Aˇ dahˬ 12:12 - Akha

¹² Teu miˇ neh, Iˇjiˇtuˆ tsawˇ haˬ deuˬ nawˬ-ahˇ mawˇ ngeh, ngaˇ nawˬ-euˬ kʼaˬ dzeˇ zaˬ nga lehˇ aˬ yawꞈ maꞈ haw siˬ naˇ, ngaˬ-ahˇ sehꞈ-awˇ nawˬ-ahˇ tehꞈ-ehˇ bi jawˇ yaꞈ tehꞈ-a.

Aˇ dahˬ 12:12 ပူးပေါင်းရင်းမြစ်များ

Aˇ dahˬ 20:11

Aˬbyaˬhaˬ ehˇ-eu, “Heu gaˇ jawˇ-eu tsawˇ haˬ tiˬ gʼaˬ-iˬ Miˬyehˇ-ahˇ maˬ guˆ-eu miˇ neh, aˬ cawˬ ngaˬ-ahˇ sehꞈ-awˇ ngaˬ-euˬ miˬ zaˬ-ahˇ sheuˬ geuꞈ-eu baw le lehˇ ngaˇ noeˬ-euˬ ma.

Aˇ dahˬ 26:7

Kʼoeˇ gaˇ jawˇ-eu tsawˇ haˬ deuˬ aˬ yawꞈ miˬ zaˬ-euˬ gaˇ kawˆ naˇ haˬ ngeh, aˬ yawꞈ-euˬ dmˇ ma pyeuꞈ-eu ma lehˇ, Iˇtsaˆ ehˇ kʼoꞈ nehˬ-euˬ meh. Leˬbehˇkaꞈ aˬ yawꞈ-euˬ miˬ zaˬ pyeuꞈ-eu gaˇ kawˆ Iˇtsaˆ maˬ ehˇ doˆ peuˬ-a. Aˬ jeˬ miˇ neh ehˇ naˇ, Leˬbehˇkaꞈ aˇ gʼehˇ muiˬ dui dui-eu miˇ neh, kʼoeˇ gaˇ jawˇ-eu tsawˇ haˬ deuˬ aˬ yawꞈ-ahˇ sehꞈ-awˇ, Leˬbehˇkaꞈ-ahˇ sheuˬ geuꞈ gaˇ aˬ yawꞈ guˆ-eu meh.

Dawqdaq 29:25

Tsawˇ haˬ zaˬ neh maˬ bi noeˬ doeˇ ni dehꞈ-eu jeˬ guˆ kʼaˇ za-awˇ, Sahˬpaˬ Miˬyehˇ-euˬ nui kʼahˇ dehꞈ byah-eu jeˬ nui saˇ oꞈ-eu meh.

Maꞈtehˬ 10:28

Gʼawˇ mawˇ-ahˇ sehꞈ nya kʼawꞈ, saꞈ laˇ-ahˇ maˬ sehꞈ nya-eu tsawˇ haˬ-ahˇ taˬ guˆ. Ehˇ kʼawꞈ, gʼawˇ mawˇ hawˇ-eu saꞈ laˇ heu nyiˬ jeˬ luꞈ-ahˇ, shiˬ buiˇ lah ma laꞈ kʼoeˇ laˆ cawˆ nya-eu gʼaˬ pyeuꞈ-eu Miˬyehˇ-ahˇ guˆ-awˬ.

1 Saˬmeuˬlaˆ 27:1

Daˬbiˇ-euˬ nui ma laꞈ kʼoeˇ heu loꞈ-ehˇ shaˇ noeˬ luꞈ-eu meh. “Sawˇluˆ ngaˬ-ahˇ sehꞈ laˇ-eu aˇ nah tiˬ nah jaˆ laˇ-eu nga. Piˇliˇtiˆ miˇ kʼahˬ-ahˇ cehˆ jawˇ-iˇ-eu-aˬ, ngaˬ-euˬ gʼaˇ duˬ zaˬ dzehˬ-eu nga. Kʼoeˇ loꞈ-ehˇ jahˇ naˇ, Iˇsaˬleˬlaˆ miˇ kʼahˬ laꞈ kʼoeˇ Sawˇluˆ ngaˬ-ahˇ maˬ paˇ poˆ nya-eu miˇ neh, ngaˇ ya buˬ-iˇ tehꞈ-a.”