Aˇ dahˬ 11:31 - Akha

³¹ Teˬlah-aˬ, aˬ yawꞈ-euˬ aˬ li Aˬbyaˬ, Haˬlaˬ-euˬ aˬ li aˬ yawꞈ-euˬ oeˬ paˬ Lawˇtaˬ, Aˬbyaˬ-euˬ miˬ zaˬ pyeuꞈ-eu aˬ yawꞈ-euˬ kuiˬ ma Saˬlehˇ aˬ ha maꞈ-ahˇ sheuˬ-awˇ, Baˬbuˇloˬ miˇ kʼahˬ Uˇlaˆ meuˬ-ahˇ neh doˆ le-awˇ, Kaˬnaˬ miˇ kʼahˬ-ahˇ jawˇ-iˇ-euˬ meh. Haˬlaˬ meuˬ-ahˇ keuˆ ni aˬ yawꞈ maꞈ iˇ gʼeh-awˇ, kʼoeˇ gaˇ jawˇ duˬ dah-euˬ meh.

Aˇ dahˬ 11:31 ပူးပေါင်းရင်းမြစ်များ

Aˇ dahˬ 10:19

Kaˬnaˬ tsawˇ jeuˬ heu deuˬ-aˬ, Siˇdoˬ meuˬ-ahˇ neh laꞈ oˆ paw Gaˬzaˬ meuˬ dawˬ peh jaˆ-eu Geˬlawˬ meuˬ-ahˇ keuˆ ni maˬ ehˇ, nahˇ ma doˆ kʼehˬ paw, Sawˇdoˬ meuˬ, Gawˇmawˇlaˆ meuˬ, Aˬdaˬmaˬ meuˬ heu deuˬ hawˇ-eu, Laˬshaˬ meuˬ dawˬ peh jaˆ-eu Zeˬbaiˬ meuˬ-ahˇ keuˆ ni maˬ ehˇ, jawˇ byah jiˇ-euˬ meh.

Aˇ dahˬ 11:32

Teˬlah nyiˬ yaˇ ngaˬ kʼoꞈ kʼawˆ ngeh, meuˬ kʼoeˇ meuˬ laꞈ kʼoeˇ ziˇ jiˇ-euˬ meh.

Aˇ dahˬ 12:4

Aˬbyaˬ shiꞈ tseˇ ngaˬ kʼoꞈ kʼawˆ ngeh, Sahˬpaˬ Miˬyehˇ neh aˬ yawꞈ-ahˇ ehˇ nehˬ-euˬ loꞈ-ehˇ, Haˬlaˬ meuˬ-ahˇ neh aˬ yawꞈ doˆ-iˇ-euˬ meh. Lawˇtaˬ gʼaˬ kʼawꞈ, aˬ yawꞈ-euˬ mehˬ nah caw teh gʼeh-euˬ meh.

Aˇ dahˬ 12:5

Aˬbyaˬ-aˬ, aˬ yawꞈ-euˬ miˬ zaˬ Saˬlehˇ hawˇ-eu aˬ yawꞈ-euˬ aˬ duˇ Lawˇtaˬ-ahˇ sheuˬ-awˇ, Kaˬnaˬ miˇ kʼahˬ-ahˇ iˇ-euˬ meh. Haˬlaˬ meuˬ-ahˇ jawˇ ngeh, aˬ yawꞈ neh mˇ jaˆ-euˬ pyuˇ shuiˇ myawˬ gahˬ dawˬ tawˆ luꞈ yuˇ gʼeh-awˇ, zaˬ kʼaˆ dawˬ tawˆ luꞈ sheuˬ gʼeh-euˬ meh. Aˬ yawꞈ maꞈ Kaˬnaˬ miˇ kʼahˬ-ahˇ iˇ keuˆ ngeh,

Aˇ dahˬ 14:12

Kʼoeˇ ngeh, Aˬbyaˬ-euˬ aˬ duˇ Lawˇtaˬ gʼaˬ Sawˇdoˬ meuˬ-ahˇ jawˇ luꞈ-eu miˇ neh, sahˬpaˬ kʼoeˇ deuˬ aˬ yawꞈ-ahˇ nyehꞈ gʼeh-awˇ, aˬ yawꞈ-euˬ pyuˇ shuiˇ myawˬ gahˬ dawˬ tawˆ luꞈ yuˇ jiˇ gʼeh-euˬ meh.

Aˇ dahˬ 15:7

“Ngaˇ-aˬ, miˇ kʼahˬ heu kʼahˬ nawˬ-ahˇ biꞈ-eu gʼaˇ duˬ, Baˬbuˇloˬ miˇ kʼahˬ Uˇlaˆ meuˬ-ahˇ neh nawˬ-ahˇ sheuˬ doˆ laꞈ-euˬ Sahˬpaˬ Miˬyehˇ ma” lehˇ, Aˬbyaˬ-ahˇ Sahˬpaˬ Miˬyehˇ ehˇ nehˬ-euˬ meh.

Aˇ dahˬ 24:10

Aˬbyaˬhaˬ-euˬ pyuˇ shuiˇ myawˬ gahˬ dawˬ tawˆ luꞈ-ahˇ haw-eu pyaˆ-eu zaˬ kʼaˆ kʼoeˇ gʼaˬ, Aˬbyaˬhaˬ-euˬ law taw tseˇ mawˇ teh-awˇ, Maˬsoˬpoˬtaˬmiˇ miˇ kʼahˬ laꞈ taˆ paw jaˆ-eu Naˬkawˬ jawˇ-eu meuˬ-ahˇ le-euˬ meh.

Aˇ dahˬ 24:15

Aˬ yawꞈ guiˬ lahˬ shaˇ gʼaˬ-eu maˬ dah ni, Leˬbehˇkaꞈ muiˇ deuˇ oeˬ lahˬ tiˬ siˬ baꞈ-awˇ, lah duˬ-ahˇ oe keuˆ taˬ-euˬ meh. Leˬbehˇkaꞈ-aˬ, Beˬtuˬlaˇ-euˬ aˬ buˇ pyeuꞈ-eu meh. Beˬtuˬlaˇ-aˬ, Aˬbyaˬhaˬ-euˬ aˬ nyiˇ Naˬkawˬ hawˇ-eu Miˇlaˬkah aˬ nyaꞈ dzeˇ zaˬ-euˬ aˬ li pyeuꞈ-eu meh.

Aˇ dahˬ 27:43

Ngaˬ li-oˇ, ngaˇ kʼaˇ ehˇ-eu loꞈ-ehˇ nymˬ-mˇ jahˇ-awˬ. Haˬlaˬ meuˬ-ahˇ ngaˬ-euˬ aˬ mahˇ aˬ da Laˬbaˬ jawˇ gaˇ yaw kawˇ-ehˇ cehˆ leˇ-awˬ.

Aˇ dahˬ 28:10

Yaˬkoˆ-aˬ, Beˬlaˇsheˬba-ahˇ neh doˆ-iˇ-awˇ, Haˬlaˬ meuˬ paw iˇ gʼeh-euˬ meh.

2 Sahˬpaˬ 19:12

Goˇzaˬ meuˬ, Haˬlaˬ meuˬ, Yeˬzehˇ meuˬ heu deuˬ-ahˇ ngaˬ-euˬ aˬ poeˬ aˬ bawˇ deuˬ neh laˆ luˬ laˆ seˇ nehˬ-awˇ, Teˬlaˬsaˬ meuˬ-ahˇ jawˇ-eu Behˬteˬdeˬ tsawˇ haˬ deuˬ-ahˇ sehꞈ-euˬ kʼawꞈ, meuˬ kʼoeˇ deuˬ-euˬ miˬ yehˇ tiˬ gʼaˬ-iˬ aˬ yawꞈ-euˬ tsawˇ haˬ deuˬ-ahˇ maˬ ka kʼoꞈ nehˬ nya-aˬ.

Neˬhaˬmiˇ 9:7

Aˬbyaˬ-ahˇ tseˇ doˆ-euˬ Miˬyehˇ, Sahˬpaˬ Miˬyehˇ nawˇ gʼaˬ pyeuꞈ-awˇ, Baˬbuˇloˬ miˇ kʼahˬ Uˇlaˆ meuˬ-ahˇ neh, aˬ yawꞈ-ahˇ nawˇ sheuˬ doˆ laꞈ-awˇ, aˬ yawꞈ tsawˇ myahˇ Aˬbyaˬhaˬ lehˇ, nawˇ myahˇ paˇ nehˬ-euˬ meh.

Yawˇbaˆ 1:17

Zaˬ kʼaˆ kʼoeˇ gʼaˬ kʼoeˇ loꞈ-ehˇ ehˇ gʼaˬ-eu maˬ dah ni, zaˬ kʼaˆ tiˬ gʼaˬ paˇ cehˆ keuˆ laꞈ-awˇ ehˇ-eu, “Kaˬlaˬdehˇ tsawˇ jeuˬ taˆ smˬ taˆ nga maꞈ-ahˇ ceh le-awˇ, law taw dawˬ tawˆ luꞈ teh geuꞈ gʼeh-euˬ uˬ taꞈ, nawˬ-euˬ zaˬ kʼaˆ dawˬ tawˆ luꞈ-ahˇ sehꞈ jiˇ-awˇ, gaˇ kawˆ heu nawˬ-ahˇ tsaꞈ gaˬ laˇ nya ni ngaˇ tiˬ gʼaˬ dzeuˇ-iˇ-euˬ tehꞈ ma.”

Iˇsaˬyaˇ 37:12

Gaˬzaˬ meuˬ, Haˬlaˬ meuˬ hawˇ-eu Yeˬzehˇ meuˬ kʼoeˇ deuˬ-ahˇ, nga maꞈ-euˬ aˬ poeˬ aˬ bawˇ deuˬ neh laˆ cawˆ byoˆ nehˬ-awˇ, Teˬlaˬsaˬ meuˬ-ahˇ jawˇ-eu Behˬeˬdeˬ tsawˇ haˬ deuˬ-ahˇ aˬ yawꞈ maꞈ neh sehꞈ-euˬ kʼawꞈ, aˬ yawꞈ maꞈ-euˬ miˬ yehˇ tiˬ gʼaˬ-iˬ aˬ yawꞈ maꞈ-ahˇ maˬ ka kʼoꞈ nehˬ nya-a.

HeˬByehˇ 11:8

Miˬyehˇ neh Aˬbyaˬhaˬ-ahˇ biꞈ-eu lehˇ saˇ jaˇ dzaˬ taˬ-euˬ miˇ kʼahˬ-ahˇ iˇ-eu gʼaˇ duˬ Miˬyehˇ kuˇ ngeh, Aˬbyaˬhaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Yawˬ ha aˬ gaˇ ya iˇ-eu maˬ siˬ nya kʼawꞈ, aˬ yawꞈ-euˬ miˇ kʼahˬ-ahˇ byehˇ dzeh yaꞈ-awˇ doˆ-iˇ-euˬ meh.