Aˇ dahˬ 12:13 - Akha

¹³ Nawˇ ngaˬ-euˬ dmˇ ma pyeuꞈ-eu ma lehˇ, aˬ yawꞈ maꞈ-ahˇ ehˇ nehˬ-awˬ. Kʼoeˇ loꞈ-ehˇ ehˇ naˇ, nawˇ baˬ da neh aˬ cawˬ ngaˬ-ahˇ maˬ sehꞈ-eu uˬ taꞈ, cawˬ yaw muiˬ-ehˇ cawˬ nehˬ laꞈ tehꞈ-a.”

Aˇ dahˬ 12:13 ပူးပေါင်းရင်းမြစ်များ

Aˇ dahˬ 11:29

Aˬbyaˬ-aˬ, Saˬlehˇ-ahˇ sheuˬ dahˬ dzaˬ-awˇ, Naˬkawˬ gʼaˬ Haˬlaˬ-euˬ aˬ buˇ Miˇlaˬkah-ahˇ sheuˬ dahˬ dzaˬ-euˬ meh. Haˬlaˬ-aˬ, Iˇsaˬkah-euˬ aˬ da kʼawꞈ pyeuꞈ-eu meh.

Aˇ dahˬ 12:14

Miˇ kaˬ iˇ dzeuˇ-awˇ, Iˇjiˇtuˆ miˇ kʼahˬ-ahˇ Aˬbyaˬ iˇ keuˆ ngeh, aˬ yawꞈ-euˬ miˬ zaˬ aˇ gʼehˇ muiˬ dui dui gaˇ Iˇjiˇtuˆ tsawˇ haˬ deuˬ ya mawˇ-euˬ meh.

Aˇ dahˬ 20:2

Aˬ yawꞈ kʼoeˇ gaˇ jawˇ luꞈ ngeh, Saˬlaˇ-aˬ ngaˬ-euˬ dmˇ ma ma lehˇ aˬ yawꞈ ehˇ-euˬ meh. Kʼoeˇ naˇ, Geˬlawˬ Sahˬpaˬ Aˬbiˇmaˬlehˆ-aˬ, Saˬlaˇ-ahˇ aˬ yawꞈ jawˇ gaˇ bi sheuˬ laꞈ-euˬ meh.

Aˇ dahˬ 20:5

Aˬbyaˬhaˬ maˬ ehˇ, Saˬlaˇ maˬ ehˇ, Saˬlaˇ-aˬ Aˬbyaˬhaˬ-euˬ dmˇ ma pyeuꞈ-eu ma lehˇ ehˇ-eu miˇ neh, nui ma shawˇ jehˆ ni gʼeh-eu laꞈ kʼoeˇ aˬ yawꞈ-ahˇ ngaˇ sheuˬ-euˬ ma. Ngaˬ-euˬ yaw lehˬ tiˬ jeˬ-iˬ maˬ jaˆ.”

Aˇ dahˬ 26:7

Kʼoeˇ gaˇ jawˇ-eu tsawˇ haˬ deuˬ aˬ yawꞈ miˬ zaˬ-euˬ gaˇ kawˆ naˇ haˬ ngeh, aˬ yawꞈ-euˬ dmˇ ma pyeuꞈ-eu ma lehˇ, Iˇtsaˆ ehˇ kʼoꞈ nehˬ-euˬ meh. Leˬbehˇkaꞈ aˬ yawꞈ-euˬ miˬ zaˬ pyeuꞈ-eu gaˇ kawˆ Iˇtsaˆ maˬ ehˇ doˆ peuˬ-a. Aˬ jeˬ miˇ neh ehˇ naˇ, Leˬbehˇkaꞈ aˇ gʼehˇ muiˬ dui dui-eu miˇ neh, kʼoeˇ gaˇ jawˇ-eu tsawˇ haˬ deuˬ aˬ yawꞈ-ahˇ sehꞈ-awˇ, Leˬbehˇkaꞈ-ahˇ sheuˬ geuꞈ gaˇ aˬ yawꞈ guˆ-eu meh.

Iˇsaˬyaˇ 57:11

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-ahˇ jaˬ myawꞈ myawꞈ-awˇ ngehˇ byoˆ coeˇ ni, naw maꞈ-ahˇ laˆ guˆ-eu miˬyehˇ kʼoeˇ deuˬ aˬ suˇ gʼaˬ-a. Ngaˇ ciˬ cuˇ ni jawˇ myahˇ laꞈ-euˬ miˇ neh, naw maꞈ ngaˬ-ahˇ maˬ paˇ taˬ huiˬ ma loˇ.

Yeˬlaˬmiˇ 38:17

Kʼoeˇ naˇ, Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ neh kʼaˇ ehˇ taˬ-euˬ jeˬ, Zeˬdaˬkiˇ-ahˇ ngaˇ heu loꞈ-ehˇ paˇ dzawˇ poˆ nehˬ-euˬ ma. Sahˬpaˬ Miˬyehˇ heu loꞈ-ehˇ ehˇ-eu meh. “Baˬbuˇloˬ sahˬ paˬ-euˬ yaw huiˬ yaw mahˇ deuˬ-euˬ laꞈ oꞈ nawˇ awꞈ nehˬ naˇ, nawˇ shiˇ gaˇ maˬ keuˆ-ehˇ, meuˬ heu meuˬ kʼawꞈ maˬ cawˆ-iˇ-aˇ. Nawˇ hawˇ-eu nawˬ-euˬ miˬ sawˇ zaˬ dawˬ tawˆ luꞈ shiˇ gaˇ maˬ keuˆ ni ya dzeuˇ-iˇ tehꞈ-a.

Yeˬlaˬmiˇ 38:20

Ngaˇ heu loꞈ-ehˇ ehˇ nehˬ-euˬ ma. “Nawˬ-ahˇ tsawˇ haˬ kʼoeˇ deuˬ-euˬ laꞈ-ahˇ maˬ bi ahˇ leˇ-aˇ. Sahˬpaˬ Miˬyehˇ neh ehˇ taˬ-euˬ dawˬ-ahˇ naˇ haˬ geuꞈ-awˬ lehˇ, nawˬ-ahˇ ngaˇ shaˇ-eu ma. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ muiˬ dui dui-awˇ, shiˇ gaˇ maˬ keuˆ-aˇ.

Yeˬsaˬgeˬlaˇ 18:4

Tsawˇ haˬ yawˬ gʼaˬ na luꞈ-eu saꞈ laˇ ngaˬ-euˬ tehꞈ ma. Aˬ da aˬ ma deuˬ-euˬ saꞈ laˇ maˬ ehˇ, zaˬ deuˬ-euˬ saꞈ laˇ maˬ ehˇ, ngaˬ-euˬ tehꞈ ma. Iˬ baˇ mˇ-eu tsawˇ haˬ aˬ yawꞈ gʼaˬ ya shiˇ tehꞈ-a.

Yoˇhaˬ 8:44

Naw maꞈ-aˬ, naw maꞈ-euˬ aˬ da nehˬ sahˬ paˬ-euˬ zaˬ deuˬ pyeuꞈ-awˇ, naw maꞈ-euˬ aˬ da-euˬ nui kʼahˇ mehˬ nah caw teh mawꞈ-eu meh. Aˬ yawꞈ-aˬ, aˇ dahˬ beh ngeh neh aˬ cawˬ-ahˇ sehꞈ-euˬ gʼaˬ pyeuꞈ-awˇ, yaw tsaˬ yaw dawˇ paw tiˬ pawꞈ-iˬ maˬ pyawˬ-a. Aˬ jeˬ miˇ neh ehˇnaˇ, aˬ yawꞈ laꞈ kʼoeˇ yaw tsawˬ yaw dawˇ jeˬ maˬ ahˇ-a. Aˬ yawꞈ jaˬ myawꞈ myawꞈ-eu kʼoeˇ-aˬ, kʼoeˇ loꞈ-ehˇ mˇ-eu lehˇ seu le-euˬ miˇ neh meh. Aˬ jeˬ miˇ neh ehˇ naˇ, aˬ yawꞈ-aˬ, jaˬ myawꞈ myawꞈ-eu deuˬ dawˬ tawˆ luꞈ-euˬ aˬ da yaw dzahˇ gʼaˬ meh.

Lormav 6:23

Aˬ jeˬ miˇ neh ehˇ naˇ, iˬ baˇ-euˬ aˇ poeˬ-aˬ, shiˇ-eu jeˬ pyeuꞈ-eu meh. Ehˇ kʼawꞈ, Miˬyehˇ neh yawꞈ ngehꞈ-ehˇ biꞈ nehˬ laꞈ-euˬ laꞈ sawˬ-aˬ, aˬ dui-euˬ Sahˬpaˬ Yeˬsuˇ Ka li laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Gawˇlawˇsehˇ 3:6

Kʼoeˇ loꞈ-ehˇ mˇ-awˇ Miˬyehˇ ehˇ dawˬ maˬ naˇ haˬ-eu deuˬ kʼoeˇ taˆ Miˬyehˇ nui ma pehˇ-eu jeˬ keuˆ le tehꞈ-a.