Aˇ dahˬ 11:32 - Akha

³² Teˬlah nyiˬ yaˇ ngaˬ kʼoꞈ kʼawˆ ngeh, meuˬ kʼoeˇ meuˬ laꞈ kʼoeˇ ziˇ jiˇ-euˬ meh.

Aˇ dahˬ 11:32 ပူးပေါင်းရင်းမြစ်များ

Aˇ dahˬ 11:31

Teˬlah-aˬ, aˬ yawꞈ-euˬ aˬ li Aˬbyaˬ, Haˬlaˬ-euˬ aˬ li aˬ yawꞈ-euˬ oeˬ paˬ Lawˇtaˬ, Aˬbyaˬ-euˬ miˬ zaˬ pyeuꞈ-eu aˬ yawꞈ-euˬ kuiˬ ma Saˬlehˇ aˬ ha maꞈ-ahˇ sheuˬ-awˇ, Baˬbuˇloˬ miˇ kʼahˬ Uˇlaˆ meuˬ-ahˇ neh doˆ le-awˇ, Kaˬnaˬ miˇ kʼahˬ-ahˇ jawˇ-iˇ-euˬ meh. Haˬlaˬ meuˬ-ahˇ keuˆ ni aˬ yawꞈ maꞈ iˇ gʼeh-awˇ, kʼoeˇ gaˇ jawˇ duˬ dah-euˬ meh.

Aˇ dahˬ 12:1

Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Nawˬ-euˬ miˇ kʼahˬ, nawˬ-euˬ aˬ yuiꞈ aˬ nyiˇ deuˬ hawˇ-eu nawˬ da-euˬ nymˇ-ahˇ nawˇ byehˇ dzeh yaꞈ-awˇ, ngaˇ nawˬ-ahˇ mehˬ nehˬ-eu miˇ kʼahˬ-ahˇ iˇ-awˬ.

Aˇ dahˬ 24:10

Aˬbyaˬhaˬ-euˬ pyuˇ shuiˇ myawˬ gahˬ dawˬ tawˆ luꞈ-ahˇ haw-eu pyaˆ-eu zaˬ kʼaˆ kʼoeˇ gʼaˬ, Aˬbyaˬhaˬ-euˬ law taw tseˇ mawˇ teh-awˇ, Maˬsoˬpoˬtaˬmiˇ miˇ kʼahˬ laꞈ taˆ paw jaˆ-eu Naˬkawˬ jawˇ-eu meuˬ-ahˇ le-euˬ meh.

2 Sahˬpaˬ 19:12

Goˇzaˬ meuˬ, Haˬlaˬ meuˬ, Yeˬzehˇ meuˬ heu deuˬ-ahˇ ngaˬ-euˬ aˬ poeˬ aˬ bawˇ deuˬ neh laˆ luˬ laˆ seˇ nehˬ-awˇ, Teˬlaˬsaˬ meuˬ-ahˇ jawˇ-eu Behˬteˬdeˬ tsawˇ haˬ deuˬ-ahˇ sehꞈ-euˬ kʼawꞈ, meuˬ kʼoeˇ deuˬ-euˬ miˬ yehˇ tiˬ gʼaˬ-iˬ aˬ yawꞈ-euˬ tsawˇ haˬ deuˬ-ahˇ maˬ ka kʼoꞈ nehˬ nya-aˬ.

Yawˇbaˆ 42:16

Yawˇbaˆ-aˬ, kʼoeˇ sahˇ miˇ tsa tiˬ yaˇ oeˬ tseˇ kʼoꞈ paˇ dehꞈ-awˇ, oeˬ paˬ oeˬ ma deuˬ uˬ taꞈ, oeˬ lehˬ deuˬ-ahˇ kʼawꞈ mawˇ yaꞈ-euˬ meh.

Iˇsaˬyaˇ 37:12

Gaˬzaˬ meuˬ, Haˬlaˬ meuˬ hawˇ-eu Yeˬzehˇ meuˬ kʼoeˇ deuˬ-ahˇ, nga maꞈ-euˬ aˬ poeˬ aˬ bawˇ deuˬ neh laˆ cawˆ byoˆ nehˬ-awˇ, Teˬlaˬsaˬ meuˬ-ahˇ jawˇ-eu Behˬeˬdeˬ tsawˇ haˬ deuˬ-ahˇ aˬ yawꞈ maꞈ neh sehꞈ-euˬ kʼawꞈ, aˬ yawꞈ maꞈ-euˬ miˬ yehˇ tiˬ gʼaˬ-iˬ aˬ yawꞈ maꞈ-ahˇ maˬ ka kʼoꞈ nehˬ nya-a.