ aˬ li aˬ yawꞈ-euˬ oeˬ paˬ Lawˇtaˬ, Aˬbyaˬ-euˬ miˬ zaˬ pyeuꞈ-eu aˬ yawꞈ-euˬ kuiˬ ma Saˬlehˇ aˬ ha maꞈ-ahˇ sheuˬ-awˇ, Baˬbuˇloˬ miˇ kʼahˬ Uˇlaˆ meuˬ-ahˇ neh doˆ le-awˇ, Kaˬnaˬ miˇ kʼahˬ-ahˇ jawˇ-iˇ-euˬ meh. Haˬlaˬ meuˬ-ahˇ keuˆ ni aˬ yawꞈ maꞈ iˇ gʼeh-awˇ, kʼoeˇ gaˇ jawˇ duˬ dah-euˬ meh.

Aˇ dahˬ 12:5

Aˬbyaˬ-aˬ, aˬ yawꞈ-euˬ miˬ zaˬ Saˬlehˇ hawˇ-eu aˬ yawꞈ-euˬ aˬ duˇ Lawˇtaˬ-ahˇ sheuˬ-awˇ, Kaˬnaˬ miˇ kʼahˬ-ahˇ iˇ-euˬ meh. Haˬlaˬ meuˬ-ahˇ jawˇ ngeh, aˬ yawꞈ neh mˇ jaˆ-euˬ pyuˇ shuiˇ myawˬ gahˬ dawˬ tawˆ luꞈ yuˇ gʼeh-awˇ, zaˬ kʼaˆ dawˬ tawˆ luꞈ sheuˬ gʼeh-euˬ meh. Aˬ yawꞈ maꞈ Kaˬnaˬ miˇ kʼahˬ-ahˇ iˇ keuˆ ngeh,

Aˇ dahˬ 14:11

Guiˇ deuˆ gʼaˬ-euˬ sahˬ paˬ kʼoeˇ oeˬ gʼaˬ-aˬ, Sawˇdoˬ meuˬ hawˇ-eu Gawˇmawˇlaˆ meuˬ laꞈ kʼoeˇ kʼaˇ jaˆ-eu jeˬ dawˬ tawˆ luꞈ hawˇ-eu, dzaˬ-eu dawˇ-eu jeˬ dawˬ tawˆ luꞈ yuˇ-awˇ doˆ-iˇ-euˬ meh.

Aˇ dahˬ 14:14

Lawˇtaˬ-ahˇ aˬ cawˬ nyehꞈ gʼeh-euˬ gaˇ kawˆ Aˬbyaˬ ya gaˬ ngeh, aˬ yawꞈ nehˬ-ehˇ jawˇ-eu guiˇ kʼaˇ deuˆ nya-eu tsawˇ haˬ deuˬ kuˇ uiˬ-euˬ meh. Guiˇ deuˆ-eu tsawˇ haˬ dawˬ tawˆ luꞈ smˬ yaˇ tseˇ yehꞈ gʼaˬ doˆ laˇ-awˇ, sahˬ paˬ kʼoeˇ oeˬ gʼaˬ-euˬ mehˬ nah Daˬ meuˬ-ahˇ keuˆ ni caw teh-euˬ meh.

Aˇ dahˬ 14:16

Kʼoeˇ naˇ, aˬ yawꞈ maꞈ neh yuˇ gʼeh-euˬ pyuˇ shuiˇ myawˬ gahˬ dawˬ tawˆ luꞈ paˇ za kʼoꞈ jiˇ-euˬ uˬ taꞈ, Lawˇtaˬ-ahˇ kʼawꞈ aˬ yawꞈ-euˬ pyuˇ shuiˇ myawˬ gahˬ deuˬ nehˬ-ehˇ tiˬ kawˆ loꞈ-ehˇ sheuˬ kʼoꞈ doˆ laꞈ-euˬ meh. Aˬ cawˬ neh bi nyehꞈ gʼeh-euˬ zaˬ miˬ zaˬ deuˬ hawˇ-eu nui deuˬ-ahˇ kʼawꞈ, Lawˇtaˬ nehˬ-ehˇ tiˬ kawˆ loꞈ-ehˇ sheuˬ-awˇ gʼoꞈ laˇ-euˬ meh.

Yawˇbaˆ 9:23

Iˬ baˇ maˬ ahˇ-eu tsawˇ haˬ tiˬ gʼaˬ ja pyuˬ ni shiˇ ngeh, Miˬyehˇ uiˇ-eu meh.

Bawˇtsahˬ 16:26

Iˇsaˬleˬlaˆ tsawˇ haˬ kʼoeˇ deuˬ-ahˇ Moˇseˬ ehˇ nehˬ-eu, “Haiˬ-eu tsawˇ haˬ deuˬ-euˬ sehˬ gʼawˆ dawˬ peh maˬ iˇ ni yaw taw yawꞈ-awˇ, aˬ yawꞈ maꞈ-ahˇ kʼaˇ taꞈ-eu jeˬ-ahˇ maˬ toeˬ ciˆ ni jawˇ-awˬ. Aˬ yawꞈ maꞈ-euˬ iˬ baˇ baˬ da neh aˬ yawꞈ maꞈ-ahˇ laˆ luˬ laˆ seˇ nehˬ ngeh naw maꞈ-ahˇ kʼawꞈ zaw laˇ nmˬ-mˇ.”

Panmaeq 18:4

Kʼoeˇ naˇ, mˬ kʼoeˇ taˆ heu loꞈ-ehˇ paˇ ehˇ-eu dawˬ-ahˇ ngaˇ ya gaˬ-euˬma. “Ngaˬ-euˬ tsawˇ haˬ deuˬ doˆ laˇ-awˬ. Aˬ yawꞈ jawˇ gaˇ neh doˆ laˇ-awˬ. Aˬ yawꞈ iˬ baˇ mˇ gaˇ taˬ ahˇ. Aˬ yawꞈ-euˬ shaˬ zahˬ taˬ caw pi.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.