Aˇ dahˬ 13:13 - Akha

¹³ Sawˇdoˬ meuˬ laꞈ kʼoeˇ jawˇ-eu tsawˇ haˬ deuˬ-aˬ, Sahˬpaˬ Miˬyehˇ mehˬ shi iˬ baˇ mˇ-awˇ, haiˬ-eu tsawˇ haˬ deuˬ tehꞈ-ehˇ pyeuꞈ luꞈ-eu meh.

Aˇ dahˬ 13:13 ပူးပေါင်းရင်းမြစ်များ

Aˇ dahˬ 10:9

Aˬ yawꞈ-ahˇ Sahˬpaˬ Miˬyehˇ caw ba nehˬ-eu laꞈ kʼoeˇ, tsawˇ myahˇ doˆ dui dui-eu shaˬ jiˇ beuˆ-eu tsawˇ haˬ tiˬ gʼaˬ pyeuꞈ laˇ-euˬ meh. Kʼoeˇ miˇ neh, “Niˇyawˇdaˆ loꞈ-ehˇ tsawˇ myahˇ doˆ-eu shaˬ jiˇ beuˆ-eu tsawˇ haˬ pyeuꞈ laˇ ni, Sahˬpaˬ Miˬyehˇ caw ba luꞈ-uˇ” lehˇ, aˇ hu tsawˇ haˬ deuˬ dawˬ daˬ daˬ-euˬ meh.

Aˇ dahˬ 15:16

Nawˬ-euˬ zaˬ nawˬ-euˬ uˆ deuˬ-aˬ, miˇ kʼahˬ heu kʼahˬ laꞈ kʼoeˇ maˬ gʼoꞈ keuˆ laˇ dah mi naˆ-ehˇ, aˬ cawˬ miˇ kʼahˬ laꞈ kʼoeˇ oeˬ ziˇ keuˆ ni ya jawˇ tehꞈ-a. Aˬ jeˬ miˇ neh ehˇ naˇ, Aˬmawˇliˆ tsawˇ haˬ kʼoeˇ deuˬ ngaˬ neh kʼehˬ nehˬ kʼaˆ nehˬ-eu jeˬ-ahˇ ya daˬ paˬ-ehˇ, maˬ tsaˬ maˬ dawˇ-eu jeˬ maˬ mˇ kʼaˆ laˇ kʼoeˇ keuˆ ni, Aˬmawˇliˆ tsawˇ haˬ kʼoeˇ deuˬ-ahˇ ngaˇ maˬ teh dzeh te siˬ.”

Aˇ dahˬ 18:20

Kʼoeˇ naˇ, Aˬbyaˬhaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Sawˇdoˬ meuˬ hawˇ-eu Gawˇmawˇlaˆ meuˬ gaˇ kawˆ, guˆ laˇ paˬ-ehˇ gʼeh-eu jeˬ ehˇ taˬ-euˬ gʼawˬ mya ni jaˆ-eu meh. Aˬ yawꞈ maꞈ iˬ baˇ huiˬ dui dui meh.

Aˇ dahˬ 19:13

Aˬ jeˬ miˇ neh ehˇ naˇ, jawˇ duˬ heu tsahˇ-ahˇ nga nyaꞈ laˆ cawˆ-eu lehˇ gʼeh-eu ma. Heu gaˇ jawˇ luꞈ-eu tsawˇ haˬ heu deuˬ huiˬ dui dui-eu iˬ baˇ mˇ luꞈ-eu gaˇ kawˆ, Sahˬpaˬ Miˬyehˇ ya gaˬ-euˬ miˇ neh, meuˬ heu meuˬ-ahˇ laˆ cawˆ-eu gʼaˇ duˬ nga nyaꞈ-ahˇ pyehˬ leꞈ-euˬ meh.”

Aˇ dahˬ 38:7

Iˇlehˆ-aˬ, Sahˬpaˬ Miˬyehˇ nui ma maˬ tsaˬ-eu maˬ muiˬ maˬ jaˬ-eu jeˬ mˇ-eu miˇ neh, Sahˬpaˬ Miˬyehˇ neh aˬ yawꞈ-ahˇ bi shiˇ-euˬ meh.

Aˇ dahˬ 39:9

“Nymˇ heu nymˇ-ahˇ taꞈ leˇ-eu gaˇ deuˬ-ahˇ ehˇ leꞈ naˇ, ngaˇ-aˬ, aˬ yawꞈ loꞈ-ehˇ baoˬ jaˆ-eu tsawˇ haˬ tiˬ gʼaˬ ma. Nawˬ-ahˇ maˬ ngeuˇ naˇ, nymˇ heu nymˇ laꞈ kʼoeˇ kʼaˇ jaˆ-eu jeˬ dawˬ tawˆ luꞈ-ahˇ, ngaˬ neh kʼaˇ noeˬ-euˬ loꞈ-ehˇ maˬ ya jahˇ-a lehˇ laˆ tsoeˬ taˬ-euˬ tiˬ jeˬ-iˬ maˬ jaˆ-a. Miˬyehˇ mehˬ shi iˬ baˇ huiˬ dui dui-eu maˬ mˇ kʼmˬ-eu heu jeˬ-ahˇ, ngaˇ aˬ joˆ-ehˇ mˇ nya nmˇ.”

Aˇ dahˬ 6:11

Ehˇ kʼawꞈ, tsawˇ haˬ zaˬ dawˬ tawˆ luꞈ, Miˬyehˇ mehˬ shi maˬ muiˬ maˬ shawˇ-eu tsawˇ haˬ tehꞈ-ehˇ pyeuꞈ jiˇ-awˇ, yawˬ gaˇ na luꞈ yaw cawˆ jeˬ tehꞈ-ehˇ mˇ luꞈ-eu meh.

2 Sahˬpaˬ 21:6

Aˬ yawꞈ-euˬ aˬ li miˬ dzaˬ-ahˇ dzah puiˆ-awˇ lawˇ-euˬ shehˇ-euˬ meh. Maw loˬ ja maw hawˇ-eu, nyiˇ paˬ shaˆ ma deuˬ-ahˇ aˬ yawꞈ gʼoe-euˬ meh. Sahˬpaˬ miˬyehˇ nui ma pehˇ laˇ ngeh keuˆ ni, Sahˬpaˬ Miˬyehˇ mehˬ shi aˬ yawꞈ iˬ baˇ mˇ dui dui-euˬ meh.

Iˇsaˬyaˇ 1:9

Baoˬ huiˬ-eu Sahˬpaˬ Miˬyehˇ neh, aˬ dui tiˬ paˆ na deuˬ-ahˇ maˬ bi dzeuˇ-iˇ law nmˇ-aˬ, Sawˇdoˬ meuˬ hawˇ-eu Gawˇmawˇlaˆ meuˬ loꞈ-ehˇ, ya shiˇ cuˆ jiˇ-eu yaw duˬ baw law hawˇ nga.

Yeˬlaˬmiˇ 23:14

Ehˇ kʼawꞈ Yeˬluˇsaˬlehˬ meuˬ-ahˇ ngaˬ-euˬ gʼaˇ duˬ ngehˬ dah-eu deuˬ, kʼoeˇ naˆ maˬ tseˇ doeˇ gaˇ ngaˇ mawˇ-euˬ ma. Aˬ cawˬ-euˬ miˬ zaˬ-ahˇ aˬ yawꞈ maꞈ bahˬ gʼa muˆ gʼa-awˇ, jaˬ myawꞈ mehˇ shuiˇ dawˬ ngehˬ-eu meh. Tsawˇ haˬ yawˬ gʼaˬ na luꞈ yaw haiˬ jeˬ maˬ byehˇ ni mˇ-eu gʼaˇ duˬ, yaw lehˬ mˇ gaˇ aˬ yawꞈ maꞈ gʼaˬ baꞈ baꞈ-eu meh. Aˬ yawꞈ maꞈ dawˬ tawˆ luꞈ ngaˬ-euˬ mehˬ shi, Sawˇdoˬ hawˇ-eu Gawˇmawˇlaˆ meuˬ loꞈ-ehˇ, doeˇ dui dui-eu tsawˇ haˬ deuˬ pyeuꞈ-eu meh.”

Yeˬlaˬmiˇ 23:24

Tiˬ tsahˇ tehꞈ-ehˇ jawˇ-eu Miˬyehˇ maˬ ngeuˇ. Tsawˇ haˬ tiˬ gʼaˬ-iˬ ngaˇ maˬ mawˇ gaˇ maˬ cehˆ zaꞈ nya-a. Mˬ hawˇ-eu miˇ tsaˬ yawˬ gaˇ na luꞈ doe ni, ngaˇ jawˇ luꞈ-eu gaˇ kawˆ naw maꞈ maˬ siˬ nya te loˇ.

Bawˇtsahˬ 32:23

Ehˇ kʼawꞈ, naw maꞈ neh ehˇ taˬ-euˬ loꞈ-ehˇ naw maꞈ saˇ jaˇ maˬ ziꞈ naˇ, Sahˬpaˬ Miˬyehˇ-ahˇ naw maꞈ mˇ lehˬ-eu meh lehˇ naw maꞈ-ahˇ ngaˇ nymˬ-mˇ mi naˆ-ehˇ ehˇ taˬ-eu ma. Naw maꞈ tiˬ jeˬ-iˬ maˬ ya mˇ lehˬ ni yahˇ-awˬ. Maˬ ngeuˇ naˇ, naw maꞈ-euˬ iˬ baˇ baˬ da neh kʼehˬ nehˬ kʼaˆ nehˬ-eu jeˬ-ahˇ naw maꞈ ya daˬ tehꞈ-a.

Maꞈtehˬ 9:10

Yeˬsuˇ iˇ kahˇ laꞈ kʼoeˇ hawˬ jeh-ahˇ hawˬ jawˬ jawˬ leˇ ngeh, kawˬ taꞈ-eu tsawˇ haˬ deuˬ hawˇ-eu iˬ baˇ zaˬ gʼawˬ mya ni laˇ-awˇ, Yeˬsuˇ hawˇ-eu aˬ yawꞈ-euˬ zaˬ lahˇ deuˬ nehˬ-ehˇ hawˬ jawˬ jawˬ-euˬ meh.

Maꞈtehˬ 9:13

‘Lawˇ-eu shehˇ-eu jeˬ-ahˇ ngaˇ geuꞈ mawꞈ-eu maˬ ngeuˇ. Gʼawˬ shaˬ gaˬ nya-eu jeˬ-ahˇ ngaˇ geuꞈ mawꞈ-eu ma’ lehˇ, Miˬyehˇ neh ehˇ-euˬ dawˬ kʼoeˇ dawˬ-euˬ dawˬ tsuiꞈ naw maꞈ dzaw duˬ-iˇ-awˬ. Aˬ jeˬ miˇ neh ehˇ naˇ, yaw tsaˬ yaw dawˇ tsawˇ haˬ deuˬ-ahˇ kuˇ-eu lehˇ ngaˇ oe-euˬ maˬ ngeuˇ. Iˬ baˇ zaˬ deuˬ-ahˇ kuˇ-eu lehˇ ngaˇ oe-euˬ ma.”

Yoˇhaˬ 9:24

Dehꞈ le ngeh neh myaˆ behꞈ behꞈ-euˬ tsawˇ haˬ kʼoeˇ gʼaˬ-ahˇ aˬ yawꞈ maꞈ tiˬ poˆ paˇ kuˇ-awˇ ehˇ nehˬ-eu, “Nawˇ dawˇ coe ni ehˇ ma lehˇ Miˬyehˇ mehˬ shi kamˬ-awˬ. Nawˬ-ahˇ myaˆ nuiˆ mawˇ laˇ ni jahˇ nehˬ-euˬ kʼoeˇ gʼaˬ iˬ baˇ zaˬ meh lehˇ nga maꞈ siˬ nya ma.”

Yoˇhaˬ 9:31

Iˬ baˇ zaˬ-euˬ shaˇ dawˬ-ahˇ Miˬyehˇ maˬ naˇ haˬ-a lehˇ aˬ dui siˬ nya ma. Ehˇ kʼawꞈ, aˬ yawꞈ-ahˇ yaw zeu baw-awˇ, aˬ yawꞈ-euˬ nui kʼahˇ mˇ-eu deuˬ-euˬ shaˇ dawˬ-ahˇ naˇ haˬ nehˬ meh.

Lormav 1:27

Kʼoeˇ loꞈ-ehˇ duˇ ni, kʼaˬ dzeˇ zaˬ deuˬ kʼawꞈ, zaˬ miˬ zaˬ deuˬ-ahˇ nui kʼahˇ maˬ jaˆ-ehˇ, kʼaˬ dzeˇ zaˬ cawˬ cawˬ kʼaˬ miˬ sheu taꞈ mawꞈ-eu nui kʼahˇ-ahˇ maˬ gʼaˬ leˇ ni pyeuꞈ laˇ taˬ-euˬ meh. Kʼaˬ dzeˇ zaˬ cawˬ cawˬ shaꞈ dawˇ dui dui paˬ-ehˇ gʼeh-eu jeˬ jahˇ-eu laꞈ kʼoeˇ, aˬ yawꞈ maꞈ kʼoeˇ taˆ oꞈ-eu geuˇ-eu kʼehˬ-eu kʼaˆ-eu jeˬ keuˆ le ni yawˬ haˇ yawˬ ha mˇ-euˬ meh.

HeˬByehˇ 4:13

Miˬyehˇ-euˬ mehˬ shi dehˬ kaˬ zaꞈ taˬ nya-eu tiˬ jeˬ-iˬ maˬ jaˆ-a. Kʼaˇ beh taˬ-euˬ yawˬ jeˬ na luꞈ aˬ yawꞈ-euˬ myaˆ nuiˆ mehˬ shi bya cehˆ ni pah dzeh taˬ-euˬ gaˇ duˇ-eu meh. Aˬ dui neh kʼaˇ mˇ kʼaˇ shaˇ taˬ-euˬ jeˬ dawˬ tawˆ luꞈ, aˬ yawꞈ mehˬ shi aˬ dui ya dzawˇ mehˬ leˇ-eu meh.

2 Beˬtuˆluˆ 2:10

Jawꞈ dui dui-eu shiˬ shaˬ jiˇ-euˬ nui kʼahˇ mehˬ nah caw teh-awˇ Miˬyehˇ uˆ lahˇ-eu jeˬ-ahˇ yehˬ bawˬ sehˇ lu-ehˇ ehˇ-eu deuˬ-ahˇ-aˬ, aˬ cawˬ-ahˇ naˆ maˬ tseˇ aˬ joˆ-ehˇ ya kʼehˬ ya kʼaˆ nehˬ-eu gaˇ kawˆ Miˬyehˇ siˬ nya meh. Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ-aˬ, guˆ-eu nui ma maˬ ahˇ ni, kʼaˬ duˬ ni mehˬ-eu tsoˆ-eu meh. Mˬ kʼoeˇ taˆ yaw shehꞈ kʼahˬ sehˇ huiˬ-eu deuˬ-ahˇ kʼawꞈ yaw zeu maˬ baw-eu uˬ taꞈ, yehˬ bawˬ sehˇ lu-ehˇ ehˇ-eu meh.

Yuˇdaˆ 1:7

Sawˇdoˬ meuˬ, Gawˇmawˇlaˆ meuˬ hawˇ-eu dawˬ peh jaˆ-eu meuˬ kʼoeˇ deuˬ-euˬ gaˇ kawˆ shaˇ noeˬ haw sheˇ. Kʼoeˇ gaˇ jawˇ-euˬ tsawˇ haˬ kʼoeˇ deuˬ mˬ taˆ gʼaˬ kʼehˇ kʼoeˇ deuˬ loꞈ-ehˇ dehꞈ-awˇ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu jeˬ hawˇ-eu bahˬ dui jawꞈ dui dui-eu jeˬ mˇ-euˬ meh. Tsawˇ haˬ zaˬ dawˬ tawˆ luꞈ-ahˇ bi siˬ leˇ-eu gʼaˇ duˬ, mˬ maˬ maˬ byaˆ zaˇ ziˇ miˬ dzaˬ neh aˬ yawꞈ maꞈ-ahˇ kʼehˬ nehˬ kʼaˆ nehˬ-euˬ meh.

1 Saˬmeuˬlaˆ 15:18

Maˬ tsaˬ maˬ dawˇ-eu Aˬmaˬlehˇ tsawˇ haˬ kʼoeˇ deuˬ-ahˇ laˆ luˬ laˆ seˇ-iˇ-awˬ lehˇ, Sahˬpaˬ Miˬyehˇ nawˬ-ahˇ dawˬ biꞈ-awˇ bi iˇ-euˬ meh. Aˬ yawꞈ maꞈ dawˬ tawˆ luꞈ-ahˇ sehꞈ jiˇ ngeh keuˆ ni guiˇ deuˆ-awˬ lehˇ, aˬ yawꞈ nawˬ-ahˇ ehˇ nehˬ taˬ-euˬ meh.

1 Saˬmeuˬlaˆ 2:17

Eˇliˆ-euˬ aˬ li deuˬ neh mˇ-euˬ iˬ baˇ kʼoeˇ, Sahˬpaˬ Miˬyehˇ mehˬ shi huiˬ dui dui-eu iˬ baˇ pyeuꞈ-eu meh. Aˬ jeˬ miˇ neh ehˇ naˇ, Sahˬpaˬ Miˬyehˇ-ahˇ lawˇ nehˬ shehˇ nehˬ-eu jeˬ-ahˇ aˬ yawꞈ maꞈ yehˬ bawˬ sehˇ lu-ehˇ jahˇ-euˬ meh.